فى سيرة صراع العروش (Game Of Thrones) مقاربة بالواقع السودانى الان

04:06 PM September, 08 2025

سودانيز اون لاين
Mahjob Abdalla-
مكتبتى
رابط مختصر

فى سيرة صراع العروش, هناك سبع ممالك تم توحيدها بواسطة اسرة التنين قبل سنين عدة و بقيت موحدة حتى بعد انقراض التنين لاكثر من 300 سنة.
الاسر السبعة:
تارغاريان (اسرة التنين) - Dragon Stone
بارثايون - Storm End
استارك (الشمال) Winterfell - لو غلطت عليهم عندهم مقولة مشهورة (The North Remembers)
لانيسترس (الغرب) منطقة غنبة بالذهب, يقولون انه لو مشى (زى الناس) بنزل دهب
هاى قاردن (الجنوب) ناس زراعة و انتاجهم يغزى الممالك السبع
ريفر لاند (منطقة فى الوسط غزيزة بالانهار و المياه وهم عددهم كبير و متحالفين مع اسرة استارك و متزاوجين. ضمنيا كدا تحت مملكة الشمال
فالى ( منطقة جبلية) محصنة بقولو ما حصل تم احتلالهم
دورن ( منطقة صحراوية) فيها تعابين كتيرة و مشهورين باستخدام السم فى اسهم الرماح. الامير بتاعهم كان الممثل السودانى الكساندر صديق
الجزر الحديدية - ديل ناس زعلانين على طول و عايزين ينفصلو من المملكة الكبيرة

مقر الممكلة (King's Landing) و قصر الملك اسمو الـ Red Keep

ابنة التارقاريان بعد مقتل اسرتها و تشردها الى قارة اخرى مجاورة عملت ليها جيوش من القارة المجاورة دى بعد ان تزوجت من قائد قبيلة الدوثراكى (Dothrakis). ديل ناس خيول و طريقتهم فى المعارك مختلفة عن طريقة جيوش الممالك السبعة.
نسيت اذكر اسم قارة الممالك السبعة (ويسروسى) or Westeros. فى المقاربة على الطبيعة كأنه قارة امريكا الشمالية و فى الجانب الاخر قارات اخرى .
نرجع للدوثراكى. ناس خيول لا تستخدمون الدروع فى المعارك, بجيك الواحد طاير بالحصان, لب بقطع راس المحارب. المهم نجى دورهم فى حرب الويستروسى

ابنة التارقاريان برضو اشترت ناس بسموهم ( Unsullied) ,و هم مجموعة من الرقيق تم اخصائهم بواسطة اسيادهم. هؤلاء الاسياد عندهم مدنهم الخاصة لا ينتمون الى اى دولة بسموهم الـ Free Cities
يعنى زى ناس اغنياء اختارو يعيشو حياتهم بطرقهم بعيدا عن النظم القانونية (زى جزيرة ابستين كدا)

فى ويستروس ذاتها فى ناس كدا بسموهم Sell Swords. يعنى بالسودانى (مرتزقة) تدفع ليهو, بحارب ليك. تقطع منو الدفع بمشى للطرف الاخر

فى ناس تانين كدا بتاعين بنوك (زى البنك الدولى) كل ما المملكة تحتاج ل فلوس هم جاهزين بدوك المبلغ الدايرو مقابل ارباح طائلة. ديل برضو قاعد فى منطقة خارج ويستروس Across Narrow Sea

من الناحية الشمالية (شمال وينترفل) فى ناس كدا بسمو نفسهم (Free Folks) هم فى ذات القارة و لكنهم لا يؤمنون بنظام الدولة القائمة و لذلك قاعدين بعيدين. ناس ويسروس بسموهم (Wildlings) او المتوحشين
المهم ديل برضو عندهم دور الكبير فى الحرب الكبرى اخر المطاف

فوق ل ده كلوالويسروس كلو مهدد بالبعاعيت البظهرو فى كل الف سنة مرة. ديل لما يظهرو زى يوم القيامة و بهددهم كلهم بحيث لازم يتحدو لمحاربة البعاعيت ثم يعودو ليحاربو بعضهم البعض حول العرش.

اها فى المجموعات دى كلها, حاولو ختو لينا الناس البتشاكلو ديل فى القوالب المناسبة ليهم

Winter Is Coming

Quote: فى ناس تانين كدا بتاعين بنوك (زى البنك الدولى) كل ما المملكة تحتاج ل فلوس هم جاهزين بدوك المبلغ الدايرو مقابل ارباح طائلة. ديل برضو قاعد فى منطقة خارج ويستروس Across Narrow Sea

The iron bank ديل اليهود وكفيلهم الإقليمي

Quote: The iron bank

سلامات منتصر,
شكرا لمرورك الكريم و كأول المتداخلين.
نعم ياهو البنك الحديدى.
تعرف انا قريب الكتب الاربع الاوائل قبل ما اشاهد اى حلقة

فى حالات كثيرة متطابقة مع الحالة السودانية
كدا اول شئ شوف الدوثراكى بطابقو منو و بتاع الدهب دهب داك يكون منو

سلام محجوب

سلام حيدر,
شكرا لمرورك الكريم و شرف ان الصديقين الللدودين لبعضهم البعض هم اول المتداخلين هنا.
تعرف حتى سيناريو الانقسامات هذه و التصنيفات فيها حالات مقاربة بين صراع العروش و صراع جيوش السودان.
بعد موت روبرت باراثيون, فى ناس اختارو يكونو مع الـ Realm بغض النظر عن الشخص الجالس على العرش و فى ناس مشو حسب مناطقهم. النتيجة انو بعد موته بقى فى خمس ملوك و سادستهم بنت التارقاريان اللى كانت فى المنفى و بتجمع مليشياتها لتعود و تأخذ ب ثأر اسرتها.

الـ نبدأ من اخر ايام الملك المجنون mad king (The last Targarian King) الذى كان يقول (Kill them all).
تقريبا زى عمر البشير الكان عايز افتاء من رجال الدين ان يقتل تلتين و يفضلو تلت.
و هناك الملك المجنون بقول "اقتلهم كلهم"

Quote: Aerys II Targaryen, the "Mad King," was said to have shouted "Burn them all" during the Sack of King's Landing just before Jaime Lannister killed him. This event, which occurred before the main timeline of Game of Thrones, involved Aerys ordering his pyromancers to ignite wildfire caches under the city to prevent its surrender to the Lannister forces.

المقاربة القادمة بين اللورد تايوين (House Lanister) و حميدتى:
عندما تمرد روبرت باراثيون (ٍStorm End) و كانت قواته قد اقتربت من العاصمة, كان اللورد تايوين حليفا للملك التارقارى, بحكم ان للورد تايون اكبر قوات عسكرية, استدعاه الملك التارقارى الى العاصمة لحمايتها من المتمردين, و كان ابن اللورد تايوين احد حراس الملك الشخصى.
استدعاء تايوين صاحب اكبر قوة عسكرية مشابه لاستدعاء البشير ل حميدتى بقواته الى العاصمة لحمايته او حماية حكمه من السقوط. هنا وجه الشبه.

و لكن عندما رأى اللورد تايوين ان المتمردين اقتربو و كانت لهم الكفة الراحجة, فتح ابواب المدينة للمتمردين لدخولها. حينها غضب الملك و قال لوزيرة الاول ان يحرق المدينة (احرقهم جميعا) و قال لابن اللورد تايوين ان يحضر له رأس ابيه, فما كان من ابن اللورد تايوين (الحارس الشخصى للملك) ان يقوم ب طعن الملك و قتله و هكذا سقطت المدينة فى يد المتمردين و بدأت مرحلة جديدة بقيادة الملك الجديد روبرت باراثيون. هنا وجه التشابه ان غدر اللورد تايوين ب الملك كما فعل حميدتى ب عمر البشير.

Quote: During Robert's Rebellion, Lord Tywin Lannister arrived at King's Landing under the pretense of defending the city. However, after the gates were opened, his army proceeded to sack the capital. Overcome by madness, Aerys ordered his Hand of the King and master pyromancer, Rossart, to set caches of wildfire hidden throughout the city ablaze. He intended to burn all 500,000 residents of King's Landing rather than allow the city to fall to his enemies. Jaime Lannister, Aerys's Kingsguard, killed Rossart to prevent the plot and then murdered Aerys at the foot of the Iron Throne to stop him from issuing the order again

روبرت باراثيون | البرهان
باراثيون كان زول سكير من الدرجة الاولى. قائد عسكرى فذ, قاد تمرد عسكرى اسقط الحكم القائم و اصبح هو ملك الملوك السبعة و لكن بعدها ترك امر ادارة الدولة فى (يد الملك Hand Of The King) و اتجه للعربدة
هل نقدر نقول السيد (حمدوك) هو يد الملك

المقاربات بعيدة شوية, لا البرهان يشبه باراثيون و لا حمدوك يشبه (جون ارين او استارك)