Post: #1
Title: خروج المنتخب ودخول بقال
Author: طلحة عبدالله
Date: 08-27-2025, 10:11 AM
10:11 AM August, 27 2025 سودانيز اون لاين
طلحة عبدالله-
مكتبتى
رابط مختصر
أما خروج المنتخب فهو حال الكورة السودانية منذ فجر التاريخ *
منتخباتنا وفرقنا السودانية غير مؤهلة اطلاقا لا سابقا ولا لاحقا
لاعتلاء منصات التتويج الخارجية وتنطبق عليها حكاية بغلة عبد الخير
و الحكاية أن بغلة عبد الخير في السباق الذي ينظمه أهل الحلة
ذات كل عصرية تنطلق لتسبق جميع البغال وعندما تصبح
على بعد امتار من خط النهاية وقد أيقن الجميع أنها الفائزة لا محال
فاذا بها تتوقف فجأة وتتشتح لتفرغ مثانتها والناس بين هازي وضاحك
أما دخول بقال فهو مثل دخول وخروج طيرة المسطول التى دخلت
من الشباك وخرجت من الباب
الجديد شنو يعنى في المشهد السوداني الممل البائس منذ الأزل دا ؟؟؟
عموما نحن كشعب سوداني مغضوب عليهو (هكذا أعتقد جازما)
نستاهل البحصل لينا دا واكتر
............
* باستثناء بطولة الأمم الأفريقية قبل أكثر من 75 عاما وبطولة
الكؤوس الأفريقية قبل أكثر من 35 عاما .
|
Post: #2
Title: Re: خروج المنتخب ودخول بقال
Author: حيدر حسن ميرغني
Date: 08-27-2025, 10:28 AM
Parent: #1
حاجتين ما تعشم فيهم أبداً في السودان
السياسة والكورة
عمرهم ما يفرحوك
عشان كده اصلو ما تكون جادي فيهم
|
Post: #3
Title: Re: خروج المنتخب ودخول بقال
Author: ترهاقا
Date: 08-27-2025, 10:42 AM
Parent: #2
ما يخرجوا كيف في الزمن الاغبر ده؟
زمن بقال والي واردول رئيس حزب وهجو ممثل وسط ومناوي حاكم اقليم والبرهان الوسخان حاكم دولة
وحميدتي السجمان فريق أول والدلاهة وكيل عريف عبدو طاحونة رقم سياسي، ، وجبريل الكوز وزير مالية؟
|
Post: #4
Title: Re: خروج المنتخب ودخول بقال
Author: Ali Alkanzi
Date: 08-27-2025, 11:25 AM
Parent: #3
الاستاذ طلحة والمتداخلين
سلام
نشكر للمنتخب القومي بوصولة للنصف النهائي فقد احيا فينا الامل
ومدغشقر كانت متطلعة وهذا حق اصيل للكل دولة شاركت
ونالت تطلعها
المنتخب يصل مرحلة المنافسة ونحن نعيش ظروفا العالم كله يعلمها فهذه محمده تحسب له
وامكن الجايات احسن من الرائحات
تابعت الكورة في نهاية الشوط الثاني عند طرد لاعب مدغشقر
ولكن يبدو ان ابناءنا كانوا اكثر تساهلا لهذا خسروا ا
|
Post: #5
Title: Re: خروج المنتخب ودخول بقال
Author: طلحة عبدالله
Date: 08-28-2025, 09:52 AM
Parent: #4
مساء الفل
طيبين يا شباب
خلاصة البوست انو خروج المنتخب ودخول بقال
مشاهد مكررة ومملة لا جديد فيها سوى أنها
تصيب الانسان القديم والمعاصر بفوران الدم
حتى الغثيان ومباشرة تفريغ ما في تجويف البطن
بكامل صلاحيتو
الجدير بالذكر والملاحظة انو ما في زول صححني
في حكاية انو المنتخب توج ببطولة الأمم الأفريقية
قبل أكتر من 75 عاما ..
أنا قاصد 57 ودي برضو بالحساب الدقيقة غلط
لأنو التتويج حصل سنة 1970 ونحن الآن في سنة
2025 يعنى 55 سنة
المهم يعنى كل الشكر للمرور الكريم من الجميع
قد يتبع وقد لا
|
|