Post: #1
Title: يالا بلا لمة بلا وهم بلا توهم
Author: طلحة عبدالله
Date: 12-09-2025, 06:56 PM
06:56 PM December, 09 2025 سودانيز اون لاين
طلحة عبدالله-
مكتبتى
رابط مختصر
المنتخب السوداني في كأس العرب..
مجموعة من الهواة يركضون في كل الاتجاهات بعقلية دافوري الحواري
الخصوم ينهون جوطة وهرجلة المنتخب بلمسة واتنين والتالتة في المرمى .
كل ما يفعله فريق الهواة هذا هو الجري والجري الشديد والاستعراض الطفولي
والفلسفة والأخطاء الغبية الأكيدة التى يستغلها المنافسون ويذهبون ببساطة
لهز الشباك بأقل مجهود وهم يبتسمون في سخرية وربما شفقة.
الجمهور السوداني في المدرجات ينطط ويهتف ويصفق لمجرد تسديدة
طائشة تعلو العارضة بأمتار .. مساكين يبحثون عن أية لمحة لاستدعاء
الفرح الغائب .
نحن عارفين أية حاجة في أية حاجة بالحلقوم الكبير بس لكن بالفعل
متخلفين عن الركب بفارق 1000000 طول يزيد ولا ينقص .
البشوف فصاحتنا وادعاء المعرفة في الفيس بوك ومنصات التواصل
الاجتماعي والمنتديات والواقع ما يشوف تخلفنا ورجعتينا في كل حاجة
بما في ذلك الكورة الساهلة دي .
أرقدوا في كهوفكم بسلام إلى يوم يبعثون .كورنجية على ساسة على
متثقافين على متصوحفين ..
يالا بلا لمة بلا وهم وتوهم معاكم
|
Post: #2
Title: Re: يالا بلا لمة بلا وهم بلا توهم
Author: حيدر حسن ميرغني
Date: 12-09-2025, 07:17 PM
Parent: #1
سلام طلحة
والله عشان كده ما برهق نفسي واتابع مباراة لفريق او منتخب سوداني.
الحال من بعضه يا حبيب ..
وريني وين نحن متقدمين بالضبط عشان يكون عندنا فريق ينافس حتى في بطولة تعبانة زي كاس العرب.
لن يستقيم الظل والعود اعوج.
البرهان دلق فيهم نصف مليون دولار فوق كم ما عارف.
كويس انهم اتخارجوا وإلا كان ردمهم بالمليون كما وعد.
عالم بطالة يا مان
|
Post: #3
Title: Re: يالا بلا لمة بلا وهم بلا توهم
Author: طلحة عبدالله
Date: 12-09-2025, 07:21 PM
Parent: #2
نحن شعب خيبان يا حيدروف
نجيد صناعة النكسات والنكبات في كل شىء
باتقان شديد
...........
الما شايف نفسو من الشعب الخيبان دا بعتذر ليهو
خخخخخخ
|
Post: #4
Title: Re: يالا بلا لمة بلا وهم بلا توهم
Author: اسماعيل عبد الله محمد
Date: 12-09-2025, 07:28 PM
Parent: #3
أتفق.
طلّقت الكورة منذ نقض الحكم المغربي المرتشي لاراش لهدف وليد طاشين في شباك الأهلي المصري.
|
Post: #5
Title: Re: يالا بلا لمة بلا وهم بلا توهم
Author: طلحة عبدالله
Date: 12-09-2025, 07:33 PM
Parent: #4
والله يا اسماعيل أنا نفس الشىء
لأنو جيل 87 لغاية 90 كانوا رجال
يستاهلوا التشجيع
|
|