وانسحاب تكتيكي آخر من جبرة الشيخ بعد كم يوم، وظهور اللص دقلو في فيديو يولول ويجنبه علمه الأصفر البائس ويسب الشقيقة مصر أخت بلادي. يا رياض عذبة النبع وريقة يا حقيقة انت يا أخت بلادي
02-10-2026, 08:08 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 36649
ما بيناتنا يا بريمة، خلاص انسحاب إنساني للجنجويد من بارا بعد ساعات وبعد كم يوم برضو انسحاب إنساني من جبرة الشيخ، لكن لو اللص ظهر في فيديو يلعن في المصريين، ح نرجع للبوست ونسمي الإنسحاب بالعريد اتفقنا؟
02-13-2026, 02:50 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 6720
ردك يامستنير خلاني احاور جي بي تي مدة طويلة اصلا كنت ابحث عن بيت شعر ماعارف حق منو يقول غنت البلابل ام بكت كلو واحد -------- تمام… إذن سأقدّم الثلاثة معًا، كل واحد بنبرة مختلفة، وكأنك تمسك زوايا الفكرة كلها بيدٍ واحدة ✨ 1️⃣ مقدّمة كتاب (نبرة تأمّلية رصينة) غنَّت تلكَ البلابلُ أم بكت؟ ليس هذا سؤالًا عن الطيور، بل عن الإنسان حين يُصغي. فالصوت في ذاته محايد، أمّا معناه فيتكوّن لحظةَ عبوره الوعي. ما نسمّيه غناءً قد يكون حزنًا مهذّبًا، وما نسمّيه بكاءً قد يكون فرحًا لم يجد غير النغم ستارًا. من هنا تبدأ هذه الصفحات: من الإيمان بأن الجمال ليس خاصيةً في الأشياء، بل علاقةٌ خفيّة بينها وبين من ينظر أو يسمع. 2️⃣ فقرة شعرية مكثّفة (لغة عالية الإيقاع) غنّت تلك البلابل أم بكت؟ لا أحد يدري، فالدمعة إذا خفّت صارت نغمة، والنغمة إذا ثقلت صارت دمعة. نحن من نُسمّي، ونحن من نُحمّل الصوت ما لا يحتمل، ثم نعود فنصدّق أن الطبيعة تشاركنا الحزن أو تحتفل بدلًا عنّا. 3️⃣ فقرة عقلانية / فلسفية (للتحليل أو التدريس) السؤال «غنّت تلك البلابل أم بكت؟» يمثّل مثالًا دقيقًا على إسقاط المعنى. الصوت ظاهرة فيزيائية واحدة، لكن تفسيره يتبدّل بحسب الحالة النفسية للمتلقّي. هنا لا تكون الطبيعة ذات شعور مستقل، بل تصبح وسيطًا تعبيريًا يُفرغ فيه الإنسان خبرته الداخلية. الجمال، في هذا السياق، ليس خاصيةً موضوعية، بل نتيجة تفاعل بين الإدراك والذاكرة والانفعال. 🧩 الخيط الذي يجمعها كلها الشعر يقول: الصوت يشبهنا الفلسفة تقول: المعنى نصنعه نحن والأدب يقف بينهما، مبتسمًا، ويترك السؤال مفتوحًا ربما لم تغنِّ البلابل ولم تبكِ… ربما كانت فقط صادقة، ونحن مَن احتاج إلى تفسير. إذا رغبت، أستطيع: تحويل هذا كله إلى فصل كامل بعنوان واحد أو تنقيحه ليكون بيانًا فكريًا قصيرًا أو جعله نصًا افتتاحيًا لمحاضرة أو درس أدبي قل لي أين تريد أن يستقرّ هذا الجمال، وسأصوغه على مقاسه.
02-13-2026, 02:53 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 6720
هلا ول ابا بريمة الشئ دا بالجد خطير ومخيف جدا كما قال ايلون ماسك: سيكون دور البشر ثانويا في وجود التطبيقات دي يمكنك جعله محاورا لامثيل له بس فتش مدخل وشوفه بتجدع ليك كيف هههه
02-14-2026, 09:46 AM
قصي محمد عبدالله قصي محمد عبدالله
تاريخ التسجيل: 02-28-2014
مجموع المشاركات: 5162
أها "حصل أنا كضبت عليكم؟!" كما توقعت ظهر اللص في خطاب يشكو من الطيران المصري الشقيق، ويمهد للانسحاب من كردفان كما انسحب من الخرطوم بسبب مسيرات مصر الشقيقة أخت بلادي، أمرق من كردفان مرق جلدك يا حرامي
03-05-2026, 02:16 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3973
المستنير، بالمناسبة قصة محاولة أستردادكم لمدينة بارا .. هى perfect سياسة "فرق تسد" ..
السيد كبير القوم الذى هرب من مستريحة الأن يحاول فصيله مع فلنقايات المشتركة إسترداد بارا ومحاولة التقدم لفك حصار الأبيض. لا محل للثأر القبلى فى هذه الحرب، كل يحتمى بالقبيلة أو يقاتل من أجندات قبلية مصيره إلي زوال.
أنا مع ال play down المشهد الذى يقوده الزعيم. الزمن وحده كفيل بإحقاق الحق.
بريمة
03-05-2026, 11:39 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11521
هل من عاقل يصدّق أن قوات مناوى والشيخ موسى تنتصر على قوات تأسيس؟
بعدين المنطقة التى نطقها صاحب الفيديو ب "البادراب" .. أوصلت له الأسم خطأ، الصحيح: "البرداب"، منطقة يعمرها الفلاتة غابيرو الذين هاجروا للسودان من نيجريا نصرة لنداء الأمام المهدى.
فى أخر الفيديو ترون شيخ موسى هلال والقائد مناوى، لا يوجد أثر لقيادات الجيش السودانى
الغريبة يا منّا، الجنجاكوز دا (بريمة) هو الوحيد من جنجويد المنبر العندي معاه نفاج علاقة في المنبر بحكم علاقة شمبات القديمة، لكن الباقين نها ئي لا أفتح بوستاتهم، صحباني الجمهوريين كلهم عملت ليهم ان فريند.
عندي واحد من أخواني (توفى) وتلاتة من أصدقائي ومعارفي من الجمهوريين ديل كلهم بمثلوا المظلة الأخلاقية بتاعتي، كلما أفكر في حاجة غير أخلاقية بظهروا لي كلهم الآن أخوي دا توفى والجمهوريين سقطوا، باقي التلاتة ديل
المهم سقوط الجمهوريين حسسني بشوية حرية
03-08-2026, 00:28 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 36649
ما تخرجوا من ثيما البوست .. توقعات المستنير فشلت .. لأن التوقعات كانت مبنية أصلاً علي "فزعة" الحليف فى الطرف الشمالى ولم تكن ثورة الشيخ الفلولى فى الرادار.
ما يحصل شيئ جديد منفصل عن البوست الأصلى.
I rest my case
بريمة
03-08-2026, 02:18 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3973
أبداً يا بريمة، أنا تنبأت بهروب اللصوص من جبرة الشيخ بمساعدة الشقيقة مصر، وخروج حميدتي يجعر، موضوع بارا معروف شغل داخلي بواسطة متحرك الصياد، وما زلت متمسك بنبوءتي؛ الجنجويد ح يندحروا من جبرة الشيخ بواسطة الطيران المصري سيم سيم الحصل في جبل مويه واللص الكبير ح يطلع في فيديو يجعر.
03-17-2026, 09:53 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 36649
أجمل الحلوين، عهودك وين؟ لو أنت ناسي الناس أنحنا ما ناسين أجمل الحلوين: الوقت سنة 88 أيام إنتخابات الرئاسة الأمريكية، راكبين لوريين (مثنى لوري)، واليوم بالشهر العربي كان يوم تلطاشر، متحركين من جبرة الشيخ وماشين أم بادر. الوكت كان بعد الساعة عشرة بالليل وكنا راكبين في اللوريين حداشر بت وتلطاشر ولد، والدكتور المشرف وطباخ ومساعد طباخ، والمساعد البيطري بتاع سودري ومعاهو عود, زايد السواقين والكمساريين وزي تلطاشر خروف.
ونحنا ماشين، اللوري السايقو نابري وحل في قوز رمل، وقفنا اللوري التاني في حتة ثابتة ونزلنا الصاجات وبدأت الناس تنزل للإستمتاع بدق الصاجات والنسيم والرمل وضوء القمر. في اللوري بتاعنا كانت معاي واحدة من بنات الحلنقة بكسلا اسمها قمر، قالت لي: بكوري أبو طويلة، عليك الله، أفتح لي الباب الخلفي بتاع اللوري وخليني أتكل في كتفك الطويل دا وإتا في الأرض؛ عشان أنزل أتذكر يا أخوانا، وما طالبني حليفة، أتذكر عاينت ليها وأنا قاعد في شوال جوة اللوري وهي واقفة، أتذكر إنعكاس ضوء القمر من الزمام الذهبي الكانت لابساهو في عيوني، قلت ليها بفرح شديد وباللهجة المصرية: أوي أوي هو نحنا نطول قالت لي من ناحية طول إتّا طويل... بسرعة ورشاقة وخفة شديدة تلبت من اللوري وفتحت الباب ووقفت جنبو وشبكت يديني وقلت ليها أنزلي في يديني قالت لي لا، إتّا بس خليني أثبت يدي اليسار في كتفك وبعدين بنط في الرمل
وقفت جنب اللوري ديدبان، وشديت الكتف، هي جلست في طرف اللوري بعد جدعت شبطها في الرمل، وختت يدها في كتفي ونطّت ومع وصول أقدامها للأرض صرخت بصوت عالي، إلتفت لقيت طرف الإسكيرت (الإسكيرت من نوع الإسكيرتات الواسعة بتاعة زمان أيام القماش رخيص) إتعلق في مسمار في خشب اللوري، بسرعة حررت الإسكيرت وقلت في سري تيمناً بالتراث الديني: سبحان الله مثبت القلوب!!
أجمل حاجة كانت بتميّز قمر دي، غير حلاتا وزماما، كانت ضحكتها الدائمة والقعقعة في بعض الأحيان، وأنا وحات الله، ردتها (أحببتها) قبل حكاية تثبيت القلوب بمسمار اللوري!!
الصرخة خلت الناس كلهم جونا بخشم باب اللوري، وبضحكتها اللذيذة قالت للفاجعين: ما في حاجة، إنزلقت من اللوري وبعد الجماعة إنتشروا همست لي في أذني: وحات الله، يا أبكر، الحصل دا تمرقو؛ بخاصمك... رديت ليها بابتسامة.
تذكروا الطيب صالح في واحدة من رواياتو وقف اللواري في الخلا جنب بعض وصنع ليهو حفلة؟ أها لمان اللوري أبى يطلع كان الأستاذ المشرف على الرحلة دكتور محمد الأمين ومعاهو الدكتور البيطري بتاع سودري كانوا لحقونا باللاند روفر 110 بتاع البطري وقال لينا: أوكي نزلوا السراير وأعملوا العشاء خلونا نبيت هنا.. كل واحد فينا كان عارف مهمتو شنو، انتشرنا والطباخين جهزوا عدتم وأنا ومعتصم ضبحنا خروف وعلقناهو في شجرة، وبقية الناس صنعوا دائرة مع المساعد البيطري وقمر مسكت الإيقاع بدأ بأغنية الراقصين التويا كلمولي أبويا عشان أروح الدونكي اجيب شوية مويه
كان اول مرّة أسمع الأغنية دي، كوركت للسواق الوحل اللوري وقلت ليهو: أحبك يا نابري الحب الجد جد جاني بعد إتعشينا والفنان غنى لينا أجمل الحلوين عهودك وين لو إتّا ناسي الناس أنحنا ما ناسين وصوت البنات البشيلن معاهو يرددن: يا أجمل الحلوين عهودك وين وأنا واقف أصفق ولمان يقولوا عهودك وين؟ بعاين بخبث لضابط الإيقاع وأشّر بأصبعي لقلبي
يا أخي، وحات الله، ما بقدر أوصف ليكم لمعان أسنان قمر مع أبتسامتا وزماما وضوء القمر ونشوة اللحظة!
يا أخي، الطيب صالح شنو ولواري شنو؟؟
تزوجت طبعاً بعد إتخرجنا مباشرة، ما بخلوهن بحلاتن دي!! بعد عشرين سنة من حادث الاسكيرت وتحديداً عام ٢٠٠٨ لاقيتا في قاعدة الصداقة أيام احتفالات اليوبيل الماسي لكلية البيطرة، قعدنا في كافتريا في بهو فندق القاعة، نفس الروح الحلوة والقعقعة الخليتها بيها من عشرين سنة، قلت ليها: يعني يا قمر، يوم ختيتي يدك في كتفي ونطيتي من اللوري والإسكيرت إتعلق في المسمار في ضوء القمر داك، موش عرفتيني أخدت القاضية واتكسرت نهائي فيك؟! - قالت لي: وحات الله، يا أبكر، عارفاك كنت بتريدني وأنا ذاتي كنت بريدك خالص، وأكتر حاجة كان ممكن تخليني أتمسك بيك هي جنّك داك، وعارفا ومتأكدة لو كان إنتظرتك ما كنت بندم، لكن يا أبكر، نحن كنّا دفعة، ونحن البنات بننتبه للحياة قبلكم خالص، وإتّا كنت مطرطش خالص ولو حاولت أنبهك وأخليك تركز كنت بتفقد طرطشتك الحلوة دي، وطرطشتك دي يا ها الكنت مكسرا فوقها! قلت ليها: يعني يا بت الكلــــب بعد سبتيني ما كنتي خائفاني أنتحر؟! - إتّا يا بكّة تنتحر؟! يا أخي، بتذكر زمان لمان تكون في حاجة تتطلب الحزن، كنت بعاين ليك بلقاك بتقتش في عيون الناس عشان تسرق ليك شعور إتّا تنتحر يا بكّة؟! عليك الله، قوم قوم جيب القهوة التركية. قمت وأخدت لي لحظة تداركت فيها أنا وين؟ وفي ياتو زمن؟
مشيت جبت القهوة وجيت، ونستها عن كل الرحلة ديك بذاكرة فوتغرافية بطريقة غزل هاشم دا والطيب العباسي ورأيتها وهي تقفز من اللوري تتهادى كغصن بان تأود. بعد خلصت الحكي ختت يدها فوق يدي ونزلت منها دمعة وسقطت في السراميك بتاع بهو الفندق بتقنية التصوير العجيبة بتاعت الأفلام الأمريكية تابعت سقوط الدمعة بالبطي، ولمان إرتدّت من السراميك إنقسمت، وواحدة من النصين استخدمت خاصية التوتر السطحي لدى السوائل وصنعت ليها كرة دموع صغيرة تدحرجت في السراميك مسافة مليمترين تلاتة، خفت الجرسون الجاي يشيل الفاضي بتاع القهوة يعفص الكورة برجلو بدون ما يشعر، وتذكرت نملة سليمان وتشابه كشف بلقيس لساقها من لجة السراميك مع حادثة مسمار اللوري مع الإسكيرت!
باقي ليك قصة زي دي ممكن تنتهي يا مُعاوية الزبير؟
04-14-2026, 05:08 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 6720
بالرغم من فرحنا بطرد الجنجويد اللصوص من جبرة الشيخ وبارا، إلا أنني حزين جداً على هذه المدن التي أصبحت خاوية، الجنجويد ديل يشبهون الجراد إذا مروا بمكان جعلوهو غافر، مجرد أن يمروا فقط يمروا تنعدم الحياة، ليس لهم علاقة بالبشر، ليست لهم مشاعر ولا احاسيس غير الدم والخراب، هم طاعون العصر، يا ترى، أين ذهب السكان البسطاء المساكين؟! أين ذهبت قطعان الضان والإبل؟ أين ذهب البياطرة؟ أين أتيام التطعيم؟ أين ذهبت حلقات السمر في معسكرات التطعيم، أين ذهب الدوباي والجراري والتويا الراقصين التويا كلمولي أبويا عشان أروح الدونكي أجيب شويَة مويه
الله يا أم بادر وسودري وحمرة الشيخ وحمرة الوز وأم قوزين، الليلة والليلة ودار أم بادر يا حليلا زولاً سرب سربا خلى الجبال غربا
07-26-2026, 09:04 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3973
بالرغم من فرحنا بطرد الجنجويد اللصوص من جبرة الشيخ وبارا، إلا أنني حزين جداً على هذه المدن التي أصبحت خاوية، الجنجويد ديل يشبهون الجراد إذا مروا بمكان جعلوهو غافر، مجرد أن يمروا فقط يمروا تنعدم الحياة، ليس لهم علاقة بالبشر، ليست لهم مشاعر ولا احاسيس غير الدم والخراب، هم طاعون العصر، يا ترى، أين ذهب السكان البسطاء المساكين؟! أين ذهبت قطعان الضان والإبل؟ أين ذهب البياطرة؟ أين أتيام التطعيم؟ أين ذهبت حلقات السمر في معسكرات التطعيم، أين ذهب الدوباي والجراري والتويا الراقصين التويا كلمولي أبويا عشان أروح الدونكي أجيب شويَة مويه
الله يا أم بادر وسودري وحمرة الشيخ وحمرة الوز وأم قوزين، الليلة والليلة ودار أم بادر يا حليلا زولاً سرب سربا خلى الجبال غربا
07-26-2026, 11:19 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 36649
هسي البخلي شنو تدخل مصر مطلوب ومحمود وتدخل الامارات مرفوض ومنبوذ أو العكس؟ شغل بني اسرائيل تؤمنون ببعض الكتاب وتكفرون ببعض ده السقط حجرنا، ياتقبل التدخل الاجنبي كمبدأ حتى لو وصل إلى مرحلة البند السابع للأمم المتحدة أو ترفضه كليا. المشكلة طرفي النزاع وصلوا السودانيين لمرحلة انهم يقبلوا بدخول الشيطان نفسه لإنهاء هذه الأزمة.
07-27-2026, 07:30 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11521
تُعد الفنانة الراحلة فاطمة الحاج واحدة من الرائدات والأصوات النسائية التأسيسية في تاريخ الغناء والموسيقى السودانية، حيث ساهمت في فتح الطريق أمام المرأة السودانية لاقتحام مجال الغناء والإعلام في منتصف القرن العشرين. نبذة عن بداياتها وشغفها بالتعليم والموسيقى ولدت فاطمة الحاج في حي العرب بمدينة أم درمان، ونشأت في بيئة محافظة تهتم بالتعليم؛ حيث التحقت بالمدارس الأهلية ثم أتقنت الخياطة والتطريز، وعملت معلمة لمادة تدبير المنزل. كان شغفها بالفن والموسيقى متقدماً على عصرها؛ فتربت على استماع أغاني الحقيبة والأغاني الوطنية، وتعلمت عزف العود بمجهودها الشغوف وبمساعدة وتوجيه من قامات فنية بالحي والمنطقة، وهو ما شكل خلفية موسيقية صلبة لشخصيتها الفنية قبل انطلاقها عبر الأثير. كيفية دخولها إلى الإذاعة (هنا أم درمان) جاء دخول فاطمة الحاج إلى إذاعة هنا أم درمان في خمسينيات القرن الماضي (تحديداً في فترة الاستعمار وبدايات فترة الاستقلال)، في وقت كان غناء المرأة فيه محاطاً بالعديد من القيود الاجتماعية المشددة. الدعم والتشجيع: حظيت فاطمة الحاج بدعم كبير من الموسيقار والفنان برعي محمد دفع الله، إضافة إلى عدد من كبار شعراء وملحني تلك الفترة الذين آمنوا بجمال وصفاء صوتها وإمكانياتها الغنائية. إجازة الصوت والمعاينة: تقدمت للإذاعة واجتازت لجنة إجازة أصوات صلبة وضمت أساتذة وموسيقيين كبار. استطاعت بإحساسها العالي وضبطها للأوزان أن تنال ثقة اللجنة بسرعة. البث المباشر: كان الغناء في الإذاعة في ذلك الوقت يبث على الهواء مباشرة؛ وسجلت برعايتها ومشاركتها أغانٍ جابت أثير السودان، وكان من أبرزها أغنية "توتيل" (التي تتوغّل في جماليات شرق السودان ومدينة كسلا) وأغنية "من أرض المحنة"، إضافة إلى أغانٍ وطنية وعاطفية خلدت اسمها في ذاكرة الغناء السوداني. ظهورها وانتقالها إلى التلفزيون عند افتتاح التلفزيون السوداني في مطلع الستينيات (1962م)، كانت فاطمة الحاج من أوائل الفنانات اللاتي أطللن على الشاشة الفضية. جرأة التواجد البصري: لم يكن التواجد الغنائي عبر الراديو (الصوت فقط) يشكل العائق الأكبر مقارنة بالظهور البصري المباشر على شاشة التلفزيون، إلا أن فاطمة الحاج استطاعت بوقارها ومظهرها الذي يعبر عن المرأة السودانية بالحشمة والـ"توب" السوداني، أن تفرض احترامها على الجمهور والمجتمع. الأداء الحي والمشاركات: قدمت عبر سهرات التلفزيون العديد من الأغنيات بمصاحبة الفرقة الموسيقية للإذاعة والتلفزيون، وكانت مشاركاتها تُبث في المناسبات الوطنية والأعياد، مما جعلها وجهاً مألوفاً وصوتاً محبوباً لدى الأسرة السودانية. الأثر والإرث الفني كسر الحواجز: فتحت تجربة فاطمة الحاج (إلى جانب معاصراتها مثل عائشة الفلاتية ومونا الخير) الباب واسعاً أمام الصوت النسائي السوداني ليكون جزءاً أصيلاً من الهوية الموسيقية الوطنية في أجهزة الإعلام الرسمية. البصمة الصوتية: تميزت بصوت دافئ وقوة في الأداء والتزام تام باللحن، وصارت أغنياتها مرجعاً غنائياً أعاد تغنيتها العديد من الفنانين والشباب في الفترات اللاحقة.
07-27-2026, 10:34 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
Quote: هسي البخلي شنو تدخل مصر مطلوب ومحمود وتدخل الامارات مرفوض ومنبوذ أو العكس؟
الإمارات لو اعترفت بحكومة تأسيس بيكون تدخلها لدعم جيش حكومة تأسيس (الدعم السريع) مبرر قانونياً. المهم تعترف بحكومة تأسيس في الأول. لكن كونها تتبادل بعثات ديبلوماسية وتعترف بحكومة البرهان وفي نفس الوقت تدعم جيش متمرد على الحكومة ال هي معترفة بيها، السلوك دا منافي للقوانين والاعراف الدولية.
ما عندي فكرة عن تدخل مصر في صالح الجيش السوداني لكن لو حصل فدا شي عادي قاعد يحصل بين الدول في كل العالم. كون تدخل مصر ما يكون متسق مع رغباتك السياسية ما بيخليهو مساو لتدخل الإمارات.
07-27-2026, 02:02 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3973
كيف يا حافظ ما عندك فكرة عن تدخل مصر؟! ناس طارق ديل دقاهم الطيران المصري في جبل مويه دق العيش، الآن تأمين شمال كردفان ودارفور ح يكون على طيران أولاد عمنا المصريين
07-27-2026, 11:03 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: ناس طارق ديل دقاهم الطيران المصري في جبل مويه دق العيش
شكرا ليك يا ابو بكر اديتني البراءة صنفتني جنجويدي لأنو بريمة واسماعيل عامليني فلولي تبع دولة 56 😂 الناس عايزينك يا هلال يا مريخ لكن تقول الكورة فطيس وما نافعة الاتنين يقوموا فيك !! ما علينا،،، انا ما حاناقش كلامك لكن سؤال واحد طالما انت محتفي بتدخل مصر وتصفهم بأبناء العمومة زعلان ليه من الجنجويدي لما يستعين بتشاد والامارات؟ ماتقول لي عشان برهان شرعي وحميدتي متمرد بزعل منك 😂
07-27-2026, 10:56 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: الإمارات لو اعترفت بحكومة تأسيس بيكون تدخلها لدعم جيش حكومة تأسيس (الدعم السريع) مبرر قانونياً.المهم تعترف بحكومة تأسيس في الأول.لكن كونها تتبادل بعثات ديبلوماسية وتعترف بحكومة البرهان وفي نفس الوقت تدعم جيش متمرد على الحكومة ال هي معترفة بيها، السلوك دا منافي للقوانين والاعراف الدولية.ما عندي فكرة عن تدخل مصر في صالح الجيش السوداني لكن لو حصل فدا شي عادي قاعد يحصل بين الدول في كل العالم.كون تدخل مصر ما يكون متسق مع رغباتك السياسية ما بيخليهو مساو لتدخل الإمارات.
مرحب يا حافظ ،،، لسه ما تبت من البلبسة؟ 😂 أولا الامارات مع اعتقادي انها متورطة في دعم الجنجويد او على الاقل دورها في الملف السوداني مشبوه وغير حميد الا انها للتصحيح لا تعترف بالبرهان وحكومته ولعلك تذكر بيان وزارة الخارجية الإماراتية بعد اعلان مجلس دفاع حكومة بورتكيزان الكرتوني غير معروف الهدف والصلاحيات قطع العلاقات مع الامارات حيث وصف البيان حينذاك حكومة بورتسودان بأنها غير شرعية ولا تمثل الشعب السوداني ونص البيان متاح على الانترنت من مصادره الرسمية وبالمناسبة كل دول العالم تتعامل مع البرهان بصفته قائد الجيش ومن منطلق الامر الواقع وبالحد الأدنى مع طمام وقرف لحماية مصالحها الخاصة ولا توجد دولة واحدة تصفه برئيس السودان حتى الدول الحليفة له. ثانيا استغرب وصفك تدخل دولة عسكريا في دولة اخرى بانه شي عادي!! وين السيادة ؟ وجيش الكيزان ومقاول المليشيات بعمل شنو؟ وطالما هو فاشل كده القاعد ليها شنو؟ ولا بس داير يحكم ويتفرغ للفساد والنهب بدون يعصر على روحو او يقدم اي تضحية حتى لو من باب حماية الشرف العسكري؟ آخر نقطة تدخل مصر والامارات لدعم اطراف الحرب هو نفس الموقف تقنيا وان تباينت الأطراف وهو يهدف لحماية مصالحهما الخاصة على حساب ارض السودان وسيادة المسكين ودماء بنيه بتسهيل من بعض بني السودان العاقين!!
يا مستنير، أنا قريت بعض التعليقات من مصريين في الفيسبوك بتتكلم عن مشاركة الطيران المصري في معارك في كردفان. كلام من المصريين بقصد تضخيم دورهم في السودان. كلو كلام ساي لا توجد ادلة عليه. من السهل جداً توفير ادلة لحركة الطيران الحربي المصري لو حصل ومن السهل جداً رصد حركة الطيران بالرادارات. وما دام مافي أدلة قاطعة فلا يمكن الجزم بوجود أي تدخل عسكري مصري مباشر في معارك السودان. صحي في بعض التحقيقات الاستقصائية والتقارير الإعلامية ومن بينها تقرير نشرته وكالة رويترز، التقارير حدها إنها قالت في مؤشرات على نوع من التقارب العسكري بين مصر والجيش السوداني متعلق بالدعم الفني وتبادل المعلومات واقصى انخراط قالت به التقارير هو رصد قوات مصرية عند الحدود، لكن مافي مصدر قدم دليل يثبت مشاركة القوات المصرية مشاركة مباشرة في الحرب. وما في جهة مستقلة حتى الآن قدمت وثائق تثبت تدخل عسكري مصري.
دور مصر في الدعم السياسي لجانب حكومة البرهان والجيش السوداني معروف ومعلن، لكن مافي ادلة على تدخل عسكري مصري مباشر.
07-30-2026, 07:31 AM
محمود الدقم محمود الدقم
تاريخ التسجيل: 03-19-2004
مجموع المشاركات: 14778
Quote: واقصى انخراط قالت به التقارير هو رصد قوات مصرية عند الحدود، لكن مافي مصدر قدم دليل يثبت مشاركة القوات المصرية مشاركة مباشرة في الحرب. وما في جهة مستقلة حتى الآن قدمت وثائق تثبت تدخل عسكري مصري.
-يا شيخ حافظ كلامك دا غير دقيق، مصر غاطسة في هذه الحرب حتي الاذنين، اما المصادر موجودة لتورط جيش الكفتة المصري في الحرب السودانية لحرق غرب السودان، منها ما اوردته النيويورك تايمز في شهر فبراير ٢٦ عن قاعد عسكرية لإطلاق المسيرات داخل السودان، وما اوردته رويترز من تدخل عسكري سافرت في الشان السوداني
-وفي ٢٠١٧ الدعم السريع بصفته جزء من الجيش أوقف رتل عسكري مصري داخل السودان متوجه سرا نصرة مناوي، ووقتها كان مرتزق تشادي ضد الجيش حيث طلع البشير علي القنوات العالمية متحسر علي الخيانة المصرية كل ما سبق مبذول علي الانترنت صوت وصورة، فكيف تقول مافي تدخل عسكري مصري في الشان السوداني؟؟؟؟ كلام غريب وعجيب.
07-28-2026, 03:12 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3973
كيف يا حافظ ما عندك فكرة عن تدخل مصر؟! ناس طارق ديل دقاهم الطيران المصري في جبل مويه دق العيش، الآن تأمين شمال كردفان ودارفور ح يكون على طيران أولاد عمنا المصريين
07-28-2026, 07:17 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
يا طارق قلنا من المهم ان تعترف الامارات بحكومة تأسيس وبشرعيتها عشان تدعم الجيش التابع لحكومة تأسيس. عدم اعترافها بحكومة المبرهان ما مبرر لدعمها لجيش يحارب الجيش السوداني المعترف به.
Quote: للتصحيح لا تعترف بالبرهان وحكومته ولعلك تذكر بيان وزارة الخارجية الإماراتية بعد اعلان مجلس دفاع حكومة بورتكيزان الكرتوني غير معروف الهدف والصلاحيات قطع العلاقات مع الامارات حيث وصف البيان حينذاك حكومة بورتسودان بأنها غير شرعية ولا تمثل الشعب السوداني
مافي أي تصحيح هنا. الامارات قالت ما بتعترف بشرعية حكومة البرهان كرد فعل لاتهامات حكومة البرهان لها بالتورط في تقديم الدعم العسكري لمليشيا متمردة على الدولة. يعني الإمارات قدمت دعمها للدعم السريع قبل عدم اعترافها بشرعية حكومة البرهان.
Quote: وبالمناسبة كل دول العالم تتعامل مع البرهان بصفته قائد الجيش ومن منطلق الامر الواقع وبالحد الأدنى مع طمام وقرف لحماية مصالحها الخاصة ولا توجد دولة واحدة تصفه برئيس السودان حتى الدول الحليفة له.
هنا بيجي التصحيح المهم. بعثة السودان الدائمة في الامم المتحدة والتي تمثل حكومة سلطة البرهان مازالت هي البعثة الرسمية التي تتعامل معها الامم المتحدة كبعثة للحكومة سودانية. ولم يتم تعليق عضوية الودان في الامم المتحدة بسبب غياب الحكومة السودانية والبرهان قدم خطابه امام الجمعية العامة للأمم المتحدة بصفته رئيس دولة السودان. دا بالاضافة إلى أنو حكومة البرهان بتمارس سلطة فعلية على معظم اراضي الدولة ومؤسساتها، بما في ذلك القوات المسلحة والوزارات والبنك المركزي والعلاقات الخارجية. قصة عندهم طمام او عندهم وجع نوايط دا كلام عنقالة سياسة ساي وما عندو أي قيمة في العلاقات الدولية ولا في القانون الدولي.
مشكلة العنقالة هي إنهم حدود امكانياتهم في التحليل ضعيفة، فهم في كتير من الاحيان ما بيقدروا على استيعاب الفروقات الدقيقة بين الاشياء. هنا إنت بتخلط بين مفهومين مختلفات: مفهوم الشرعية الدستورية أو الديمقراطية ودي محل نزاع بسبب انقلاب 2021 وما تلاه. والمفهوم التاني هو مفهوم التمثيل الدولي (International Representation)، ودا متعلق بالاعتراف بالجهة التي تملك في نظر القانون الدولي سلطة التعبير عن إرادة الدولة، وبالتالي يحدد من تتعامل معه الدول والمنظمات بوصفه ممثل الدولة.
Quote: آخر نقطة تدخل مصر والامارات لدعم اطراف الحرب هو نفس الموقف تقنيا وان تباينت الأطراف وهو يهدف لحماية مصالحهما الخاصة على حساب ارض السودان وسيادة المسكين ودماء بنيه بتسهيل من بعض بني السودان العاقين!!
يلا دا كلام بتاع عنقالة سياسة ساي. اصلاً ومن الابجديات هو أنو العلاقات الدولية بتقوم على المصالح، يعني مافي أي عيب في إنو دولة تتخذ موقف يخدم مصالحها. لكن النقطة الجوهرية هي أنو التدخلات دي بيتم تقيمها بناءً على الاساس القانوني البتستند عليهو. القانون والاعراف الدولية ما عندها علاقة بتقييم الدوافع والمصالح وراء التدخلات.
الفرق الجوهري بين التدخل المصري الافتراضي لمساندة الجيش السوداني وبين التدخل الاماراتي المُثبت بالأدلة هو: إنو تدخل الجيش المصري إذا تم بدعوة من حكومة البرهان التي تعترف الأمم المتحدة بأنها الممثل لإرادة الدولة السودانية فهو تدخل سليم قانونياً. أما تدخل الإمارات العربية المتحدة لصالح دعم قوات الدعم السريع، فهو دعم يواجه عقبة قانونية وهي أن قوات الدعم السريع لا تمثل الدولة السودانية في النظام الدولي، ولا تشغل مقعد السودان في الأمم المتحدة ومكاتبها التابعة لها، وبالتالي لا يمكن أن تصدر عنها دعوة يمكن أن تُنسب إلى الدولة السودانية.
Quote: ثانيا استغرب وصفك تدخل دولة عسكريا في دولة اخرى بانه شي عادي!! وين السيادة؟
يلا استغرابك دا ما مقياس لأي شي غير بس عدم قرايتك للتاريخ وعدم إلمامك بالتجارب المشابهة في علاقات الدول. في سوريا ورغم إنو نظام بشار الاسد كانت دول كتيرة بتعتبروا فاقد للشرعية لكن ما كان في خلاف حول إنو حكومة بشار هي كانت بتمثل دولة سوريا، وعلى الاساس دا تدخلت روسيا في سنة 2015 بناءً على طلب الحكومة السورية. حكومة العراق برئاسة حيدر العبادي طلبت رسمياً المساعدة العسكرية من الولايات المتحدة لمحاربة تنظيم داعش في سنة 2014. في سنة 2013 الرئيس المالي ديونكوندا تراوري طلب من فرنسا التدخل العسكري لمحاربة الميلشيات الإسلامية المتمردة في شمال مالي. في 2015 الرئيس اليمني عبد ربه منصور هادي طلب رسمياً من دول مجلس التعاون الخليجي التدخل ضد الحوثيين. الامثلة كتيرة لمن اراد أن يقرأ.
07-28-2026, 12:49 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
حافظ انت خالط الحابل مع النابل عايز توصل فكرة ما موجودة اساسا. نجيك واحدة واحدة بس قبل مانبدأ ضروري نثبت مبدأ ان الواقع على الأرض هو العامل الأقوى داخليا بينما الاعتراف الدولي والقانوني مهم خارجيا خاصة في عالم متشابك ومتداخل.
Quote: المهم ان تعترف الامارات بحكومة تأسيس وبشرعيتها عشان تدعم الجيش التابع لحكومة تأسيس
ماضروري ولا في علاقة، التقديرات السياسية شي والعمل المخابراتي شي آخر وتقدير صاحب القرار في الامارات ان المصلحة تقتضي عدم التأييد العلني لحكومة تأسيس مع العمل على دعمها سرا وهذا معتاد في السياسة وليس له دلالة معينة.
Quote: هنا بيجي التصحيح المهم. بعثة السودان الدائمة في الامم المتحدة والتي تمثل حكومة سلطة البرهان مازالت هي البعثة الرسمية التي تتعامل معها الامم المتحدة كبعثة للحكومة سودانية. ولم يتم تعليق عضوية الودان في الامم المتحدة بسبب غياب الحكومة السودانية والبرهان قدم خطابه امام الجمعية العامة للأمم المتحدة بصفته رئيس دولة السودان. دا بالاضافة إلى أنو حكومة البرهان بتمارس سلطة فعلية على معظم اراضي الدولة ومؤسساتها، بما في ذلك القوات المسلحة والوزارات والبنك المركزي والعلاقات الخارجية. قصة عندهم طمام او عندهم وجع نوايط دا كلام عنقالة سياسة ساي وما عندو أي قيمة في العلاقات الدولية ولا في القانون الدولي.
مشكلة العنقالة هي إنهم حدود امكانياتهم في التحليل ضعيفة، فهم في كتير من الاحيان ما بيقدروا على استيعاب الفروقات الدقيقة بين الاشياء. هنا إنت بتخلط بين مفهومين مختلفات: مفهوم الشرعية الدستورية أو الديمقراطية ودي محل نزاع بسبب انقلاب 2021 وما تلاه. والمفهوم التاني هو مفهوم التمثيل الدولي (International Representation)، ودا متعلق بالاعتراف بالجهة التي تملك في نظر القانون الدولي سلطة التعبير عن إرادة الدولة، وبالتالي يحدد من تتعامل معه الدول والمنظمات بوصفه ممثل الدولة.
كلامك مليان مغالطات والبلبسة ظهرت بوضوح. اولا بخصوص تمثيل حكومة البرهان للسودان في الامم المتحدة السبب قانوني وإجرائي بحت. فلجنة اعتماد المندوبين لا تسحب المقعد تلقائياً مهما كانت الحكومة غير شرعية. وبالتالي تُبقي المنظمة على المندوب القائم من باب الإجراء الإداري وليس من باب الاعتراف السياسي كما حدث في حالات سوريا وايران وقبلها عراق صدام حسين. كما أن البرهان، كان أصلاً جزءاً من السلطة الانتقالية قبل الانقلاب، وبالتالي استمر اعتماد الممثل الدبلوماسي السوداني في معظم المنصات لكن هذا لا يساوي اعترافا بالشرعية ومن المهم التمييز بين الحالتين. النقطة الثانية البرهان خاطب الأمم المتحدة بصفته رئيس مجلس السيادة (الذي حله بنفسه واعاد تشكيله وعين نفسه مجددا على رأسه بدون مجلس وزراء!) وليس الرئيس وهذا مثبت في محاضر الامم المتحدة انظر الرابط: https://news.un.org/ar/audio/2022/09/1112201https://news.un.org/ar/audio/2022/09/1112201 النقطة الثالثة ان حكومة البرهان تمارس السلطة على معظم اجهزة الدولة صحيح ولكنه في نطاق الامر الواقع وليس الشرعية وهذا قد يكفي محليا لكن من المستحيل تجاوزه خارجيا وكما اسلفت العالم يتعامل مع البرهان باعتباره حكم الأمر الواقع لا أكثر وللأغراض الإنسانية ووقف اطلاق النار والمساعدات فقط مثله مثل غريمه حميدتي كما ذكر مندوبو الولايات المتحدة والاتحاد الأوروبي صراحة كما جمد الاتحاد الأفريقي عضوية السودان الى اليوم بعد انقلاب البرهان. هسي لو البرهان شرعي وممثل للدولة ليه ماقادر طيلة ستة سنوات من انقلابه يعمل اتفاقية واحدة مع اي بلد في النواحي التنموية او الاقتصادية او غيرها مما ينفع الناس مالم يكن منبوذا اصلا والتعامل معه في الحدود التي ذكرناها؟ ارفق بالاسفل رابط مقالة متميزة لاستاذ في القانون الدولي يحلل شرعية حكومة البرهان واجد نفسي متفقا مع معظم ماورد فيها: https://arabic.cnn.com/middle-east/article/2025/12/08/burhan-cabinet-legality-international-law-oped-dr-habib-almulla
بالمناسبة الطريق الوحيد للبرهان لكسب شرعية يبيض بها اسمه في المجتمع الدولي على غرار الداعشي الجولاني الذي اصبح رئيسا لسوريا هي التخلص من الكيزان واقامة عسكرية كاملة الدسم مع تطعيمها بشوية طراطير مدنية على النموذج السيسي تخدم مصالح القوى الإقليمية المؤثرة على السودان وتحديدا مصر والسعودية لكن هو اضعف واجبن من ان يحقق هذا الهدف لافتقاره لحاضنة سياسية تسير دولاب الدولة وكل العندو مهرجين من عينة الاعيسر وكامل ادريس واردول ووالي الشمالية السكران 24 ساعة كما يعاني من فراغ الخزينة بعد نهبها من الكيزان والاضطرار الى دفع رشاوى باهظة للمشتركة وجنجويد الخرطوم. يعني باختصار شغال نظرية اليوم باليوم ويا جحا مات يالملك مات يالحمار مات! الرجل ليس لديه حلول واصبح عبئا ومابعيد ينتهي نهاية سيئة بسبب قصر نظره وطموحاته الاكبر من حجمه.
Quote: الفرق الجوهري بين التدخل المصري الافتراضي لمساندة الجيش السوداني وبين التدخل الاماراتي المُثبت بالأدلة هو: إنو تدخل الجيش المصري إذا تم بدعوة من حكومة البرهان التي تعترف الأمم المتحدة بأنها الممثل لإرادة الدولة السودانية فهو تدخل سليم قانونياً. أما تدخل الإمارات العربية المتحدة لصالح دعم قوات الدعم السريع
تاني قمنا للخبطة الكيمان 😂 الأمم المتحدة تتعامل مع ممثلي البرهان بحسب اللوائح الإجرائية فقط من غير ان يعني ذلك تأييدا سياسيا او اعترافا بشرعية. كلامك بتاع تعترف الأمم المتحدة بأنها الممثل لإرادة الدولة السودانية ده قمة العنقلة السياسية التي رميتني بها، هو مش غوتيريش الامين العام للامم المتحدة زاتو ادان انقلاب البرهان بصريح العبارة ووصفه بغير الشرعي؟ 😂 يازول ليوم الليلة ماقادرين يدينوا الامارات في الامم المتحدة ولا حتى قادرين ياخدو اعتراف منها ان الدعم السريع منظمة ارهابية حسب طلبهم. التقول ماعملوه هم بايديهم وانه نزل من السماء على حين غفلة منهم وفاكرين علف البلابسة بمشي برة!!
Quote: يلا استغرابك دا ما مقياس لأي شي غير بس عدم قرايتك للتاريخ وعدم إلمامك بالتجارب المشابهة في علاقات الدول
قاري التاريخ كويس جدا وعارف التدخلات العسكرية المباشرة بناء على طلب بتحصل كتير جدا ومثار استغرابي ليس التدخل نفسه لكن استغرب ان من طلب التدخل يسمي حربه معركة الكرامة ويجند المدنيين والمليشيات ويتهم الساعين لايقاف الحرب بعملاء السفارات ويلطم كما النساء على تدخل الامارات لمصلحة خصمه، يعني الاستعانة بالاجنبي حلال عليك وحرام على غيرك؟ انت قايل الحرب شنو؟ وتانيا انت فاكر التدخل المصري ده مجانا من نظام احنا اخوات وولاد النيل؟
07-28-2026, 03:20 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
يا طارق بإعتبارك عنقالي ساي في السياسة ننزل ليك مستوى النقاش حبة عسى ولعل تطلع ليك بفايدة.
لو مصر سألوها قالوا ليها "إنت ليه تدخلتي في الحرب القايمة في السودان وإنتهكتي مبدأ سيادة الدولة في السودان؟" مصر حتقول: "أنا ما إنتهكت مبدأ السيادة، أنا تدخلت بناء على طلب من عبدالفتاح البرهان" حيسألوها: "عبدالفتاح البرهان دا منو؟" مصر حتقول: "عبدالفتاح البرهان دا هو رئيس مجلس السيادة وأي زول داير يغالط يسأل الجمعية العمومية للامم المتحدة التي سمحت له بمخاطبتها بهذه الصفة."
لو سألوا الإمارات نفس السؤال قالوا ليها "إنت ليه تدخلتي في الحرب القايمة في السودان وإنتهكتي مبدأ سيادة الدولة في السودان؟" الإمارات ممكن تقول شنو؟
اعتبر نفسك الناطق الرسمي بإسم الإمارات وجاوب على السؤال. لو قدرت جاوبت السؤال اجابة مقنعة حنرسل الاجابة لشخبوط، وتأكد إنو شخبوط ما حيقصر معاك.
07-28-2026, 05:09 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
Quote: ارفق بالاسفل رابط مقالة متميزة لاستاذ في القانون الدولي يحلل شرعية حكومة البرهان واجد نفسي متفقا مع معظم ماورد فيها: https://arabic.cnn.com/middle-east/article/2025/12/08/burhan-cabinet-legality-international-law-oped-dr-habib-almulla[/QUOTE] حتى لمن تقرأ بتقرأ مقالات غلط ولكتاب غلط. الدكتور حبيب الملا؟!!!!! اعتمادك يا طارق على مقال دكتور حبيب الملا لتدعيم حججك يكشف عن قصور في معايير انتقاءك المصادر. لمن تكون في مسألة مطروحة حول الجانب القانوني للإمارات وتقوم تجيب مقال لواحد من كبار رجال القانون في المؤسسات الإماراتية، ثم تكتفي بتأطير رأيه بوصفه "مقالا متميزا" متجاوزة بذلك أي تساؤل حول مدى استقلالية المصدر، فدا بيعني إنو عندك خلل منهجي في طريقة الاستدلال. عشان كدا جاز وصفك بعنقالي سياسة.
07-28-2026, 11:14 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: الدكتور حبيب الملا؟!!!!! اعتمادك يا طارق على مقال دكتور حبيب الملا لتدعيم حججك يكشف عن قصور في معايير انتقاءك المصادر. لمن تكون في مسألة مطروحة حول الجانب القانوني للإمارات وتقوم تجيب مقال لواحد من كبار رجال القانون في المؤسسات الإماراتية، ثم تكتفي بتأطير رأيه بوصفه "مقالا متميزا" متجاوزة بذلك أي تساؤل حول مدى استقلالية المصدر، فدا بيعني إنو عندك خلل منهجي في طريقة الاستدلال.
الرجل بصرف النظر عن هويته تحدث بطريقة مهنية واورد اساس استنتاجه بطريقة موضوعية واتوقع ان اي متخصص قانوني محترف سيصل لنفس النتيجة، والدليل انك غمزت من منطلق جنسيته فقط ولم تنقض اي نقطة في المقالة نفسها، ولا مطلوب يكسر تلج للبرهان عشان يبقى تمام ؟ 😂
07-28-2026, 11:02 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: لو مصر سألوها قالوا ليها "إنت ليه تدخلتي في الحرب القايمة في السودان وإنتهكتي مبدأ سيادة الدولة في السودان؟" مصر حتقول: "أنا ما إنتهكت مبدأ السيادة، أنا تدخلت بناء على طلب من عبدالفتاح البرهان" حيسألوها: "عبدالفتاح البرهان دا منو؟" مصر حتقول: "عبدالفتاح البرهان دا هو رئيس مجلس السيادة وأي زول داير يغالط يسأل الجمعية العمومية للامم المتحدة التي سمحت له بمخاطبتها بهذه الصفة."
لو سألوا الإمارات نفس السؤال قالوا ليها "إنت ليه تدخلتي في الحرب القايمة في السودان وإنتهكتي مبدأ سيادة الدولة في السودان؟" الإمارات ممكن تقول شنو؟
اعتبر نفسك الناطق الرسمي بإسم الإمارات وجاوب على السؤال. لو قدرت جاوبت السؤال اجابة مقنعة حنرسل الاجابة لشخبوط، وتأكد إنو شخبوط ما حيقصر معاك.
ماقلت ليك يا حافظ انك عايز تصل لشيء ماموجود 😂 عايز تقول البرهان شرعي بس مالاقي طريقة لذلك بتستخدم وصف رئيس مجلس السيادة وفي نفس الوقت تشرع صلاحية للبرهان لايملكها حتى في ايامه رئيسا لمجلس السيادة وقت الوثيقة الدستورية والشراكة بين العسكر والمدنيين. نقطتين مهمة، الأولى ماهو التكييف او الوصف القانوني لصفة البرهان حاليا؟ الرجل وقع وثيقة تنص على تناوب رئاسة المجلس السيادي بين العسكر والمدنيين واستمر إلى نهاية فترته وبعدها قام بالانقلاب للتملص من التزامات الوثيقة وبعدها عدل الوثيقة على مزاجه واعتمدها مع نفسه بدون طرف اخر وبدون اشراف قضائي او لجنة انتخابات او محكمة دستورية او اي طرف مستقل، الكلام ده معناه شنو قانونيا؟ معناها وضع البرهان القانوني نكرة ولاشيء ولاتوجد له صفة غير رئاسة الجيش. حتى مسمى رئيس مجلس السيادة لا ينطبق عليه قانونا وان استمرت مخاطبته به بروتوكوليا ولسد الثغرة القانونية لكن عمليا الرجل مخصي ويتم التعامل معه من منطلق الامر الواقع ولأغراض محددة كما اسلفنا. النقطة الثانية، حتى لو فرضنا سلامة الوضع القانوني للبرهان، هل تجيز الوثيقة الدستورية الأصلية اذا اعتبرناها المرجع لرئيس مجلس السيادة بشكل منفرد طلب تدخل قوات أجنبية على التراب السوداني؟ الجواب طبعا لا نجي للإمارات، سؤالك ده زاتو قمة العنقلة السياسية على وصفك، الإمارات رسميا محايدة وتدعو لايقاف الحرب ولم تعترف اطلاقا بدعمها للجنجويد وكذلك فشلت حكومة بورتكيزان في استصدار اي ادانة لها من اي منبر دولي يعني رسميا الصفحة بيضاء ولا توجد ادانة قانونية رسمية للإمارات من اي جهة محايدة او مستقلة. يعني لعبوها بحرافة وهم عارفين ناس بورتسودان ديل هوانات ساي وكل الجعير ده علف بلابسة وانهم ماببقوا بلا الإمارات. طبعا اترفع على الرد على المطاعنة بتاعت قول لشخبوط، انا كلامي واضح، دور الامارات في الملف السوداني ما عاجبني لكن موقفها تجاه حكومة بورتكيزان صحيح وان كان دعمها للجنجويد خطأ من وجهة نظري كسوداني لكن مفهوم من وجهة نظر استراتيجية إماراتية.
07-29-2026, 01:08 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
Quote: عايز تقول البرهان شرعي بس مالاقي طريقة لذلك بتستخدم وصف رئيس مجلس السيادة
وصف رئيس مجلس السيادة ما استخدمتو أنا بس، استخدمتو الجمعية العامة للأمم المتحدة. يعني إنت عايزني أنا المسيكين دا أغالط ليك الجمعية العامة للأمم المتحدة؟!!!!! واستخدامي أنا لوصف "رئيس مجلس السيادة" ما بيعني اقرار مني بشرعيته الدستورية. زي ما مناقشة أهلية أي سلطة للقيام بتصرفات دولية ما بتعني الاقرار بشرعيتها. دي مسائل ومفاهيم قانونية مختلفة. مشكلتك أنت إنك ما قادر تفرق بيناتهم. وعشان نساعدك في التقدم خطوة في الفهم: أنا أقر بأن تولي البرهان رئاسة مجلس السيادة جاء بطريقة غير دستورية. لكن دا ما موضوع موضوع نقاشنا. موضوع نقاشنا هو ممارسة حكومة البرهان لوظائف الدولة السودانية في العلاقات الخارجية وتمثيلها وصلاحيتها في اقامة علاقات عسكرية وعلاقات دفاع مع دول اخرى.
Quote: ويتم التعامل معه من منطلق الامر الواقع ولأغراض محددة كما اسلفنا.
ليكن في معلومك أن من ضمن هذه الاغراض المحددة هو الصلاحية القانونية لدعوته لمصر بالتدخل العسكري في السودان.
Quote: الإمارات رسميا محايدة وتدعو لايقاف الحرب ولم تعترف اطلاقا بدعمها للجنجويد وكذلك فشلت حكومة بورتكيزان في استصدار اي ادانة لها من اي منبر دولي
حكومة بورتكيزان دي استطاعت أن تقدم شكاوى رسمية ضد الإمارات إلى مجلس الأمن باسم جمهورية السودان، الشكاوى التي قدمها السودان كانت مقبولة من حيث الصفة. وتم تسجيل الشكاوى ومناقشتها باعتبارها صادرة من اجهة صاحبة صلاحية في تقديم الشكاوى لمجلس الامن. النقاش كان حول الوقائع والأدلة والردود السياسية والدبلوماسية المتعلقة بالاتهامات. وفي المقابل، أنت والجهات الأخرى التي تقول بتدخل مصر، هل يستطيع احدكم تقديم شكوى مماثلة ضد مصر باسم السودان؟
07-29-2026, 04:19 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
ماتفرح كتير، الخلايجة ديل بتقوم عليهم هوشات زي مشاكل الضرات وبعدين يرجعوا لبعض، السعودية والامارات ما حيبيعوا بعضهم عشان السودان. الناس ديل مطبقين نظام انا وابن عمي على الغريب من ايام داحس والغبراء 😂 وتانيا ماتخاف شخبوط عارف ليكم كويس وماسك ملفات كتيرة على ناس بورتكيزان مالية وجنائية وغيرها😂
07-29-2026, 05:04 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: وصف رئيس مجلس السيادة ما استخدمتو أنا بس، استخدمتو الجمعية العامة للأمم المتحدة. يعني إنت عايزني أنا المسيكين دا أغالط ليك الجمعية العامة للأمم المتحدة؟!!!!! واستخدامي أنا لوصف "رئيس مجلس السيادة" ما بيعني اقرار مني بشرعيته الدستورية. زي ما مناقشة أهلية أي سلطة للقيام بتصرفات دولية ما بتعني الاقرار بشرعيتها. دي مسائل ومفاهيم قانونية مختلفة. مشكلتك أنت إنك ما قادر تفرق بيناتهم.
وبعدين معاك يا حافظ ما ممكن كل مرة نعيد نفس الكلام تعبتني معاك 😂 ما ممكن تجتزئ كلامي نفس نظام لا تقربوا الصلاة، انا قلت انك بتستخدم لفظ رئيس مجلس السيادة وفي نفس الوقت تعتبر افعال البرهان ممارسة لصلاحيات رئيس مجلس السيادة بينما الواقع انه قاطعها من راسو بدون صلاحية، من غير لف ودوران شنو المادة في الوثيقة الدستورية التي تجيز لرئيس مجلس السيادة منفردا طلب تدخل قوات أجنبية على التراب والأجواء والمجال البحري السوداني؟ حتى منصب قائد الجيش لا يمنحه تلك الصلاحية.
Quote: حكومة بورتكيزان دي استطاعت أن تقدم شكاوى رسمية ضد الإمارات إلى مجلس الأمن باسم جمهورية السودان، الشكاوى التي قدمها السودان كانت مقبولة من حيث الصفة. وتم تسجيل الشكاوى ومناقشتها باعتبارها صادرة من اجهة صاحبة صلاحية في تقديم الشكاوى لمجلس الامن
هسي انا تعبان كاتب رد طويل في مداخلة سابقة انو لوائح لجنة اعتماد المندوبين في الامم المتحدة لاتسقط اعتماد المندوب تلقائيا في حال وجود تغيير غير دستوري او شرعي في بلده وانه يواصل عمله كالمعتاد تلبية للنواحي الإجرائية من غير ان يعني ذلك قبولا لحكومته وتاني نرجع لنفس النقطة؟ 😂 وبعدين ناس بورتكيزان ديل لو رجال صحي اسحبوا سفيركم وقفلوا السفارة ووقفوا تهريب الذهب الى هناك وخلي لوردات الحرب العايشين هناك من امثال حسن البرهان يرجعوا وبعدين اتكلم في الامارات. بلا يقرف فهمكم يا رخاص 😂 ديل فرحانين بدون خجلة انو بنك السودان المسلوب من الكيزان ضخ دراهم اماراتية في السوق لتخفيف تدهور العملة وضبط ميزان الصادر والوارد، وطبعا ما محتاج اقول مصدرها. الله يخيبهم!!
Quote: وفي المقابل، أنت والجهات الأخرى التي تقول بتدخل مصر، هل يستطيع احدكم تقديم شكوى مماثلة ضد مصر باسم السودان؟
كدي خليك مني انا هين، البرهان عندو الصلاحية يطلب تدخل دولة أجنبية ولا بس انبطاح للسيسي؟
07-29-2026, 10:14 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
Quote: من غير لف ودوران شنو المادة في الوثيقة الدستورية التي تجيز لرئيس مجلس السيادة منفردا طلب تدخل قوات أجنبية على التراب والأجواء والمجال البحري السوداني؟ حتى منصب قائد الجيش لا يمنحه تلك الصلاحية.
Quote: وبعدين ناس بورتكيزان ديل لو رجال صحي اسحبوا سفيركم وقفلوا السفارة ووقفوا تهريب الذهب الى هناك
Quote: البرهان عندو الصلاحية يطلب تدخل دولة أجنبية ولا بس انبطاح للسيسي؟
ديل كلهم ما موضوعنا، موضوعنا إنك قلت ا"هسي البخلي شنو تدخل مصر مطلوب ومحمود وتدخل الامارات مرفوض ومنبوذ أو العكس؟". حاولنا نفهمك الفرق: الفرق أن التدخل الإماراتي ليس له اساس قانوني وإذا ثبت فهو قابل لأن يعد مخالفة للقانون الدولي. أما التدخل المصري فإذا ثبت فهو يستند على اساس قانوني لأنه جاء بدعوة من الجهة التي تملك صلاحية تقديم الشكاوى باسم السودان أمام مجلس الأمن.
07-29-2026, 10:59 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: أما التدخل المصري فإذا ثبت فهو يستند على اساس قانوني
ماده ياهو زاتو سؤالي الأول القلت ما موضوعنا 😂 قانوني كيف؟ الوثيقة الدستورية (بافتراض البرهان لايزال رئيس مجلس السيادة) لاتجيز ذلك وصلاحيات قائد الجيش حسب قانون القوات المسلحة لاتسمح بذلك والبلد في حالة حرب وقبلها انقلاب عطل المرحلة الانتقالية والتحول الديمقراطي المتفق عليهما ولايوجد دستور ولا محاكم ولا مفوضية انتخابات ولا برلمان منتخب او حتى معين، طيب صلاحية طلب تدخل الاجنبي مصدرها شنو؟ الحقيقة الماعايز تواجهها انو عبدالفتاح البرهان عنقالي زيو زي حميدتي ونظرة المجتمع الدولي ليهم واحد، الدول ما أغبياء زي قطيع البلابسة وحتى لو عمل المعجزة وحسم الجنجويد عسكريا حيصطدم تاني بالرفض الشعبي والدولي وعدم الاعتراف بشرعيته مثلما حدث بعد انقلاب اكتوبر 2021. باختصار زول غير شرعي وقاعد بحكم الواقع وماقادر يمشي المركب وماهمو البلد واهلها كلو عشان يحقق حلم ابوه الله يسامحه!
07-29-2026, 11:13 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
Quote: ماده ياهو زاتو سؤالي الأول القلت ما موضوعنا 😂 قانوني كيف؟ الوثيقة الدستورية (بافتراض البرهان لايزال رئيس مجلس السيادة)
وثيقة دستورية بتاعة فنيلتك؟ الوثيقة الدستورية دي بتحكم العلاقات داخل الدولة، الوثيقة الدستورية ما هي القانون البيحكم العلاقات بين الدول. لا مصر ولا الامارات محكومات بوثيقتك الدستورية.
07-29-2026, 10:06 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: وثيقة دستورية بتاعة فنيلتك؟ الوثيقة الدستورية دي بتحكم العلاقات داخل الدولة، الوثيقة الدستورية ما هي القانون البيحكم العلاقات بين الدول. لا مصر ولا الامارات محكومات بوثيقتك الدستورية.
يازول انت فقدت المنطق خلاص 😂 داير تسمي البرهان رئيس مجلس السيادة وفي نفس الوقت تنكر الوثيقة الدستورية ؟ ومال مسمى رئيس مجلس السيادة ده جا من وين؟ you can't have it both ways المفروض تبقى ممتن للوثيقة التي منحت البرهان لقبا بروتوكوليا فاخرا ولا كان حيسبق اسمو العنقالي الانقلابي عبدالفتاح البرهان وهو مايعكس حقيقته الفعلية.
07-30-2026, 02:59 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3973
يا طارق، يا أخي، أنا ما بقدر أغالط مولانا حافظ خلي انت الجنجويدي دا! الاعتراف الخارجي ليس له علاقة بالقوانين والدساتير بتاعت الدول، نميري خرق الدستور عبود خرق الدستور البشير خرق الدستور وبرضو معترف بهم خارجياً وفي الأمم المتحدة، حميدتي لو انقلابه كان نجح كان بكون معترف به خارجياً حالياً رئيس السودان المعترف به خارجياً هو البرهان الموضوع دا ما داير درس عصر عذبتنا
07-30-2026, 04:16 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 736
Quote: حالياً رئيس السودان المعترف به خارجياً هو البرهان الموضوع دا ما داير درس عصر عذبتنا
ابو بكر، انت ماعارف انو بتكيف كيف من تعذيب البلابسة زيك ومولانا حافظ 😂 بالنسبة لرئاسة البرهان سمح، لمن يسكن عاصمة البلد ويفتح مكتبه في القيادة العامة ويقابل رؤساء الدول والسفراء وتكون مؤسسات الدولة والجهاز التشريعي والقضائي شغالة ولما نشوف البرهان مضى اتفاقية باسم السودان مع الدولة الفلانية في سياق الدول الطبيعية غير وقف اطلاق النار والمساعدات واللاجئين ولمانسمع في الأخبار العالمية وصل رئيس جمهورية السودان بدل رئيس مجلس السيادة ، ابقى قول لي انو رئيس! بشه المطلوب من الجنائية ماكان حالتو صعبة كده زي البرهان!!
07-30-2026, 05:02 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8709
من ناحية عذبنا فهو عذبنا عذاب قبورة، لكن نسوي شنو يا مستنير؟ رسالتنا نحن مثقفي السودان أن نرفع درجة الوعي لدى العنقالة وانصاف المثقفين. طارق دا أنا املي فيهو كبير أنو بعد مجهودي معاهو في البوست دا يرتقي من عنقالي لنصف مثقف.
07-30-2026, 09:12 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3973
غايتو يا حافظ، الحاجة الوحيدة البتتفوق بيها علي و ح تدخلك الجنة؛ هي صبرك الثقافي التوعوي في زي ناس طارق ديل أنا ما قاعد أقدر أصبر عليهم، لكن آنت دائماً قاعد تسبقني وتاخد فيهم الأجر
07-30-2026, 09:30 AM
قصي محمد عبدالله قصي محمد عبدالله
تاريخ التسجيل: 02-28-2014
مجموع المشاركات: 5162
من ينسحب، وإلى اين يذهبوا؟ الان مافي طريقة، اما استسلام او ذات البروج، خصوصا بعد اغلاق الصندوق كما اغلق في الجزيرة حيث لم يخرج منهم احد (ماشيا على رجليه). الصفوف الاولى التي تعرف القضية اما استسلمت، او هربت، او نفقت،، وشوية أقلام نافخة لكير المليشياء اما مغيبة، او مدفوع لها، او حاقدة على استقرار البلد،، الذين يقاتلون حاليا مع المليشياء ليس لهم أي قضية،، فقط مدفوع لهم، وربما باموال مزورة وغير قايلة للاستخدام،، فجزاء المجرم مقابل يشبه سلوكه. ... الحمد لله الذي نجانا من ان نغتال من تحتنا ونطرد من أرضنا ونعيش لاجئين في مخيمات بين الدول. مدننا المحررة من دنس المليشياء تتعافى وتتطور من كل النواحي.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
Biraima M Adam
عبداللطيف حسن علي
قصي محمد عبدالله
Ali Alkanzi
Hafiz Bashir
محمود الدقم
فيس بوك
تويتر
انستقرام
يوتيوب
بنتيريست