Post: #2
Title: Re: أمرقوني آآآ ناس! .. بوقف ليكم الحرب دي.
Author: Hafiz Bashir
Date: 01-14-2026, 01:43 PM
Parent: #1
سلام فنانا العظيم ترهاقا،
في رأيي أن الدكتور صلاح البشير لم يسأل أهم سؤالين، وهم:
ما ذا كان رد فعل قوى الحرية والتغيير أمام طلب البرهان لإخراجه من القيادة العامة؟
يعني هل ساهمت قوى الحرية والتغيير في إخراج البرهان من القيادة العامة ول قالت ليهو نحن ما عندنا يد ولا علاقة بالموضوع دا؟
والسؤال التاني:
من وين البرهان جاب الثقة في أن قيادات قوى الحرية والتغيير عندها قدرة لإخراجه من القيادة العامة عشان يلاحقهم يوميا بطلب اخراجه؟
|
Post: #3
Title: Re: أمرقوني آآآ ناس! .. بوقف ليكم الحرب دي.
Author: هدى ميرغنى
Date: 01-14-2026, 07:36 PM
Parent: #2
سلام واحترام ترهاقا ومولانا~
…استغربت فى فيديو دكتور صلاح البشير دا
…يجيب كلام من جعفر حسن!
…جعفر حسن دا كان بيجئ يلعلع فى ميدان الإعتصام ويبيع الخيال لا غير
…الآن زودها شديد
…يعنى جماعة قحت/تقدم/صمود ديل أتفقوا مع منو عشان البرهان يطلع يومها وحتى الجنجويد المدججين قدام القيادة اتهجموا وزعلوا زعل السنين
…عزت الماهرى أيام كان ممثل وزير دفاع أو خارجية أو حاجة كدا ، قال البرهان شارع النيل ما يقدر يعتب عليه لو حميدتى ما وافق😈
…جعفر حسن ومن معه وقت بيقدروا على عملية قدر دا من سرية تامة ، لى طيارة، لى لنش أو مركب وحماية عسكرية وغيرها
…ما يوقفوا لينا الحرب دى🤑
|
Post: #4
Title: Re: أمرقوني آآآ ناس! .. بوقف ليكم الحرب دي.
Author: Amira Hussien
Date: 01-14-2026, 11:40 PM
Parent: #1
سلام
ناس ما بتحترم عقول من تخاطبهم
ويا هدى الناس العلعت فى القيادة اريتم كان اتنخنقوا
بالمناسبة وين البنية اللبست اب قجيجة الابيض والحلق الهلال وطلعت فى عربية وقعدت تلقى فى الاشعار وتهتف
|
Post: #5
Title: Re: أمرقوني آآآ ناس! .. بوقف ليكم الحرب دي.
Author: ترهاقا
Date: 01-15-2026, 06:43 AM
Parent: #4
الاعزاء مولانا حافظ والاستاذة هدى والاستاذة اميرة
نقلت ردودكم الى الدكتور صلاح بشير في صفحته لانها فعلا تساؤلات تحتاج إلى اجابة
ولكم الود
|
|