Post: #1
Title: عقب تصريحات الفريق أول البرهان التي أعلن فيها رفع الحظر عن إصدار الوثائق الثبوتية لجميع السودانيين،
Author: Hassan Farah
Date: 12-21-2025, 10:47 AM
10:47 AM December, 21 2025 سودانيز اون لاين
Hassan Farah-جمهورية استونيا
مكتبتى
رابط مختصر
عقب تصريحات الفريق أول البرهان التي أعلن فيها رفع الحظر عن إصدار الوثائق الثبوتية لجميع السودانيين، توجّهتُ صباح اليوم إلى سفارة السودان بدولة قطر لمتابعة طلب تجديد جواز سفري.
تحدثتُ مع أحد موظفي السفارة، فأفاد — في البداية — بوجود حظر على تجديد جواز السفر بسبب «تشابه الأسماء»، وهو ادعاء يفتقر إلى المنطق؛ إذ إنني تقدّمت بطلب تجديد الجواز يوم 15 أغسطس من العام الماضي، وسدّدت الرسوم كاملة، وتم تصويري رسميًا، وهو ما ينفي ضمنيًا وجود أي التباس في الهوية. وحتى بافتراض وجود ما يُسمّى «تشابه أسماء»، فإن مرور ستة عشر شهرًا كان أكثر من كافٍ لمعالجة أي لبس إداري، لا لتعليقه إلى أجل غير معلوم، مع العلم أنه طوال هذه الفترة لم يتم إخطاري بوجود هذا اللبس. وحين ذكرتُ له قرار الفريق البرهان برفع القيود عن استخراج الوثائق لكل السودانيين، جاء رده واضحًا: «لم يصلنا أي قرار بهذا الشأن»؟!
الحقيقة أن هذا القرار ليس جديدًا، ولم يصدره البرهان للمرة الأولى. فقد صدر القرار نفسه مطلع هذا العام، وتواصلنا حينها مع أحد القيادات العليا في القوات المسلحة، والذي أمدّنا بنسخة من الخطاب الرسمي الموجَّه إلى وزير الداخلية، غير أن جهاتٍ ما يبدو أن نفوذها يتجاوز القيادة العليا للقوات المسلحة تعاملت مع الخطاب كأنه غير موجود، فتم تجاهله عمليًا، وكأنما أُلقي في سلة المهملات.
الوثائق الثبوتية حق لا تملك أي جهة نزعه من أي مواطن سوداني. يريد عناصر النظام البائد، الذين اختطفوا مؤسسات الدولة مستغلين فوضى الحرب، أن يوظفوا هذه المؤسسات في حربهم ضد القوى المدنية المناهضة للحرب. أقول لهم بملء الفم: باطلكم مهزوم لا محالة، ولن تستطيعوا إيقاف مدّ ثورة ديسمبر التي ألقت بكم في مزبلة التاريخ، وما تقومون به الآن ما هو إلا «فرفرة» لن تؤثر في مسيرتنا بأي شيء See less
Comments
Awad Omar Ahmed
نحن زمان شن قلنا .. البرهان لا يمتلك صلاحية إتخاذ أي قرار بل هو ينفذ فقط قرارات الحركة الإسلامية والمؤتمر الوطني فقط لا غير
3m
Reply
حسن فضل الله حميدان
عليك بلاغ من الدولة انت سلم نفسك أولا يعني الدولة تساعد المتهمين على الحركة والهروب سلم نفسك أولا
7m
Reply
Ibrahim Tayfour
واصلو نضالكم
ستنهزم هذه الطغمة الفاشلة إن شاء الله
5m
Reply
Abu Aaza Ali
السفارة السودانية في الدوحة عبارة عن كومبارس الشئ الأنا بعرفو انو في قطر كل المعاملات الحكوميه الداخلية والمعتمده نظام الدفع الكتروني الا السفارة السودانية تدفع كاش فقط وكاش دي تحتها 1000خط
5m
Reply
Azmiadbala Snari
لازم تدخل كلمة نظام سابق وكيزان وتربط طوالي بالثوره و ديسمبر .
انت قلت سيادة ياسر العطا بقول شنو لي جناحكم العسكري .
قول تاني م سامعين
5m
Reply
سامي ارباب
في وثيقه سفر فقط الوجهه السودان لو عاوز خمسة دقيقة تستلم وعلي المطار فورا
6m
Reply
MH TA
حاجة متوقعة، البرهان لا يستطيع قضاء حاجته دون إذن 😒
No photo description available.
6m
Reply
Za Ha
سفارة مناوي بتاعة الدوحة دي انا حالف ما امشيها جوازي انتهي من سنة يك
اشتغل تمديد بس ومن السستم تحديث ف الجوازات بي 100ريال
واعمل نايم
1m
Reply
Usman Houri
اصلا متي امتلك قرارة نفسه؟؟؟
1m
Reply
جبارة مصطفي حماد
لو جيت الخرطوم بنجدد ليك اوراقك الثبوتيه
لكن خارج السودان نو
2m
Reply
Mohamed Mohamed Alamin
تشابه الاسماء يكمن في هل انت ام كعوك او اب كعوك ريثما يتم التأكد بالرجوع لقائد الام كعوكات سيتم استخراج الجواز
نرجوا منك الانتظار واذا انت في عجلة من امرك يمكن ان تستخرج جواز تحت اسم ام ورل… See more
1m
Reply
Mohamed Khair
قول وأي بس
1m
Reply
Jamal Omer Mustafa
حتي يعلم الناااس ان الدولة واجهزتها مختطفة ومن الذي يوجه ويدير وتعدد النفوذ وصاحب القرار الفعلي !!!!
2m
Reply
Magzoub Ibrahim
وانت وقت عارف القرار دا م جديد وابرهان قبل كدا قال نفس القرار السنة الفاتت ماشي تاني مالك
3m
Reply
Mod Mam
بس بقولو في تشريع من فترة حكمكم بالحظر ... والبرهان وجهه العدل والداخلية بالتعديل ... فممكن التعديل تحت الإجراء... اديها اسبوع اسبوعين ماتستعجل
3m
Reply
حسام الدين الفاضل احمد
طبعاً هم متخيلين الوثائق دي قاعدين يدوها للناس من هزائم آباءهم
3m
Reply
عبدالرازق بلوله بدر يوسف
جدد جوازك كان تقدر 🤣
3m
Reply
Hafiz Elsheikh
جوازك علاقته اشنو بثورة ديسمبر
7m
Reply
Muntasir Eltayeb Yousif
دايرين اخدروكم ساااي
7m
Reply
آلاء محمد
برهان والحكومه تأتمر بأمر الكيزان
5m
Reply
محمد السري السري
برهان قاعد صورة
م عنده قرار همبول
10m
Reply
Mosab Sami
انا ضدك في اي حاجه الا البوست ده لانو كلامك صاح
1m
Reply
Sirelkhatim Abdulrahman Sirelkhatim
ماتشوف فردك ناس تأسيس يعملو ليك جواز
3m
Reply
محمد عبدالرحمن
البرهان م عندو قرار
القرارات التنفيذية لدولة بورتسودان
يديرها النظام البائد و هو البشرع في منو السوداني و منو الأجنبي ، همباتة صعاليق
6m
Reply
إستطلاع الرأي السوداني
·
عايز بي جواز الفلول شنو امشي اخذ جواز دوله القلو ياقحطوط
1m
Reply
Sharief Musa
2m
Reply
Asad Hassan
امشي جدد في نيالا
2m
Reply
Naji Toum
باطلكم مهزوم لامحالة ولن يقدروا ايقاف ثورة ديسمبر خلاص جدد يلا ...يا عمي لو عندك حاجة عند الكلب قول له يا سيدي ...انت بتتطاول وما قادر تعمل حاجة
واخيرا كيف ماعندك جواز بتسافر وكيف قاعد في دولة وجوازك منتهي الصلاحية؟
4m
Reply
نشأت عبدالرؤوف
أنت ياطير صدقت الكاهن ولا شنو الكلام دا موجه كمغازلة للمجتمع الدولي اما الخونة فليس لهم سوى البل
4m
Reply
Tarig Baloul
·
بالذمة دة كلام ضابط جوازات ماينفذ كلام وزير الداخلية !!
وزير داخلية على دكاترة النو ولاشنو
6m
Reply
الفرزدق حسبو حسبو
تاني إتلذذو بي كلمه عصابه بورتسودان والجيش المؤدلج وكيزان الجيش إستمتعو في الفضائيات بالنبذ وتعالو إتباكو، مشيت وقالو لي وسو لي
4m
Reply
Abazar Ahmed
طلع جواز اماراتي
1m
Reply
المعتزبالله ابورحمه
الثوره مستمره
2m
Reply
آل با تشينو
على كرتى طبعا
4m
Reply
Ahmed Hassan Dafaalla Elmakki
منتظرين شنو من دولة يملك قرارها كل عدو للثورة
5m
Reply
ياسر مدثر
عفيت من موظف السفارة
May be an image of one or more people
8m
Reply
"Most relevant" is selected, so some comments may have been filtered out.
|
|