كفايا ركوب راس

06:01 PM November, 08 2025

سودانيز اون لاين
Hassan Farah-جمهورية استونيا
مكتبتى
رابط مختصر

2m
·
كفايا ركوب راس
Salmawi Ali#سيصرخون
Salmawi Ali
·
5h
·
#_*الأستاذ/ هاشم صديق*

*جوطا جوطا ...*
جوطا جوطا ...
وامشي جيب مفراكه سوطا
الناس جرت سابت بيوتا ..
سابوها ليك عشان تجوطا
جوطا جوطا ...
جوطا جوطا ...
وامشي جيب مفراكه سوطا
ما بنشيل سلاح نحارب ..
ولا بنقاتل وحياة ابوكا
عوسا عوسا ..
عوسا عوسا ..
انت فرعون ماك موسى
اغرف النيل...
شيل نصيب المويه كلو ..
ما تخلي الشعب يشرب كلو كلو
خلي عطشان ..
اوعه عطش الريق تبلو
شيل معاك الخير دا كلو
اوعاك تسيبنا نقعد في ضلو
حارب لغاية الناس يملو
عكر مزاج الشعب زلو
جوطا جوطا ...
جوطا جوطا ...
وامشي جيب مفراكه سوطا
اقفل معاك كل المدارس
أفتح أملا الشاحنة آيس
اي طالب بكرا جاهز
في الشوارع يبقى لايص
دمر التعليم دا خالص
خلي مرتع للكدايس
ما انت اصلك ياخي عنتر ..
انت فرعون وانت فارس
أمسح السودان دا كلو ..
خليهو مرتع للكدايس
سوي زي ما انت عايز
خلي شعبك بره لايص
جوطا جوطا ..
وجوطا جوطا..
شرد الناس من بيوتا
اوعه تسكت لينا ساكت
جوطا جوطا ...
جوطا جوطا ..
وامشي جيب مفراكه سوطا
خلينا بره نطير نهاجر
وأبن للقاعدين مقابر
يلا نمشي نقوم نخاطر
نقطع نشوف درب التذاكر
نسيب بلدنا نغور نسافر
انتو يلا اقعدوا فيها ..
اوعه فيكم زول يغادر
اكتل اجرح ...
انت اسرح فيها امرح
يلا أكتل ومره اجرح
خلي كل اطفالنا تصرخ ..
الجرح جوانا ينتح
اوعاك تخلي الشعب يفرح
عوسا عوسا ...
عوسا عوسا ...
انت فرعون ماك موسى
جيب مدافعك امشي كوسا
اضرب الناس في رؤوسا
ناس كتار ضاعت فلوسا
امشي فوق بالدوشكا دوسا
خلي كل الشعب يصرخ ..
الظروف ما راضيه تسمح
والألم جوانا ينتح
اطفالنا بهناك تبكي تصرخ
اتدمرت ...
اتبهدلت...
البنوك عدمت فلوسا
بلدنا ضاعت ماشين نكوسا
عوسا عوسا...
عوسا عوسا ..
ما بنشيل سلاح نحارب
في الجنجويد البهدلوكا
امشي حقق حلم ابوكا
جوطا جوطا ...
جوطا جوطا ..
وامشي جيب مفراكه سوطا
#الأستاذ هاشم صدّيق .