أوقفوا التمليش #

11:20 AM December, 27 2025

سودانيز اون لاين
زهير ابو الزهراء-السودان
مكتبتى
رابط مختصر

أوقفوا التمليش 🔇

▪️الناس ما مفترض تستهين بالحصل في كسلا أمس
الحشود الغفيرة ما بريئة، لأسف، نظام بورتسودان ساهم بشكل مباشر في تسليح كتلتين أساسيتين في شرق السودان: كتلة الهدندوة وكتلة البني عامر، ودي كتل بينها صراع تاريخي ومشاكل عميقة جدًا.

▪️الأخطر إنو النظام سمح للطرفين بالتسليح والتدريب داخل إريتريا، ثم الدخول إلى السودان بقواتهم علناً والاحتفال بذلك.

▪️البيعمل فيه البرهان اليوم هو نفس السيناريو العمله البشير قبل اكتر من عشرين سنه. البشير لما سلّح العرب ضد الزرقة في دارفور، والنتيجة الكارثية ومازلنا بندفع ثمنها حتى الآن. التاريخ يعيد نفسه، واليوم البرهان بكرر في نفس السيناريو في الشرق.

▪️مافي دولة في الدنيا دي بتسمح لقبايل تتفتح معسكرات تدريب في دولة اجنبية عينك يا تاجر ويجو عابرين الحدود عينك يا تاجر البيعمل فيه البرهان دا لعب بالنار والسودان كله حيدفع التكلفه