لشاب العطبراوي اسمه / مهند حاتم ابوشورة Mohaned Hatim +249912178854

لشاب العطبراوي اسمه / مهند حاتم ابوشورة Mohaned Hatim +249912178854


10-02-2025, 01:05 PM


  » http://sudaneseonline.com/cgi-bin/sdb/2bb.cgi?seq=msg&board=515&msg=1759406758&rn=0


Post: #1
Title: لشاب العطبراوي اسمه / مهند حاتم ابوشورة Mohaned Hatim +249912178854
Author: Hassan Farah
Date: 10-02-2025, 01:05 PM

01:05 PM October, 02 2025

سودانيز اون لاين
Hassan Farah-جمهورية استونيا
مكتبتى
رابط مختصر



بعد تواصل في الخاص
الشاب العطبراوي اسمه / مهند حاتم ابوشورة Mohaned Hatim +249912178854
له منا كل الود والتقدير والإحترام...
#أنا_من_هناك
#من_أتبرا
#شهامة_وأمانة_شاب
من عطبرة
رسالة في الخاص
______________
السلام عليكم ورحمة الله وبركاته اخونا فخري عطا
مساك الله بالخير دلوني ليك ناس عطبرة
جايك الليله وبكل فخر وعزة في اهلك و ناس عطبره وشهامتهم وأمانتهم
أنا أسرتي من الوافدين في عطبره ولينا الشرف طبعا نسكن عطبرة
إليوم حصل معاي موقف عمري ماحاانساه ويظل زكري للامانه اولاً والشهامه والصدق البقي معدوم في بلدنا دي
النهار واقف في الشمس معاي الوالده الله يديها الصحة والعافية في الشارع متجهين علي حي المطار مربع ١٢ الدينا مولعه نار منتظرين ركشة فجاة وقفت لينا عربيه ..
الشاب قال لينا أنا ماشي قدام إذا في طرقي اركبو أوصلكم معاي قدام الكلام دا في مربع ٢ شرق استوب البركة حي المطار
المهم ركبنا ولما وصلنا قلنا لي وصلنا قال لينا قريبين من الظلط ولا خاشين قدام علي الحله شوية قلنا لي وصلنا الحمدلله اول شارع من الظلط البيت قال لينا لو خاشين جوه اوصلكم
قلنا لي والله كتر خيرك
نزلنا وشكرناه
المهم وصلنا البيت الوالده قالت لي نسيت الكيس في المقعد الوراء الكيس دا فيهو أغراض وشنطه فيها (دهب اختي جايباهو ليها الوالده كان معاها )ما أتزكرته لحدي ما وصلنا البيت
المهم الدنيا اتقلبت وجريت الظلط بقيت واقف مافي اي حاجة انتظرت زمن مافي حاجة رجعت البيت وقلته ليهم مافي شي امي قالت لي الولد ود ناس مااظن يشرد بالدهب دا قلته ليها ربنا يجمع
سبحان الله بعد اكتر من نص ساعه تاني طلعته الظلط لقيت العربيه واقفه وفيها الشاب المحترم ابن الأصول دا قال لي أنا لي ربع ساعه واقف بقول ي رب يجي زول الحمدلله ادانا الكيس زي م هو وحلفتو اكرمو زعل وقال لي عيب لو عايز شي ماكنت جيت راجع جبته ليكم ألكيس دي قلته لي انت عارف الفي الكيس دا شنو قال لي اي عارف أنا فتحت الكيس ع امل القي منستد فيهو عشان أصلكم مالقيت جيت راجع وقفته محل نزلتكم لي ززززمن والحمدلله لقيتك في النهايه
بجد بقول ليك تسلم البطن الشالتك وربتك علي الحلال شاكر ومقدر
الصور دي صورتها ليهو من غير م يعرف وماظاهره بس ملامح وشو يمكن الناس تعرفها هو قال من عطبره
عايزك تنزلها لانو جد دا اقل شي اعملو ليهو لي امنتو دي صراحة قال لي اسمو مؤيد ولا مهند بس أنا من اللخمة ما ركزت
فجد شكرا شكرا ياأبن الأصول
(بالمناسبه الدهب ماشوية يااخونا فخري )
الوالده طوالي قعدت تصلي وتدعي ليهو
فارجوك عايز رقم المحترم دا



Post: #2
Title: Re: لشاب العطبراوي اسمه / مهند حاتم ابوشورة Moha
Author: Hassan Farah
Date: 10-02-2025, 01:07 PM
Parent: #1

https://www.facebook.com/photo/؟fbid=2338004596618066andset=a.434800220271856