Post: #1
Title: وراء كل كارثة كارثة أكرث
Author: طلحة عبدالله
Date: 10-10-2025, 01:42 PM
01:42 PM October, 10 2025 سودانيز اون لاين
طلحة عبدالله-
مكتبتى
رابط مختصر
ولد اسمو الشريف الفحيل قالوا فنان بغنى غناء حمد الريح
وعندو شعبية مشيت سمعتو مرة فتأكدت انو الولد ضحية
الأذواق الفاسدة التى تعتبر مثل هذا الصراخ فن وغناء ..
تتبعت الولد في مجموعة من مقاطع الفيديو فلقيتو حاتيها
قرض مع القونات مستعملا كل مفردات البذاءة والانحطاط
والسفاهة ..
مشيت شوية لقيتو شاتم واحد مسميهو ( أب صلعة) ومتهمو
انو هو السبب في موت الفنان الراحل المقيم نادر خضر ولما
سألت من الفنان أب صلعة دا قالوا قاصد جمال فرفور اللى في الصورة
التانية ..
مشيت أشوف فرفور لقيت انو اتحاد المحن الموسيقية فصلو لشنو ؟؟
قالوا شتم الوسط الفني .. فتشت عن شتيمتو للوسط الفني لقيت في بت
عاملة معاهو ( حوار ) في شكل ونسة بتاعت قعدة جبنة اذ لا علاقة
بين الحوار الاعلامي والونسة بتاعت البت دي فعرفت انو فرفور راح
ضحية قناة اعلامية متواضعة المستوى والمضمون والدليل ونسة البت دي.
القناة الاعلامية دي ذاتا في الحقيقة ضحية الفوضى الضاربة باطنابها
مختلف القطاعات
والمؤسسات في السودان المأزوم بما في ذلك قطاع الاعلام والكلام
دا اتأكدت منو لما عرفت انو مدير القناة دي بت اسمها فاطنة الصديق
القادة عربي ولسة ما بتفرق بين الياء المعرجة والألف وثقافتا العامة زي
ثقافة حبوبة جدي في علم الذرة بدليل انها ما سمعت بصلاة الشروق ولا
عارفا عدد ركعاتا كم ودي أدونا ليها في الخلوة وقبل الروضة
المهم وراء كل كارثة كارثة أكرث خخخخ
.......
الجدير بالذكر أن بغال اكال كل الموائد ورقاص كل المواكب عاد إلى حضن الوطن ..
|
Post: #2
Title: Re: وراء كل كارثة كارثة أكرث
Author: Nasr
Date: 10-10-2025, 04:26 PM
Parent: #1
علي قول بن خلدون
عندما تنهار الدول.... زي الشرا في القندول
(دي ناس جيلنا بفهموها كويس)
|
Post: #3
Title: Re: وراء كل كارثة كارثة أكرث
Author: Mahjob Abdalla
Date: 10-10-2025, 04:45 PM
Parent: #2
سلام اخ طلحة,
عيد الضحية الفات كان اجمل عيد عندنا هنا. عيد سودانى 100%, يعنى السودانيين برانا حجزنا حديقة عامة و الامام سودانى و الصلاة كانت فى الفضاء العام بحكم الدنيا ربيع.
كان ضيف الشرف سميك طه نور الجليل يحمل كاميرته و قام بتوثيق اليوم
" target="_blank">
و نحن جالسين شله, جاء شاب و سلم علينا و بعد ما مشى, واحد من الشباب, قال "الزول السلم علينا ده مش ياهو شريف الفحيل".
كان ذلك اول مرة اراه, قبله سمعت انه يسكن الحلة التى نسكن فيها. بعدها بقليل, سمعت صوت مغنى و عرفت ياهو نفس الزول السلم علينا هو شريف الفحيل و هو ذات الشخص الذى يغنى فى المسرح فى الجانب الاخر من الحديقة.
طبعا نحنا كبرنا على مرحلة انو الواحد يمشى يسمع غنى او ربما المزاج لسه مرتبط مع الجيل الزمان عشان كدا ما حاولت انو امشى ناحية الغناء.
نعم من بعيد كدا سمعت واحدة من اغانى حمد الريح و اظنو غنى اغانى لمطربين كتار.
|
Post: #4
Title: Re: وراء كل كارثة كارثة أكرث
Author: صديق مهدى على
Date: 10-10-2025, 04:52 PM
Parent: #3
طيب رايكم شنو فى رئيس وزراء حكومة بورتسودان كامل ادريس زار اريتريا قبل ثلاثة وقدام افورقي هتف قال يعيش افورقي هههههه
|
|