عاااااااااااااااااااااااااااجل : عودة الدكتور عبدالله حمدوك بدعم سعودي امريكي* *الآن* ____________________________ *المملكة العربية السعودية تعلن عن دعمها المطلق لعودة الدكتور عبدالله حمدوك لرئاسة الوزراء في السودان، في خطوة هامة تهدف إلى إنهاء حالة الحرب وإحلال السلام في البلاد وقد تم بالفعل تضمين المقترح لعودة حمدوك باختيار حكومته بمشروع دعم سعودي خليجي ضخم يفوق الستمائة مليار دولار أمريكي، مع شراكة استثمارية خليجية أمريكية على مستوى كل الثروات المعدنية والحيوانية والزراعية.* *هذه الخطوة تأتي في إطار جهود ولي العهد محمد بن سلمان لدعم الاستقرار والتنمية في السودان، وتعزيز التعاون الدولي و الإقليمي. ويُعتبر الدكتور عبدالله حمدوك شخصية بارزة في الساحة السياسية السودانية، وقد لعب دورًا مهمًا في محادثات السلام والتحول الديمقراطي في البلاد* *السعودية، من خلال دعمها، تسعى إلى تعزيز الاستقرار السياسي والاقتصادي في السودان، وتعزيز التعاون الدولي الإقليمي. هذا الدعم يعكس التزام المملكة العربية السعودية بتعزيز التنمية والاستقرار في المنطقة. *تجدر الإشارة إلى أن الدكتور عبدالله حمدوك هو رئيس وزراء السودان السابق، وقد شغل هذا المنصب من أغسطس 2019 إلى أكتوبر 2021، ثم عاد إليه مجددًا في نوفمبر 2021 قبل أن يستقيل في يناير 2022* *هذه الخطوة الهامة تعكس دعم المملكة العربية السعودية للشعب السوداني في سعيه لتحقيق السلام والاستقرار، وتؤكد على أهمية التعاون الإقليمي في تعزيز التنمية والاستقرار في المنطقة* *#السودان* *#أخبار* *#جديد*
02-22-2026, 09:25 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
Quote: وقد تم بالفعل تضمين المقترح لعودة حمدوك باختيار حكومته بمشروع دعم سعودي خليجي ضخم يفوق الستمائة مليار دولار أمريكي، مع شراكة استثمارية خليجية أمريكية على مستوى كل الثروات المعدنية والحيوانية والزراعية.*
طبعاً هذه مشارع أستثمارية على حساب السودان لسرقة ثروات الشعب السودانى.
الثروات كلها فى غرب السودان وجنوب السودان (ج كردفان + النيل الأزرق) .. ونحن نقول لهم، شوفوا ليكم جقاوة جزوه .. تظل بندقية الأشاوس مرفوعة حتى يكون القرار قرار الشعب السودانى.
بريمة
02-22-2026, 10:22 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11187
يا استاذ زهير ؟ هو ترامب خلا حاجة للخليج يدعمو بها انفسهم دعك عن السودان ؟
انت عايز (لويس بول بريمر ) ثاني في السودان ولا شنو؟ امة السودان هي التي تقرر من يحكمها وليس الرباعية وحمدوك ومن معهم لا نحجر عليهم الحلم فليحلموا كثيرا ولا حرج عليهم ولكن لو عندهم ستمائة مليا نوقع ليهم شيك على بياضة ما تنسى نفرتهم عندما كانو في الحكم دفعو اكثر من ثلاثمائة مليون لامريكا ولم يستردوا عشرها (ثلاثين مليون) ا
02-23-2026, 07:44 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 9373
و ثروات السودان فلكية لمن يعرفها. مشروع الجزيرة و المناقل. مشروع الرهد الزراعي. مشروع القربة الزراعي. صناعة السكر. الذهب. الصمغ العربي. الثروة الحيوانية. المايكا و الكروم بمناجم الانقسنا و التي ما زال الامريكان ينهبونها منذ 1951. السيلكون. اليورانيوم. النحاس. 200 مليون فدان صالحة للزراعةز و الاهم و الاهم و الاهم، السودان اغنى الدول بمصادر المياه السطحية و الجوفية. و علينا ان نتذكر ان صراع العالم القادم يتركز في مصادر المياه. شفت كيف ان 600 دولار مقارنة بما هو مخزون من ثروة في السودان لا تساوي شيئا.
02-23-2026, 10:33 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
Quote: شفت كيف ان 600 دولار مقارنة بما هو مخزون من ثروة في السودان لا تساوي شيئا.
اكيد أنت تقصد 600 مليار دولار امريكي كما جاء في خبر زهير وليس 600 دولار فقط. لمقارنة هذا الرقم وتقييم ضخامته يجب أن تعلم أن مجموع قيمة الاستثمارات السعودية في الولايات المتحدة الامريكية هي 600 مليار دولار امريكي اهو ما يعادل الرقم المذكور في الخبر. فهل يُعقل أن يجتذب السودان استثمارات أجنبية بنفس قيمة الاستثمارات السعودية في الولايات المتحدة الامريكية؟ علماً بأن الاستثمارات السعودية في الولايات المتحدة الامريكية هي نتيجة تراكم طبيعي لعلاقة استراتيجية عمرها 80 سنة تقريبًا. ولم يحدث أن اجتمع ملك السعودية مع الرئيس الامريكي ثم اتخذ قرار بأنه سيوقععلى حزمة استثمارية بقيمة 600 مليار دولار دفعة واحدة. ذلك لم يحدث ولن يحدث لأن آليات السوق متغيرة وغير ثابتة. ولذلك وصلت الاستثمارات لهذا الرقم عبر تراكمات دعمتها تجارب تدريجية وتجريبية ومتصاعدة. الحديث عن استثمار خليجي امريكي في السودان بقيمة 600 مليار دولار امريكي محض خيال أو أمنية أكثر منه خطة قابلة للتنفيذ.
كما ذكرت أنت هنالك نقطة ايجابية مهمة وهي أن السودان يمتلك ثروات معدنية ضخمة (ذهب، وغيره)، وأراضي زراعية خصبة، وثروة حيوانية ضخمة. ولكن هنالك عدد كبير من النقاط السالبة التي تجعل الاستثمار في السودان مغامرة لا يمكن أن تقدم عليها دول ذكية في استثماراتها مثل دول الخليج وامريكا. الاستثمار يحتاج إلى أمن واستقرار سياسي لضمان استمرارية الأعمال وحماية رؤوس الأموال. السودان يفتقر للنظام السياسي المستقر والحروبات التي استمرت منذ فجر استقلاله قبل 70 عام. ولا توجد أي ضمانات للاستقرار السياسي في السودان عبر الحلول المطروحة حالياً، حتى لو افترضنا أن امريكا ودول الخليج قد ترى أن عودة حمدوك قد تكون مخرج للسودان من ازمته الحالية، فذلك لا يكفي لتقديم ضمانات كافية للامول والاستثمارات لإن ذلك يحتاج إلى ضمانات استقرار سياسي تدعمه التجربة والتاريخ.
السودان يفتقر إلى البنية التحتية اللازمة للنهضة الاقتصادية لأن البنية التحتية المتهالكة تجعل تكلفة الانتاج الزراعي والصناعي عالية جداً. من الصعب أن تستثمر الدول الاجنبية في بناء بنيات تحتية في دولة أخرى لأن العائد من مثل هذه الاستثمارات يحتاج إلى زمن طويل وضمانات استقرار عبر هذا الزمن.
ديون السودان الخارجية تُقدر بحوالي 58 مليار دولار، ونسبتها 166% من الناتج المحلي الإجمالي، وهي أعلى بكثير من الحد الآمن (36%). من الصعب جداً لأي مستثمر خارجي أن يدخل دولة بهذا الحجم من المديونية.
القطاع المصرفي السوداني متآكل من ناحية البنية التحتية للمصارف. وبالتالي الحديث عن استثمارات اجنبية ضحمة بدون وجود نظام مصرفي يُمَكِن المستثمرين من سهولة ادارة اموالهم هو حديث غير واقعي.
غياب سيادة القانون وضعف النظام القضائي يخلق بيئة طاردة للاستثمارات الاجنبية. لأن ضعف الاجهزة العدلية يعني أن المستثمر لا يملك جهة موثوقة للجوء إليها في حالة النزاع.
الفساد مستشرٍ في كل مؤسسات الدولة النزاهة والشفافية والمحاسبية عناصر ضرورية لجذب الاستثمارات، والفساد يمنع قيام الثقة بين المستثمر والدولة.
رغم وفرة المصادر الطبيعية في السودان لجذب الاستثمارات، لكن غياب كل العوامل الأخرى مثل الاستقرار، سيادة القانون، كفاءة البنوك، الشفافية والمحاسبية، يجعل مخاطر الاستثمار عالية ويجعل أي حديث عن مبالغ مليارية كشراكة استثمارية فورية غير منطقي، ويتناقض مع قواعد تقييم المخاطر التي يتبعها أي مستثمر دولي.
02-23-2026, 10:53 AM
زهير ابو الزهراء زهير ابو الزهراء
تاريخ التسجيل: 08-23-2021
مجموع المشاركات: 13196
يا حافظ بشير ارجو شاكر لو تود مناقشة اي بوست لي يكون خارج البوست لانه غير مرحب بك وانك شخص غير مقبول عندي بكل ادب ارجو الابتعاد عن ما اكتب والان اعلان السباب عليك ايها الرجل المضل البلوس الكذوب أنا اغلط اكتب الكفر الواح هل انت ربي كلام واحد ابعد من ما اكتب ولن ارحم امثالك من زبالة هذا المنبر يا حقير
02-23-2026, 11:00 AM
Deng Deng
تاريخ التسجيل: 11-28-2002
مجموع المشاركات: 52804
تصحيح وحقيقة خبر ال 600 مليار دولار الذي وصلني مرفقاً مع عودة الدكتور عبد الله وتعجلت في نشره دون الرجوع للمصادر التي كان علي الرجوع اليها للتأكد .. وبالفعل لم اجده لا في وكالة الانباء السعودية ولا موقع الخارجية السعودية .. لذا اعتذر للجميع مع خالص مودتي وتقديري للجميع.. خضر عطا المنان ..
02-23-2026, 11:33 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
Quote: و الاهم و الاهم و الاهم، السودان اغنى الدول بمصادر المياه السطحية و الجوفية.
غير صحيح مطلقاً. هذه معلومة لا تستند إلى أي اساس معرفي احصائي. من ناحية مصادر المياه المتجددة (امطار وتدفق انهار) السودان لا يدخل ضمن الدول ال 50 الاولى من ناحية مصادر المياه المتجددة. حسب تقديرات منظمة الفاو (FAO) فإن إجمالي المياه المتجددة (امطار + أنهار) في السودان هو 38 مليار متر مكعب سنوياً. يمكنك مقارنتها بدول مثل البرازيل = 8,233 مليار متر مكعب سنوياً = اكثر من 200 ضعف حصة السودان. كندا = 2,902 مليار متر مكعب سنوياً = اكثر من 75 ضعف حصة السودان. جمهورية الكنغو الديمقراطية = 1,283 مليار متر مكعب سنوياً= اكثر من 38 ضعف حصة السودان. افريقيا الوسطى = 141 مليار متر مكعب سنوياً = اكثر من 3 اضعاف حصة السودان.
حصة السودان من المياه المتجددة قد تكون الاكبر بين الدول العربية مقارنة بمصروالسعودية والامارات وغيرها من دول المنطقة الواقعة في المناطق الصحراوية.
Quote: يا حافظ بشير ارجو شاكر لو تود مناقشة اي بوست لي يكون خارج البوست لانه غير مرحب بك وانك شخص غير مقبول عندي بكل ادب ارجو الابتعاد عن ما اكتب والان اعلان السباب عليك ايها الرجل المضل البلوس الكذوب أنا اغلط اكتب الكفر الواح هل انت ربي كلام واحد ابعد من ما اكتب ولن ارحم امثالك من زبالة هذا المنبر يا حقير
يا زهير ياخي سيب العوارة بتاعة ما تتدخل وما تجينا وكلام الناس الما عاقلين دا.
اقرا مداخلاتي الاتنين الفوق ديل عشان تستفيد وتتعلم ليك حاجة مفيدة بدل تلفح الاخبار من طرف. اتعلم كيف تدقق وكيف تبقى عندك حساسية للخبر المضروب والخبر الحقيقي يا صحفي.
02-23-2026, 11:49 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
عليك الله لو انت انسان محترم فارقني كلامي واضح انت عايز شنو مني ومن الاشياء الي انا بنكتبها هنا ما تقعد تعمل فيها اخلاقي وانت معروف بين الناس هنا لا زيادة لا ناقصان ان قبل كدا وقفت واحد واحترم نفسو انت ولو عايز الاساءة والاهانة و انا مستعد أمشي ابعد من كدا معك أحيطك علماً بأن محتوى رسائلك وتدخلاتك الأخيرة قد تجاوزت حرية الرأي لتصل إلى حد التشهير، القذف، والمضايقة الإلكترونية (Cyber-harassment) بصفتي مدافعاً عن حقوق الإنسان، أؤمن بحرية التعبير، لكنني لا أقبل بالانتهاك الشخصي. أطالبك بالكف فوراً عن هذه التجاوزات كافة المراسلات السابقة واللاحقة هي الآن موثقة، وفي حال استمرارك بهذا النهج، سأضطر لاتخاذ كافة الإجراءات القانونية المتاحة لحماية خصوصيتي وكرامتي عبر الجهات المختصة. والكلام واضح انت اللي خليك جادي والدوحة ما بعيدة
02-23-2026, 02:32 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
Quote: حيطك علماً بأن محتوى رسائلك وتدخلاتك الأخيرة قد تجاوزت حرية الرأي لتصل إلى حد التشهير، القذف، والمضايقة الإلكترونية (Cyber-harassment) بصفتي مدافعاً عن حقوق الإنسان، أؤمن بحرية التعبير، لكنني لا أقبل بالانتهاك الشخصي. أطالبك بالكف فوراً عن هذه التجاوزات كافة المراسلات السابقة واللاحقة هي الآن موثقة، وفي حال استمرارك بهذا النهج، سأضطر لاتخاذ كافة الإجراءات القانونية المتاحة لحماية خصوصيتي وكرامتي عبر الجهات المختصة. والكلام واضح انت اللي خليك جادي والدوحة ما بعيدة
أنصحك بإتخاذ كافة الاجراءات القانونية لحماية خصوصيتك وكرامتك عبر كل الجهات القانونية. وبالعربي البسيط أعلى ما في خيلك اركبو. ولا تنسى وأنت تركب أعلى مافي خيلك أن تحمل شتلئمك واساءاتك المتكررة لي. وأتحداك أن تجد لي في كل مداخلاتي كلمة واحدة فيها اساءة او شتيمة لشخصك.
ما فهمت الدوحة علاقتها شنو بموضوعنا. ابدأ إجراءاتك القانونية وأديني عنوان محاميك وأنا بدوري سأرسل له عنواني.
قال بصفتو مدافع عن حقوق الإنسان قال 🤭
02-23-2026, 05:26 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9465
حمدوك تانى رئيس وزراء بعد انقلابه على الديمقراطية والتماهى مع العسكر اصلا لماذا نقبل بمقترحات دول إقليميه فى شأن يخص السودان ،،الوساطة واقتراحات الحلول من دول الجوار لاتعنى ام نسلم الجمل بما حمل البرهان يكون ما قصر لو اخرج الامارات من الرباعيه الامارات منظمه او إستراتيجيه عابرة للقارات وللاديان والاخلاق فيما تعارف عليه عموم البشر تظن انها تملك رؤيه وتمسك بكل الخيوط لكنها بكل الاحوال ليست دولة بل وكيل شر محض حتى تكون الامور على بينه لكن دا موضوع تانى اما لو الخبر طلع مضروب فقد كفى الله المؤمنين شر القتال:)
02-23-2026, 11:50 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
نديك كلام نجيض يا زهير، أنا ما قاعد اكتب في المنبر عشان ارضي زول، ولا لمن اعلق على بوستاتك بكون مهتم بإنك راضي ول زعلان. وبالتالي أنا خالص ما مهتم بترحيبك بي او عدم ترحيبك. عشان كدا أنا حأظل اكتب تعليقاتي محل ما رأيت، وقصة إنك تقول لي ما ادخل وما اعلق على بوستاتك دي ما حتحصل، مرة واحدة قبل كدا زميل طلب مني ما اتداخل في بوستاتو واستجبت لرغبتو لتقديرات خاصة. التقديرات الخاصة دي ما بتنطبق عليك وبالتالي ما حاستجيب لطلبك.
داير تمشي المحكمة يا هو دااااك الدرب فاتح وقشة ما تعتر ليك.
داير تشتم وتسئ وتلعن برضو قشة ما تعتر ليك، ويكون في معلومك أنا أبدا ما حأرد ليك الشتائم والإساءات.
طيب حلك شنو؟ عندك عدة خيارات من بينها: 1. تجتهد في التدقيق في الاخبار التي تنقلها بحيث تصبح ذات مصداقية عالية وتقفل باب التشكيك فيها. 2. تتقبل نقدنا لها وتصحيحها والسخرية من طريقة النقل الخاطئة.
02-24-2026, 09:21 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 658
يا طارق لما حمدوك جاء بعد الثورة زول قال ، لما أصله الأمريكان جايبين لينا رئيس ، كان يجيبوا لينا رئيس قوى يخوف العساكر #ما عارف انه حمدوك وبرنامجه الشايله هو برنامج أصلا قايم على وجود العسكر -حمدوك جاء عايز يطبق عمائل آولاد شيكاغو #واحد من الإقتصاديين من تشيلى (أولاد مدرسة شيكاغو) الجهزوا البرنامج ، قال إختاروا أشد الجنرالات وأعتاهم عشان يتحكم فى العباد بالحديد والقتل والنار وهم ينفذوا برنامجهم #المعلومة دى طبعا جد جد
02-25-2026, 01:23 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
Quote: معقولة يا طارق ياخي ما قادر تفرز الزعلان من الما زعلان. الزعلان زهير، عليك الله ابذل مجهود وحنسو يسيب الزعل.
أما عودة حمدوك، انا شخصياً لو السعودية رضيانة بحمدوك حليف الامارات، وحتجيبو لينا شايل 600 مليار دولا، اكيد حاكون فرحان.
ابو الزهور ماعندو عوجة بس بتحسس شوية من البلابسة :) السعودية ماعندها مشكلة مع حمدوك لكن شغالة مع الامارات بنظام الضرات والمكاجرة والاتنين بصفوا امورهم مع بعض على حساب السودان. لكن عموما عودة حمدوك مع انو زول صباح خير والسودان يحتاج كوادر بمستواه ماحتفيد كتير طالما لم تتم معالجة مسألة تعدد حملة السلاح ودمج الجيوش وتصفية ارث الكيزان في مؤسسات الدولة واي قروش حتتدفع قبل حسم الامور دي مصيرها البلاعة (جيوب شلة بورتسودان).
02-25-2026, 05:07 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 658
القال منو ما مخوف العساكر ومال انقلاب البرهان ده ونسة شاي الصباح :) حمدوك خوفهم بالضرب بالبارد مع الاصلاحات الاقتصادية والقانونية وضبط سعر الدولار وتجفيف السوق الاسود وباقي مستنقعات الفساد التي يتغذى منها العسكر والفلول، لكن الشي السقط حجرو انو اتكلم بصراحة عن ضرورة ادراج شركات العساكر من جيش وامن وجنجويد ضمن مظلة الدولة وخضوعها للضرائب والمراجعة القانونية اسوة بباقي المؤسسات، وكمان زعل السيسي البوص بتاع البرهان لما تكلم عن سودانية حلايب وشلاتين وعن ضرورة العلاقات الندية بين البلدين في مصر، يعني باختصار زي ماقال عباس كامل مدير مخابرات السيسي حمدوك لازم يمشي!
02-25-2026, 09:36 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
أنا ما عندي مشكلة مع زهير يا طارق. مشكلتي مع الأخبار الكاذبة البنقلها، وتحديداً مشكلتي مع الاخبار المجافية للمنطق. زهير زعلان عشان أنا انتقدت الخير بتاعو، لو تسميتك لزعل زهير بإنو حساسية من البلابسة بتريحك وبتريحو أنا ما عندي مشكلة مع إنك تسميني بلبوسي. لكن حقو تسأل نفسك: تسميتك لي بالبلبوسي دي هل بتخدم مشروعك السياسي ول بس بتحقق ليك انتصار ذاتي مؤقت؟
مهم شديد جداً يا طارق نتعامل مع مشاكلنا بمعطيات الواقع، الشائعات والاوهام أبداً ما بتنتج حلول وبتقتل الدافع للحلول الواقعية الصعبة. إنتظار الحلول السحرية وتخيل أن تمطر السماء علينا ذهباً او مناً وسلوى دا ما بيحل مشكلاتنا. شائعات زي شائعة ال600 مليار دولار ومعلومات مغلوطة زي معلومة إنو السودان أغنى الدول من ناحية المصادر، ابداً ما بتساعد في النهضة والخروج من الزمة الحروب والازمة الاقتصادية. لان هذه الشائعات عبارة عن مُخدر يضعف الدافعية للإصلاح وبتعزز ثقافة الاتكالية. المطلوب مواجهة الحقائق بحلول منطقية وواقعية قابلة للتطبيق.
مفروض نعرف إنو بناء وطن ما حاجة ساهلة وإننا محتاجين نقدم مجهود وتضحيات عشان نبني وطن. عشان كدا يا طارق يدك معانا عشان لمن حكومة حمدوك تج تلقى الشعب والمفكرين والناس المؤثرين جاهزين يقدموا مجهوداتهم عشان يمشوا في طريق البناء والتنمية.
02-25-2026, 02:40 PM
زهير ابو الزهراء زهير ابو الزهراء
تاريخ التسجيل: 08-23-2021
مجموع المشاركات: 13196
يا حافظ، إنت لسة قاااعد هنا بـِـوسخك ده؟ لا حولا ياخي أمرق يا مرضان، بلا فارغة بلا ادعاءات معاك! بدل القعدة دي أخیر تمشي تكتب ليك أطروحة بأسانيد علمية عن غباء الضالين سواء الكذّابين منهم انا مثلا ، ولا الناس اللي زيك من البلابسة وأذيال الجيش، البتحاولوا تضللوا الخلق بس ناس مكاجرة ساي يا زعيم التويس ياخي ما أبغضك! راجل عديم إحساس بيقولوا ليك 'أمرق من البوست وما مرحب بيك'، وبرضو بتجي تنط وتكتب تاني! دا عشان تعرف إنك زول ما مقروء، وما عندك أي قيمة وسط رواد المنبر ده بس عشان ما اظلمك في حشرة صغيرة كدة، بتحب تجاملك، تدخل ترمي ليك كلمتين وتمرق، والظاهر هي ذاتها أفهم منك وبـِـتعرف تلعب بيك. ترهق نفسك في الرد علي لكن صايم وانت فعلا زول مريض بالعربي الفصيح كدا يا بلبوسي
02-25-2026, 03:27 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11187
يا استاذ زهير اذكرك باننا نحن في شهر فضيل وما عليك الا ان تقول اللهم اني صائم وتُمْسِك عن مفرداتك المسيئة التي لا تنسجم مع نهجك العام في المنبر ورمضان كريم
الأخ علي الكنزي متعك ربي العافية وتقبل منك صالح الاعمال ورمضان كريم عليك، وتصوم وتفطر على خير و جزاك الله كل خير على النصيحة والتذكير والمؤمن دايماً مرآة أخوه، وفي الشهر الفضيل ده التذكير بيبقى عبادة براها لكن اسمح لي أوضح ليك النقطة دي بـ رواقه كدا الصيام ده عبادة، والكلمة الطيبة عبادة، لكن الصيام عمرو ما كان معناهو الزول يجمّد ضميرو أو يسكت وقت الكرامة تتهبش كلمة اللهم إني صائم بنقولها لما يكون الكلام فارغ والسكوت فيهو هيبة، لكن لما الموضوع يوصل مرحلة التقليل من شأن الناس والتطاول المتعمد، هنا الرد المسؤول بيبقى واجب عشان نحفظ الحقوق وما بيبقى إساءة أنا يا أخي الكريم ما بدأت بالتجريح، ولا مشيت هبشت زول في خصوصياتو و الزول الانت قاصدو ده هو اللي اختار ينزّل لغة الحوار لمستوى الانحطاط والانتقاص وكان ردي مجرد دفاع عن موقف ما اعتداء على شخص الهداية اللي طلبتها لينا دي و كتر خيرك عليها، وربنا يهدينا جميعاً.. يهدينا لأدب الخلاف، ويعلمنا نفرق بين النقد اللي بيبني وبين التجريح اللي بـيهدم ما من العدل إنو يطالبوا الزول بيدافع عن كرامته بالسكوت ويخلوا البدأ بالإساءة يسرح ويمرح من غير تنبيه رمضان شهر تهذيب نفوس، ده شي ما فيهو كلام و لكين كمان هو شهر قول الحق بـثبات وحفظ الكرامة من غير عدوان مع كل تقديري واحترامي أخي الكريم .
02-25-2026, 06:09 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
يا زهير أنا أبداً ما حأنحدر معاك لمستوى الشتائم والإساءات. ردودك وإساءاتك وشتائمك لي بعبروا عنك وعن عجزك في انتاج ردود موضوعية.
موضوعي في البوست دا هو مبلغ ال 600 مليار دولار. إنت اعترفت بخطئها ونقلت اعتذار بإسم خضر عطا المنان، ولكن في نقلك للإعتذار أيضاً لم تكن دقيق وفات عليك أن تتثبت وتتحقق من صحة المعلومات في الاعتذار.
Quote: تصحيح وحقيقة خبر ال 600 مليار دولار الذي وصلني مرفقاً مع عودة الدكتور عبد الله وتعجلت في نشره دون الرجوع للمصادر التي كان علي الرجوع اليها للتأكد .. وبالفعل لم اجده لا في وكالة الانباء السعودية ولا موقع الخارجية السعودية .. لذا اعتذر للجميع مع خالص مودتي وتقديري للجميع.. خضر عطا المنان ..
هل خبر عودة حمدوك موجود أصلاً في وكالة الأنباء السعودية او في موقع الخارجية السعودية؟ أرجو أن تتحقق من ذلك يا زهير، وعليك الإعتذار لي وللقراء في حال لم تجد الخبر في وكالة الأنباء السعودية او في موقع الخارجية السعودية. اعتذارك عن نقلك للأخبار الخاطئة والمضللة تزيد من احترام القاري لك وتعزز ثقته فيك. الشتائم والاساءات ممكن اعفيهن ليك لله بمناسبة رمضان، لكن الأخبار الكاذبة والمضللة ما ممكن اعفيهن ليك.
02-25-2026, 06:51 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6731
Quote: القال منو ما مخوف العساكر ومال انقلاب البرهان ده ونسة شاي الصباح :) حمدوك خوفهم بالضرب بالبارد مع الاصلاحات الاقتصادية والقانونية وضبط سعر الدولار وتجفيف السوق الاسود وباقي مستنقعات الفساد التي يتغذى منها العسكر والفلول، لكن الشي السقط حجرو انو اتكلم بصراحة عن ضرورة ادراج شركات العساكر من جيش وامن وجنجويد ضمن مظلة الدولة وخضوعها للضرائب والمراجعة القانونية اسوة بباقي المؤسسات، وكمان زعل السيسي البوص بتاع البرهان لما تكلم عن سودانية حلايب وشلاتين وعن ضرورة العلاقات الندية بين البلدين في مصر، يعني باختصار زي ماقال عباس كامل مدير مخابرات السيسي حمدوك لازم يمشي!
يا طارق اخوى قول بسم الله ،انت كنت عايش معانا فى السودان ولا كان دى أمانيك #حمدوك شخص طيب وابن حلال على قول المصريين وممكن تمشى تشوف كلام عبد المنعم سليمان عنه بعد الانقلاب وكيف قال حمدوك مسكين وعبد المنعم هرش ليه البرهان ودقلو آخوان وساقه عمل معاه لقاء فى بيته أى بيت حمدوك #تانى شئ كل كلامك عن الإقتصاد والدولار وشنو وشنو لا آساس له من الصحة ، غير أنه حمدوك شال قروش السودان وداها تعويض للأمريكان😈 #والأهم من المهم انت نسيت إنه حمدوك شارك مع انقلاب حميدتى+البرهان والشباب يقتلوا فيهم فى الشارع ، مالك نسيت الهتاف الشهير ضده ، وتبريره انه فى حاجات عايز يعملها وطبعا دى حاجات "النيوليبرالية" المرسلنه ينفذها فى السودان #حمدوك حتى وقفته مسكنة ساكت ، كدى أمشى شوفوا وقفته جوار حميدتى (رئيس اللجنة الإقتصادية🤑)
02-25-2026, 07:00 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6731
مولانا سلام~ قريت مقال دكتور مرتضى الغالى فى جريدة الميدان؟ تخت يديك فى رآسك من الهجمة ، الدكتور ناجر مقال لا آساس له من الحقائق ***ما عارفة ناس الميدان مرروها كيف! …كل المقال معلومات مغلوطة عن زيارة كمال إدريس ومشاركته فى مؤتمر ميونيخ …طبعا من حقه وحقنا نكون ضد ناس كمال ادريس ونكتب رأينا عنهم ممكن الدكتور يكتب رأيه لكن الحقائق ما يغيرها #مثلا حول ذهاب كمال إدريس للمؤتمر لقد كانت دعوة رسمية له وكمان قالوا لم تحدث من سنين عديدة مرتضى الغالى قال كمال أدريس مشى لصيق منه وساق معاه وفد تانى شئ كل كتابته عن ما ما دار فى ال15 دقيقة لم يكن صحيحا ' ما عارفة جابوا من وين.
02-25-2026, 11:28 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11187
اخ استاذ زهير لك العتبى حتى ترضى وما رميت من مداخلتي ان اصبح قاضيا بينكما واكن احتراما لمولانا حافظ وكل ما ارمي اليه هو ان تخفف من التعسف في الكلم ولا يحجر عليك احد بالدفاع عن نفسك ولكن مثلكما يهتدى ويقتدى به فعلمونا ادب الحوار ولنرتقي بانفسنا خاصة ونحن في شهر عظيم التجاوز فيه اولى من العين بالعين مع مودتي واحترامي لكما
02-25-2026, 11:33 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11187
عارف يا استاذة هدى سعدت بمعرفة الدكتور مرتضى قرابة الثلاثة عقود مضت وكانت في رحلة عمل داخل السودان وكنت احرص على قراءة ما يكتب ومن الواضح ان هناك فرق شاع بين كتاباته قبل ان يسبق اسمه حرف الدال وبعده مفرداته وما يرد في مقالاته لا يتناسب ومنصبه العلمي فوا حرستاه على ما لا يمكن ان نصفه الا بالانحدار وليس الترقي
02-26-2026, 05:49 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 658
والله ابداع يا هدى ضحكتيني جد 😂 ناس كرتي اراضي واسامة عبدالله والمختفي عوض الجاز وعبدالرحيم محمد حسين ابراج خلو فيها قروش عشان حمدوك يشيلها؟ ولو قصدك على تعويضات اهالي طاقم المدمرة الامريكية، دي تمت بتفاهمات نتج عنها اسقاط الديون واعادة دمج السودان في المجتمع الدولي والحصول على منح وتعهدات دعم للمشاريع الحيوية يعني مكسب للبلد بمقياس الربح والخسارة المادي البحت وسياسيا قرار مبرر ومقبول جدا، ارجعي لأي تقارير دولية متخصصة حول حال اقتصاد السودان قبل وبعد فترة حمدوك مقارنة بالسنتين اليتيمة القعد فيها وسط مؤامرات ودسائس العسكر وبعد ده كلو العملو الكيزان ماعملوه في ٣٠ سنة قبله و ٥ سنوات بعده! وبدل تلومي حمدوك البحاول يصلح لومي الدخلونا في الوكسة دي اساسا ولا مش كده؟
Quote: حمدوك شارك مع انقلاب حميدتى+البرهان
حمدوك تطير عيشتو 😂 يعني انقلب على نفسه ولا شنو؟ طيب الزول ده مرق منها قبل ٥ سنوات ليه الوضع ما اتحسن طالما كان هو وقحت السبب؟ اشبعوا بكميل ادريس ياهو عدلكم يالبلابسة زول دلدول وماجايب خبر الدنيا دي فيها شنو، أنا عارف خيبة املكم جبتو يا الله وامين عشان تطفو بيهو حمدوك لكن شتان بين الثرى والثريا
02-26-2026, 10:43 AM
زهير ابو الزهراء زهير ابو الزهراء
تاريخ التسجيل: 08-23-2021
مجموع المشاركات: 13196
أصحو يا نيامين يا حليكم وهي قصة مناصرة اعداء الثورة و ادعاء اننا ثوار بقي عادي ما عارف لو انتو ما مسلمين والدنيا رمضان كنتو عملتو شنو لو حمدوك هو الخرّب البلد، طيب من يوم مشى ليه الاقتصاد انهار أكتر؟ ليه الجنيه وقع أكتر؟ ليه الحرب اشتعلت؟ ولا دي برضو مؤامرة منو؟ الفرق بين زول حاول يصلّح وسط بحر ألغام، وبين ناس صنعت الألغام ذاتها فرق السما من الواطة لكن واضح إنو في ناس مرتاحة تعيش على الكراهية بدل ما تواجه الحقيقة المشروع الاتنهب في البلد معروف، ووجوهو معروفة، وتاريخهم معروف لكين قروش الكيزان كتيرة تشتري القبيل قال انا وطني وشريف الباقي كله ضجيج.
02-26-2026, 11:53 AM
زهير ابو الزهراء زهير ابو الزهراء
تاريخ التسجيل: 08-23-2021
مجموع المشاركات: 13196
يا طارق عبد الله… حبابك، ورمضان كريم وتصوم وتفطر علي خير لكن خلينا نتكلم عديل بدون لف عشان تسمع ودا ما كلام عادي لكين لو الزول اسه بمارس قصتو معاي ما برحمو اقول فيهو اللي عايز ولا بعرف اخلاق ولا مثقفين لا بطيخ ولا رمضان لانو استفزازي يا حافظ بشير إنت ما مشكلتك إنك مختلف معاي، الاختلاف ده حقك و مشكلتك إنك بتدخل كل مرة بنفس الأسطوانة تشكيك، تقليل، لعب على وتر المهنية خم الاخبار والاخبار ما واقعية وكأنك المالك الوحيد للحقيقة كل مرة تعمل فيها حارس بوابة الحقيقة، وكأنو المنبر ده ما بيمشي إلا بإذن منك يا زول ارتاح إنت ما وصي على وعي الناس كان قلنا ليهم حقيقة ولا اكاذيب ولا خيال أنا لما أتكلم عن موارد السودان أو أرقام الدمار أو تقديرات خبراء زي إبراهيم البدوي، بتجي تعمل فيها المراجع العام، وتتعامل مع الموضوع كأنو شائعة في قعدة ونسة لو عندك رقم أدق، جيبو لو عندك تحليل أقوى، قدمو لكن شغل ده وهم ساكت، دي ما مهنية… دي محاولة تقزيم ساي الفرق بيني وبينك بسيط أنا بطرح رؤية قابلة للنقاش وكمان إنت بتركز على إضعاف الطرح عشان تضعف صاحبو ودي النقطة اللي انت موجوع منها انو كيف زول زيك يقدر يصل لمصادر اخبار وعندو حاجة علي الاقل متجددة وكمان مقروء، وعندي حضور، وبكتب من قناعة إنت داخل في كل بوست لي كأنك بتسجل حضور في كشف الغياب بتفتش ليك زاوية تدخل منها عشان تقول أنا هنا نعم انت هنا لكين قيمتك واضافتك لبوستاتي شنو خليني أكون واضح ليك بدون انفعال أنا ما محتاج تصديقك , ولا محتاج ختمك بالموافقة والناس البتقرا لي قادرة تميز بين طرح جاد ومحاولة تشويش لو داير تناقش، ناقش بفكرة , لو داير تختلف، إختلف بأدب لكن شغل الاستفزاز المقصود ده، أنا قاريه صاح وأيوه، بعرف إنك بتخلق السجالات دي عشان تسجل حضور على حساب اسمي لكن نصيحة أخيرة وهي ما كل ظهور بضيف ليك قيمة انت اقدم مني في المنبر دا أحياناً الصمت أذكى ومن الآخر كده لو وجودي مستفز ليك للدرجة دي، وفر على نفسك أبعد من بوستاتي ما تجيها، وما تداخل فيها لأنو طالما جيت، وطالما حاولت تقلل ح تسمع مني كلام ما ح يعجبك دي ما معركة شخصية، دي حدود وأنا بحطها هنا بوضوح كان انت بتحس وعندك قليل من احترام الذات يا قاضي سوق الزلعة لو بتعرفو يا قاضي الغبره قالوا قاضي والله دا ما ينفع Court Usher اللهم أني قد بلغت فاشهد
02-26-2026, 03:34 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11187
Quote: اسقاط الديون واعادة دمج السودان في المجتمع الدولي والحصول على منح وتعهدات دعم للمشاريع الحيوية يعني مكسب للبلد بمقياس الربح والخسارة المادي البحت وسياسيا قرار مبرر ومقبول جدا، ارجعي لأي تقارير دولية متخصصة حول حال اقتصاد السودان قبل وبعد فترة حمدوك مقارنة بالسنتين اليتيمة القعد فيها وسط مؤامرات ودسائس العسكر وبعد ده كلو العملو الكيزان ماعملوه في ٣٠ سنة قبله و ٥ سنوات بعده! وبدل تلومي حمدوك البحاول يصلح لومي الدخلونا في الوكسة دي اساسا ولا مش كده؟
با استاذ عليك ان تعلم ويعلم اهل السودان الحقيقة المرة وهي ان ما حققته حكومة حمدوك من نجاح هو الدخول في مسار إعفاء مشروط لبعض الديون التي في عاتق السودان وذلك بعد تنفيذ إصلاحات اقتصادية محددة. لهذا الاعفاء كان مشروطا ولم يكن فوريًا، بل كان مرتبطًا بتحقيق شروط ما يُعرف بـ “نقطة الإنجاز” (Completion Point) لاحقًا. وبالتالي، الحديث الأدق هو أن السودان في عهد حكومة حمدوك دخل مسار إعفاء الديون وإعادة الاندماج في النظام المالي الدولي، وليس أن الديون “سقطت” بالكامل بقرار سياسي مباشر. ومن المهم الإشارة إلى أن ديون السودان كانت في معظمها مستحقة لمؤسسات مالية دولية ودائنين رسميين (مثل صندوق النقد الدولي، البنك الدولي، ونادي باريس)، وليست ديونًا لحكومات يمكنها شطبها بقرار سياسي منفرد. إعفاء الدين يتم بقرار من الدائن نفسه، أي المؤسسة أو مجموعة الدائنين، ضمن أطر قانونية ومؤسسية محددة، وليس بقرار من الحكومة القائمة في بلد تلك المؤسسة. تعريف HIPC:وم HIPC اختصار لـ Heavily Indebted Poor Countries Initiative، وهي مبادرة أطلقها صندوق النقد الدولي والبنك الدولي عام 1996 لمساعدة الدول الفقيرة المثقلة بالديون على تخفيف أعبائها المالية، عبر مسار مرحلي يتضمن “نقطة قرار” ثم “نقطة إنجاز” بعد استيفاء إصلاحات متفق عليها. عشان كدا بالله يا استاذ طارق ما تخمونا بالكلام الانشائي وليعلم الناس كل الناس ان ليس هناك دين تم اعفائه حتى من دول الخليج الدائنة مثل السعودية ا
02-26-2026, 06:20 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6731
طارق يا طارق انت بتقرأ كتابتى ولا عندك دفوعات بس بإحتمال الناس قالت كدا #كتابتى كانت حمدوك شال قروش السودانين أداها الأمريكان وجيت براك كررت نفس الكلام! #انت فاكرنى غبية أقول شخص مدفوع ليه لو ما قالها بنفسه مثال رشا عوض والمنظمات ، أو شفت الشخص عيانا بيانا قبض قروش أو شيك ولا فاكرنى مثال حميدتى قال ناس قحت مرتباتهم تجئ من السفارات! #ما قريت إنه قلنا "كتبوهم" حول المجموعات الجنجويدية اكثر من الجنجويد ديل - كتبوهم ودى هزار لكن ما ممكن ميرغنى المأمون وأحمد حسن جمعة يكتبوا عن ناس من غير إثبات إنهم مدفوع ليهم …فشنو ما تلخبط ساكت #صاح كل الناس عارفة ناس على كرتى خموا قروش السودان وحتى طبعوا عملات مزورة ، جاء سؤال عنها فى امتحانات الجامعة الأهلية بعد الثورة سؤال دخلوا فيه الرب رب😊 #حمدوك وغيره ما من حقهم يشيلوا قروش الشعب السودانى يعوضوها للأمريكان بسبب أفعال الشعب ما عملها ، يشوفوا القاموا بالعمل منو ويقلعوا منهم القروش #ما سمعت أو قريت مقترح الراحل محمود حسنين ، انه بعد الثورة كل العمائل الإرتكبها أو شارك فيها الكيزان وحكمهم تسقط عن السودان لأنه الشعب السودانى ما مسئول عنها. #دا مختصر ، لكن الكلام طويل حول قلع قروش الشعب السودانى ودفعها تعويض والشعب من بلده ما مرق ولم يكن سبب مصائب فى بلاد الآخرين
Quote: حمدوك تطير عيشتو 😂 يعني انقلب على نفسه ولا شنو؟ طيب الزول ده مرق منها قبل ٥ سنوات ليه الوضع ما اتحسن طالما كان هو وقحت السبب؟ اشبعوا بكميل ادريس ياهو عدلكم يالبلابسة زول دلدول وماجايب خبر الدنيا دي فيها شنو، أنا عارف خيبة املكم جبتو يا الله وامين عشان تطفو بيهو حمدوك لكن شتان بين الثرى والثريا
#آولا يا طارق خليك مؤدب فى التحاور، ماعون اللغة مليان ، أفضل تختار كلمات مهذبة وحقائق وانت تحاور الآخرين #ثانيا: انت عايش وين، ما عارف الحصل فى السودان ، أعيده ليك تانى ، حمدوك يوم ٢١/١١/٢٠٢١ بعد مجزرة بحرى وقتل الشابات والشباب وترويع كل المنطقة ورش البمبان للناس داخل منازلهم وحرق الأشجار أمام البيوت - حمدوك رجع وكمان سايقه عبد الرحيم دقلو ولقى العسكر والجنجويد والكيزان وبرمة ناصر وغيرهم فى إنتظاره ومضى معاهم حاجة كدا ورفعها كمان. #قعد شهر وزيادة وبعدها قدم إستقالته وسافر الأمارات على رأس السنة وقال فى خطابه المدنيون لم يتفقوا - أكثر من دا عايز شنو؟ حمدوك ما زعلان من العساكر والكيزان والجنجاكيزان
02-26-2026, 06:47 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6731
Quote: عارف يا استاذة هدى سعدت بمعرفة الدكتور مرتضى قرابة الثلاثة عقود مضت وكانت في رحلة عمل داخل السودان وكنت احرص على قراءة ما يكتب ومن الواضح ان هناك فرق شاع بين كتاباته قبل ان يسبق اسمه حرف الدال وبعده مفرداته وما يرد في مقالاته لا يتناسب ومنصبه العلمي فوا حرستاه على ما لا يمكن ان نصفه الا بالانحدار وليس الترقي
سلام واحترام أخى أستاذنا على~ مرتضى الغالى دا صحفى شنو دا ! ولا يكلف نفسه بمراجعة المعلومات والحقائق وينجر كلام من رآسه أو يكون لفحه من التزوير الحائم من جهات عن قصد فى الغالب أو عدم معرفة الموضوع دا كتبه فى عدد من الأماكن ولا جهة ما حققت من المعلومات قبل ما تنشره #تُوجد قاعدة مهمة ، لو الصحفى كتب معلومات خاطئة وصحيفة أو آى جهة نشرتها من غير تدقيق ، كلهم يفقدوا المصداقية لو ما استدركوا وصححوا المعلومة. #فى المحاكم شهادتهم ممكن تكون مشكوك فيها
02-26-2026, 09:09 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11187
يا استاذة هدى نحمد الله ان الام السودانية ولادة وما زال هناك رجال ونساء يزدون عن هذا الوطن ويضئون بالحقائق الغائبة عن اكثر الناس عايزين يخمونا بكتاباتهم هذه
02-27-2026, 01:26 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
سلام يا هدى مشيت قوقلت مقال مرتضى الغالي وقريت شوية كدا وما قدرت اكملو. المسألة ما بس في الاكاذيب، المشكلة في سطحية الاكاذيب وعدم احترامها لعقل القارئ. دا اسمو "تبهيم القارئ"، وتبهيم القارئ هو افتراض أن القارئ بهيمة من غير عقل. والمحبط بالجد هو إنو المقال نشرته عدد من الصحف والمواقع بدون ما تنتبه لسطحية الاكاذيب. معاملة القارئ كبهيمة بدون عقل دي بالجد حاجة ما محترمة.
02-27-2026, 02:17 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8449
Quote: مشكلتك إنك بتدخل كل مرة بنفس الأسطوانة تشكيك
يا زهير ما في أي تشكيك، في إثبات واضح إنو خبرك غير صحيح وغير قابل للتصديق اصلاً. والفرق كبير بين الخبر الغير صحيح فقط والخبر الغير صحيح وغير قابل للتصديق. لمن تجيب خبر بأن عودة حمدوك مصحوبة بدعم مالي قدره 600 مليار دولار ببقى خبر ما بس خبر غير صحيح، خبرك بيبقى خبر غير قابل للتصديق ولا يحترم عقل القارئ.
Quote: بعرف إنك بتخلق السجالات دي عشان تسجل حضور على حساب اسمي
🤣🤣🤣 زهير ياخي خليك جادي شوية. معقولة أنا او أي زول عاقل غيري يكون داير يسجل حضور مع زول زيك ما بيعرف ال600 مليار دولار قدر شنو؟ سيب الاوهام دي وحاول اعرف موقعك عشان تقدرر تتحرك منو لقدام.
02-27-2026, 05:44 AM
ترهاقا ترهاقا
تاريخ التسجيل: 07-04-2003
مجموع المشاركات: 9932
يلا يا طارق أنا عندي مشكلة مع السذاجة والسطحية في تناول الامور. اسمع كلام بكري الجاك (الناطق الرسمس بإسم تحالف صمود) في الفترة من الدقيقة 26:30 - 28:00. وتعال راجع عشان تقول لي منو الفيكم رايح ليهو الدرب، إنت ول بكري الجاك؟ الفيديو بتاريح فبراير 21، 2026، يعني قبل يوم واحد من بوست صديقنا الصحفي ابو الزهور.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
Hafiz Bashir
Biraima M Adam
Ali Alkanzi
mohmmed said ahmed
Deng
Mahjob Abdalla
Abdelrahim Mohmed Salih
طارق عبد الله
هدى ميرغنى
ترهاقا
فيس بوك
تويتر
انستقرام
يوتيوب
بنتيريست