Post: #1
Title: ** لماذا خلق الله الغيرة؟؟
Author: محمد عبد الله الحسين
Date: 08-24-2025, 03:43 PM
03:43 PM August, 24 2025 سودانيز اون لاين
محمد عبد الله الحسين-
مكتبتى
رابط مختصر
هذا اذا اعتبرنا الغيرة مخلوقة فطريا مع الانسان...خاصة المرأة.
هذا السؤال طرحته لنفسي بعد ان قرات عرض لكتاب لكاتبة انجليزية تحدثت
عن فقدان صداقة صديقتها بسبب الغيرة..
فوجدت ان هذا السلوك شائع بين النساء وبدرجة اقل بين الرجال.
فبدات استأل نفسي لماذا تميزت المراة بامتلاكها الغيرة؟
ما فائدتها؟ط
لماذا اودعها الله في المراة.
وجدت اجابات عادية ومعروفة ومكررة ولكنها لا تجاوب على السؤال.
|
Post: #2
Title: Re: ** لماذا خلق الله الغيرة؟؟
Author: Bashasha
Date: 08-26-2025, 11:23 PM
Parent: #1
قرقرقرقر!
الذكوري، المستعبد وعيا:
مفهوم/صيغة/فكرة اله(الهة) اتت به المرأة مانوع الذكور، من امثالك، الما كان بسوي حاجة في بداية البشرية!
بناءا عليه الذات الإلهية كانت "انثي" حصريا، ثم تحول الي "انثي/ذكر، نعم مساواة مطلقة، أنجزتا السودانية لما نوع الذكور اي امثالك، اثبت وجودو، بعد تعب، ولهذا السودانية اتنازلت وأدت امثالك من نوع الذكور حق المساواة المطلقة!
ولكن بني قوقاذ، مالكي وعيك، لما ظهرو في التاريخ، قامو بالانقلاب الذكوري الحالي!
هكذا عالم اليوم اصبح يمثل قاع هرم البشرية، اللي السودانية بتمثل قمتو، ام البشرية، اصل الحضارة!
وقع ليك، ياعنقالي؟
الديك، أو تور؟
|
Post: #3
Title: Re: ** لماذا خلق الله الغيرة؟؟
Author: Bashasha
Date: 08-27-2025, 04:15 AM
Parent: #2
الذكوري، قال "الغيرة" خاصة ب"الحريم"، اما "الضكور" فلا!!
من حيث حقائق التاريخ المجردة، وكرد مضطرين للكلام بلغة كهذه، لايفهم هذا الذكوري غيرا، وحقيقة لي امون، نوع الذكور "دون"، مقارنة بنوع الاناث، امهات اباء البشرية المتفوقات!!
اليس هذا عجيب بحق؟
نعم الاب، جا مارق للدنيا دي كما اي شافع من رحم السودانية تحديدا وحصريا، وهي عذراء، وهي اول من خلق ربنا كبشر مشي علي قدمين، وليس نوع الذكور، الما كان زاتو اتخلق كبشر، لمن خرج من رحم ام البشرية، امنا Auset، نعم مريم العذراء، والدة "ادم" الثقافة الارية!!
نعم ادم، خرج من رحم "الست" وليس العكس، كما تسوق الثقافة الارية، الذكورية، خطآ!!
ولهذا، او بي سبب هكذا معجزة انجاب للبشر، المراة السودانية تحديدا وحصريا، هيمنتا كانت مطلقة، مهيبة، وكنتيجة فجاة في تاريخنا ظهرت ك"الهة" هذا الكون، دعكم من نبي او رسول!
صعب جدا جدا كسودانيين نفهم، نستوعب، كيف والي غروب شمس حضارتنا، المراة وباكثر من نوع الذكور كانت بترمز للمعرفة الروحية!
ولهذا مؤرخي المركزية الاوربية، كانو لما يلقو اسم امراة في اسر ملوك "كمت" اي مصر، طوالي كانو بفتكروها من السودان، لانو وباكثر من اهلنا في كمت، في السودان اي كوش، حضور السودانية والوعي الاموي بعامة، كان طاغي جدا جدا لانو السودان الواحد ده كان مهبط/منبع/مصدر الارث الاموي، اصل حضارتنا، اصل الحضارات علي مستوي العالم كلو!!
لهذا قناهو ليكم:
لن يستقيم الظل ابدا ابدا، في السودان بل الكون كلو، مالم تستعيد السودانية مقعدا الخالي، ونجدع في التراش، عود الذكورية المعوج، كارثة البشرية، نعم نوع الذكور "الدون"، ناقصي العقل و "الدين" بحق!!
يكفي نموذج الطرمبة، رئيس امريكا، البمثل بحق شخصية نوع الذكور علي مستوي العالم!!
هل العنقالي، صاحب هذا الخيط، الذكوري "البعلي" يفقه ايا من هذا، الديك او تور المستلب؟
قطعا لا، وهو ليس بفرد!!
|
Post: #4
Title: Re: ** لماذا خلق الله الغيرة؟؟
Author: محمد عبد الله الحسين
Date: 08-27-2025, 05:57 AM
Parent: #3
مرحب يا عزيز بشاشا
مرحب للمرة الدشيليون
شكرا على المعلومات القيمة حول الغيرة وحول كل شيء
افدتنا كثيرا نحن الجهلاء... نحن عارفين ده ما تعالي منك ولا غرور منك ولا حاجة..
دي حاجة عادية وطبيعية جدا
عارفينك بتحب الإعجاب بس أتأسف الحبوب دي ما عندي..
وبرضه شكرا على النعوت والأوصاف المتوالية في حقي
أنا عارف ده كله عشان انتقدتك
معليش ياخ..
عذرتك ياخ.. عذرتك بعد عرفت السبب..أنا الغلطان..
واصل إذا عايز..إن شاء الله قشة ما تعتر ليك.
|
Post: #5
Title: Re: ** لماذا خلق الله الغيرة؟؟
Author: Bashasha
Date: 08-27-2025, 02:24 PM
Parent: #4
مشكور علي الاطراء.
مهم للغاية كسودانيين نعرف ما انجزتو امنا السودانية، لانو جد خرافي، اسطوري، يفوق الخيال، ولهذا مستغرب جدا محتار، المشكلة دي تتحلا كيف؟
مشكلة سعة وعينا الحالي، الما ممكن يشيل درهم واحد من اطنان دهب، انجازات امنا السودانية، الفريدة بحق!
سبب اساسي لي بلاوينا دي هو غياب دور ام البشرية، اصل الحضارة، نعم دور امنا السودانية، اللي لا شبيه، او مثيل له، اطلاقا اطلاقا!
|
Post: #6
Title: Re: ** لماذا خلق الله الغيرة؟؟
Author: محمد عبد الله الحسين
Date: 08-28-2025, 04:52 AM
Parent: #5
وانت برضه يا حبيب بشاشا شكرا على المعلومات...
بس لكن المعلومات دي أوف بوينت...زي (سياسة بسمارك الخارجية)
يعني ما محتاجين ليها هسه، لكن ما مشكلة إمكن نحتاج ليها تاني.. ما تستعجل.....
لأنه العنوان بتاع البوست هو لماذا خلق الله الغيرة..يعني لا محتاجين لموضوع المرأة ووضعها في إرثنا
أو إنها كانت معبودة..و..و المعلومة دي متاحة لكل من قرأ التاريخ و كمان مكررة دشليون مرة..
الموضوع ما موضوع ذكورية ولا حاجة... الذكورية الجابها شنو؟؟
من المعروف علميا إنه الغيرة موجودة لدى الذكر والأنثى..ولكن لدى الأنثى أكبر...
طالما ربنا خلق الإنسان وخلق الغيرة معناها ليها وظيفة...سؤالنا ما هي وظيفة أو أهمية الغيرة..
يعني الموضوع ليه علاقة أكتر بعلم النفس وما عنده علاقة بتاتا بالتاريخ ولا بي حبوباتنا ولا الكلام الكتير ده..
لكن ما مشكلة كلامك ده إمكن ينفعنا في حتى تانية.. خليك محتفظ بيه وأصبر شوية.
شكرا كتير يا أمير يا كوشي
|
Post: #7
Title: Re: ** لماذا خلق الله الغيرة؟؟
Author: Bashasha
Date: 08-28-2025, 09:26 PM
Parent: #6
طيب:
السؤال، ماعلاقة كلام بشاشا الفوق ده بالبوست؟
الاجابة:
البوست بقول "الغيرة" خاصة بنوع النساء، وهكذا تنميط لنوع النساء، بصفة عامة منطلقو، كيف في عالم اليوم الذكوري الانثي كقاعدة بترمز لكل ماهو سلبي، مقارنة بنوع الذكور البرمز لكل ماهو ايجابي، واذا لابد من معيار كهذا، فالعكس هو الصحيح!
نعم الانقلاب الذكوري الحالي هو المسؤول من هكذا انحطاط لعالم اليوم البمثل القاع مقارنة بعصر جداتنا/اجدادنا الانجزن مشروع المساواة المطلقة مابين النوعين للمرة الاولي والاخيرة في تاريخ البشرية!!
فيا محمد انتا ما انتبهتا للنقطة دي، والنقطة دي هو الباب الجيت خاشي بيهو!!
كسوداني، "حوار" خلاوي ثقافة كوشية، جد شاطب راسي المتداول عندنا حتي في السودان، من احتقار للسودانية، يا للهول!
والاعجب هذا مقدم ك"دين" و "اسلام" او ده شاطب راسي!
معقولة؟
البلد الوحيد علي نطاق هذا الكون، الما مفروض يكون فيهو مثل هكذا احتقار للمراة، مفروض يكون السودان تحديدا، الاوجدتو السودانية، الانطلقت منو السودانية، ك"الهة" في كل اركان هذا الكون، بطول وعرض عشرات الاف السنين، وحدها لاشريك لها، وفجاة الان امنا مهانة، مرذولة، ملفوظة حد بيعا ك"مستعبدة" بي 50 قرش في عصر "الترك" نعم عصر دولة الخلافة الاسلامية؟
انا جد مخلوع جدا جدا، حد الانقهام، بعد العرفتو عن امنا، ام البشرية!
يا الهي!!
|
Post: #8
Title: Re: ** لماذا خلق الله الغيرة؟؟
Author: صديق مهدى على
Date: 08-28-2025, 09:52 PM
Parent: #7
اخونا
محمد
عبدالله الحسين
حبيبنا بشاشا
زولا سمحا وزين
الما عارفنو زيك
بقولوا شين
لكن هو
كوشي
عليهو
ختمين
ختم الأفارقة
وختم العروبة
المو ظاهر
على الجبين
بشاشا لغز
يا ود الحسين
لذا عليك
ان تصبر
وتشوفو متجه
وين
|
Post: #9
Title: Re: ** لماذا خلق الله الغيرة؟؟
Author: محمد عبد الله الحسين
Date: 08-28-2025, 10:31 PM
Parent: #8
اهلا يا صديق يا زين
يا اجمل الحلوين
قول لي يا رزين
نصبر نحن لمتين
خليهم يا صديق الشينين
نحن شين عرفنا في السمحين
الله يدينا الصبر والعافية
وحسن اليقين
|
Post: #10
Title: Re: ** لماذا خلق الله الغيرة؟؟
Author: Bashasha
Date: 08-28-2025, 10:57 PM
Parent: #9
شعر عجيب!
ده، شعر ماعندي ليهو رقبة!
|
|