Post: #1
Title: حمى الضنك وهلال امدرمان وبتاع الأقاشي (بوست انصرافي)
Author: طلحة عبدالله
Date: 09-22-2025, 09:16 AM
09:16 AM September, 22 2025 سودانيز اون لاين
طلحة عبدالله-
مكتبتى
رابط مختصر
هل صحيح انو لو شكيت وناشدت وقلت عندنا حمى الضنك وأزمة دواء
ودربات ومقويات ومفتحات شهية بطلعوا ليك كم واحد عامل فيها شفت
وضكر بط وديك عدة يشتمك ويهددك بالويل والثبور وعظائم الأمور
وفي النهاية يقول ليك تعال السودان كنتقدر باعتبارك عميل وخائن وجاسوس ؟؟
اذا كان ذلك صحيح فأعلن أنا العبدلله طلحة عبدالله كبنى ادم مارق للربا والتلاف
أنو حمى الضنك مقيلة وبايتة معانا وشهت أهلنا العافية والبعوض أكتر من
القونات والقونين العاملين فيها فنانين والحرب دي لازم تقيف ووزارة الصحة
ما شايفة شغلا ومن أخذ الأجر حاسبه الله بالعمل وبتاع اللبن بزيدو موية
وما تمشوا تاكلوا في المطعم البهناك داك لانو الاقاشي بتاعو من لحم الحمير
وما اكل السبع والضبع ..
والهلال وحمى الضنك واحد ما في فرق لانو الاتنين مرض وبجيبوا الأذية
للشعب السوداني وهكذا وهكذا خخخخخخخخ..
...........
الجدير بالذكر أن أبو الهل الملقب بالهلال والوارد ذكره ضمن قائمة الكوارث
الفوق دي فريق مهلهل كل انجازاتو الخارجية انو الكابتن بتاعو ( جكسا)
صافح الملك السعودي قبل عقود خلت من الزمان.. فاااااااشنو .. ادمجووووووه
|
Post: #2
Title: Re: حمى الضنك وهلال امدرمان وبتاع الأقاشي (بو�
Author: محمد نور عودو
Date: 09-23-2025, 09:35 AM
Parent: #1
هلال امدرمان او ابو الهل صاحب الصفر الدولي بجدارة.
من أكبر انجازات ابو الهل الدولية قياموه بتحويل رقم 2 الي رقم 12في اول حالة تزوير دولي .
|
|