سبحان خالق الأفلاك

08:29 PM September, 02 2025

سودانيز اون لاين
الطيب الشيخ-القاهرة ـ مصر
مكتبتى
رابط مختصر

سبحان خالق الأفلاك
تعالت ذاته عن إدراك
******
أخي لو تحذر الإشراك
لعل المولى يتولاك
ويغفر ليك ما دون ذاك
*****
كبائر الذنب فيها رداك
تتوب و تؤوب بيتلقاك
يفرح بيك يمحو خطاك
*****
رسول اللهِ رُوحي فِدَاكْ
كل المستهزئين أكفاك
و عصمك ضد من عاداك
*****
جْزَاك بالكوثر أعطيناك
شرح صدرك شهر ذكراك
بالخلق العظيم خصاك
*****
يوم الأكْرَمْكْ مولاك
بي شرف العروج خصّاكْ
أمين الوحي ما أتعدّاكْ
*****
قاب قوسين، قريب أدناكْ
سِمو فوق مستوى الأملاك
و كل الرُّسلِ صلّوا وراكْ
****
عطفك ورحمتك يوم داك
في الطائف الملك ناداك
صْفَحْتَ غَفْرَتْ يَا رحماك
******
في مكة الخلوق راجياك
وسيف القدرة في يُمناك
عفْيت وأكْرمت ما أعلاك
*****
أسأل عن معاجزه سواك
عين قتادة مين رداك !؟
وقول للظبية من فكاك !؟
****
سعدك يا حليمة أتاك
بي رضاعة الرسول خصاك
و فاض الخير وفير عَمّاك
****
الغيم في الهجير يبراك
كتائب جُندك الأملاكْ
و ريح تهزم جنود إشراك
*************
إله العرشِ يصلّى علاك
وصلّت... كافة...الأملاك
الصلاة والسلام تغشاك
*****
حبيب قول لي يطيب معناك
وأنواع البلى مِخَاصْمَاك
وشفاعة الرسول شاملاك
*****
أمك، زوجتك وأبناك
وأبوك الشيخ وأخوك هناك
تاكية على الأرائك داك
******
والأخوات يدخلوا معاك
ومن حبيتو من حباك
ومن كان بالدعاء أوصاك

الطيب الشيخ