غايتو فى سبب😈

00:54 AM November, 28 2025

سودانيز اون لاين
هدى ميرغنى-
مكتبتى
رابط مختصر

أو عدة أسباب تخلى جماعات :قحت - تقدم ثم احد فروعها صمود…
تكون مواقفهم بالحالة دى
مثلا:

‏…ولا البرهان ولا حميدتى بيكتب من رأسه ولا بيملكوا المقدرات يمدوا يدهم على الاستيشنيرى من المكتبة الواسعة العامرة (طبعا ما عندهم ) عشان
…الواحد فيهم يجهز خطاب إو يكتب مقال فى صحيفة عالمية (البرهان مؤخرا)
…أو يعمل لقاء فى صحيفة إيطالية (حميدتى سابقا)
#عندهم كتاب إو كَتبة ساكت وخاصة حميدتى من زمن الكلام الملمع ونظيف شوية من نواحى عزت+الماهرى لحدى ما نزل درجة لايفات عبد المنعم الربيع وغيره 🤑…
#اما البرهان كل كلامه بس كلام دراب دراب وحسب الظروف وخاصة لما يطلع من غير ورق ونوعية الخطاب حسب الكاتب
……………
أها جماعات قحت - تقدم ثم أحد فرعيها صمود
ما بيجيبوا سيرة لخطابات حميدتى وفيديوهاته
…موافقين عليها الله أعلم ، لكن كمان يخالفوها دى ثقيلة شديد
#ما أظن السبب الاساسى داعمين ،قد يكون السبب منو البيسهل تلك الكراسى وما تأتى به بيمشوا عليه
دا من جانب
ومن الجانب الثانى يبدو انهم معترفين بوجود "الدولة السودانية" بس غير راضين بمن تسلط عليها ، لكن ما معترفين بحميدتي وتبعاته (والله أعلم )

إستمعت للقاء فى الجزيرة أحد المُستضافين بكرى الجاك
…زعلان ويهرج هرجا شديدا
…سأعلق على مداخلاته لاحق

تحياتي وتقديري، ،
مافي مسؤول بيكتب خطاب بيده.
حتى باللغة العربية، مهما كانت درجة تعلم المسؤول
لان خطاب المسؤول خطاب مؤسسة، أو دولة كاملة
وليس خطاب شخصي أو خواطر مسائية ،
والخطاب نفسه بيمر بكم جهة ، وكل جهة يمثلها
مجموعة من الناس، سياسيا وامنيا وحتى اقتصاديا.
فخطاب البرهان خطاب دولة وليس خطاب شخص.
وعلى هذا الاساس يقرأ ويفهم ويحلل.

سلام واحترام ، أخ قصى~
#أتفق معاك فى مسالة كتابة الخطابات أو ال speaches وخاصة فى المحافل الدولية أو المناسبات الوطنية، أو حتى النقاشات الدورية فى البرلمانات ان وُجدت - يساهم فيها تيم مجهز للقيام بهذه المهام
#مع العلم الشخص رئيس او غيره ، لازم ولا بد تكون فكرته و مساهماته حول الخطاب تكون الأساس وقد يكون معظمها فكرته وما على التيم المسئول إلا كتابتها بالشكل الملائم ، وكمان فى هذا الزمن يعلقوها فى الشاشات الصغار قدام المتحدث
###مثلا: خطاب الأستاذ محمد إبراهيم نقد أيام واحدة من الديمقراطيات قصيرة الأجل فى السودان ،خطابه حول الميزانية ، ولأهمية الخطاب وتنوعه كان التيم الذى ساهم مع الاستاذ نقد به عدد من أفضل الاقتصاديين فى السودان
لأن هذا النوع من الخطابات به العديد من الإحصائيات الدقيقة والاستنتاجات لصياغة الحلول الملائمة
…………………

#للأسف فى متحدثين كان رؤساء كان متشبثين ساكت كان من رأسهم أو من مساعديهم ، ليتهم صمتوا

#ملاحظة مهمة …………
مع احترامى وأتفاقى مع إضافتك القيمة أستاذ قصى ، فى حالة "مقالا" ممهورا بإسم البرهان وهنا يُفترض إنها فكرته وكتابته ، طبعا عادى يراجعها "معه" شخص أو أشخاص
لبعض الاقتراحات أو شوية تعديل فى الكلمات أو الكتابة ، لكن الإساس فى المقال انه ملك الكاتب تُناقش فكرته هو وطرحه، كما كان لقاء حميدتى مع صحيفة من بلاد الطليان (إيطاليا)
#أما الموضوع الذى أعنيه بهذا الخيط
#لماذا لا يناقش أو يهتم جماعات قحت-تقدم-ثم فرعها صمود بخطابات أو فيديوهات حميدتي والسبب شنو ؟
مثال بكرى الجاك وحديثه مع أحمد طه فى فضائيّة الجزيرة

تحياتي الزميلة هدي ميرغني ، يعني الجديد شنو في الموضوع؟ زمان حتي المناضلة فاطمة احمد ابراهيم عليها رحمة الله كانوا يرددون انها لم تكن تكتب مقالاتها بنفسها و كذلك ردد الكثيرون في هذا المنبر ان دكتور ميادة سوار الدهب ما كانت تكتب البوستات المنشورة في المنبر باسمها و انما نسبها البعض الي الاستاذ عادل عبد العاطي - هذا بالاضافة الي السرقات الأدبية التي حجبت بضبابها الأفق.مع كل ذلك اكيد ان الاستاذ بكري الجاك إن قال ذلك فهو ايضا لا يغيب عنه وجود ال Ghostwriter و هو لا يكتب السيرة الذاتية فقط او الكتابات غير الأدبية بل صار مسموحا له بكتابة الأدب و الروايات و يمكن ربع الكتب المنشورة في امازون دي ربما تكون مكتوبة بالطريقة دي و ربعها الاخرين مكتوب ب AI و هذا امر صار مسلما به و لا يدعو للدهشة حتي او الذهول.ما ياهو معانا ناس هنا في المنبر دا بتكتب بالذكاء الاصطناعي و هذا لا يقدح في قدراتهم لأن استخدام الذكاء الإصطناعي نفسه يحتاج الي مهارة و قدرات و رغم ان البعض لا يزالون متمسكين بي كومر الذكاء الاصطناعي ChatGpt و لكن مع ذلك فهم متفوقون كثيرا علي الملايين الباقين.هو الاستاذ بكري الجاك مع احترامي الكامل له، هل أجاب علي سؤال من أطلق الطلقة الاولي، حتي يشغل نفسه بمقال البرهان؟ يا عالم محمد بن زايد بموافقة العالم أجمع انتزع حق أن يكون السودان تحت الانتداب الاماراتي و قد استلم القسيمة و ما عليهو غير يدخل علي العروس و لو بي الزاما بيت الطاعة جبرا و غصبا و عنوة و بالبوليس فلماذا لا ينظر البعض و لو بالقليل من الجدية الي هذا التهديد الوجودي لانسان السودان و كيان الدولة السودانية التي هدمها محمد بن زايد حجرا حجرا و حالف ما يخلي فيها كائن حي و لو بعد حين و نحن مشغولين بمن أطلق الرصاصة الاولي. أطلقتها أنا، تعالوا اقتلوني و فكونا من الموال دا. معقول فوبيا الكيزان تعمل في الناس كدا؟ الكيزان الهزمناهم في ابريل لما كانوا مع نميري ديل و هزمناهم تاني ميات المرات في الجامعات السودانية رغم ان اقوي اجنحتهم هو جناح الطلاب و هزمناهم في انتفاضة ١٩٩٦ التي عمت كل جامعات السودان ثم في ٢٠١٢ ثورة لحس الكوع و ثورة شذاذ افاق في اغسطس من نفس العام و اتهزموا في انتفاضة سبتمبر ٢٠١٣ و انقذهم حميدتي لما قتل في يوم واحد ٢٦٣ طالب و طالبة معهم بعض المواطنين ثم جات قاصمة الظهر عليهم في ابريل ٢٠١٩ و في كل مرة كانوا يهزموا فتنقذهم مصر او احدي دول الخليج و شيطان الامارات دا كان احد اسباب انقاذ الكيزان من عدد من الثورات و الان يدعي انه يناضل لمحاربة الاسلاميين. روح حارب الاسلاميين في ام القوين او خور فكان مال اهلك انت و مال السودان. هل يعقل انو الناس تخلي البلد في كف عفريت عشان زعلانين من الكيزان؟ طيب بشير الجن دا و نافع و علي عثمان و احمد هارون و اخرون كلهم كانوا في قبضة قادة الثورة و كانوا مسجونين، فلماذا لم تقدموهم لمحاكمة تطبق شعار الثورة و تشفي غل الملايين؟بصراحة هناك خلل جوهري في ترتيب الاولويات عند اعداد كبيرة من المناضلين السودانيين و بالطبع فإن ذلك لا ينتقص من وطنيتهم لكن ستظل هنالك اسئلة كثيرة مطالبون بالإجابة عليها لأن الشخص الذي لا يري أن حرب الدعم السريع لم تكن علي الحكومة و لا الدولة السودانية و لا الجيش و لا المشتركة و لا حتي الكيزان بل أنها كانت و لا تزال في المقام الاول حرب ضد المواطن السوداني و انسان السودان و الا فما هو المغزي من الاستيلاء علي اعيان و منازل و اموال بل و زوجات و بنات المواطنين؟ هل كان الكيزان يدخلون بيوت الناس من طرف و يطردون أهلها و يستولون علي المنازل و العربات و ذهب النساء؟يا عالم حتي الجريمة في هذا الكون لها درجات و قتل امرأة ليس كاغتصابها و الاغتصاب ليس كالمعاكسة في المكتب او الطريق، لذلك فالناس لازم تتحلي و لو بالقليل من الموضوعية فالايدلوجيا ليست سوي وعي زائف لا يمكن أن يقوم عليه بشكل قاطع تقييم الاشيا.

سلام وتحية واحترام للأخت هدى

وإشادة لملاحظاتها العميقة دوما والتي تغيب عننا أحيانا.

التحية للأخ وليد ولتعليقه المليان.

Quote: هو الاستاذ بكري الجاك مع احترامي الكامل له، هل أجاب علي سؤال من أطلق الطلقة الاولي، حتي يشغل نفسه بمقال البرهان؟ يا عالم محمد بن زايد بموافقة العالم أجمع انتزع حق أن يكون السودان تحت الانتداب الاماراتي و قد استلم القسيمة و ما عليهو غير يدخل علي العروس و لو بي الزاما بيت الطاعة جبرا و غصبا و عنوة و بالبوليس فلماذا لا ينظر البعض و لو بالقليل من الجدية الي هذا التهديد الوجودي لانسان السودان و كيان الدولة السودانية التي هدمها محمد بن زايد حجرا حجرا و حالف ما يخلي فيها كائن حي و لو بعد حين و نحن مشغولين بمن أطلق الرصاصة الاولي. أطلقتها أنا، تعالوا اقتلوني و فكونا من الموال دا. معقول فوبيا الكيزان تعمل في الناس كدا؟ الكيزان الهزمناهم في ابريل لما كانوا مع نميري ديل و هزمناهم تاني ميات المرات في الجامعات السودانية رغم ان اقوي اجنحتهم هو جناح الطلاب و هزمناهم في انتفاضة ١٩٩٦ التي عمت كل جامعات السودان ثم في ٢٠١٢ ثورة لحس الكوع و ثورة شذاذ افاق في اغسطس من نفس العام و اتهزموا في انتفاضة سبتمبر ٢٠١٣ و انقذهم حميدتي لما قتل في يوم واحد ٢٦٣ طالب و طالبة معهم بعض المواطنين ثم جات قاصمة الظهر عليهم في ابريل ٢٠١٩ و في كل مرة كانوا يهزموا فتنقذهم مصر او احدي دول الخليج و شيطان الامارات دا كان احد اسباب انقاذ الكيزان من عدد من الثورات و الان يدعي انه يناضل لمحاربة الاسلاميين. روح حارب الاسلاميين في ام القوين او خور فكان مال اهلك انت و مال السودان. هل يعقل انو الناس تخلي البلد في كف عفريت عشان زعلانين من الكيزان؟ طيب بشير الجن دا و نافع و علي عثمان و احمد هارون و اخرون كلهم كانوا في قبضة قادة الثورة و كانوا مسجونين، فلماذا لم تقدموهم لمحاكمة تطبق شعار الثورة و تشفي غل الملايين؟بصراحة هناك خلل جوهري في ترتيب الاولويات عند اعداد كبيرة من المناضلين السودانيين و بالطبع فإن ذلك لا ينتقص من وطنيتهم لكن ستظل هنالك اسئلة كثيرة مطالبون بالإجابة عليها لأن الشخص الذي لا يري أن حرب الدعم السريع لم تكن علي الحكومة و لا الدولة السودانية و لا الجيش و لا المشتركة و لا حتي الكيزان بل أنها كانت و لا تزال في المقام الاول حرب ضد المواطن السوداني و انسان السودان و الا فما هو المغزي من الاستيلاء علي اعيان و منازل و اموال بل و زوجات و بنات المواطنين؟

سلام واحترام أخ وليد~
لك التقدير والشكر على هذه الكتابة التى أتفق معها تماما، وخاصة فى تحليلك لمواقف بكرى الجاك
…………
كويس انه فكرتى من الخيط ما كانت واضحة وبكدا كانت إضافاتك والمشاركين القيمة
………………
#لكن قصدى من هذا الخيط ليس عن عدم كتابة الخطابات ،بأنفسهم مقصدى هو ان جماعات قحت - تقدم ثم فرعها صمود
ما بيجيبوا سيرة لما يأتى به حميدتى أو من معه لكن بمجرد ما البرهان أو حتى ياسر العطا يفتح خشمه هم يبدو الكتابات والتعليقات
…سآتي باللقاء وما قاله بكرى الجاك

#قصدى انه فى سبب، :
١- اتفاق مع ما يأتى به حميدتى ومن حوله ( لا أعتقد ذلك) ، شايفة ود المصطفى من جهات الحركة الشعبية قال سيحاسبوا الجنجويد لما المحاور أتعجب في تناقضاتهم
٢- عاملين حسابهم من غضب الكفيل أو الكفلاء🤑
٣- أم اعتراف بالدولة السودانية وزعلانين عشان على رأسها أمثال البرهان ، وغير معترفين بحميدتي وما يأتى به من تأسيس، وكل ما يسعون اليه هو الإنتباه إلى من يسهل لهم العودة للكراسى وما تأتى به من عٓٓظمة 😈

سلامى وإحترامى ، أخى الكاتب ، الأديب ود الحسين~
#شكرا لكم جميعا، لقد تعلمت الكثير المفيد بإنضمامى لهذا المنبر ، أو بالأصح من قرآتى لكل المفيد فى هذا الموقع من سنين سابقات

هذا هو النقاش الذى اعنيه وغضب بكرى الجاك الواضح ، وقوله إن البرهان "كذاب" ،
الكلمة دى مستحيل يقولها على جماعة حميدتى وحتى فى إعلاناتهم المتعددة لهدنة وما إدراك من "تموضع" 😈
التى قال عنها وزير الخارجية الأمريكى فى ما معناه "يظهرون خلاف ما يبطنون "

#حديث بكرى الجاك يبدأ من الدقيقة 10:15

…………………………

شكرا استاذنا محمد عبد الله الحسين
و شكرا هدي ميرغني
قال الشاعر : لم ار في عيوب الناس عيبا مثل نقص القادرين علي التمام
ذلك بالضبط ما حدث ابان ثورة ديسمبر و قد كان بمقدور قوي الحرية و التغيير محاكمة قيادات الاسلاميين الذين كانوا في السجن و لكنهم خضعوا لضغوط العساكر حتي ان تعيين مولانا تاج السر قد استعصي عليهم و عندما عجزوا عن ذلك صار كامل النظام القضائي بعيدا عن قبضتهم فإنا متماهيا مع العساكر او متماهيا مع الاسلاميين و ذلك ما جعل محامي دفاع البشير يتصرف في المحكمة و كأنه وزير العدل او النائب العام و الحال كذلك تفاجأ الشعب السوداني بأن لجنة تفكيك التمكين كانت لجنة متابعة قضايا مال بامتياز و لم يعنيها كما لم يعني مؤسسوها بأي حال محاسبة الاسلاميين علي جرائم الانقلاب و القتل و التعذيب بل و لا حتي سعت لعزلهم عن مناصبهم التي كانت تعيق العدالة سواء أكانوا قد شغلوا تلك المناصب بأنفسهم او شغلها من ينوبون عنهم بالوكالة او تماهيا مع تيار الاسلاميين للدرجة التي جعلت المتظاهرين من الشباب يعترضوا علي سياسات الوزير فيصل محمد صالح الذي رفض فصل الاسلاميين من المؤسسات الاعلامية و قد قال قولته الشهيرة التي احبطت كل السودان و التي اركتز فيها علي شعار لا للإقصاء الذي اتخذه الاسلاميون هط دفاعهم الاخير.
ذلك كان هو الحال إبان حكومة الثورة و بعد كل ذلك التفريط لا زال هناك من يري أن هذه الحرب حرب اسلاميين و لا يجب ان تعني المواطن السوداني و حتي و هي تنطلق من داخل منزله و تهدد حياته و حياة اسرته هذا بالاضافة الي نهب ممتلكاته و إجباره علي المغادرة و النزوح و حين تسأل احدهم ما هو الحل يقول لك الحرب يجب ان تقف و العسكر للثكنات و الجنجويد ينحل. يا مستر منو موش عارف داك و يا سيادة الأفندي من ذا الذي يستطيع فعل ذلك؟ عن نفسي لم أدعي ذلك بل و اعرف انتي حتي ان ادعيت فلن استطيع و رحم الله امرئ عرف قدر نفسه. فيا انت يا ذا افعلها و ستجدنا من ورائك واقفون نعبئ الجو بالحماسة و الهتاف، و لكن اذا كنت لا تستطيع ان تفعلها فرجاء ( نقطنا بي سكاتك) لأنو في ناس بتموت و لو تبرع ابليس للدفاع عنها لوافق علي ذلك الجميع و يا روح ما بعدك روح و لا تقل كما قالت مغنية السودان الأنيقة أن هدف الامارات محاربة الاسلاميين. يا أخي و الله لو في مقاول اتقدم عشان يبني فصل في روضة اطفال ستسأله اللجنة المسؤولة من البناء أن يقدم لها صحيفة اعماله لتعرف عدد الفصول التي بناها من قبل و هل هي جيدة ام آلت للزوال و هكذا تتعدد الاسئلة لتطمن اللجنة ان المقاول يتقن مهنته حتي لا يحدث ما لا يحمد عقباه، و الحال مذلك فنحن من حقنا ايضا ان نسأل الاستاذة و معها انور قرقاش و عبد الخالق عبد الله و ابتسام الكتبي و كل اصحاب نظرية ان الامارات تسعي لمحاربة الاسلام السياسي في السودان فنقول لهم جميعا : قدموا لنا صحيفة اعمال الامارات في محاربة الاسلاميين. اين نجحت الامارات في محاربة الاسلام السياسي؟ و كيف كان ذلك؟ و متي حدث ذلك و هي حتي العام ٢٠١٨ كانت تدعم البشير؟ ذلك محض ادعاء و كذبة بلقاء كأكذوبة حرب الارهاب و القضاء علي طالبان التي روج لها حورج بوش و الذي ما كانت حكومته تدري شيئا عن طالبان و حتي المعلومات الاولية التي احتاجوها حصلوا عليها من اعدائهم اسلاميي السودان و النتيجة أنه بعد عشرين عام و نيف انسحبت امريكا من افغانستان و سلمت الحكم لحكومة طالبان و تركت لها حتي ما تبقي من سلاح.

دا كلو كوم و الكوم الآخر هو انو كيف سودانيين وطنيين يوافقوا علي ان تتدخل الامارات في بلادهم بدعوي استئصال الاسلام السياسي؟ هل عجزنا نحن عن هزيمة الاسلاميين حتي تهزمهم لنا الامارات التي تجاور الدولة الوحيدة في العالم التي تسمي نفسها جمهورية اسلامية فتتركها لتأتي و تحارب الاسلام السياسي في السودان؟

استاذة هدي بالطبع لم أقصد الرد آرائك سواء في مداخلتي السابقة او حتي في هذه المداخلة بل علي العكس فأنا اتفق معك تماما و انما أقدم مداخلاتي دعما لرأيك لا انتقادا له لأن مثل تلك المواقف الغريبة حقا ستفتح أبواب السؤال لأن الدولة مثل الاسرة لا يجب ان يصدر أهلها خلافاتهم للخارج و لا يجب ان يسمحوا للآخرين بالتدخل في شؤون بلادهم بدعوي الاصلاح للدرجة التي تجعلهم يشكلون لجنة رباعية احد أذرعها الاساسيين هو من يمول الحرب علي بلادنا و يسعي جاهدا لإزالتها عن خارطة العالم و عن فصول التاريخ. لجنة ظالمة باغية متجاوزة لكينونتنا كسودانيين متعدية علي الحقوق لا تمثيل فيها للحكومة السودانية و لا للجيش السوداني و لا للحركات المسلحة و لا للمستنفرين و لا للزعماء القبيليين او الطرق الصوفية و لا للقوي المدنية السودانية و لا للدعم السريع و لا للاحزاب السودانية و لا للمرأة السودانية او حتي النقابات ، و مع ذلك يريدوننا أن نبصم بالعشرة علي ما تقرره و نقبل املاءاتها شعبا و حكومة و جيشا و حركات مسلحة و احزاب و لا عزاء للحركة الوطنية السودانية او شعب السودان.

أبناء دار صباح فى محنتهم فى الدفاع بحياء شديد عن دولتهم الأبارتايديه؛ لا فرق يكونوا شيوعيين أو دواعش، هم جميعاً فى الهم شرق.

الله يكون فى عون السودان، الوطن المأزوم.

بالمناسبة أزهرى المبارك بمعسكر العفاض شرق النيل .. حسم كل التحشيد على أساس الجهويات .. بكل أشكالها!

بريمة

كالعادة يا مستر بريمة. لا جديد
من كوز لي جنجويد. يعني الواحد يتوقع منك شنو مثلا؟
في جهوية اكتر من انو واحد حامل رسالة دكتوراة زي جنابك و بيدافع عن محمد بن زايد و جنود بن زايد الذين دمروا السودان؟
من زمن كنت بتكتب عن الرواية الشفاهية عن البقارة و حتي الان ما قادر تطلع من قوقعة اهلي و اهلك و اهلنا و دار صباح و ناس الصعيد. سيبك مع جنجويدك ديل و كالعادة دايما واقف في الجانب الخطأ من التاريخ لأنك فقط تنظر للحياة من ثقب القبيلة و لو اديناك تاني عشرين سنة نلقاك واقف في نفس المحطة دي و انا طبعا لا اندهش في هذا الموقف الذي تقفه فقديما قالوا تحدث حتي اراك و اهو البريد واضح من عنوانو و ما محتاج حتي اني اتناقش معاك عشان اعرفك بتفكر كيف و بوستات مشتركة ( ط) تشرح لنا اي نوع من البشر انت و بصراحة انت مكانك هناك مع ناس ابو لولو و باقي العقد الفريد لكن القراية رفعتك درجات و خلتك بدل تتلولو في الميدان بقيت تتلولو في البوستات و هذا امر مفهوم لأن الشخص الذي تحركه روح القبيلة و الانتماء الاثني الضيق فهو يعمي حتي عن القتل و التشريد و الاغتصاب و احتلال منازل المواطنين و هدم المتحف القومي و مكتبات الجامعات و لا يري فيها سوي عمل ثوري و كفاح و نضال. يا رجل نضال شنو و هباب شنو داخل بيوت المواطنين؟

نضال اغتنام غويشات الحبوبات دا و الله ما شفناهو الا عندكم يا مناضلين الغفلة - الواحد قضي عمرو كلو يدافع عن الكيزان و مشروع الكيزان و في النهاية جايي يطلع الشعب السوداني كلو فلول و كأنو ما شايف ( الفلو ) الكبير اللي كان حمل البشير موش حمايتو كما تناقلته الاخبار.

يعني انت داخل عشان تقنع الناس حميدتي الفلو الكبير دا ما مع الفلول و ناس صلاح سنهوري و هزاع الذين قتلهم بدم بارد ارضاء لسيده البشير ، هم الفلول؟

العطب الفكري يفعل اكثر من ذلك. اها و اولاد دار صباح امثال ابراهيم الميرغني وضعهم كيف؟ ام انهم تطهروا من رجس دار صباح حين غسلوا ايديهم بماء الجنجويد؟

اليقرا كتاباتك في عصر الجنجويد بلغة الهامش و التهميش ما يقول انت الزول الذي قال في النوبة و الحلو ما لم يقله مالك في الخمر؟ اهو الراجل بقا في صفكم منكم و ليكم و قائد كبير كمان بكامل علمانيته ( القحة) و لا عزاء لدفاعك عن الكيزان باسم الدين و عزيزك الحلو عبد العزيز لا يزال بكامل تاريخه الذي تعرف، فهل لك ان تخبرنا ما هو موقفك منه الآن؟ ؟

ما تجي تقول لي فلنقاي بالله عشان الدباجة دي ما عندك غيرا و فلنقاي دي Filling Guy. دي تقولا للمثقفين البيملو الابريق مويةً و ينتظرو حميدتي يطلع عشان يغسلو ليهو اياديه من دم اطفال و نساء السودان ثم يأتوا ليروجوا له بالمساء علي أنه الظاهر بيبرس قاهر المغول.

تحياتي
الاستاذة هدى والاستاذ وليد ولكل من قرأ ويقرأ ويتداخل
اقول:
أنهم بارعون حتى الابداع
في صرف او انصراف الضوء عن جرائم الدعم السريع واخرها وليتها الاخيرة الفاشر
والانتقال بنا اي الرأي العام لقضايا تهم
ولكنها ليست الاهم في هذه اللحظة من الزمن
انهم يريدوننا ان ننسى ان هناك جريمة وهناك جرائم ضد الانسانية ارتكبت من الدعم السريع
كل الاقلام التي تعيش في المنفى
تكتب عن امر اخر غير الفاشر وفظائع الدعم السريع
هل ذلك صدفة ؟
ان للمال قوة جعلت البرلمان الاوربي يصمت عن تسمية الامارات كداعم للحرب و لجرائم الدعم السريع
هذا اذا تحاشينا القول بالرشوة المباشرة
لبعض الاعضاء المؤثرين في كتل البرلمان الاوربي
ا

Quote: 1. تدخل دبلوماسي مباشر ومنسق تشير تقارير إعلامية (من بينها Politico Europe وUltrasudan) إلى أن وفداً إماراتياً رفيع المستوى زار البرلمان الأوروبي قبيل التصويت مباشرة. وخلال لقاءات مع أعضاء البرلمان، عرض الوفد موقف الإمارات باعتبارها طرفاً يسعى إلى دعم الجهود الإنسانية والوساطة، وليس إلى تأجيج الصراع. هذا التحرك في اللحظات الأخيرة يبدو أنه أثر على بعض الكتل البرلمانية التي كانت تميل إلى تسمية الجهات الخارجية المتهمة بدعم الصراع. 2. مصالح سياسية واقتصادية داخل الاتحاد الأوروبي عدد من الكتل السياسية داخل البرلمان — خصوصاً المجموعات المحافظة والموالية للأعمال — عارضت إدراج اسم الإمارات، معتبرة ذلك “خطاً أحمر”. فالروابط الاقتصادية المتنامية بين الاتحاد الأوروبي ودول الخليج، إضافة إلى مفاوضات تجارية مفتوحة، جعلت ذكر الإمارات أمراً ذا تكلفة سياسية واقتصادية. وبمعنى آخر: تسمية الإمارات كانت ستخلق مواجهة دبلوماسية غير مرغوبة بالنسبة للبعض.

https://www.youtube.com/shorts/Mek_nQsQnp4

شيخ الكنزى

كيف بك جيّرت نداء الأنسانية فى الملعب لصالح دواعش الكيزان؟

غريب كيف تعمى بصيرة المثقفين!

بريمة

الأستاذ وليد و أستاذنا على ~
لكما التقدير ، السلام والاحترام والشكر على الإضافات القيمة
واصلوا لو سمحتوا حتى أعود للمشاركة

Simpleton ~
…كويس أنك جيت هنا و "أمراَ" ترجع عشان عندى كلام كثير ليك يا أبو لؤلؤة الإسفيرى
حأكتب ليك كلام بسيط حسب مقدراتك
#شايفاك اتعلمت شوية كلمات كبار ، طبعا ما فاهم معناها تكون لفحتها
من ناس الحركة الشعبية
#بقيت ماشى تحت الحيطة وخليت فتك ومتك وكل عبارات وتشجيع اهلك الجنجويد إو ما يسمون نفسهم الدعم أو بالأصح القتل والنهب السريع
#أرجع ل "حرف الواو" ، مناسبة معاك
………
#غشيت صاحبك لما سالك الشهر الفات انك ما ظاهر
بدل توريه انه "قادوك" الفندق حيث القونى والآخرين جلوسا ، لتؤدى فرائض الولاء والطاعة وتاخد البركات
قلت ليه المدارس 😀 شهر عشرة بداية مدارس وين دى إلا محو الأمية وتعليم الكبار😈
………………
الآن المفروض كمال إدريس يلحقك مادبو بكتابتك المقرفة فى الكوت المرفق ⏬:

Quote: أستاذنا حسن فرح صار كميل إدريس يعرض أنثاه في المحافل الدولية يقبلها الفحول، دلالة علي التحضر والرقى الأممى. بريمة

سنواصل يا استاذة هدى
ولكن كيف نواصل مع اعلاميين يطلقون علينا بوابل نيرانهم
ونحن جثث هامدة لا حراك فيها
وانظري لبعض قولهم
وبئس القول ما قالوا وما يقولون :
وهذا ردي على بريمة الذي استهزأ بي مرة في هذا المنبر
وجعل لي في هذه الدنيا ولي نعمة غير الله او مع الله او من دون الله
لست ادري؟
ولبريمة اقول:
اظنك لا تجهل قصة مريم بنت عمران التي كلما دخل عليها زكريا المحراب وجد عندها رزقا
قال يا مريم أنى لك هذا قالت هو من عند الله
وبفضل من هذا الرب الكريم الرحيم الذي رزق مريم في خدرها هو الان يزرقني في خدري دون جهد مني
اعلمت من هو ولي نعمتي الأن يا بريمة ؟
هو الله :
هل قرأت الاية الثانية من سورة فاطر :
﴿ مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِن بَعْدِهِ ۚ وَهُوَ الْعَزِيزُ الْحَكِيمُ﴾

ولنعود لما قالوا ويقولون :

Quote: لم تعد الحرب في السودان مقتصرة على الميادين العسكرية، بل امتدت إلى الفضاء الإعلامي، حيث تدور معارك موازية ربما تكون أكثر تأثيرا على مستقبل السودان. يقول شوقي عبد العظيم إن تنظيم الإخوان استغل أحداث الفاشر لترويج صور مفبركة وأخبار مضللة، إذ تبين أن الصورة الشهيرة لامرأة تحتضن طفلها أمام مسلحين مولدة بالذكاء الاصطناعي، وأن مقطع الجثث الذي زعم أنه من الفاشر التقط في مزرعة لتربية المواشي في جنوب السودان.

تخيلي مثل هذا الدعي يريد ان يقنعنا ان ليس هناك جريمة
و ان القصة كلها ذكاء اصطناعي من إبداعيات الاخوان او الكيزان؟
لذا قلتُ لكِ ان للمال قوة وسلطان
فإن بدل هذا المال
وجهة نظر البرلمان الاوربي فما بالك بمثل شوقي؟
مثل هؤلاء لا نقول عنهم :
لوا عنق الحقيقة بل كسروها ووأدوها
وبكل اسف كما نسى الناس احداث الجنينة فهم الان يتناسون احداث الفاشر
فكل المقالات والبرامج اليوم عن الاخوان المسلمين واجراءات ترامب نحوهم ا

هذا الوطن رضى من رضى وأبى من أبى، لنا جميعاً.

مسألة التخوين ومحاسبة نوايا للناس لا تقود إلى أى حوار مفيد سواء على مستوى الفرد أو حتى مستوى دولتكم، دولة 56م.

أزهرى المبارك رجل بسيط فتح الله له رزقاً فسخره حسب قريحته السليمة فعارض كل جهويات مثقفى البحر ..درس ما بعده درس!
----------------------------
الكنغرس الأمريكى فى أدبياته يقولون حاكم أفكار الخصم وليس نواياه .. ثقافة لكم وكده.

بريمة

Simpleton ~
يا أيها الكوز الجنجويدى، كويس إنك سمعت الكلام ورجعت تانى يا أبو لؤلؤة المجوسي الإسفيرى 😈
# "أمراّّ" تواصل
…عندى ليك الكثير والكثير من زمن دعوتك "ليذوق أهل الخرطوم طعم الحنظل…"

أدناه واحدة من كتاباتك التى ستبقى على مر الأجيال - وهذا ما رددته إستجابة لفكرتك وإقتراحك هذا وأصالة عن عموم الجنجويد (الدعم السريع)، رددته شيرازكم تلك

Quote: لولا القائد الهمام رافض فكرة تحويل الحرب إلي حرب جهاد ضد الكيزان، كان سبينا نساء المدن جت .. وكل واحد في الأشاوس يكون ساق له دست من الجواري .. منتظرين الهمام يفك الشفرة عشان الحرب تبقي أحلي وألذ .. بريمة

سلام هدى ميرغني،

Quote: #قصدى انه فى سبب، : ١- اتفاق مع ما يأتى به حميدتى ومن حوله ( لا أعتقد ذلك) ، شايفة ود المصطفى من جهات الحركة الشعبية قال سيحاسبوا الجنجويد لما المحاور أتعجب في تناقضاتهم ٢- عاملين حسابهم من غضب الكفيل أو الكفلاء🤑 ٣- أم اعتراف بالدولة السودانية وزعلانين عشان على رأسها أمثال البرهان ، وغير معترفين بحميدتي وما يأتى به من تأسيس، وكل ما يسعون اليه هو الإنتباه إلى من يسهل لهم العودة للكراسى وما تأتى به من عٓٓظمة 😈

استبعد السبب التالت وارجح أن السببين واحد واتنين مشاركات بدرجات متفاوتة وفي ازمان مختلفة في موقف قحت/تقدم/صمود الانتحاري.

غالباً السبب الاول والعشم في حميدتي لاعادتهم للحكم هو كان السبب في فترة بداية الحرب
اعلان اديس اباب بين حميدتي وحمدوك وفرح القحاتة بيهو شاهد.
السبب دا تناقص بعد تراجع سيطرة الدعم السريع وخروجه من الخرطوم والجزيرة،
والتراجع دا هو سبب تقسيم تقدم لصمود وتأسيس.

باقي السبب التاني - تأثير الكفيل،
ودا مافي شك فيهو.
بس المحيرني هل الكفيل مستخدم جزرة ول مستخدم عصا في هش القحتوصموديين؟
او يمكن التنين - جزرة وعصا،
ويمكن كمان الكفيل عندو خيار وفقوس جوة صمود،
ناس بيديهم جزرة وبعض القحاتة موريهم العين الحمرا.

أى زول مهتم، يدخل هنا .. وينظر كيف تجتزأ هدى ميرغنى الحوار وتخرجه عن سياقه:

قصف مستشفي الولادة بامدرمان قصف مستشفي الولادة بامدرمان

---------------------------
غايتو .. لقيت لى عتالية مجانى .. لكن المشكلة، تشيل وتلصق دون"كونتكس". خخخخخخخخخاخ!

بريمة

سلام أستاذنا على الكنزى ومولانا حافظ حتى أعود وعذراً على التأخير.

أخى إستاذنا على الكنزى ~
لك التحايا والسلام ،،
…لو سمحت واصل فى الكتابة وما تشتغل بيهم ديل كان قـتالين قتلة وبرابرة زعلانين وكان مهزومين زعلانين .

مولانا ، لك التحايا والسلام وأتمناك بخير حيث أنك "ليك مدة ما ظهرت"~

Quote: استبعد السبب التالت وارجح أن السببين واحد واتنين مشاركات بدرجات متفاوتة وفي ازمان مختلفة في موقف قحت/تقدم/صمود الانتحاري. غالباً السبب الاول والعشم في حميدتي لاعادتهم للحكم هو كان السبب في فترة بداية الحرب اعلان اديس اباب بين حميدتي وحمدوك وفرح القحاتة بيهو شاهد. السبب دا تناقص بعد تراجع سيطرة الدعم السريع وخروجه من الخرطوم والجزيرة، والتراجع دا هو سبب تقسيم تقدم لصمود وتأسيس. باقي السبب التاني - تأثير الكفيل، ودا مافي شك فيهو. بس المحيرني هل الكفيل مستخدم جزرة ول مستخدم عصا في هش القحتوصموديين؟ او يمكن التنين - جزرة وعصا، ويمكن كمان الكفيل عندو خيار وفقوس جوة صمود، ناس بيديهم جزرة وبعض القحاتة موريهم العين الحمرا.

صحيح ، مولانا حافظ لقد تحوروا فعلا ومسميات
#البدايات بعد الخروج من السودان تعهداّ وخنوعاّ "للدعم" وقد كان، وكما أشرت إلى مجلسهم البائس مع الزعيم فى أثيوبيا
واحدة من المرات عند غزو الجزيرة، ياسر عرمان حاول ينتفض😂 طوالى عزت+الماهرى نهره …
#بعدها إتغيرت الطموحات حسب الكفيل عايز شنو
#يعنى بحسب حديث عدد منهم كما رددوا فى الفضائيات ، إنه الجهات التى تدعوهم للاجتماعات كان فى إنجلترا أو غيرها الدفع على الجهة الداعية أو الراعية بالكفالة وهكذا …
…
#أتفق معاك إيضا أن بينهم خيار وعدم خيار 🤑
#يبدو كمان الكفيل قسم الجماعة تاسيس ،صمود على طريقة شعر القدال
…عسكر وحرامى :
ناس إحمد يبقوا العسكر وناس سامى اليبقوا حرام
ما فرقت يا ناس أحمد ، ما بتفرق يا ناس سامى …
#دخول الحركة الشعبية ، خلتهم يتلفتوا ، خايفين التبديل ، كلهم
#مولانا ، ما تغيب لو سمحت

Simpleton:
مشيت جبت البوست الأصل ووجهك مغسل بمرقة جنجويدية من صناعة "شيراز"، هى قالت زوجها من جهات شمال السودان (شايقى)
…وانت سابقا كتبت عن بت أختك فرحان قلت لونها فاتح وقلت تنادوها "الحلبية" ، بت اختك دى ما تبع بنات المدن 🤮، ولا كيف مع عمائلك وجنجويدك فى الإضافات الفوق

………………
يا الله كمان شد حيلك وامشى جيب خيط كلامك عن زوجة كمال إدريس يمكن فى حاجة في الصورة شافها عقلك ونفسك المريضة ونحن ما شفناها وعشان كدا كتبت كلامك دا:

Quote: أستاذنا حسن فرح صار كميل إدريس يعرض أنثاه في المحافل الدولية يقبلها الفحول، دلالة علي التحضر والرقى الأممى. بريمة

***لو زوجة كمال إدريس ما لّحّقّتّك مادبو الآن وخلتك تجرى من بلد لبلد، بناتها وأولادها ما بيخلوك

خالد سلك:
…يكون مثلا ما عارف معنى "فى الحقيقة ، فى الحقيقة" يرددها دايما وبإصرار والمضحك فى واحد من اللقاءات حتى قبل ما يسألوه بمجرد المحاور ما بدأ
…سلك قال فى الحقيقة فى الحقيقة
…خالد سلك يستسهل هذه الكلمة ، يرددها كما الوصلة بين الجُمل وبعدها يسرد معلومات تخلو تماما من الحقيقة

#أواصل

يوجد هذا الموضوع فى صفحة المقالات:
…

Quote: [القوي المدنيّة الديمُّقراطية وإرتباطها بالتمويل الخارجِي وتكبيّل قرارها السياسِي * نضال عبدالوهاب ١٤ ديسمبر ٢٠٢٥

/B]