Post: #2
Title: Re: منقول (صورة): هجوم عنيف وخاطف على 😇التمبا�
Author: الطيب عباس
Date: 10-21-2025, 10:24 AM
Parent: #1
https://sudaneseonline.com/board/499/msg/1541769288.html
مسدار فكاهي
سافي السعوط زول غش نفسو وصدق
شنق السفه او دقر خلاص اتمطق
سفاف العماري تلقي ديما معتق
ضارب اللخمه او قايل كلام مامصدق ..
من سبت السعوط داير اقول مسداري
من كيس السعوط سموهو ود عماري ..
خليت السعوط في مره قت اشيش
انفخ وانسجم تفاح وراسي منيش
وكت الخرمه جات زولك بقوم بالنمره
وفي رمضان مطشش وداير يفك الخرمه
ود الباشا والنو وكجبر ومنقو
خلن حالي زي ضارب زرايب الكنبو
ف الشايقي اب ربابه والكيس تراهو مخده ..
كشكش وانسجم فكت معاهو الزنقه ..
سفاف الصعود ماعندو اي عزيمه
كل مره يحلف وابليس دا هزمو هزيمه
الداير السعوط سموهو زول متقريف
تلقي العين شراره والوشيش متخلف
وفي بانت مراسي والجمري هايش هوشه
والبمشي ورا الجداد دايما بودي الكوشه
ياخونا السعوط دايما فعاليو عجيبه
والرطل منو كان سعرو بي تعريفه
ياخوانا العماري داير لي زول شبعان
ضارب الشيه او ضارب لحوم الضان
ومن سبت السعوط لي هس انا خرمان
شوف ياخلي ودعماري حق مجنون
لو عاوز البديل اكتح قرفة اوكمون
⚡️ابوعباس -
|
Post: #3
Title: Re: منقول (صورة): هجوم عنيف وخاطف على 😇التمبا�
Author: قصي محمد عبدالله
Date: 10-21-2025, 11:16 AM
Parent: #2
تحياتي وتقديري الأخ الطيب عباس،
وحمدا لله على سلامة العودة للكتابة بعد غيبة.
لا أتفق معك أن الامر فكاهي، حتى لو بنسف!
كدي اقرأ الابيات وانت غضبان من العماري، والعمارتية، وقرفان منه ومن مخلفاته،
يختلف المعنى،
الفكاهي يشجع على السف، والاستمرار،
وبغضب يشجع على الترك.. وكرهه.
|
|
