Post: #1
Title: يا ناس دولة ستة وخمسين تاني ما عاوزين باسبورتكم زاتو😆😆
Author: حيدر حسن ميرغني
Date: 01-15-2026, 06:34 PM
06:34 PM January, 15 2026 سودانيز اون لاين
حيدر حسن ميرغني-Colombo -Srilanka
مكتبتى
رابط مختصر
جواز تشادي وبتاع تاسيس الاصفر وبس
|
Post: #2
Title: Re: يا ناس دولة ستة وخمسين تاني ما عاوزين باسب
Author: حيدر حسن ميرغني
Date: 01-15-2026, 06:52 PM
Parent: #1
بداية التسعينات لما كنت في جدة لاحظت ان معظم من قابلتهم من الاصدقاء يحملون جواز سفر تشادي او كاميروني
كذلك في ترانزيت في مطار سنغافورة وجدت ٣ سودانيينن متجهين لامريكا بجوازات سفر تشادية .
-
تشاد يا اخت بلادي يا وريفة
|
Post: #3
Title: Re: يا ناس دولة ستة وخمسين تاني ما عاوزين باسب
Author: محمود الدقم
Date: 01-15-2026, 07:05 PM
Parent: #2
قبل كدا يا حيدر الزميلة تراجي مصطفي سحبوا منها الجنسية
ونفس تراجي ذاتها تم استقبالها بمطار الخرطوم من نفس الجماعة السحبوا منا الجواز وكان في استقبالها
المرحوم الفنان محمد الامين ما عارف العلاقة بينهم شنو!!
وتمت استضافتها في افخم الفنادق رفقة زوجها الله يرحمه
شيء يمخول الدماغ مع بني كوز وبتوع 56
|
Post: #4
Title: Re: يا ناس دولة ستة وخمسين تاني ما عاوزين باسب
Author: زهير ابو الزهراء
Date: 01-15-2026, 07:45 PM
Parent: #3
يا حيدر و يا رفاق والله نا قاعد ليهو اصلو ما بمشي اشيل جواز تاني
معقول بس ياناس عشان جماعة دولة 56 يقالوا بكرة يقالوا علينا نحن ما سودانيين
ربنا ح ينصرنا علي كيزان بورسودان
|
Post: #5
Title: Re: يا ناس دولة ستة وخمسين تاني ما عاوزين باسب
Author: Biraima M Adam
Date: 01-16-2026, 00:22 AM
Parent: #4
يا أشوسن هو بورتكيزان مينو عايز لهم جواز .. الناس ديل عيانين.
برىمة
|
Post: #6
Title: Re: يا ناس دولة ستة وخمسين تاني ما عاوزين باسب
Author: Hasheem Karouri
Date: 01-16-2026, 03:32 AM
Parent: #5
احسن ...
بالناقص واحد .
تاني في زول نازل ؟
.........
سلام . حيدرنا الجميل .
تعرف ياحبيب لو كل المعارضين " لينا " اتفككوا منا ورجعوا لينا جنسياتتا " وشافوا ربهم وين " . بكون احسن
ويكونوا ريحونا ، وريحوا حنانا زاتو .
اول حاجه :
لو . لو . " ان لو تجلب عمل الشيطان " . لو عاوزين يدخلوا السودان يدخلوا بصفه " اجنبي " .
والناس ديل . " الاجانب " . عندهم قسم كامل في ادارة الجوازات اسمه " دائرة الاجانب " ، تختص بهم وبشؤونهم .
دخولهم وخروجهم واقامتهم بتم عبر هذه الادارة .
وبدفعوا رسوم مقابل دخولهم واقامتهم في السودان ، وده طبعا شى جميل ، لدعم الخزينه العامه .
وطبعا انت عارف الحقوق ، وتملك الاجنبي ، وووو غيره من التفاصيل الصغيرة الاخري .
تاني حاجه ممكن جمهورية السودان تمنع دخول رعايا دولة معينه ( مزاج ياخ ) . ويكون الزول " المتجنس " لديه ظروف معينه للحضور للسودان ." .
ولتخطي هذه العقبه ، عليه احضار كل من لديه بهم صله الي حيث يقيم هو . بوركينا فاسو مثلا ، او صوماليالاند .
او يحصل علي جنسيه البلد المعينه ، ويستقر فيها حتي يدفن هناك ، ولا يفكر ، ولا تربطه اي صله ببلده " زي ود العزباء بريمة مثلا " .
بعض الدول تمنع دخول جنسيات معينه . لكن لو عندك جواز لدولة محترمه مابكون عندك مشكلة . " وده الحصول عليه صعب شوية ".
او تكون " بدون " . ودي احلي حاجه ..
بس علي شرط يادكتور .( تشرط شهاداتنا كلها من الابتدائي ، حتي الجامعة ) ، وكدا نكون خالصين .
..............
زيارة زاتو ماتجونا .. انا لو مشتاق ليك بجيك في " كولومبو " ، انت زاتك ماتجي .
ملحوظه :
الاكراد ناويين يعملوا ليهم دولة منفصله . ( الحق السوق ) .
|
Post: #7
Title: Re: يا ناس دولة ستة وخمسين تاني ما عاوزين باسب
Author: muntasir
Date: 01-16-2026, 11:48 AM
Parent: #6
Quote: قبل كدا يا حيدر الزميلة تراجي مصطفي سحبوا منها الجنسية
ونفس تراجي ذاتها تم استقبالها بمطار الخرطوم من نفس الجماعة السحبوا منا الجواز وكان في استقبالها
المرحوم الفنان محمد الامين ما عارف العلاقة بينهم شنو!!
وتمت استضافتها في افخم الفنادق رفقة زوجها الله يرحمه
شيء يمخول الدماغ مع بني كوز وبتوع 56 |
محمود مالك نكرت الزميلة تراجي أتمناها بي خير عملتها كلها استقبالها في المطار وإنزالها في افخم الفنادق انت ما كنت في وفد المنافي الكان في مؤتمر الكيزان زي ما قالت شادية في مسرحية ريا وسكينة
ما فيش ندفنوها ندفنيها 😅 المعمدان انت رجع لي جوازي والجوازات العندك شيلها شيلها 😅
|
Post: #8
Title: Re: يا ناس دولة ستة وخمسين تاني ما عاوزين باسب
Author: حيدر حسن ميرغني
Date: 01-16-2026, 12:31 PM
Parent: #7
جنكيز
بركة الجيت 😀
عارف سيرة الجوازات دي بتجيبك
سلمنا التشادي الطابقو من سنة ٩٠ نسلمك بتاع صقر الجديان الاخضر
شايف كاروري قال نشتت 😆 احسن زاتو
المهم.. يا له من جواز .
|
Post: #9
Title: Re: يا ناس دولة ستة وخمسين تاني ما عاوزين باسب
Author: muntasir
Date: 01-16-2026, 01:18 PM
Parent: #8
| Quote: سلمنا التشادي الطابقو من سنة ٩٠ |
معمدان ٩٠ شنو يا عمك أنا كنت هناك لمن فليكس مالوم انقلب على تمبلمباي وحضرت لمن حسين هبري وجوكوني عويدي كانوا مع بعض ودخلوا انجمينا وهناك عملت تموضع قال ٩٠ نحن من زمن فورتلامي قبل ما تبقى انجمينا 😅
|
Post: #10
Title: Re: يا ناس دولة ستة وخمسين تاني ما عاوزين باسب
Author: Biraima M Adam
Date: 01-16-2026, 01:29 PM
Parent: #8
| Quote: بس علي شرط يادكتور .( تشرط شهاداتنا كلها من الابتدائي ، حتي الجامعة ) ، وكدا نكون خالصين . |
أنت فاكر أنفسكم ناس وشهاداتكم تنافس؟!!!
أحلف جازم شهادات جامعة الخرطوم التى أفتخر بها .. وشهاداتى منها مرتبة الشرف الأولى، خيار من خيار .. لم يسألنا عنها شخص فى الغرب ..
لا يعترفون بأى شهادة تأتى من العالم الثالث .. الأن أنتم فى تصنيف العالم الرابع .. ناس الأمازون الذين لم يقابلوا زول من خارج قبائلهم .. ديل أنتم.
يا زول الله يخلى ماما أمريكا .. حرية ديانة، حرية عبادة، حرية التظاهر والتجمع والنشر وغيرها .. انتم أقعدوا تفرزوا فى الناس دا خيار دا فقوس.
--------------------------
بخصوص الجواز .. جوازكم عندى، وجواز تأسيس ح يكون عندى قريباً .. ومتقدم لدولة جنوب السودان عايز جواز لأنى من أبناء جنوب كردفان ... وبفوق كلهم الأزرق، فحل كل الجوازات.
بريمة
|
Post: #11
Title: Re: يا ناس دولة ستة وخمسين تاني ما عاوزين باسب
Author: حيدر حسن ميرغني
Date: 01-16-2026, 02:01 PM
Parent: #10
| Quote: نحن من زمن فورتلامي قبل ما تبقى انجمينا |
يالنبي نوح
طيب انت كده ما جنجا حقنا عديييل 😁
|
Post: #12
Title: Re: يا ناس دولة ستة وخمسين تاني ما عاوزين باسب
Author: محمود الدقم
Date: 01-16-2026, 02:53 PM
Parent: #7
مونتا وفي رواية مونتكارو مؤتمر كيزان شنو الانا كنت فيه؟
يا زول انا والكيزان مثل قضبان ال
سكة حديد لا يلتقيان او يتقاطعان
ألمهم امسك في نصيحة حيدر
|
Post: #13
Title: Re: يا ناس دولة ستة وخمسين تاني ما عاوزين باسب
Author: Amira Hussien
Date: 01-17-2026, 09:07 AM
Parent: #1
هانت الزلابيا ….!
|
|