|
|
|
 Re: هيصم عيشة وفول (Re: طلحة عبدالله)
|
أولا أرجو أن أتقدم بخالص استغرابي وعميق تساؤلاتي
بخصوص الإصرار على إطلاق لقب عيشة فقط دون
سواه على المخلوق الاسمو هيصم مصطفى .
المفروض لقبو الحقيقي والخايل عليهو كأنو مفصل
تفصيل هو هيصم عيشة وفول .
لا أبدا هو في الحقيقة هيصم فول وعيشة
الفول يسبق العيشة لأنو الكائن دا قبل كدا وقبل ما
يظهر في السوشال ميديا شايل ليهو عيشة مكرفسة
زي وشو وفي واحدة من تجلياتو التنمرية العنترية اللا أدبية قال
فض فوه ونص خمسة وبنص العبارة وحرفيتها
الصحفي السوداني يمكن تشتريه بصحن فول
أي والله قالها التعيس وقد صدق وهو كاذب
لانو عمم ودي واحدة من علامات جهلو وعنترياتو
المبارياهو زي صرة وشيشو الفالقنا بيها دي لغاية اللحظة
والتو
خخخخخخ
يتبع .......
| |
 
|
|
|
|
|
|
|
|
Re: هيصم عيشة وفول (Re: طلحة عبدالله)
|
طيب حكينا القصة دي لييييييي ؟
أنا أقول ليك
المناسبة انو المخلوق دا قال في اطار تجلياتو
التنمرية العدائية الاستحقارية التى لا تنتهي انو
لاعبي المنتخب لا يستحقون ارتداء الشعار وقد صدق برضو وهو كاذب
كيف صدق وهو كاذب ؟؟
صدق لأنو فعلا اللاعبين ديل ما قدروا الشعار وكانوا مستهترين
في كأس العرب ولغاية هسة في أمم أفريقيا
في البطولتين تم تلطيشهم مع الرأفة وفي البطولتين
كان لواحد من اللاعبين نصيب من سوء الأخلاق
في كأس العرب تم طرد المدافع أرنق لأنو لطش المهاجم
كف
في بطولة الأمم الأفريقية تم طرد الود صلاح عادل لأنو ناش اللاعب
الجزائري شلوت .. عقلية بتاعت دافوري وحواري.
طيب كيف كذب المخلوق الاسمو هيصم فول وعيشة دا ؟؟
خخخخخخخخ
يتبع ...........
| |
|
|
|
|
|
|
|
|
|
Re: هيصم عيشة وفول (Re: طلحة عبدالله)
|
| Quote: بطولة الأمم الأفريقية تم طرد الود صلاح عادل |
الجزائريين في تويتر سخروا من لعيبتنا
قالوا دقوا لعيبة منتخبهم بعنف كأنهم سبب الحرب في بلدنا
-
هسا نحن نحسبك مع ياتم .. صحفي رياضي او عنقالي ساي
| |
|
|
|
|
|
|
|
|
Re: هيصم عيشة وفول (Re: حيدر حسن ميرغني)
|
حيدروف
اختار لي واحد من ديل
عنقالي زي ما قلت اتا
زول ساي زي ما المح الاستاذ الكبير زهير
لو طلعتني حاجة أكبر من الاتنين ديل بعتبرو
نفاق اجتماعي منك وبنيشك خخخخخخ
نرجع لمسار البوست على قول الشيخ الفاضل قصي
يتبع ........
| |
|
|
|
|
|
|
|
|
|
Re: هيصم عيشة وفول (Re: طلحة عبدالله)
|
قلت هيصم فول وعيشة صدق وهو كذاب
وشرحت كيف صدق
والآن جاء دور كيف كذب
كذب لأنو
هيصم فول وعيشة دا لعب للهلال والمريخ والمنتخب
ما جاب حتى حديدة مصدية من برة وفوق دا كلو
كان بتاع مشاكل ما بقي ليهو إلا يشاكل ويتعنتر على ضلو
عمل مشاكل مع زملائه في الهلال
والإدارة
والجمهور
والاعلام
و انتقل بنفس شره وشروره للمنتخب فعمل مشاكل مع الجهاز الفني
والجهاز الاداري
وبعض اللاعبين
والجمهور
كل دا وهو وجيلو عبارة عن فسوة ديك لا مؤاخذة يعنى
إبن لبون
لا ضرع يحلبوا ولا ضهر يركبوا
اتشالق في السياسة وقعد يورجغ صبح وليل ولا يقول أية
حاجة حتى البحفظوا ليهو ما بعرف يلقيهو على الناس
زي الناس وفي النهاية طلع بلقب لائق عليهو جدا
هيصم عيشة وكان ذلك بعد أن استعرض في اطار ورجغته
القال عليها سياسة دي عيشة مكرفسة زي وشو خخخخخ
ثم
لسوء حظ الشعب السوداني وجمهور الكورة على وجه الخصوص
مشى عمل ليهو تحليل فتلقفتو قناة هي ذاتا محتاجة تأهيل
فااااااااااشنو
شرط عين الصديق قبل العدو فضحنا فضيحة السواد
الشكية لى الله لا ثقافة كروية ولا وش مقبول ولا نضمي زي الناس
يطل على المشاهدين بصرة وش كريهة ويشبكم ليك تأتأه سخيفة
ويزيد الطين بلة بتمتمة أخت الفضيحة
وبعد دا كلو وغيرو من المهازل والمساخر يجي يقول ليك
لاعبي المنتخب لا يستحقون لبس الشعار وما عندهم أخلاق
اللهم لا تمحنا لا تبلينا
تمت بحمدلله
خخخخخخخخخخخ
| |
|
|
|
|
|
|
| |
طلحة عبدالله
حيدر حسن ميرغني
فيس بوك
تويتر
انستقرام
يوتيوب
بنتيريست