|
|
|
 Re: هل الجيش يسيطر عليه الاسلاميون؟ (Re: Hassan Farah)
|
لبرهان يسأل وين الكيزان ،،،،،
أنا شايف نودي البرهان لي فكي كارب لأنو شكلو معمول ليهو عمل بخليهو ما يشوف حاجة الناس كلهم شايفنها،،
الكيزان ديل بتاعين كواديك وأول ما جو عملو عمل للشعب السوداني وغالبا كبوهو في موية المواسير ، لدرجة إنهم بقولو للناس نفس الكذبة تلاتين سنة وبتمشي ،،
البشير تلاتين سنة يقول ليهم حأصلي الجمعة الجاية في كاودا ، لغاية ما شالوهو ما يحصل والناس تهتف وتكورك، يمشي بورسودان تلاتين سنة يقول ليهم حنوصل ليكم موية من النيل ، ولما يغير يقول ليهم خليتو التمباك ،،والناس مصدقنو ،وبالسحر يقنعو الناس بالحرب ،، يقومو تاااني يقنعوهم بالسلام ويجيبو قرنق نايب رئيس ،، تاااني يقنعو الناس انو حميدتي ده أحسن زول وهو الحارسنا ونحن نايمين ،وانو مستحيل مستحيل تحصل حرب بينو وبين الجيش ولما تحصل الحرب يقولو ديل عرب شتات والناس مقتنعة ،،،
عشان كدة أفضل حل للمشكلة دي نودي برهان لي فكي كارب يشيل العمل ده ،، وفي فكي لو طلع حي لسة بحل المشكلة دي ،،، فنان مشهور طلق مرتو ،، والمرة مشت لي فكي عشان يرجعا ليهو ،،، هو مشى لي فكي عشان يفك العمل العملو الفكي بتاع المرة عشان يرجع ليها ،، بعد تلاتة يوم الفكي قابلو ،،قال ليهو موضوعك ظبط خلاص ،، سألو كيف ،، قال ليهو الفكي بتاع المرة مات ،،،زولنا الفنان اتخلع لأنو كان متوقع إنو يبطل العمل ،، يأخر مفعولو ، لكن يكتل الفكي التاني مرة واحدة ما كان غرضو ،،،
نحن عاوزين فكي بتاع حلول جذرية زي الفكي بتاع الفنان ده ،،، s
| |
 
|
|
|
|
|
| |
Hassan Farah
السر عبدالله
فيس بوك
تويتر
انستقرام
يوتيوب
بنتيريست