حادثة كمبالا- عندما يصبح الخوف من فنان ذريعة لقتل الثورة

05:58 PM December, 22 2025

سودانيز اون لاين
زهير ابو الزهراء-السودان
مكتبتى
رابط مختصر

ما حدث في كمبالا لم يكن مجرد "فعل فردي" يستحق النقد، بل تحول إلى معركة سياسية مصغرة تكشف الوجه البشع للمعارضة المضادة للثورة. لقد استغل أنصار النظام البائد وأدواته الإعلامية والفكرية
حادثة ترويس لشن هجوم شامل على مشروع ديسمبر بأكمله، في محاولة يائسة لتعويض إخفاقاتهم السياسية والعسكرية
النفاق الأخلاقي- سلاح المنهزمين
الضجة المفتعلة حول "الانحلال الأخلاقي" تكشف تناقضاً صارخاً: فأولئك الذين يسكتون عن مجازر مليشيات الدعم السريع وعنف الدولة، وينامون على دموع النازحين والمشردين، يتحولون فجأة إلى حراس للأخلاق
عند رؤية جسد عار! أين كان "حراس القيم" هذه عندما انتهكت كرامة السودانيين في السجون والمعتقلات؟ أين هم عندما نهبت ثروات البلاد لعقود؟
هذا النفاق الأخلاقي ليس سوى أداة في صراع السلطة. إنه محاولة لاختزال الثورة - التي تسعى لتحرير الإنسان سياسياً واقتصادياً واجتماعياً - في قضية أخلاقية سطحية، لتجريدها من عمقها السياسي وتحويلها إلى حرب ثقافية تافهة
الخوف الحقيقي-- ثورة لا يمكن احتواؤها
ما يخشاه خصوم الثورة ليس "انحلال الأخلاق"، بل انفلات الثورة من سيطرة النخب التقليدية. إنهم يرتعبون من أن تنتج ديسمبر فناً وثقافةً لا تخضع لوصاية "الحراس التقليديين" للقيم. إن ذعرهم الحقيقي من أن تتحول الثورة
من مجرد تغيير نظام إلى تحول ثقافي وجذري يهز أركان المجتمع التقليدي بعلاقاته السلطوية
لقد رأينا هذا الخوف من قبل - عندما حاربوا الشعر الحر، والموسيقى الجديدة، والمسرح التجريبي. واليوم يعيدون نفس اللعبة باسم "حماية الثورة"، بينما هم في الواقع يخافون من تحررها الحقيقي
التحالف الخفي- المحافظون وأنقاض النظام
المفارقة الساخرة هي التحالف غير المعلن بين الخطاب المحافظ "الثوري" المزيف وبقايا النظام البائد. فكلاهما يتشارك الخوف من تحرر الثقافة والفن، وكلاهما يريد احتواء الثورة في قوالب مريحة. الأول يريد ثورة بدون حرية تعبير حقيقية
والثاني يريد استخدام "انحلال الثوار" كذريعة للعودة إلى السلطة
الثورة ليست دكاكين أخلاق
المشروع الثوري السوداني لا يمكن اختزاله في حادثة أو فرد. ديسمبر ولدت من رحم معاناة شعب، وتصارع الآن من أجل بقائها في مواجهة تحالفات إقليمية ودولية معادية. تحويل النقاش إلى "أخلاق الفنانين" هو انتصار لخصوم الثورة، لأنه يصرف الانتباه
عن الجرائم الحقيقية - جرائم الحرب، وتفكيك الدولة، وتهجير الملايين
لن نخون ديسمبر
نرفض أن نتحول إلى حراس أخلاق للثورة. نرفض أن تتحول معركتنا المصيرية من مواجهة تحالف المال والسلاح والإرهاب إلى مناقشات عن عري فنان. الثورة السودانية ستنتصر بفنها المتحرر، بشعرها المتمرد، بمسرحها الجريء
وبقدرتها على احتضان التنوع دون خوف
الخطر الحقيقي ليس في فنان عارٍ، بل في عقل عارٍ من الأفكار الثورية، يبحث عن ذرائع أخلاقية لإخفاء فشله السياسي. ديسمبر أكبر من أن تُختزل في حادثة، وأعمق من أن تُقتل بضجة إعلامية.

حدث كمبالا، وليس حادثة، حاجة طبيعية
بالنسبة لقوم يرون في الحشمة فساد، وفي التعري سترة!
والعجب كان قعد ميطي،
طوالي بكرة الحرب بتنتهي،
ويعود الشعب السوداني صالحا كما كان، شفافا بدون حياء،
بدون قيود دين الاخونج المبني على الباطل،
وما قصر الحضور من الدعم والتشجيع على المليص من تصفيق،، وكمان تصفير،،
وإلى الأمام... منديل ما يعتر ليه،،
وياها المحرية من الديسمبريين،،

Quote: وياها المحرية من الديسمبريين،،

سلام أخ قصى~
ما عرفتك بالضبط قاصد شنو بالديسمبرين ،
إذا كنت بتقصد أبناء وبنات الشعب السودانى اللذين زعزعوا عرش الطغاة وثٓبتوا بشجاعة منقطعة النظير قدام رصاص الكيزان وجنجويدهم المرتزقة الوحوش
تبقى غلطان وما بتعرفهم
#شايفاكم بتكتبوا عن حادثة فى كمبالا وهو من وجهة نظرى عمل فارغ لا قيمة له
كان ممكن تقول إذا دا ياهم الدعم السريع وقحت فمبروك عليهم

#لكن ما ممكن تدمغ غالبية الشعب السودانى وهم الديسمبريون كما سميتهم بعبارة إن هذا السلوك محرى فيهم
لا ثم لا الثوار الحقيقين قاعدين وحارسين الوطن والزول الفى كمبالا دا ،ياهو زاته مرق من البلد وعايش خارج السودان …

…………+
#الثورة ثورة شعب وحتما السلطة ستعود للشعب
#العسكر للثكنات والجنجويد (الدعم السريع) ينحل

بريمة

بريمة

زول بيملص قدام السودانيين وكلهم بيصفقوا ليه،،، خلوا شنو تاني للدياثة؟!

Quote: #العسكر للثكنات

تاني مافي عسكري بيمشي الثكنات،ومافي واحد تاني فاضي عشان ينزح لمدينة ثانية،
تاني العسكري في كل شبر من الوطن،
كاكي، جلابية، امن مجتمعي، استخبارات، إلخ،
العسكري عندنا هو عنوان الامن والامان،والطمأنينة،
عسكرينا غير الجنجويدي الذي اتضح انه جيش الديسمبريين،،
تاني كان رجع الثكنات بنطلعوا،،، ولو رجع، تاني الناس ح تهرب وترجع للدول المجاورة،
انتهى عهد الاستحمار والاستغفال،
جيشنا خلوه،، اعقروا جيش المعارضة(الجنجويد)،
فقد شردوا اهل كردفان ودارفور،، وهم ، اي الجنجويد، أحق بالرجوع الى مصيرهم المحتوم،،وترك الناس تعيش في امن وامان..
..
اكبر هتاف كاذب في التاريخ هو "الجنجويد ينحل"..

انت يا قصى فاهم معنى "العسكر للثكنات " شنو؟
#بينى وبينك الاحترام وجنى وجن زول يزعلنى
ويلفح من كلامى الما عجبه ويبدأ يلبخ ، ما تعمل كدا معاى لو سمحت
أى كلمة أكتبها ، أمشى أقراها كم مرة حتى تعلق
#انت مالك شغال فى الجيش وخايف يقولوا ليك أمشى شوف شغلك وهو حماية الوطن
مش تخلوا كل الحدود من غير حماية ، مرتزقة السماء والأرض داخلين مارقين والبلد ينهبوا فى خيراتها عيانا بيانا
#تانى أكرر ليك أنا ما بحب زول يزعلنى

Quote: انت يا قصى فاهم معنى "العسكر للثكنات " شنو؟ #بينى وبينك الاحترام وجنى وجن زول يزعلنى ويلفح من كلامى الما عجبه ويبدأ يلبخ ، ما تعمل كدا معاى لو سمحت أى كلمة أكتبها ، أمشى أقراها كم مرة حتى تعلق #انت مالك شغال فى الجيش وخايف يقولوا ليك أمشى شوف شغلك وهو حماية الوطن مش تخلوا كل الحدود من غير حماية ، مرتزقة السماء والأرض داخلين مارقين والبلد ينهبوا فى خيراتها عيانا بيانا #تانى أكرر ليك أنا ما بحب زول يزعلنى

ازيك ياهدي ،، ولا عاش من يزعلك .

الاخ الفاضل . قصي ، لا اظنه يقصد ذلك ، وقرأتي له هنا ، تثبت الي انه لايميل يزعل زول او يهاتر . وهذا ليس دفاعا عنه ، فهو يستطيع الرد والكتابه ...

المهم .

هل تعلمي ياهدي ، ان هناك خلط كبير في موضوع ثورة ديسمبر المجيدة ...! استغله البعض لتمرير اجندته الخاصه . !!
ساوضح لك :

* المقاومة الشعبية والاستتفار ، ومعظم التشكيلات العسكرية ، المساندة للقوات المسلحه ضد التمرد ، والعدوان الغاشم الدولي علي السودان . هم الشعب السوداني ،بمختلف طوائفه ومشاربه ، وانتمأاته.وثوار ديسمبر هم العمود الفقري لذلك .

* شباب الثورة " غاضبون ، ونمور العباسية ، واسود البراري ،وووو " هولاء هم من حمل السلاح مع الجيش ، وقاتلوا الجنجويد والمرتزقة .وانا منهم .

* الموجودين في ابوظبي ، واديس ، وانجمينا ، ونيالا . هولاء رموز سابقة للثورة ، لكن سرعان ماتحولوا لللحاق بمصالحهم الشخصية ، والركض خلف المناصب ، وتركوا الثولر الحقيقين في الخنادق مع الجيش، وهم يدافعوا عن السودان ، ومازلنا .

* من يتحدثون بأسم الثورة بالخارج ، وبعد ان سقطتت اقنعتهم ، انضموا علانية للتمرد ، بل واصبحوا ابواقا له .

....
باختصار :
شباب الثورة ، ومعظم الناجين من مذبحه القيادة التي ارتكبها الجنجويد ( لاتتناطح في ذلك عنزتان ) ، هم الان في مقدمة المتحركات المرابطة في كردفان ، وتخوم دارفور .
اما رموزهم ، فقد باعوا الثورة بثمن بخس ، بل يسعون لتكوين دويله موازية ، طمعا في المناصب والامتيازات . وطبعا هذا مجرد " هراء " وضحك علي الناس ، وحلم خرافي يراودهم .
جلب مرتزقة وصعاليق ومجرمين ، وكلاش ، ودوشكا ، ومسيرة . ليس قوام دولة ، ولاتصنع الدول هكذا . وكل ذلك فرقعه في الهواء .
انهم يحتهدون الان للحصول علي شرعيه ، رغم ان الجميع يعلم انهم علي باطل .
لايهمنا مايقوموا به حاليا .( هم يشتغلوا شغلهم ... ونحن نشتغل شغلنا ) . وياجبل مايهزك ريح .







نصر من الله وفتح قريب

تخيلوا هاشم كومارى، قال هو من ثوار ديسمبر!!!

وبعدين ..شوفوا الكذب ..

Quote: في مقدمة المتحركات المرابطة في كردفان ، وتخوم دارفور .

الأشاوس وقفوا ليكم كل المطارات .. ومطار بورتسودان، الخدمة من الساعة 6 ص .. إلي 6م ..
لو زدتم ساعة واحدة سوف يتم إخراجه من الخدمة .. تقول تخوم دارفور ولا بطيخ !

أحسن بقجوا تانى ..

بريمة

تحياتي وتقديري،

Quote: الاخ الفاضل . قصي ، لا اظنه يقصد ذلك ، وقرأتي له هنا ، تثبت الي انه لايميل يزعل زول او يهاتر . وهذا ليس دفاعا عنه ، فهو يستطيع الرد والكتابه ...

مهما حاولت أن تكون لين في الكلام وشمولي في وجهة النظر،، فلازم يطلعوا ليك ما لم يكن في الحسبان،
والأسباب كثيرة قاعدتها النفسيات لأسباب كثيرة منها الماديات، ومنها الإنطباعية، ومنها المشروبات، ومنها الإمعية، إلخ.

لذلك الناس تركز في الطرح ووجهة النظر والرأي والرأي الآخر.

طالما لم أشخصن الموضوع، فما عندي حاجة لزول، وكل واحد يسيطر عىل نفسياته.
والمنبر ده منبر القول فقط، فكيف ح تناقش وانت - أخلاقك في نخرتك!

تحياتي وتقديري،

Quote: #تانى أكرر ليك أنا ما بحب زول يزعلنى

اختلاف الرأي ما بيزعل،
وأنا اقتبس ما أشاء وأترك ما أشاء،، إن شاء الله كلمة واحدة!
وأكتب ما أشاء، وليرضى من يشاء ويزعل من يشاء،، ما فارقة معاي طالما لم أشخصن الموضوع.

...

Quote: #انت مالك شغال فى الجيش وخايف يقولوا ليك أمشى شوف شغلك وهو حماية الوطن

حماية الوطن ليست فقط بالبندقية، والعدو ليس فقط في الأرض،
كل مكان فيه ناس يعتبر وطن، يتسع الوطن إذا زاد عدد أبناء الشعب الواحد في المكان الواحد (مثل هذا المنبر)، فهو أيضا وطن.

....

Quote: مش تخلوا كل الحدود من غير حماية ، مرتزقة السماء والأرض داخلين مارقين والبلد ينهبوا فى خيراتها عيانا بيانا

كيف ح تحمي الحدود ووسط البلد فوضى من قبل أبناء الشعب نفسه، والحدود نفسها فاتحنها جزء من جيش البلد - الخائن..
وبعدين - للتذكير - قصة الجنجويد ينحل دي اصلا كذبة وكانوا محميين من قبل الديسمبريين، والكانوا بيهتفوا في الشوارع كانوا مغيبين،
وحاليا الجنجويد هم جيش ثورة 2019 والبقول غير كده ما متابع كتابات القحاتة - ومنتظرين جيش البلد ينهار باعتباره بالنسبة لهم جيش الكيزان،
وموضوع دويلات الشر الي تساند الجنجويد وجناحهم السياسي (القحاتة ده موضوع تاني).
فمافي جيش بيرجع ثكناته حاليا خصوصا في المناطق التي تتبع لسيطرته،، وبعد التخلص من جيش أعداء الداخل والمتربصين به وبأرضه،، الحدود أمرها سهل،
فالغدر يأتي من القريب لا من الغريب.
...

Quote: قال هو من ثوار ديسمبر

ياود العزباء . انا مامجبور اوريك انا شنو وبعمل في شنو .
لكن
انا لما كنت مصندد وصابيها امام القيادة العامه ، انت كنت بتحضر في ولدك وهو بلعب مع " يوتا جاز " . ياوهم .

ليك يوم ياود العزباء . وقريب انشاء الله .

ثم . تبا لك ،،،،،

Quote: عند رؤية جسد عار!

وينو الجسد العاري في حادثة كمبالا البتتكلم عنها دي يا زهير؟
الكضب وتزييف الحقايق بقى ليك عادة.


محمد ترويس كلع القميص ونزل البنطلون.
تحت القميص والبنطلون كان لابس ملابس ساترة بما يكفي.

يا شيخ قصي اظن أن مرجعيتك هي الفقه الاسلامي.
وعند المالكية والشافعية والحنابلة أن الواجب ستره عند الرجل هو ما بين السرة والركبة.
فالسرة هي ليست من العورة والركبة ليست من العورة.
ولبس ترويس بعد ما قلع القميص والبنطلون مقبول من ناحية دينية ومن ناحية عرفية.

ما في أي مشكلة في الشي القدمو ترويس في كمبالا من ناحية دينية ومن ناحية اعرافنا الاجتماعية كسودانيين.
من ناحية قيمتو كعمل ابداعي، اكتفي بما كتبه الفنان عماد عبدالله فهو يعبر عني تماماً

Quote: Emad Abdulla teoSnpdosr8179i91i8g1tu1t4900gl5fg2 h 136 1 lgc30c58a0ct70l5mma 3 · زمانك كده، بداية شغلي في مجال الدعاية والإعلان.. جانا وكيل بتاع براند نسائي عالمي دايرنا نعمل ليهو إعلان عن منتج جديد خاص بالعناية بأقدام النساء، وعلى صفحة كاملة في جريدة الشرق الاوسط. فقمت جبت صورة ابيض واسود لقدمين بتاعات راقصة باليه، القدمين بس.. وهم في وضعية الوقوف على اطراف الاصابع بالجزمة الخفيفة اللامعة ديك، والخلفية كاملة سوده تماماً، ونص صغير بالأبيض تحت على جهة اليمين من الاقدام دي بيقول: (دللي قدميك، تمتعي بقدمي باليرينا). عمك العميل شاف الإعلان وحلف بى دينو انه ده ضياع لقروشو ولازم نحلل ليهو القروش دي.. ونعبي ليهو صفحتو الإشتراها بكلام عن البراند نيم في الأول، وبعدين عن المنتج و و و.. لخ لينا الإعلان لخخخخ جد، لكن نسوي شنو؟ في النهاية هو صاحب المنتج والقروش وال(ولا الضالين)، ونحنا البس نقول: آمين. المهم.. إتنفذ الدايرو سيد الشي.. وما نجحت الحملة الإعلانية للأسف. فريق خدمات التسويق وتحليل السوق قالوا السبب المباشر هو زحمة الرسالة البصرية: كتابة + صور + جرعة مفرطة من المعلومات داخل المساحة الإعلانية المحدودة، زايد كمان فلقصة المصمم البوجه رسالة عن الباليه والباليرناز لمجمتع دابو بقول يا هادي. .... أستاذنا "بروف الفاتح اللعوتة" الله يديهو العافية.. أول دروسو لينا في مادة الرسم، إنك مهما حصل أوووعك تخرب أو تفرط في الخطوط الأولى لرسمك.. كان لون كان خط، حافظ وأبني عليها، لأنها الأصدق والأكثر عفوية والأكتر صحة.. قبل ما يخش عليها الشغل الاكاديمي العارف بتاع المحاساة والتظبيط والشيل خت. لأنك ح تلخها يعني ح تلخها.. مافي اتنين تلاتة. .... داير تنرفز استاذنا العظيم الهاديء "عبدالله جُلّي" الله يرحمو: إستخدم أكتر من تكنيك في رسم وتلوين اللوحة الواحدة. ممكن عادي يعضيك في راسك. .... الداير أقولو.. والوجهتو في شكل سؤال لأخونا "الفنان تروس" في شغلو مثار الجوطة والجدل ده؛ إنه الفكرة شنو في المليص بعد رسالتو الأولانية الوصلت لجمهورو (والأكيد طبعا فيهم ريفيين ومدنيين وغيرهم)، ووصلتهم كما يجب زيها وزي رسايلو المصورة المنتشرة وبتصيب هدفها القاصدو هو؟؟ طيب ليه اللجؤ لاستخدام جرعات زايدة ممكن تخرب الجرعة الأولانية وتأذي المتلقي أو بالميت تضعف وصول الرسالة وقوة تأثيرها على المتلقين (المختلفين)؟ الفكرة شنو؟ في رأيي -وانا زول بتاع رسم ما دراما- إنه تروس اشتغل خطابة درامية/مسرحية بامتياز في دخلتو الأولانية من فقرتو، وقدم شغل سمح عن وجوب تعرية سلوكنا السوداني الجماعي المغتت ومدسدس و و و، قدمو بانفعلات صوتو ولغة جسمو وحركتو ونزلتو للناس وسطهم، فحاز على إعجاب الحضور وتفاعلهم الإيجابي. بعدها طوالي واصل وكرر نفس الخطاب زاتو ولنفس الجمهور وفي نفس المكان والزمان، لكن المرة دي عن طريق مليص الهدوم (والبرضها هي نفس الرسالة: تعرية سلبياتنا، ورفض للغتغتة كلها من طرف). رجع بعدها وكرر نفس الخطاب لنفس الجمهور وفي نفس المكان والزمان، لكن المرة دي عن طريق قراية مكتوب يحمل نفس فكرة وجوب نزع القناع وتعرية سلوكياتنا الجمعية، ورفض الدسدسة والغتغتة و و. سؤالي كان: المليص أضاف شنو للرسالة الأولانية الوصلت للناس تمام التمام وانفعلوا بيها واتفاعلوا؟؟، خدم شنو مليص الجن ده بالظبط كده خلاف زيادة للجرعة وإفراط غير مطلوب في استخدام الأدوات؟. لو أصلك عاوز توصلها عن طريق المليص؛ ما كان في داعي للدخلة الاولانية، ولا لقراية الورقة. بس، دي كل الحكاية.. تقوم تمرقني ريفي ساكن جوه سروالك الإنت ملصتو؟

تحياتي وتقديري،

Quote: وعند المالكية والشافعية والحنابلة أن الواجب ستره عند الرجل هو ما بين السرة والركبة.

السترة دي شنو حدودها ومكان صلاحياتها؟
يعني ممكن أكون لابس سروال قافل من السرة حتى الركبة و:

أصلي بيه؟
أجيكم بيه زيارة في بيتكم؟
أتحاوم بيه في الشارع وأمشي بيه الشغل؟

وهي أصلا لسترة شيئ فقط، ولا لممارسة الحياة طبيعيا بالسروال؟
وسترة من منو؟
وبخصوص غير المسلم او الاصلن ما مقتنع بتعاليم الإسلام وشايفها حركات اخونج، ح تقول ليه ما عندك ستره، خليك زي ما داير!

الامر وسخ وقرف منه ، ليس إلا. والاوسخ منه البصفقوا ليه وبيشجعوه على القرف والوسخ.

الحرية الشخصية تنتهي صلاحيتها بمغادرة بيتك، او بمجرد اختلاطك بآخرين،

Quote: ما حدث في كمبالا لم يكن مجرد "فعل فردي" يستحق النقد، بل تحول إلى معركة سياسية مصغرة تكشف الوجه البشع للمعارضة المضادة للثورة. لقد استغل أنصار النظام البائد وأدواته الإعلامية والفكرية حادثة ترويس لشن هجوم شامل على مشروع ديسمبر بأكمله، في محاولة يائسة لتعويض إخفاقاتهم السياسية والعسكرية

تسمح لي زيزو يا فردة ، مع خالس تقدريري الشخصي
وكبسولة محبتي التي تعرفُ جيدن وقدلا تعرف جيدن لشخصك
الكريم وقُبَّعة تظل مرفوعة دومن للكنداكة الراكزة بت مرغني
+ 19 ديسمبر تظل علامة ً فارقة (BENCH MARK)وقُلنا
(فارغة) على دروب التحرُّر من نير الاستبداد بالرأي والسُّلطة .
و مع بغضنا المُعلن لنو كوزنان "يكفي أننا شبهاناهم ب قراطة طيز "
أفتكر ممفيش تناحة أتنح و لا لياقة أليق من كدا. وإن كان هذا لا يُحسب
اصطفافاً إلى جانب بنو قطان فهم على الهواء سواء إن لم يكونا ألعن و أظرط
+ و أما هذا ا لكائن اللزج الممدعو تروِس، فإن كان ولا بُدَّ في المية من مأخذ عليك
أنك صنفته فنانناً (كدا بالعافية) و هو تمثال مجسد لخروجٍ سافرٍ عن المألوف تربأ عنه
بأرانبِ أنفوهن بنات مهيرة بت عبود وبنونة بت المك ، ناهيك عن داناصورات شبه
منقرضة السلالة من ضهر ناس عاشميق اللصم و عبد اله ود جاد الله كسار قلم ماكميك
و و ود حبــــوبة علي عبداللطيف و عبد الفضي الماظ و والقرشي و كل من ورد سيرتهم
العطرة على لسان الفرعون ونحجوب شريف شريف و الدوش و فيتوري و هاشم صديق.
+ ديسمبر لاغُبار عليها بَيْد أنها لم تسلم من كيـــد الأصدقاء الأعادي في ظلِّ سفه و لعنــة
(الخُبز والخبائز) ممن سطوا عليها ها فأفشلوه لتتقزمَ إلى إنثي ثَوْر كبقرة بني أسرئيل
(كَمُمكنةٍ من ضرعها كُلَّ حالبٍ ثُمَّ رافسة فكاشةٍ الحَلَّة في وجه من حلب) .
نأسف لأية خشونة غير متعمدة (IF ANY ))

Quote: أجيكم بيه زيارة في بيتكم؟ أتحاوم بيه في الشارع وأمشي بيه الشغل؟

تجينا زيارة في بيتنا في السودان بشورت حدو الركبة ما مقبول عرفياً.
تمشي بيهو الشغل دي بتعتمد على الdress code بتاع شغلك.
لو الdress code بتاع شغلك بيسمح ليك تمشي بيهو عادي لأنو مافي مانع شرعي.
لو مثلاً شغلك لاعب كورة او حكم عادي تمشي بيهو.
مزلرعي وماسك موية في حواشتك عادي ممكن تقلع العراقي وتشتغل بسروال فوق الركبة.

الي الاخ زهير وضيوفه الكرام المحترمين:
الاسئلة التي نطرحها للبلابصة والاخونج والكيزان والفلول وكلا بهم، لماذا ضحك الاسلامنجية حتي زرفت دموعهم في دبي في عرض مسرحي خاص به عن سرارايق الدهب قبل بضعة سنوات عندما خلع محمد تروس بنطاله وبان رداءه او
سرواله الداخلي باللون الاحمر، والان ينافقون ويستحمرون؟ لماذا انتم
ونسائكم وخدمكم وحشمكم غرقتم في موجة عارمة من الضحك عندما استفرغ -تقيأ -الفنان محمد تروس من قبل عرض مسرحي وقلتهم هذه مسرحية فنيه رائعة، بينما الان عاملين فيها ان لكم مثقال ذرة من اخلاق ودين وانتم عكس ذلك تماما؟؟
سببين يجعلان البلابصة يقدمون عروضهم المسرحية وبكائياتهم السمجة في السوشيال ميديا مستنكرين وعاملين فيها انهم بتوع اخلاق:
📌السبب الاول هو الخطاب الذي تلاه محمد تروس الذي في مضمونه قام بتعرية الجيش الذي ملص سرواله في 80 بالمائة من حاميات الجيش بالسودان في الثلاث سنوات الماضية، وعلي مستوي رتبة لواء ملصوا سراويلهم وزحفوا علي كروشهم مؤخراتهم،
واخر المالصين قائد الفرقة 22 بابنوسة، الذي جعل الكيزان والاسلامنجية ينعقون بياس و################ ان تروس
كشف كيف ملص الالاف من عناصر الجيش والخرائون ملابسهم في الفرقة الاولي مدني وفي القضارف وفي الضعين ونيالا والفولة والنيل الابيض والفاشر وقبلها في الخرطوم وبحري هجليج الخ هذا ما اغضبهم ان ياتي شخص
اعزل كوميدي يفضح هذه المؤسسة الصنم بانها مجرد صنم من عجوة بايتة.
📌السبب الثاني ان الممثل تروس تكلم عن السلام عن المحبة عن الارواح الشابة البريئة التي سقطت شهيدة في ديسمبر وذكر هو ونانسي عجاج وغيرهم العالم بهؤلاء النفر الكريم لذلك كان نباح ضباع الاخونج.
اخير- لو صعد محمد تروس المسرح وهو عاري الجسد كما ولدته امه من غير اي قطعة قماش املط ابلط وقال، بل بس، عيال الملاقيط، اولا الضيفان،
حرب حتي شنق قحاطي بمصران اخر جنجويدي لكنا شاهدنا نفس الانجاس ولاد امزقدة الاسلامنجية كتالين الاطفال مغتبصبين الاستاذة با الالات حادة
في الدبر لصفقوا له واعتبرو ذلك ضربا من ضروب الجهاد بفقههم، اخر من يتحدث عن الفن والدراما هم الاخونج الملاعيين.

السيد قصي
اولا ومن ناحية دينية وزي ما قال اخونا حافظ النطاق المسمي عورة للرجل مغطي ومستور في جسمً الفنان تروس واللا بكون دينك او فهمك للدين داعشي !!
ولعيبةًكرة. القدم يلعبون بزي اخف من هذا ويشاهدهم الملايين والشاب في السودان يخرج بمثل المنزل من وسط أهله في الشارع وسط الجيران ويذهب ويلعب الكرة !'
ثانيا
الجنجويد اللي صنعهم منو ؟
مش نظام الانقاذ وما يسمي بالحركة الإسلامية ومنو اللي شاركهم المجازر في دارفور مش ناس الحركة الاسلامية ؟
بتقدر تقول عليهم خونة وقتل ومجرمين ؟
وبالمناسبة هل حصل انك أدنت مجازر الكيزان والجنحويدفي دارفور؟

ثالثا البرهان دا مش قايد الجيش اللي مكن وقوي الجنحويد ومنحهم والمواقع العسكرية واضعف الجيش لصالحهم وشاركهم في مجزرة القيادة ؟
كنت وين وقتها هل أدنته وجرمته ؟

رابعا ماهي علاقةً الديسمبريين بالجنجويد ؟
الديسمبريين. قالو الجنحويد ينحل ومافيها مليشيا بتحكم دولة والثوار ديل من قتلهم وسفك دمهم هم الجنجويد والبرهان
ثم ان من انقلب علي الثورة والديسمبريين في اكتوبر ٢٠٢١ هو ذاته حميدتي ومعه برهان فكيف يكون الدعم السريع هوُ جيش الديسمبريين وهو يقتلهم وبنقلب عليهم؟
خامسا
من اتي بحميدتي بعد الثورة وجعله نائباً لرئيس المجلس العسكري وقدمه للناس بوصفه حاميا ودرعا هم قادة الجيش لا المدنيين - عيب بعض المدنيين انهم ارتضو به وبالبرهان الذي أتانا به !

سادسا
القوي المدنية والثوار تم التآمر عليهم بواسطة المكون العسكري ثم انقلب المكون العسكري علي نفسه فما ذنبنا نحن ؟
وسابعا
الجيش لم يقاتل وحده وانما قاتلت معه عشرات المليشيا وبعضا من الديسمبريين والجماهير
والجيش وبسسب اضعاف الكيزان والبرهان له وتمكينهم للجنوبدعلي حسابه عجز عن حماية الارواح والممتلكات مما دفع بعضا من الثوار ليحملوا السلاح وبالأمس خرجا بعضا من هولاء احتفالا بثورتهم
ثامنا
نعم الجيش للثكنات ونعم لإنهاء وجودكافةًالمليشيات وعلي رأسها الدعم السريع
وذهاب الجيش للثكنات -
يعني تفرغه لواجباته ومهامه الدستورية والقانونية وحماية التراب والسيادة. والوطن او الوفاء بالتراماته التي يؤجر عليها ويدفع من عرقنا وقوت اولادنا مقابلها
وليس من ضمن تلك المهام ان يغتصب السلطة ويحكم البلاد. فهذا ليست من شئونه ولا هو بالمؤهل لها - مهامه. هي الحماية وحتي هذه قام ببعضها المدني والديسمبري لا من اجل اجندة ومصالح ومكاسب كما تفعل بعض المليشيات وحينما جاءت ذكري. ديسمبر ترك سلاحه وزيه العسكري بالمنزل وخرج يحتفل بها كمدني يحمل غصن الزيتون ويتسلح بهتافه

نحن أنا ومن يري راي
نراهن علي بقاء الموسسة العسكرية مع ضرورة إصلاحها وإبعاد مفسديها وكيزانها وغير المؤهلين فيها والإبقاء علي الموهليين من الشرفاء والوطنيين. والغبش وتفرغ الجيش لواجباته وكما قلنا انهاء وجودالمليشيات جميعها

سلامي واحترامي لك يا استاذ زهيرولكل المعلقينانا شخصيا تروس من بدري اصلا ما بينزل لي من زور ..وتانيا ما شايف انه بيملك اي حس فني...لكن ممكن نسميه ناشط..وين الفن والقيمة الفنية في اداء مشهد تريبتيزالتربتيز اصلا فعل ايروسي.
ابتكر بعضهم من الناشطات الفيمنست و المثلين والمتحررين في الغرب في خروج عن المالوف فكرة التعري اعتراضا على التضييق على ااحريات والقمع..
فالمجتمع هناك بيقبل الفعل ده وفق قيمه واعرافه وبشوفو عبارة عن شكل من الاحتجاج..
فالفنان المفروض يعرف جمهوره الذي يخاطبه ويعرف الشيء البيقبلو و البيرفضو..
الناس اعتقد كان منتظرين منه رسالة مناسبة لهم...لكنهم ما قدروا يبلعوا الفعل ده.
اي حاجة ترتبط ب ال private واجزاء الجسم الخاصة لها خصوصية واحترام ..ويعتبر الكشف عنها فعل معيب وغير لائق.
بس هو بي لقافته وشتارته ما قيم الوضع كويس ولا قيم جمهوره.
بصراحة بشوفه تصرف ده في منتهى الغباء والهبالة مهما الناس تحاول تبرر ليه...

للسلفية من غير الدواعش
"

إمنقول
اسلام ويب
الفتوى
الرئيسية فقه الأسرة المسلمةالنكاحمقدماتهأحكام النظر والاختلاط
عورة الرجل وعورة المرأة في الصلاة وبين محارمها

94465
336 443
السؤال
عذرا يا شيخي على كثرة أسئلتي ولكن هذه الأسئلة ليست لي وإنما للكثير من أصدقائي وجزاك الله خيرا، السؤال هو: ماهو الدليل على أن عورة الرجل هي ما بين السرة إلى الركبة، وما هو الدليل على أن عورة المرأة بالنسبة لمحارمها هي بين السرة والركبة، وإن كانت عورة المرأة بين السرة والركبة، وكما تعلم أنه في الصلاة يجب أن تستر المراة عورتها -إذا- لماذا في الصلاة يجب أن تستر المرأة جميع بدنها ولا تكتفي بستر ما بين السرة والركبة، يرجى التوسع لأنني إن شاء الله من طلاب العلم ومن طلابك يا معلمي؟
الإجابــة
الحمد لله، والصلاة والسلام على رسول الله، وعلى آله وصحبه، أما بعد:
فإن عورة الرجل لا تختلف في الصلاة وخارجها، بل هي في جميع الحالات ما بين السرة والركبة، والسرة والركبة ليستا داخلتين في العورة، "

انتهي
زيادةخير
"
فعورة الرجل هي ما بين السرة والركبة عند الشافعية، والحنابلة، والحنفية، والمالكية في المشهور عندهم

خلاصة الموضوع ممكن الناس تقيمه من. ناحية فنية اختلافاً واتفاقا او ناحية كونه يقوم بايصال رسالة. هل نجح في ذلك وهي وسيلته وأسلوبه فاعل وادي الغرض؟
برضو موضوع يقبل الاختلاف او الاتفاقوكمان من ناحية الذوق. وتقييم العمل وهذا يختلف فيه الناس باختلاف أذواقهم اقحام الدين والابتزاز بهولسوء حظ هولاء. ان الدين يبيح ويحل هذا الامر. ولاغبار عليهناحية الأعراف والتقاليد وهذه تختلف باختلاف البيئة والمجتمع. والمجتمع قد يستهجن. ويرفض ماهو مباح دينيا فحلق الشارب مباح دينيا بل هناك حديث يحث عليه ولكن في المجتمع السوداني والأعراف والتقاليد حلق الشارب شي مستهجن ومثير للسخريةًوالشاهد في هذا ان الأعراف لا تتطابق بالضرورة مع الدين انها تختلف حتي في الدولة الواحدة. من مجتمع لمجتمع. وبيئة لبيئة وهكذا ومن ثانية لا علاقةً بأسلوب. الفنان تروس بثورة ديسمبر بمعني. ان الفنان يمثل نفسه ورويته الفنية فنحن الاعتصام. والثورة. لم نكن نشترط. لبس رداء وزي رياضي وانما كان في الاعتصام المعمعم والتي تتزي بطرح او ثوب او مايسمي بالحجاب او النقاب وما يتزي بزي الفرنجةعموما تروس لم يقتل او ينهب او يشرد او يغتصب ولم يصنع مليشيا لتحميه وتضرب عدوه ولم يستخدم القوات النظاميةًللقهر بقت علي البعض حكاية من قتل الحسين في كربلاء او خذله اوسكت عليها ثم جاء يستفتي. في حرمةً سفح دم البعوض في الحرم !!

Quote: ازيك ياهدي ،، ولا عاش من يزعلك . الاخ الفاضل . قصي ، لا اظنه يقصد ذلك ، وقرأتي له هنا ، تثبت الي انه لايميل يزعل زول او يهاتر . وهذا ليس دفاعا عنه ، فهو يستطيع الرد والكتابه ... المهم . هل تعلمي ياهدي ، ان هناك خلط كبير في موضوع ثورة ديسمبر المجيدة ...! استغله البعض لتمرير اجندته الخاصه . !! ساوضح لك : * المقاومة الشعبية والاستتفار ، ومعظم التشكيلات العسكرية ، المساندة للقوات المسلحه ضد التمرد ، والعدوان الغاشم الدولي علي السودان . هم الشعب السوداني ،بمختلف طوائفه ومشاربه ، وانتمأاته.وثوار ديسمبر هم العمود الفقري لذلك . * شباب الثورة " غاضبون ، ونمور العباسية ، واسود البراري ،وووو " هولاء هم من حمل السلاح مع الجيش ، وقاتلوا الجنجويد والمرتزقة .وانا منهم . * الموجودين في ابوظبي ، واديس ، وانجمينا ، ونيالا . هولاء رموز سابقة للثورة ، لكن سرعان ماتحولوا لللحاق بمصالحهم الشخصية ، والركض خلف المناصب ، وتركوا الثولر الحقيقين في الخنادق مع الجيش، وهم يدافعوا عن السودان ، ومازلنا . * من يتحدثون بأسم الثورة بالخارج ، وبعد ان سقطتت اقنعتهم ، انضموا علانية للتمرد ، بل واصبحوا ابواقا له . .... باختصار : شباب الثورة ، ومعظم الناجين من مذبحه القيادة التي ارتكبها الجنجويد ( لاتتناطح في ذلك عنزتان ) ، هم الان في مقدمة المتحركات المرابطة في كردفان ، وتخوم دارفور . اما رموزهم ، فقد باعوا الثورة بثمن بخس ، بل يسعون لتكوين دويله موازية ، طمعا في المناصب والامتيازات . وطبعا هذا مجرد " هراء " وضحك علي الناس ، وحلم خرافي يراودهم . جلب مرتزقة وصعاليق ومجرمين ، وكلاش ، ودوشكا ، ومسيرة . ليس قوام دولة ، ولاتصنع الدول هكذا . وكل ذلك فرقعه في الهواء . انهم يحتهدون الان للحصول علي شرعيه ، رغم ان الجميع يعلم انهم علي باطل . لايهمنا مايقوموا به حاليا .( هم يشتغلوا شغلهم ... ونحن نشتغل شغلنا ) . وياجبل مايهزك ريح . نصر من الله وفتح قريب

أخى المحترم هاشم سلام يصلك فى البقعة المباركة وعامرة بناسها~
يا خوة لما أشوف إسمك فى البورد أطير من الفرح وأتأكد انه السودان ودنيا شعبه ما زالت بخير
شكرا على مكتوبك هذا والذى اتفق معه جملة وتفصيلا
…حتى الشباب الطلع قبل يومين فى السودان احياءً للثورة كان من هتافاتهم "الجنجويد يتبل " وليس مجرد يتحل !
…عارف يا هاشم عزت+الماهرى داعية الحرب كان كل خوفه من الشباب ديل ، ويصرخ ما يستنفروا
لأنه عارفهم شجعان وهو الجبان كان مبارى الجيش والإستخبارات يلقط فى المعلومات وعرف كل نقاط الضعف عند الجيش
عشان كدا قال كنا مجهزين الخرائط (تصور خرائط بلد عند الجنجويد) وقال طوالى نفذنا الخطة
……………………
أما أنت يا قصى راجعة ليك أوريك جبن الكيزان والجنجويد معا
…خليك فاهم تماما الفرق بين الجيش كمؤسسة وطنية والبوليس كمؤسسة وغيره وبين كيزان السجم والرماد اللذين هم والجنجويد واحد

مساء الفل
أولا بالتبادي البوست انتاج بتاع ذكاء اصطناعي
واللخو زهير براءة منو عشان كدا خلوه يا أخوانا
لكن بس قولوا ليهو الأكل المجمد دا بجيب المرض
خخخخ
ثانيا اللخو قصى شابك الناس وسخ وقرف وما عارف
شنو ويقول ليك ما بشخصن الموضوع
يعنى يا عبدالله انت لما تقول البساندو الراجل
القالع دا وسخ وعفن وانت عارف هنا في المنبر
دا الناس ديل موجودين يبقى الشخصنة أكتر من
كدا كيف
النقاش ما رجالة وإرهاب لفظي يا اللخو فاااااشنو
أهدأ عشان الحكاية ما تتحول لوسخ ووسخ مضاد
وقرف وقرف انت الخ الخ الخ
ثالثا
مولانا حافظ كلامو مليون في المية
رابعا شنو حكاية اي نقاش يدخلوا فيهو الجيش دي ؟

يا حافظ.. روق المنقة شوية!
يا زول هوي، السلام جاك.. وشكراً ذاتو إنك بتقرأ لي، ومعليش لو كلامي "سخّن" بيك شوية، بس الظاهر إنت قايلني بكتب في "ديباجة" ولا "منشورات حكومية"
يا حبيبنا أنا لما أكتب، الكلام ده فيهو "غُمتي" وفيهو رموز، ما كلو بيتاخد بالسترة كدة
ده تحليل نقدي، يعني بنستعمل الصور عشان نوصل الفكرة الكبيرة، ما عشان نوصف ليك الواقع بالملّي والشعرة والاعضاء الغير مرئية
نجي لنقطتك "الفقهية" القلبت بيها الطاولة دي والله ما قصرت والله، وبارك الله فيك الجبت لينا مذهب الجماعة ووضحت لينا حدود "العورة" وين
طلعت دقيق خلاص ومقطعها! يعني هسي الزول ده "ساتر" حالو شرعاً؟ خلاص، كتر خيرك على المعلومة، نمشي نعدل السجل المدني يعني؟
لكين يا "مولانا" ركز معاي هنا: لما أقول ليك "جسد عاري"، أنا ما قاصد القماش والهدوم والستر الفقهي الـ إنت ماسك فيهو دا
أنا بتكلم ليك عن "الفضيحة السياسية" عيـيييك.. عن الضعف الكشفوهو الناس، وعن الصراعات البتخلي الزول "ملط" قدام الخصوم
ده أسلوب أدبي يا حافظ، ما درس دين! كان ممكن طبعاً أفتش ليك مفردة "ناعمة" تانية عشان ما تتحسس، لكين قلنا الناس كبرت على الفهم دا
يا حبيبنا أنا بحترم دقتك دي (الما عندها علاقة بالموضوع)، وبحب النقاش الهادي
لكن عليك الله، لو عندك حاجة في "السياسة" ولا "الاستراتيجية" المكتوبة دي، أمرقها لينا
خلّينا من حكاية "العورة" والهدوم، وأدخل لينا في "اللحم الحي" بتاع الفكرة.

يا طلحة يا زول… خلينا نتفق من بدري علي انو في ناس الأكل المجمّد ده بياكلوه بـ الشوكة والسكين، وفي ناس لو سخّنوه زيادة بحرقوه وبقولوا ليك المطبخ بايخ ومسيخ
أول حاجة، خلينا من قصة “اللخو زهير محتاج براءة”. ياخي الذكاء الاصطناعي ما آيسكريم فريزر، ده مطبخ عديل كده…
لو دخلتو وما بتعرف النار، الأكلة بتطلع مسيخة، ولو فاهم، بتطلع شية تخليك تلعق صوابعك. الموضوع ما تكنولوجيا ساي، الموضوع نَفَس. والنفس ده – الحمد لله – لسه ما دخلوا ليهو تحديث
نجي لحكاية “الوسخ والقرف” والشخصنة… يا طلحة، إنت راجل عارف الفرق بين شتم الناس وشتم الأفعال. لما أقول فعل سياسي وسخ، ما معناها سبيت أم زول ولا جدتو. دي سياسة يا أخوي
والسياسة في البلد دي بقت زي حمّام السوق ما فيهو مويه وسخان وقرف على عينك يا تاجر نعمل شنو يعني ؟ نسميها عطور باريس؟
إرهاب لفظي شنو بس؟ ده كلام في المليان… والما عاجبو يلبس سماعة
أما مولانا حافظ وكلامو الـ “مليون في المية”… ياخي لو مشينا ورا كلام حافظ، بكرة أي زول داير يكتب بوست سياسي لازم يغتسل، ويتوضأ، ويستأذن لجنة فقه العورات!
مولانا ماسك في طرف الثوب وفقه العيب، ونحن ماسكين في عورات سياسة عرّت البلد وخربت عيشة الناس
دي سياسة ما حلقة ذكر، والتحليل ما محتاج فتوى
وآخر حاجة… الجيش ههههه يا طلحة، بالله عليك، في حاجة في البلد دي ما داخل فيها الجيش؟
من الرغيفة لحدي الرصاصة! تقول ليه “ليه بتدخلوا الجيش في أي نقاش؟”
يا زول الجيش ما دخلناه حشر… ده قاعد في نص الحوش، شارب الشاي، ومغيّر القنوات. النقاش من غيره بكون زي عرس من غير عريس
يا طلحة أنا ما بعرف عنصرية، ولا جهوية، ولا قبائل في الكتابة قبيلتي اسمها المنطق، وجدودي الحقيقة
خلينا من قصة الأكل المجمد دي، وتعال ضوق معانا سخونة التحليل الجد جد، بلا فقه حافظ، وبلا دفاعك الناعم الزي مخدة الريش دا
البلد محتاجة كلام حار… مش تسخين في المايكرويف
واكل طاعم كمان #
.

Quote: لما أقول ليك "جسد عاري"، أنا ما قاصد القماش والهدوم والستر الفقهي الـ إنت ماسك فيهو دا أنا بتكلم ليك عن "الفضيحة السياسية" عيـيييك..

قوم لف يا زهير وبطل الكضب.
السياق الإنت ذكرت فيهو كلمة جسد عاري بيقول إنك قاصد جسد عاري بالمعني المباشر وليس بأي رمزية.
فأنت اشرت إلى التناقض بين استنكار الجسد العاري في كفة والصمت على مجازر مليشيات الدعم السريع وعنف الدولة في كفة أخرى.
ولا يوجد تناقض إذا كنت تقصد بالجسد العاري الاشارة للفضيحة السياسية.
عشان يكون في تناقض لازم عبارة "جسد عاري" تكون بتعني المعني الفيزيائي المباشر للجسد العاري.
فشنو ما تكضب وتلولو لأني بكشفك بكشفك.

Quote: الضجة المفتعلة حول "الانحلال الأخلاقي" تكشف تناقضاً صارخاً: فأولئك الذين يسكتون عن مجازر مليشيات الدعم السريع وعنف الدولة، وينامون على دموع النازحين والمشردين، يتحولون فجأة إلى حراس للأخلاق عند رؤية جسد عار! أين كان "حراس القيم" هذه عندما انتهكت كرامة السودانيين في السجون والمعتقلات؟ أين هم عندما نهبت ثروات البلاد لعقود؟

يا حافظ،

أحترم عمرك، وهذا واجب أخلاقي قبل أن يكون موقفًا شخصيًا، وقد أمرنا به الدين؛ إذ قال رسول الله ﷺ:
«البركة مع أكابركم»
(رواه ابن حبان والحاكم، وحسنه الألباني).
غير أن مخاطبة الناس بنعتهم بالكذب ليست علامة قوة فكرية ولا دلالة هيمنة معرفية، بل هي في جوهرها قرينة على ضعف الحجة وغياب الطرح الرشيد
فالخطاب العام يُقاس بقدرته على الإقناع لا بالإقصاء، وبعمق الفكرة لا بحدّة الوصف
ولذلك، فإن هذا الأسلوب لا يستوجب ردًّا يتجاوز حدّ التنبيه إلى سطحيته إذ إن الجدل لا يُكسب قيمته من التسفيه، ولا تُبنى المكانة الفكرية بالانفعال
نم بخير، وتذكّر أنني قادر على قول ما هو أشد مما قيل، غير أنني أؤمن بأن الانحدار لا يُصارَع بلغته و وأن السموّ في الخلاف فضيلة لا ضعف

أسأل الله أن يجعل لك فيما تمضي إليه خيرًا وصلاحًا.

نزلت المداخلة تحت لتصحيح كلمة

قصى~

نبدأ ودا قصدى من ما أحب زول يزعلنى:
#الجيش مؤسسة وطنية وكذلك البوليس وغيره
#أيوة الكيزان المجرمين لأنهم جبناء ولازم يحتموا حتى من الإطفال وراء بندقية، عشان كدا عايزين يستلموا جيش السودان
وما حأعيد الكلام الكل الناس عارفاه انه فى تفريخهم للمليشيات وصلوا درجة جابوا الجنجويد من كل جهات إفريقيا والسودان ولبسوهم وعملوا منهم جيش موازى
ومش كدا بس المخابرات فى التدريب عن طريق فاغنر عارف اول المتدربين منو؟ ياهو حميدتى دا زاتو وجاء أول ممارسات مهنته عملها مع بكرواى وذاك الانقلاب
#وانت فاكر الجنجويد دخلوا كل الإماكن وصقيرها بارد جدا ليه؟
لانه الكيزان الجبناء بعد نهبوا موارد السودان وانتفخت جيوبهم من إموال البترول ، عايزين ليهم بندقية تحميهم وياهم جابوا الجنجويد ويرفعوا فيهم لما إختلفت المصالح
الكيزان والجنجويد حاجة واحدة وإتقسمت نصين ، نص يقتل فى المدنين من هنا ونص يقتل فى المدنين من هناك
وما حسبو والباشا طبيق وغيرهما حائمين معانا فى الموقع دا كثيرين
…هل سمعت الجنجويد قتلوا ولا قبضوا زول ، هداك البشير زى كديسة المستشفى حايم من مكان لمكان ، ليه ما مشوا عليه
…والبرهان وغيره عارفين مكان قادة الجنجويد وين لكن زى جنجويدهم فلاحتهم فى المدنين
…انت قايل فى كوز عنده شجاعة عشان يدافع عن وطنه ، البيدافعوا عن الوطن ديل ياهم الديسمبريون الشجعان
…ولن تأتى وكيزانك وجنجويدهم وتستلموا البلد تانى
#عايزنى أواصل ليك هنا ولا اعمل ليك خيط؟
…لسه جاياك على مدير البوليس الجاب ناس الجوازات فى بيته عشان يطلعوا جوازات لأهله ونحن واقفين فى الصفوف

…ناس مؤسسة البترول
…ناس التصنيع الحربى …موظفات سك العملة
…
…
…

اللخو زهير نفس شنو وكحة شنو ؟؟
ياخوي نفسك موجود في المنبر ومعروف قبل ما تطلع كارثة العصر
الاسمها الذكاء الاصطناعي دا وأي زول تابع ليك بوستات قديمة ح
يعرف من أول وهلة انو البتجي معتلو دا على أساس أنو بتاعك مع عندو علاقة بيك
لا من قريب ولا من بعيد .
انت يا زهير بتجي معتل صياغة الذكاء المصطنع دا بالشولة
والضمة وتجي تقول كتابتي ومقالي ونفسي
المنبر دا شاهد على كتابتك بى نفسا وبى صياغتا وبالإملاء بتاعتا
وهسة ردك علي دا ما عندك فيهو إلا النسخ واللزق من محل
قلت للذكاء الاصطناعي اكتب رد .. اتا قايلنا بنبيع ترمس ؟؟
المشكلة الكبيرة في رد الذكاء الاصطناعي على انو خم كلامي
ليك مع كلامي لقصى مع كلامي لمولانا حافظ وربطهم في حزمة واحدة باعتبار انو
الكلام موجه ليك كلو مع انو الحقيقة يا اللخو زهير كل الكلام
البخصك محصور في حكاية انو البوست دا انت ما عندك فيهو شولة وكلو
انتاج ذكاء اصطناعي وأنت براءة .. تاني ما خصيتك بأي نقاش فكري أو معرفي.
بعدين القال منو أنا بدافع عن تروس واللا بهاجم فيهو كان هو
ولا غيرو ؟؟؟
مشكلتي كلها في البوست دا وغيرو من البوستات السابقة واللاحقة دائما
بتنحصر في الرد على الادعاء والنفاق الاجتماعي والتجارة بالدين والعنصرية بس .
يا زهير والله الأكل المجمد بتاعك دا يوديك التوج فحاول اعتمد
على نفسك لو عايز تتطور خخخخ

الحمدلله يا طلحه اتطورت بقيت اديب واكاديمي ومساعد باحث بدرجة وظيفة معقولة ودخل كويس
وهذا دليل علي اني نالت القسط المريح من المعرفة الباقي عليك ما تكون زول ساي
انتو بس ماشين للتقليل من الناس الامي بيتعلم والجاهل ببقي زول ذا قيمة لو طور حاجاتو دا ماتطور يا شيخ الشيوخ
وبعدين يا رهيب الذكاء الاصتناعي لسع ما بعرف يكتب بالعامية السودانية كدي حاول انت وارجع لي المفيد
واشكرك علي القييم العلمي

اللخو زهير حصل يوم رفعت ليك لافتة هنا
قلت ليك أنا ما زول ساي ؟؟؟
ياخ عليك الطلاق شدة ما زول ساي لما ينقصو مني
دي أرقد منها قفا اااااااااعبدالله
بعدين شنو الذكاء الاصطناعي ما بكتب بالعامية دي ؟؟
هسة الجاب ليك سيرة العامية منو هنا
انت يا للخو البوست بتاعك دا كلو باللغة الفصحى المسيخة ديك
وبعدين لو قلت ليهو اكتب لي بالدارجة السودانية بكتب ليك
ولو ما كتب ليك عادي جدا تحشر ليك كلمة كلمتين واللا عبارة
عبارتين أو تبدلهم على أساس انو دا نفسك يعنى هههههه
يا عبدالله كدا استهدأ بالله وأمسك قوي في انك اديب وأكاديمي
ومساعد باحث ومفكر ومخترع وبتاع جمباز واحمد الله
جل ان لم يكن كل انتاجك في المنبر دا يا زهير أخوي يا اما نقل يا اما ذكاء صناعي
ودي حريتك طبعا لكن بس ما حاجة ممكن تدسها اااااااعبدالله

Quote: يا حافظ، أحترم عمرك، وهذا واجب أخلاقي قبل أن يكون موقفًا شخصيًا، وقد أمرنا به الدين؛ إذ قال رسول الله ﷺ: «البركة مع أكابركم»

يعني يا زهير نفهم من كلامك دا إنك ولد صغير ولم تنضج بعد وغير مؤاخذ على كتاباتك الساذجة؟

Quote: Quote: يا حافظ، أحترم عمرك، وهذا واجب أخلاقي قبل أن يكون موقفًا شخصيًا، وقد أمرنا به الدين؛ إذ قال رسول الله ﷺ: «البركة مع أكابركم» يعني يا زهير نفهم من كلامك دا إنك ولد صغير ولم تنضج بعد وغير مؤاخذ على كتاباتك الساذجة؟

😀😀
فى يوم من الأيام مولانا حافظ دا كتب معلومات بسيطة جدا عن حياته فى مداخلة مع شخص (عارفة الشخص منو😀)وطوالي أنا شلاقة منى جمعت وطرحت وعرفت عمره كم
وعليه يا زهير - مولانا حافظ بعلمه الكثير ومتنوع وفهمه دا أصغر منك
#فشنو شيل كلامك عن الأعمار دا وكمان معاه آية دينية وصححوا …

\\


يا هدي هل حصل مني ان تدخلت بينك وبين من تساجلين ارجو ان تفهمي اني لا ارغب في اي حوار معك
هل انت مفوض في الدفاع عن حافظ ومن الخير ان تمضي بعيد عني واني لك شاكر ان فعلت ذلك

Quote: هل انت مفوض في الدفاع عن حافظ

أنا أديتا تفويض. عندك مانع؟

وبعدين يا زهير شنو تساجلين دي؟
اوعك تكون قايل البيني وبينك دا سجال.
السجال بيكون بين طرفين وفيهو تناوب في طرح الحجج.
البيني وبينك دا حوار من طرف واحد بس.

وشنو اخير ليك تمضي وحركات الشفع الصغار دي.
اكبر واعقل ياخي وارتقي لفوق شوية.

Quote: يا هدي هل حصل مني ان تدخلت بينك وبين من تساجلين ارجو ان تفهمي اني لا ارغب في اي حوار معك هل انت مفوض في الدفاع عن حافظ ومن الخير ان تمضي بعيد عني واني لك شاكر ان فعلت ذلك

قطع ناشف ... خخخخخخاخ عجبنى جداً!

بريمة

😈
زهير ما تضحكنا ، سجال شنو كمان مع النقل من الذكاء الصناعى أشكالا وألوانا وتشكيلا كمان

…………
Simpleton
اسمك الجديد "كروزر الحوامة" من بوست لبوست من تشوف إسمى تجئ جارى …مكسر شديد
…نوعك دا بس يحوم ، ما شايفاك جبت سيرة كروزر الحوامة رغما عن لقيطك للأخبار
…ولا دا من يوم الفندق قالوا ليك تمشى جوار الحيطة وبيوصلك المعلوم
………
دا أحسن خيط فى الإيام الإخيرة دى🤑

لكل الاحباب و الزملاء في المنبر
اشكركم علي المشاركة ولقد ادي بوستي هذا هدفه باثارة سفاهة السفهاء وتطول الاقزام
واحمدالله علي اني من مستخدمي الذكاء الاصتناعي لتنوير عقول تسيادها الظلام والاظلم والحقد الدفين ارتقوا يرحمكم الله
ولعنة ربي تنزل علي الكيزان والبلابسة وادعياء الشيوعية من نساء ورجال المتنطعين كذلك
وسوف اجعلهم يعوموا في دوامة التشكيك بلا يقين وكذلك مع الوجع المريض ولا قول لي لهم غير أن اسال الله لهم عاجل الشفاء
لكم كل الود
أخوكم
زهير الذكاء الاصتناعي كما في دنيا الواقع وعوالم الخيال

Quote: من بوست لبوست من تشوف إسمى تجئ جارى …مكسر شديد[/QUOTEتبالغى يا هدى، أنتى تحرشتى بأستاذنا حسن فرح .. أختشى! هسى ساكينى فى حاجة ما عندك لها أدنى دليل .. يعجبنى خيالك .. واسع شديد! بريمة

---

Post: #43 Title: Re: حادثة كمبالا- عندما يصبح الخوف من فنان ذر� Author: زهير ابو الزهراء Date: 12-24-2025, 03:12 PM Parent: #42 يا بيما صديقي ظن الاعجاب ظل فيه خيرا كثير ولكن اين تشرفت انت برؤية القمر فوق في السما انت محظوظ ما زينا لا شوفنا قمر ولا سمعنا اغاني الشعراء صفوة جمال بنات حواء في بلادنا الواسعة لكين وقعنا في غضبة الجندر كلام خدم الدوكه الفارغ ما اظرف عالمي زهير ذكاء اصتناعي

---

Post: #44 Title: Re: حادثة كمبالا- عندما يصبح الخوف من فنان ذر� Author: كمال عباس Date: 12-24-2025, 03:21 PM Parent: #43 أخوانا حافظ بشير وزهير موضوع الشيخوخة او كبر السن المعايرة السلبية. اصبحت تقارب في المجتمعات الاكثر تمدنا وحساسية تعد تمييز سلبي - وحط من قدر الإنسانية ولكن إذا تجاوزنا هذا تجد انه وفي مسالة العمر والسن دي راس الصوت لحقنا. كلنا مادام وجودنا في هذا المنبر شارف ربع قرن من الزمان ! عموما المنبر زاتو تقدم في السن بمقياس عضويته فزمان. كان فيه طلبة جامعات وخريجين جدد وموظفيين جدد يعني اغلبه كان شباب في عشريانته وثلاثياتته وقليل من تخطي هذا

---

Post: #45 Title: Re: حادثة كمبالا- عندما يصبح الخوف من فنان ذر� Author: زهير ابو الزهراء Date: 12-24-2025, 03:40 PM Parent: #44 الأخ العزيز كمال عباس، تحياتي واحترامي. دعني أوضح نقطة مهمة حتى لا يُساء فهم المقصود- لم يكن حديثي – لا من قريب ولا من بعيد – معايرة بالسن أو انتقاصًا من قيمة الإنسان بسبب عمره، فهذه مسألة محسومة أخلاقيًا، وأتفق تمامًا معك أن أي تمييز سلبي على أساس العمر مرفوض ومخلّ بالإنسانية. لكن ما قصدته – وأتحمل مسؤوليته كاملة – هو العكس تقريبًا- أن التقدم في العمر، في الأصل، يفترض زيادة في الوعي، واتساعًا في الأفق، وهدوءًا في الحكم، لا انغلاقًا أو خوفًا من أدوات العصر أو تحولات الزمن. الإشكال ليس في السن، بل في الطريقة التي نتعامل بها مع الزمن ومع ما يفرضه من تعلّم وتجدد. أما ملاحظتك عن المنبر، فهي في محلها تمامًا. نعم، المنبر نفسه شاخ عضويًا، وشيخ مع عضويته، وهذا توصيف اجتماعي لا يحمل حكم قيمة. كان في بداياته فضاءً يغلب عليه الشباب في العشرينات والثلاثينات، بطموحاتهم، لغتهم، واندفاعهم، واليوم تغيّرت التركيبة، وهذا طبيعي في أي فضاء عام يعيش ربع قرن. لكن التحدي الحقيقي – في رأيي – ليس أن نتقدم في السن، بل كيف نتقدم معه فكريًا هل نراكم خبرة؟ هل نطوّر أدواتنا؟ أم نكتفي بالدفاع عن ما ألفناه لأن الزمن تجاوزه؟ أكرر -السن قيمة إنسانية، والخبرة ثروة، لكن الجمود ليس حكمة، ورفض الجديد ليس فضيلة. مودتي واحترامي. زهير ذكاء اصتناعي

---

Post: #46 Title: Re: حادثة كمبالا- عندما يصبح الخوف من فنان ذر� Author: هدى ميرغنى Date: 12-24-2025, 06:53 PM Parent: #45 Simpleton ~ مبسوط من حسن فرح عشان مرر ليك كلامك الدنئ دا ما تنسى انه بهتان وحديث إفك وإنتظر عقابك فى الدنيا قبال الأخيرة Quote: أستاذنا حسن فرح صار كميل إدريس يعرض أنثاه في المحافل الدولية يقبلها الفحول، دلالة علي التحضر والرقى الأممى. بريمة Post: #47 Title: Re: حادثة كمبالا- عندما يصبح الخوف من فنان ذر� Author: هدى ميرغنى Date: 12-24-2025, 07:50 PM Parent: #46 بما إنه المناسبة جاءت ، حتى الآن ما عارفة إذا أنا ميرغني المأمون أم أحمد حسن جمعة 😀 …………………………………………………………………

---