Post: #1
Title: التّنظيمات المتـ،ـطرفه بالسودان تختطف قرارات الديش وتستغلها في استمرار تصعيد الحرب واجهاض جهود السل
Author: Hassan Farah
Date: 11-08-2025, 10:25 AM
10:25 AM November, 08 2025 سودانيز اون لاين
Hassan Farah-جمهورية استونيا
مكتبتى
رابط مختصر
التّنظيمات المتـ،ـطرفه بالسودان تختطف قرارات الديش وتستغلها في استمرار تصعيد الحرب واجهاض جهود السلام التي تتبناها الرباعية والاتحاد الافريقي.
|
Post: #3
Title: Re: التّنظيمات المتـ،ـطرفه بالسودان تختطف قر
Author: Hassan Farah
Date: 11-08-2025, 10:28 AM
Parent: #2
|
Post: #4
Title: Re: التّنظيمات المتـ،ـطرفه بالسودان تختطف قر
Author: Hassan Farah
Date: 11-08-2025, 10:42 AM
Parent: #3
المؤتمر الوطنى يهاجم ضعف التعبئةالعامة وينادى بعودة التجنيد الاجباري
|
Post: #5
Title: Re: التّنظيمات المتـ،ـطرفه بالسودان تختطف قر
Author: Hassan Farah
Date: 11-08-2025, 10:48 AM
Parent: #4
acebook
Mohyelden Jevaraمواهب جبال النوبة
10h
·
عزيزي البلبوس.. المقاتل الشرس خلف الكيبورد.. مبروك..
الخدمة الإلزامية راجعة، ودفارات الكشة راجعة..
جاتك الفرصة لعندك للجهاد ضد المليشيا.. بدل جهاد الشتيمة.. واللايك والأضحكني الشغالهم ضد القحاتة..
حيودوك بالقوة تجاهد..
وحيجيك كوز بعلامة صلاة.. ووجه وضيئ.. وكرش ممتلئ بالسحت..
حيكلمك كتير عن الجهاد ضد الكفار.. وعن الحور العين.. وعن جنة كرتي الراجياك لو رميت قدام..
حيحببك في الموت.. ويشهيك الشهادة..
وحتشوف نفسك عريس بتزفك الملائكة ل (72) حورية..
بس لما المتحركات تتحرك.. الرجل الوقور ده.. حيختفي في ظروف غامضة..
ما حتشوفه تاني..
ده مقلبك الأول..
أسمعها مني نبوءة ورجم بالغيب..
كل التجنيد والتعبئة ما تشوف فيهو أولاد الكيزان مستنفرين قدامك..
ما حتشوف ولد نافع المدغلب داك.. وما حتشوف ولد برهان.. ما حتشوف أولاد العطا.. لسه ما رجعوا من مصر ..
ما حتشوف أولاد البحرضوك للموت..
ما حيكونوا معاك..
ولو جاملوك حيجوك نازلين من تركيا إجازة يومين..
جضومهم تلمع من أثر التكييف الاسبلت والمندي..
يلبسوا معاك الكاكي.. ويتصوروا كم سيلفي..
ويرفعوا في وشك أصبع النفاق إياه..
حيحمسوك للشهادة..
وحيركبوا طياراتهم راجعين فنادق أسطنبول.. والتجمع الخامس.. و سنغافورة..
و حيسيبوك تمشي الجنة.. الماعايزنها هم لأولادهم..
لو قديم شوية.. ممكن تحس انك عايش ظاهرة "ديجا-فو"..
انو السيناريو ده معاد وعشته قبل كده..
أيام حرب الجنوب.. عملوا نفس الشئ..
شحنوا الشباب للموت وللشهادة في الجنوب.. ويرسلوا أولادهم جامعات لندن، ويوتاه، وموسكو..
و ده، يا عزيزي البلبوس البائس.. مقلبك التاني..
والأخير..
#تجرأ_لتعرف
|
|