هل صحيح كانت هناك وثيقة تانية قدمها السفير بولس للبرهان ؟؟

01:06 PM November, 28 2025

سودانيز اون لاين
محمود الدقم-
مكتبتى
رابط مختصر

كتب بشري علي:
هل صحيح كانت هناك وثيقة تانية قدمها السفير بولس للبرهان ؟؟
انا بقول نعم....
والبرهان ما كذب في ذلك .
ولكن الوثيقة كان بين الولايات المتحدة والبرهان ولا علاقة لها بالرباعية...
البرهان وصف هذه الوثيقة بالسيئة ولكنه نفذ بعض بنودها بعد لقائه مستر بولس في سويسرا...
والبرهان بعد يبيع ما بكلم زول
وبعد الدبيب يتشربك في كرعينو بدق الجرسة وبكشح الزيت
وهذه هي الوثيقة التي طيرت رأس الفريق نصرالدين والحوري
طيب الوثيقة كان فيها شنو ؟؟
كان الواضح فيها دعم أمريكي لبرهان للبقاء في الحكم وعدم ملاحقته بقضية السلاح الكيماوي مقابل نقض إتفاق الموانئ مع روسيا ...
ودا اتفاق مع المخابرات وممكن السفير بولس يكون مجرد مسهل فقط وما عارف الظرف جواهو شنو
طيب على اي اساس انا قلت الكلام دا ؟؟
من تصريحات الكيزان أنفسهم عندما قالوا نحن ذهبنا إلى الولايات المتحدة ليس بغرض التفاوض مع الدعم السريع بل من أجل تقوية العلاقات بين أمريكا والسودان وبحث المصالح المشتركة ..
البرهان كان يبحث عن حل مع امريكا خارج مظلة الرباعية
طيب الحصل شنو؟ ليه البرهان " حنبك " واجتمع مع ناس الجيش ؟؟
لأنو المطالب الامريكية زادت وخشت في الغريق لذلك خرج الموضوع للعلن ...
امريكا طالبت بتفكيك منظومة الكيزان داخل الاجهزة الأمنية ولذلك وصف البرهان تلك الوثيقة بالأسوأ لانها مست وجود الكيزان داخل الجيش
وكما اسلفت if you give the mouse piece of cheese, it will come and ask for a glass of milk
المقطع بتاع BB فيهو حاجة غريبة
بائع المكانس خسر للتو 125000 دولار قديمة بسبب نقصان مبلغ العملية التانية 1800 دولار
الفكرة تدور حول المبدا وليس حوق المقابل المجزي
...انتهي...

البرهان ومليشياته الاسلامقبيلية عايزين يبيعو الموية في حواري نيويورك
خم وصر كنتقدر

وما زال البرهان يتوسل لتل ابيب ان ترد عليه
ان تحس بيهو وتشعر بيهو
لكن نتنياهوا ما عايز شبهات وطلايب
والمنافقين من الاخونج واتباعهم صم بكم عمي

حتي مصر اصبحت تتخوف من البرهان في تغير اراءه لانه بدا يحرجها
دوليا وعلاقات واستثمارات مصر مع الامارات اصبحت في خطر
وحتي الولايات المتحدة الامريكية بدات تتخذ قراراتها ضد البرهان بعيدا عن استشارة مصر
وهذا الامر جعل المخابرات المصرية تفتح ملفاتها القديمة ضد الاخونج والمؤتمر الوطني والبشير
وانت يا بلبوصي انتظر واتفرج حتي ياتيك اليقين

سلام الدقم طيب مافى حل زي حل ابونواس الذي طرحه على الخليفة ابو جعفر منصور عندما وجده محتارا وهو جالس فى حديقة القصر هههههه

هههههههههههههه
معقولة صديق ياخ؟
ظلمت ابونواس ظلما شديدا
تحياتي..