|
|
|
 Re: الفوضي المسلحة في وسط الخرطوم -برضو تعالو� (Re: حيدر حسن ميرغني)
|
في ريفي مدينة دنقلا ايضا هاجمت قوة مسحلة اماكن للدهب وشفشفشت ما طالت ايديهم
وهي الحادثة ما بعد الثلاثين مرة تحدث في الثلاث سنوات الماضية
غرب امدرمان عناصر تردي زي شرطة تقوم بشفشفة كل شخص حتي ولو كنت فريق اول في الجيش او في الخرائون
شرق النيل كان راجل اطلع من بيتك بعد غروب الشمس
اما الجزيرة خطف الساعات والتلفونات يتم علي مراي ومسمع الشرطة وقاوم كنتقدر
| |
  
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: محمود الدقم)
|
ياتو خرتوم دي ياجماعه ؟؟
المنطقة التي ذكرت في " الكضبه دي " ، لمن لا يعرف الخرطوم ، هي وسط الخرطوم ، وبها عدد كبير من الجامعات .
وحتي اكون صادقا ، اتصلت بكم شخص كده من معارفي يدرسون هناك ، وسالتهم عن القصه ، فاجابوا بالنفي ، ومافي كلام زي ده .
جربت افتش في مواقع اخر ، وجدت هذا المنشور " بضبانته " في اكثر من موقع ..
المهم
ده كضب وكلام فاضي ومافي حاجه حاصله في العاصمة ، بالتحديد حيث اقيم انا .
واظن ان غرف الخونه الجبناء ، وللتغطيه علي انتصارات الجيش ، وخصوصا اليوم بعد دخول الجيش الي كادوقلي والتحامه مع الفرقه هناك .
فهم يريدون تغطيه عين الشمش بغربال ، والتشويش علي الناس . والائحاء بعدم الامان لعدم رجوع الناس .
وبمناسبة رجوع الناس . انا ح اقول كلمه ما ح ازيدها :
الداير يرجع بيتو ، يرجع ، والماداير علي كيفو ، ووقت ماعايز يجي يجي .
وبس ،،،،
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: حيدر حسن ميرغني)
|
سلام د. حيدر
انا طبعا قاعد في امدرمان ، ومره مره كده بمشي الخرطوم وعادي جدا ، الايام الماضية. وامس ، واليوم لم اسمع بمثل هذا الكلام .
كما ذكرت اعلاه اتصلت بكم زول كده " اساتذه " في عدد من الجامعات هناك قبل قليل ، ونفوا لي الخبر ، بل اكدوا لي ان الجامعات تعمل بسلاسه ، والطلاب يزداد حضورهم يوما بعد يوم وده شئ ايجابي .
الخرطوم ياحيدر محميه جيدا ، بالذات اقسام الشرطة ، والمناطق السياديه ، ولو حدث مثل هذا الامر لعلم الجميع به . وانتشر الموضوع بصيغ مختلفه .
العاصمه ياحيدر اصبحت اكثر امانا بعد الحرب ، ولايوجد مجال لمثل هذه التفلتات ، الشرطه حاليا لاتعمل وحدها ، معها قوات مشتركة من الامن والشرطة العسكرية ، وتشكيلات اخري ، خصوصا عندما تكون هناك حملات علي مناطق طرفيه او غيره .
نعم هناك مناطق نسبه السكان فيها بسيطة ، خصوصا الاحياء مثل الرياض والمعمورة ( لكنها ليست خاليه من الناس ) . ولاتوجد بها تفلتات ولاغيروا فالامن منتشر ، ولايجرؤء اي شخص علي ارتكاب جريمة .
هذا هو الوضع بدون زيادة او نقصان .
...........
العاقل يعلم انه يوجد " اعداء النجاح " . وهولاء موجودين في كل مكان ، وبالطبع لايمكنك منع الناس من الكذب واغلاق افواهم ، لكن علي الاقل توضح الصورة من الجانب الاخر الحقيقي والواقعي .
وتاني بقول :
الداير يجي هداك بيتو يمشي ليه ، والماداير بطريقتوا . متين ماداير يجي . يجي .
تقبل تحياتي ومعزتي ،،،
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: Hasheem Karouri)
|
Quote: لخرطوم – 21 يوليو 2025 راديو دبنقا
تشهد أجزاء من العاصمة الخرطوم تفلتات أمنية، واشتباكات، وأعمال نهب وسلب واسعة، في الوقت الذي تنشط فيه اللجنة العليا لتهيئة البيئة لعودة المواطنين إلى ولاية الخرطوم، برئاسة عضو مجلس السيادة إبراهيم جابر، وعضوية رئيس الوزراء الدكتور كامل إدريس، حيث تُعقد اجتماعات مكثفة من أجل تهيئة عودة المواطنين إلى الخرطوم.
في السياق ذاته، زار رئيس مجلس السيادة، الفريق أول ركن عبد الفتاح البرهان، اليوم سوق السجانة بالخرطوم.
اشتباكات
كشفت مصادر متطابقة لراديو دبنقا عن مقتل نقيب في الاستخبارات العسكرية نهار أمس، في اشتباكات مع مجموعة مسلحة في منطقة “المثلث” عند مدخل سوق جبل أولياء جنوب الخرطوم.
وقالت المصادر إن الاشتباكات وقعت بعد أن قامت قوة مسلحة مكونة من أكثر من 10 أفراد بنهب المواطنين في سوق “6” بدار السلام، قبل أن تحاول الهروب بحافلة.
وأشارت المصادر إلى مقتل أحد أفراد المجموعة المسلحة وإصابة ثلاثة آخرين، إضافة إلى القبض على أربعة، بينما فر خمسة آخرون.
اختطاف ونهب
دخل أصحاب محلات الذهب في أم درمان، اليوم، في إضراب عن العمل، إثر تعرض أحد تجار الذهب في المدينة إلى عملية نهب واختطاف.
وكشفت مصادر أن التاجر تعرض لهجوم داخل منزله من قبل مسلحين، قاموا بنهب الذهب، ثم اختطفوه وألقوه مقيدًا في منطقة غرب الحارات.
من جانبها دشنت شرطة ولاية الخرطوم خط المساندة ٩٩٩ لشرطة النجدة لتلقي بلاغات وشكاوي المواطنين.
|
Quote: بعد عام من دخول الجيش.. "نهب منظم" يجتاح الخرطوم
l 1 فبراير 2026 - 18:32 بتوقيت أبوظبي
سكاي نيوز عربية - أبوظبي
صورة متداولة لبضائع مسروقة في أحد أسواق شرق النيل
صورة متداولة لبضائع مسروقة في أحد أسواق شرق النيل
تشهد الخرطوم عمليات نهب وسلب منظم، بعد عام من دخول الجيش السوداني وخروج قوات الدعم السريع، التي كانت تتهم سابقا بالمسؤولية الرئيسية عن هذه الانتهاكات.
وبحسب مصادر ميدانية، تحولت بعض المناطق في الخرطوم إلى أسواق مفتوحة لبيع ممتلكات منهوبة، تشمل أثاث منازل ومعدات مصانع وأجهزة طبية ومواد بنية تحتية، تعرض وتباع علنا من دون خوف من الملاحقة.
وتفيد شهادات محلية أن عناصر يرتدون زيا عسكريا أو أمنيا يشتبه في تورطهم في عمليات النهب، سواء عبر المشاركة المباشرة في السلب والسرقة، أو بشكل غير مباشر من خلال الحماية أو التغاضي أو المساعدة في نقل وبيع المسروقات.
ويقول سكان في مناطق شرق النيل وجنوب الحزام وأم درمان، إن حملات أمنية نفذت أخيرا داخل أحياء سكنية كشفت وجود كميات كبيرة من ممتلكات منهوبة داخل منازل مدنيين، في مشهد يثير تساؤلات حول غياب الرقابة والمساءلة، لا سيما مع انتشار قوات نظامية في تلك المناطق.
ووفق شهادات سكان وناشطين، يمارس جنود من الجيش السوداني إلى جانب عناصر من ميليشيات متحالفة معه أعمال سلب ونهب بحق مواطنين، داخل أحياء متفرقة من العاصمة الخرطوم.
وتشير هذه الشهادات إلى أن بعض الانتهاكات وقعت خلال حملات تفتيش أمنية، نفذت بذريعة البحث عن خلايا نائمة تابعة لقوات الدعم السريع.
ويؤكد شهود عيان أن تلك الحملات شملت مصادرة أموال وهواتف وأجهزة كهربائية، إضافة إلى ممتلكات خاصة من منازل ومحال تجارية.
وتضيف مصادر محلية أن تكرار هذه الممارسات أسهم في تعميق حالة الخوف وانعدام الثقة بين السكان والقوات المنتشرة في الطرق، وأثار تساؤلات حول حدود التفويض القانوني وآليات الرقابة والمحاسبة داخل الأجهزة النظامية. |
Quote: وكالات:السودانية نيوز
تشهد العاصمة السودانية الخرطوم موجة متصاعدة من عمليات النهب والسلب المنظم، حيث تحولت بعض الأحياء إلى أسواق مفتوحة تُعرض فيها ممتلكات منهوبة، تشمل أثاث المنازل، ومعدات المصانع، وأجهزة طبية، تُباع علناً دون خشية من الملاحقة.
وأفادت شهادات محلية، نقلتها قناة سكاي نيوز، بأن عناصر يرتدون زياً عسكرياً أو أمنياً يُشتبه في تورطهم في هذه العمليات، إما بالمشاركة المباشرة في السلب والنهب، أو عبر الحماية والتغاضي والمساعدة في نقل وبيع المسروقات.
وقال سكان من مناطق شرق النيل وجنوب الحزام وأم درمان إن حملات أمنية نُفذت مؤخراً داخل أحياء سكنية كشفت عن وجود كميات كبيرة من ممتلكات منهوبة داخل منازل مدنيين، في مشهد أثار تساؤلات واسعة حول غياب الرقابة والمساءلة، رغم انتشار قوات نظامية في تلك المناطق.
وبحسب شهادات سكان وناشطين، تورط جنود من الجيش إلى جانب عناصر من ميليشيات متحالفة معه في عمليات سلب ونهب بحق المواطنين، بعضها جرى خلال حملات تفتيش نُفذت بذريعة البحث عن خلايا نائمة تابعة لقوات الدعم السريع.
وأكد شهود عيان أن هذه الحملات شملت مصادرة أموال وهواتف وأجهزة كهربائية وممتلكات خاصة من منازل ومحال تجارية، ما فاقم حالة الخوف وانعدام الثقة بين السكان والقوات المنتشرة في الشوارع.
وتشير روايات متطابقة إلى أن النهب لم يعد ممارسات فردية معزولة، بل تحوّل إلى اقتصاد غير رسمي منظم، تديره شبكات تعمل على تفكيك البنية التحتية للمدينة، بما في ذلك سرقة النحاس من شبكات الكهرباء والكابلات وبيعه أو تهريبه خارج البلاد.
وفي سياق متصل، أصدرت محكمة شرق النيل حكماً بحق 12 عنصراً من القوات المشتركة، بينهم ضابط، بتهمة سرقة مواد بناء ليلاً من مواقع تحت التشييد، فيما برّأت المحكمة عدداً من العمال الذين استُخدموا في نقل المواد بعد توقيفهم في كمين للشرطة. |
.....يتبع..............
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: محمود الدقم)
|
كيفك يامحمود . انشاء طيب .
طبعا انا هنا ليس للرد علي اي خبر او منشور ، قد يكون صحيح او خطا والله اعلم . لكن ...
بما اني قاعد في السودان ، وسمعت او شاهدت اي شى قريب مني ، ساؤكد او انفي .
الخبر موضوع هذا البوست سالت عنه اكثر من شخص قريبين من موقع الحدث ، واكدوا لي عدم حدوث ذلك .
ايضا لدي مصادري الخاصه ، نفوا لي هذه الحكايه . وبنفسي بحثت في مواقع كثيرة ، وفعلا وجدت الخبر كما نشر هنا ، بدون تغير شوله واحده ..
اما منشوراتك انت اعلاها فيكفي ان تقرأ مصدرها ، وتضحك . فهولاء بالطبع لن ينقلوا خبر عن رائحه " الحلو مر " المنتشرة هذه الايام في الاحياء .😃
علي اي حال رمضان كريم مقدما ، وانشاء الله قريبا تزور اهلك وتصوم معاهم في امن وامان .
تقبل تحياتي وودي ،،
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: Hasheem Karouri)
|
هلا شيخ هاشم:
-اما وان العاصمة فيها تفلتات فهذا امر مقضي ومنتهي، هناك فوضي وهناك تفلتات وسوف تزداد مقبل الايام والاسابيع والاشهر القادمات ان شاءالله، لان لجنة الامن والدفاع منعت مناوي امبارح من المشاركة
في اي اجتماعات تخص امن الولاية من الان ولاحقا، ومناوي قال الكلام دا كيف؟؟ وجماعتي-المشتركة طيط- قاعدين لي في العاصمة؟؟ الجماعة قالوا ليهو امشي كلم رئيس البلد اللهو البرهان.
-لكن بشكل عام البلد لسع في حالة حرب وبالتالي من الطبيعي ان تكون هناك تفلتات وانهيارات امنية سواء كان البلد دا الخرطوم او بنما او منيسوتا.
-في غرب امدرمان العصابات مدورة حرب ضد المواطين وضد الشرطة، والكلام الفوق دا مصدره راديو دبنقا، وهو مصدر موثوق، اما الانحرافي تحدث بغضب شديد
عن عصابات الشرطة التي تروع المواطنين بغرب امدرمان، وعن الجبايات المليارية الخ.وانا جلبت الفيديو بتاعوا في بوست لي منفصل قبل كدا.
-والانصرافي زعيمكم وكدا🤣 في البلبصة لو تعلمون، المهم رمضان كريم ، ربنا يخفف عليكم الصيام والقيام والناس ترجع لبيوتها ويعم الامن والامان البلد.
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: محمود الدقم)
|
الليلة يوم الونسه 😄
.........
طبعا ياحبيب ، واصلا مافي زول قال الحرب انتهت ، وعشان الامور تكون واضحه ، ومافيها لبس ، اقول :
الحرب في عاصمة البلاد انتهت . وتبقت بعض عصابات المرتزقة في غرب البلاد ، وجاري التعامل معاها .
تمام .
اي بلد في الدنيا بتكون فيها حرب ، بتكون فيها تفلتات وقصص وروايات . وده كلام انا بتفق فيه معاك ..بس بزيد عليه جملة :
ان كل ذلك في انحسار .
اضافه للمقتبس اعلاه . انت ليه نسيت امريكا !!!
هسي البتقوم بيه ادارة الهجره وماعارف شنو دي . . ( دي مش تفلتات ) ؟
وكونو ينزل الحرس الوطني ، وينتشر في عده ولايات ، وتحدث مصادمات ، ويموت ناس ، وينعدم الامن والناس تكون مرعوبه وماشه جمب الحيطه . تسميه شنو ده ؟
ووين الكلام ده !!! في امريكا !!!
امريكا بلد الديمقراطية ، والحقوق ، والمساواة وووووو !!!!
ما اقصده هنا ياصديقي ان الاحتكاكات دائما بين السلطات واخرين ، يحدث في كل الدنيا . ولايعتبر ذلك مقياس للفشل . ياخ نحنا كنا وين . وبقينا وين .
الخلاصه :
ياهو ده السودان . الداير يجي . يجي . والماداير علي كيفو ، متي ماقرر يجي مرحب به ..
هسي دي دايره ليها بوست ؟😁
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: Hasheem Karouri)
|
كويس وجميل جدا يا مولانا انك اتفقت معاي في موضوع انو التفلتات موجودة، اما موضوع الحرب انتهت في العاصمة المثلثة
دا موضوع نخليهو لوقتو، خصوصا وان عمسيب تنباء بان الحرب سوف تنتقل بين مكونات نهر النيل في فيديو يمكننا جلبه
لو لزم الامر، البرهان علي كرتي عندو مسيرات ودقلوا عندو مسيرات، لكن مسيرات كرتي الدعامة لقو ليها مضادات رقمية اسقطت اكثر من 90 بيرقدار.
علما ان البيرقدار الواحدة بتكلف خزينة الاخونج ما بين عشرين الي مية مليون دولار كلها راحت سمبلة علي البلابصة ولسع ، غير انو الحرب كلما
انتهي منها فصل ببتديء فيها فصل حروب اخري. حيث المشتركة لسع متواجدين بعشرات الالاف في دنقلا وبربر والدامر
وسوق ليبيا والخرطوم وامدرمان.
الغريبة كلام الحرب انتهي قالوا عراب الكيزان البروف حسن مكي قال الحرب بالنسبة لينا انتهت في نهر النيل،
يعني الغرابة ياكلوا نارم، عشان كدا 56 شافوا ناس المشتركة مرخرخين وممكن يولعوها في الخرطوم مع النوبة ضد الديناريين،
قام 56 نقل الحرب لمناطق النوبة
الدلنج-كادقلي، حتي يتسع الفتق علي الراتق.
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: حيدر حسن ميرغني)
|
سلام يا الدقم
| Quote: هناك فوضي وهناك تفلتات وسوف تزداد مقبل الايام والاسابيع والاشهر القادمات ان شاءالله، لان |
ياخي لأن الفي نهاية الاقتباس دا تعبتني عشان القى معنى واسع لعبارة "إن شاء الله" وافسرها كتقرير لحقيقة مشيئة الله كسبب لحدوث الخير والشر.
غايتو في كلامنا العادي بنقول "إن شاء" الله للتمني.
ولو دايرين نقر بحقيقة مشيئة الله ما بنقول بعدها "لأن" لأنو ما في حوجة لتبرير مشيئة الله.
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: Hafiz Bashir)
|
سلام شيخ حافظ، ان شاءالله، ليس بمعني التمني اطلاقا، الدقم لا يتمني اهانة او جرح مشاعر المدنيين السودانيين مثل جماعة صانع الكباب العظيم، لا والف لا، ناهيك
عن قتل المدنيين
ان شاءالله هنا هي استنادا لقول الله تعالي الآية القرآنيّة {وَلَا تَقُولَنَّ لِشَيْءٍ إِنِّي فَاعِلٌ ذَلِكَ غَدًا * إِلَّا أَنْ يَشَاءَ اللَّهُ} الكهف: 23-24.
اما "لأن" كانت قبلها فاصلة ..شولة...حتي يفهم من استشكل عليه الفهم.
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: محمود الدقم)
|
السلام عليكم الاخوه الافاضل
كتب ابن عمى واخى عادل يعقوب المقال التالى للواقع والحال فى العاصمه وهو لم يخرج من العاصمه طوال فتره الحرب وموجود فى امدرمان وقد يكون الحال افضل الان
تعالوا معا نتصور الحال فى العاصمه من خلال المقال التالى المنشور فى احد الصحف
دماء على حافة النھر ..
عادل يعقوب
ھذا الدخان الكثيف المتصاعد من فوھات المدافع و عجاج أثر عجلات المركبات القتالية و أصوات الدانات وھدير الھاوزر مع جلبة العسكر و صياح منحازينھم ، لغتھم التافھ الموغلة في وحل الألفاظ الفظة تحجب الرؤية وتصبغ الأفق برائحة الدم والموت ، ھيجان الدھماء وھمھماتھم تسد أفق النھر العتيق ، تنھد حوائط المدن الآمنة ، تشرع النوارس بالرحيل الي مدن السراب ، تفرق الناس أيدي سبأ في رحلة البحث عن الأمان الي فجاج الأرض.
الأشجار ماتت واقفة أو ھكذا يخيل إليك ، عيدانھا اليابسة وزھرھا الذي ھجر التيجان وثمرھا مرٌّ من أثر البارود ، الأبواب المفتوحة تدعوك للخروج أو الدخول ، صدأ حديدھا مع تعاقب الفصول و بھت طلاؤھا في إنتظار القادمين الذين حتما يأتون وأنين الرياح علي أسقف البيوت المھجورة لا يحمل سواء لون السواد عندما يھطل المطر تسكب عبراتھا على الجدران كأنه خد حسناء مكحل ھدبھا ھجرھا سامرھا تلفظ وجع قلبها عليه.
الشوارع الخلفية لا يري فيها غير صوت الريح و زاخات الرصاص
المتقطع ، و المتواصل أحيانا أخرى .
الدخان المتصاعد من العتاد العسكري المحترق على الطرقات وسيارات الناس المسروقة و بعض الأثاث المنزلي متناثر بشكل فوضوي يعلوه الغبار المخلوط بوحل المطر ينبئ بوطن نعق بومھ و حلت عليه لعنة السماء .
بعض اشباح الناس على الطرقات تمشى مسرعة لقضاء حاجة لسد جوعة ، أو جلب دواء لمريض ، أو ستر ميت إصابته رصاصة أو شظية دانة ، الموت ھنا يأتي بلا أستئذان ومن كل الأمكنة يأخذك على حين غِرة .
مدافن المدينة ضاقت عليها الأرض بما رحبت من عدد السكان الجدد ، حتي تم دفن الموتي في الميادين العامة وداخل البيوت ، بينما أخرون لم يجدوا من يدفنھم ، فكانوا طعام للكلاب الضآلة والقطط و الھوام .
الناس لا يتلاقون إلا في مدافن الموتى أو في المساجد أو عند التكايا ، متجھمون ،زاغى الأعيون ، خائفون ، خانقون ، متوترون ، قابلون للإنفعال أو قول الإنفجار لأتفه الأسباب ، يفشون غبائنھم على أنفسهم كأنه عدو متوھم ..
في الليل تلف الظلمة المكان وميض ھاتفك أو إشعال سيجارة يمكن أن يجعلك هدفا للصوص أو رصاصة تذھب بك إلى ھناك .
النھار يفضح موقع الخطر ولكن لا يحميك منه..
الموت يترصد الجميع بلا إستثناء حتى صار يمشي بين الناس بلا وجل أو خوف ، لابد من التطبيع معه أو أنك تموت في الساعة مائة مرة ، عليك أن لا تظهر الخوف وإلا سوف تصير هدفاً للجميع ، مصدراً للسخرية والتندر لتصدير خوفھم إليك.
النباتات المتسلقة الطفولية إحتلت الشوارع ،اريكات العاشقين على النھر الحزين ، أعمدة الكھرباء المتداعية للسقوط ، مداخل البيوت القديمة تنبؤك بأن أحذية المدينة لم تعد بعد ، صارت لياليھا موحشة وأيامها خوالي إنفض سامر القوم وتفرقوا في بلاد الله البعيدة ينشدون امنة من خوف ولقمة من جوع وأخرون تقطعت بھم السبل يفترشون الأرض ويلتحفون السماء ، يفاجئھم المطر و البرد و الرصاص .
تلوّن الشفق بلون الدم و صار ماء النھر رعافا ، آلة القتل ھذھ لا تتوقف، شياطين الإنس يعملون ليل نھار لكي يتواصل سلسال الدم ھذا ، لايريدون له ان يتوقف ، لايزالون عطشى لمزيد من الدماء ،الأرض إرتوت حد الإكتفاء ، وزمجرت السماء رعداً وبرقاً و غضبا .
أما آن لھذا الجنون أن ينتهي ..
أما آن لھذا الجنون أن ينتهي..
ثلاثية الخوف والجوع والموت .
#ابووضاح..
امدرمان 21 نوفمبر 2025
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: مصطفى نور)
|
| Quote: سلام شيخ حافظ، ان شاءالله، ليس بمعني التمني اطلاقا، الدقم لا يتمني اهانة او جرح مشاعر المدنيين السودانيين |
تمام يا الدقم وشكراً على التوضيح.
دا الاتوقعتو منك ورغم إختلافنا في الرأي لكن كلي ثقة في حسن نواياك.
لكن تركيبة الجملة غريبة،
وما اتعودنا نسمع "إن شاء الله" مقترنة بتوقعات سيئة.
رغم إنها صحيحة مع كل الأشياء سواء كانت خير او شر.
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: Hafiz Bashir)
|
Quote: لجنة الامن والدفاع منعت مناوي امبارح من المشاركة
في اي اجتماعات تخص امن الولاية من الان ولاحقا، ومناوي قال الكلام دا كيف؟؟ وجماعتي-المشتركة طيط- قاعدين لي في العاصمة؟؟ الجماعة قالوا ليهو امشي كلم رئيس البلد اللهو البرهان. |
ول أبا الدقم، الفلنقاى المأجور مناوى .. أقامته أنتهت وقضى ما عليه.
وعليه أن يذهب ويبحث عن أرتزاق أخر.
الخرطوم .. إن شاء قُضى أجلها .. فلتذهب إلي مذبلة التأريخ غير مأسوفاً عليها.
الخرطوم .. إلي جحيم الفراغ الدستوري!الخرطوم .. إلي جحيم الفراغ الدستوري!
بريمة
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: ترهاقا)
|
يا ترهاقا سكان نهر النيل تاريخيا مجتمعات مستقرة ماعندهم حروب اهلية ولا عندم اضطرابات عرقية لذلك لو ولعت -ونتمني ان لايحدث ذلك ابدا-
لكن لو ولعت الانتقام ضدكم حيكون شيين خااااالص، ناس مناوي ما عندهم ليكم مثقال ذرة من رحمة، لانهم بعتبرو ناس نهر النيل ارتكبوا خيانة، والخيانة من ارتكبها
ضدهم هم الاخونج، وليس سكان نهر النيل، ومثقفي نهر النيل وحتي الجزيرة كلهم سيدفعون ثمن حماقات الاخونج لانهم كانوا مُراح و تبّع. وصم بكم عمي يصفقون لكرتي. كان
شيوعيين كان سلفيين كان نص نص.
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: قصي محمد عبدالله)
|
| Quote: لكن لو ولعت الانتقام ضدكم حيكون شيين خااااالص، ناس مناوي ما عندهم ليكم مثقال ذرة من رحمة، |
اخباركود الدقم
دييل ما عندهم لا أدب لا رحمة،ونحن ناقشين دورهم ده كويس، بدوا حركات النهب المسلح في دارفور
وكان السبب الرئيسي الذي دعا عرب دارفور من حمل السلاح واللي كتنو عايشين كافين خيرهم شرهم
والذي دفع حميدتي إنو يجي الخرطوم وقال لي ناس الجيش لو ما قادرين تحمونا أدونا سلاح نحمي نفسنا،
هم يسألوا نفسهم ،حميدتي شال السلاح ليه،
جبريل ومناوي تجار حروب ونهب ووصمة عار لدارفور
| |
|
|
|
|
|
|
|
|
|
Re: الفوضي المسلحة في وسط الخرطوم -برضو تعالو� (Re: ترهاقا)
|
Quote:
دييل ما عندهم لا أدب لا رحمة،ونحن ناقشين دورهم ده كويس، بدوا حركات النهب المسلح في دارفور
وكان السبب الرئيسي الذي دعا عرب دارفور من حمل السلاح واللي كتنو عايشين كافين خيرهم شرهم
والذي دفع حميدتي إنو يجي الخرطوم وقال لي ناس الجيش لو ما قادرين تحمونا أدونا سلاح نحمي نفسنا،
هم يسألوا نفسهم ،حميدتي شال السلاح ليه،
جبريل ومناوي تجار حروب ونهب ووصمة عار لدارفور |
مرحب ب ول أبا ترهاقا ..
كلام سمح يسر القارئيين ...
أنتم مهمشون مثلنا .. أنا ما عارف لماذا كل هذا الزمن لم تروا حقيقة الوضع الخرب بالنسبة لكم.
النوبيون لم يكونوا يوماً دعاة حروب أو خراب .. لكن التنظيم الملعون أستغل أبناءهم مثل الناعق الناجى مصطفى وجعلوا من المناطق النوبية حديقة خلفية منها يديرون حروبهم العبثية.
تحرير نوبيا من قبضتهم هو تحرير لإرادة الشعب السودانى.
بريمة
| |
|
|
|
|
|
|
|
|
 Re: الفوضي المسلحة في وسط الخرطوم -برضو تعالو� (Re: زهير ابو الزهراء)
|
Quote: أنتم مهمشون مثلنا .. أنا ما عارف لماذا كل هذا الزمن لم تروا حقيقة الوضع الخرب بالنسبة لكم.
النوبيون لم يكونوا يوماً دعاة حروب أو خراب .. لكن التنظيم الملعون أستغل أبناءهم مثل الناعق الناجى
مصطفى وجعلوا من المناطق النوبية حديقة خلفية منها يديرون حروبهم العبثية.
تحرير نوبيا من قبضتهم هو تحرير لإرادة الشعب السودانى. |
حقيقة وااااضحة مرة ومؤلمة ومخزية ويا ليت قومي يعوا ويدركوا ويعلموا
| |
|
|
|
|
|
|
احدث المقالات بسودانيزاونلاين اليوم
| |
زهير ابو الزهراء
حيدر حسن ميرغني
محمود الدقم
Hasheem Karouri
Biraima M Adam
Hafiz Bashir
مصطفى نور
ترهاقا
قصي محمد عبدالله
محمد محمد قاضي
فيس بوك
تويتر
انستقرام
يوتيوب
بنتيريست