اﺧﻔﻴﻜﻲ ﻭﻳﻦ

08:59 AM August, 12 2025

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

اﺧﻔﻴﻜﻲ ﻭﻳﻦ
عثمان عوض ضرار

ﻳﺎﺳﻤﺮﻩ ﻛﻴﻒ؟
ﻧﺠﻤﻊ ﻓﺘﺎﺕ ﺯﻣﻦ ﺍﻟﻔﺮﺡ
ﻭﻧﻠﻢ ﺷﺘﺎﺕ ﺍﻟﺬﺍﺕ ﻧﻘﻴﻒ
ﺃﻧﺎ ﻭﺇﻧﺘﻲ ﻓﻲ ﺿﺤﻜﺔ ﻣﺮﺡ
...........
ﺩﺳﻴﺖ ﻣﻮﺍﺟﻌﻲ ﻣﻦ ﺍﻟﻌﻴﻮﻥ
ﻟﻤﻴﺘﺎ ﻓﻲ ﺷﻬﻘﺔ ﺃﺳﻰ
ﻭﻣﻨﻌﺖ ﻫﻤﻲ ﻣﻦ ﺍﻟﻮﺿﻮﺡ
ﺣﺮﻣﺖ ﺣﺰﻧﻲ ﺍﻟﻮﺳﻮﺳﻪ
ﻟﻜﻨﻲ ﻭﻛﺖ ﺍﻟﻨﺎﺭ ﺑﻘﺖ
ﺑﻲ ﻋﻤﺮﻱ ﻏﺼﺒﺎ ﺃﻟﻤﺴﺎ
ﻛﻮﺭﻛﺖ ﻳﺎﺍﺍﺍ
ﻳﺎﺳﻤﺮﻩ ﻛﻴﻒ ؟
ﺃﻃﻔﻲ ﺍﻟﻌﺬﺍﺏ ﺍﻟﻤﺸﺘﻌﻞ
ﻭﺍﻟﺪﻧﻴﺎ ﺭﻳﺢ
ﻭﺃﻗﻴﻒ ﻣﻌﺎﻙ ﻋﻠﻰ
ﻧﺎﺻﻴﺔ ﺍﻟﺰﻣﻦ ﺍﻟﻤﺮﻳﺢ
..........
ﻳﺒﺲ ﻧﺸﻴﺪﻱ ﺍﻹﻧﺘﻈﺎﺭ
ﻋﻠﻰ ﻧﺎﺭ ﺯﻣﻦ ﻣﻤﺪﻭﺩ ﺟﺮﺍﺡ
ﻣﺎﻣﺪ ﺇﻳﺪﻱ ﻗﺼﺎﺩ ﺃﻣﻞ
ﻣﺎﺃﻃﻌﻢ ﺍﻟﻠﻴﻞ ﺇﺭﺗﻴﺎﺡ
ﻳﺎﺳﻤﺮﻩ ﺭﺍﺡ
ﻣﻦ ﺍﻟﻌﻴﻮﻥ ﺃﻟﻖ ﺍﻟﻤﻨﻰ
ﻭﻣﻦ ﺍﻟﺴﻨﻴﻦ ﻧﺒﺾ ﺍﻟﺴﻤﺎﺡ
ﻳﺎﺳﻤﺮﻩ ﺭﺍﺡ
ﻣﻦ ﺍﻟﻌﺼﺎﻓﻴﺮ ﺍﻟﻐﻨﺎ
ﻭﻣﻦ ﺍﻟﺸﻤﻮﺱ ﻭﻫﺞ ﺍﻟﺼﺒﺎﺡ
ﻭﺇﺣﺘﻞ ﻟﻴﻞ ﺍﻟﻤﺘﻌﺒﻴﻦ
ﻛﻞ ﺍﻷﻣﺎﻛﻦ ﻭﺇﺳﺘﺮﺍﺡ
..........
ﻛﺎﻥ ﺍﻟﻮﺟﻮﺩ ﻣﺸﻮﺍﺭ ﺟﻤﻴﻞ
ﺑﻴﻦ ﺍﻟﺮﺣﻴﻖ ﻭﻧﺪﻯ ﺍﻟﺰﻫﺮ
ﻭﻛﺎﻥ ﻛﻞ ﻟﺤﻈﻪ ﻣﻦ ﺍﻟﺰﻣﺎﻥ
ﻣﺸﺤﻮﻧﻪ ﺑﻲ ﺃﻟﻄﻒ ﺳﻤﺮ
ﻭﻛﺎﻥ ﺍﻟﻌﻴﻮﻥ ﻃﻔﻠﻪ ﻭﺗﻨﻮﻡ
ﻭﺃﺣﻼﻣﺎ ﻣﻦ ﻧﺴﺞ ﺍﻟﻘﻤﺮ
ﻭﻣﺎﻛﻨﺎ ﻏﻴﺮ ﻫﻤﺴﺔ ﻭﺩﺍﺩ
ﻟﻤﺴﺔ ﻣﺤﻨﺔ ﺭﺫﺍﺫ ﻣﻄﺮ
ﻣﺎﺑﻨﻌﺮﻑ ﺍﻟﻐﺮﺑﻪ ﺍﻟﻀﻴﺎﻉ
ﻣﺎﺑﻨﻌﺮﻑ ﺍﻟﻨﻮﺡ ﻭﺍﻟﺴﻬﺮ
ﻻﺑﻴﻤﺸﻲ ﻓﻴﻨﺎ ﺍﻹﺭﺗﻴﺎﻉ
ﺑﻲ ﺧﻄﻮﻩ ﻣﻦ ﺷﻮﻙ ﻣﻦ ﺇﺑﺮ
ﻻ ﺣﻒ ﺩﻧﻴﺎﻧﺎ ﺍﻟﺴﻜﻮﻥ
ﻓﻲ ﻟﺤﻈﻪ ﻓﺎﺣﺖ ﺑﺎﻟﺨﻄﺮ
ﺃﻗﺪﺍﺭﻧﺎ ﻣﻦ ﺻﻨﻊ ﺍﻹﻟﻪ
ﻣﺎﻣﻦ ﺗﻔﺎﻫﺎﺕ ﺍﻟﺒﺸﺮ
.........
ﻳﺎﺳﻤﺮﻩ ﺁﺁﺁﻩ
ﻣﻦ ﻟﺴﻌﺔ ﺍﻟﻈﻠﻤﻪ
ﻭﺩﻭﺍﺭ ﺑﺤﺮ ﺍﻟﺤﻴﺎﻩ
ﻣﻦ ﺇﻳﺪ ﺗﻬﺪ ﻛﻞ ﺍﻟﻄﻤﻮﺡ
ﻣﻦ ﻋﻴﺪ ﻳﻤﺮ ﻭﻻ ﺃﻣﻨﻴﻪ
ﻣﻦ ﻭﺟﻌﺔ ﺍﻟﻌﺸﻖ ﺍﻟﻮﺻﻞ
ﺑﺎﻟﺮﻳﺪ ﺣﺪﻭﺩ ﺍﻟﺘﻀﺤﻴﺔ
ﻭﺇﻧﺴﺎﺏ ﺣﻨﻴﻦ
ﻣﻦ ﻟﻴﻞ ﻳﻄﻮﻝ ﺣﺴﺮﻩ ﻭﺃﻧﻴﻦ
ﻣﻦ ﻛﻴﺪ ﺇﻟﻪ ﺍﻟﻤﺴﺮﻓﻴﻦ
ﻳﺎﺳﻤﺮﻩ ﺁﺁﺁﻩ
ﻣﻦ ﺍﻟﻄﺸﺎﺵ ﺍﻟﻔﻲ ﺍﻟﺸﻌﺮ
ﻣﻦ ﺍﻟﻐﺒﺎﺵ ﺍﻟﻔﻲ ﺍﻟﻐﻨﺎ
ﻣﻦ ﺍﻟﺮﺷﺎﺵ ﺍﻟﻤﺎﻧﺰﻝ
ﺭﻃﺐ ﺷﻔﺎﻩ ﺍﻟﺴﻮﺳﻨﻪ
ﻣﻦ ﻏﻔﻠﺔ ﺍﻟﻔﺮﺡ ﺍﻟﻌﺼﻲ
ﻭﺳﻄﻮﺓ ﺟﺮﺍﺣﻨﺎ ﺍﻟﻤﺰﻣﻨﻪ
ﻭﻣﻦ ﺿﺤﻜﻪ ﻗﺒﺎﻝ ﻣﺎﺗﺼﻞ
ﺻﺎﺩﺭ ﺧﻄﺎﻭﻳﻬﺎ ﺍﻟﻔﻨﺎ
........
ﺃﺧﻔﻴﻜﻲ ﻭﻳﻦ ؟
ﻭﺇﻧﺘﻲ ﺍﻟﻌﻴﻮﻧﻚ
ﺳﺎﻛﻨﻪ ﻛﻞ ﺍﻷﻣﻜﻨﻪ
ﺃﺧﻔﻴﻜﻲ ﻭﻳﻦ ؟
ﻭﺇﻧﺘﻲ ﺍﻟﺤﻀﻮﺭﻙ
ﺳﺪ ﺃﻓﻖ ﺍﻷﺯﻣﻨﻪ
ﺃﺧﻔﻴﻜﻲ ﻭﻳﻦ ﻣﻦ ﺭﻳﺢ ﻫﻮﺍﻱ
ﻣﻦ ﻋﺎﺻﻔﺔ ﺍﻟﺸﻮﻕ ﻭﺍﻟﻤﻨﻰ
ﺃﺧﻔﻴﻜﻲ ﻭﻳﻦ ﻣﻦ ﺟﻮﺭ ﺯﻣﻦ
ﺳﻠﻤﻨﺎ ﻟﻠﻬﻢ ﻭﺍﻟﻌﻨﺎ
ﺃﺧﻔﻴﻜﻲ ﻭﻳﻦ
ﻭﺃﻧﺎ ﺑﻲ ﺟﻨﻮﻧﻲ ﺑﻮﺿﺤﻚ
ﺑﻲ ﻧﺎﺭ ﺷﺠﻮﻧﻲ ﻭﺑﺎﻟﻀﻨﺎ
ﻭﻣﻴﻦ ﻣﺎﻋﺮﻑ ﺇﻧﻚ ﻫﻮﺍﻱ
ﻭﺇﻧﻚ ﻣﻨﺎﻱ ﻭﺇﻧﻚ ﺃﻧﺎ
.......
ﻳﺎﺳﻤﺮﻩ ﻭﻳﻦ ﺃﺧﻔﻴﻜﻲ ﻋﻦ
ﺑﻄﺶ ﺍﻟﻠﻴﺎﻟﻲ ﺍﻟﻮﺍﻗﻔﻪ ﺳﻴﻒ
ﻭﺃﺧﻔﻴﻜﻲ ﻋﻦ ﻋﻄﺶ ﺍﻟﺴﻨﺎﺑﻞ
ﻭﺇﻣﺘﻨﺎﻉ ﻛﻒ ﺍﻟﺨﺮﻳﻒ
ﻭﺃﺧﻔﻴﻜﻲ ﻋﻦ
ﺯﻳﻒ ﺍﻟﺒﻴﺎﻧﺎﺕ ﺍﻟﻨﺰﻳﻒ
ﻭﺃﺧﻔﻴﻜﻲ ﻋﻦ
ﺿﻞ ﺍﻟﺠﺮﺍﺣﺎﺕ ﺍﻟﻮﺭﻳﻒ
ﻭﺃﺧﻔﻴﻜﻲ ﻋﻦ
ﻣﺸﻬﺪ ﺭﺣﻴﻞ ﺍﻷﺭﺻﻔﻪ
ﻭﻫﺠﺮﺓ ﻣﺮﺍﻓﻲ ﺍﻷﻣﻨﻴﺎﺕ
ﻏﺮﻕ ﺍﻟﻨﻴﺎﺯﻙ ﻭﺍﻟﺸﻬﺐ
ﻓﻲ ﻟﺠﺔ ﺍﻟﻈﻠﻤﻪ ﺍﻟﻤﻤﺎﺕ
ﻭﺃﺧﻔﻴﻜﻲ ﻋﻦ ﻣﺮﺳﻮﻡ ﺇﻗﺎﻟﺘﻚ
ﻣﻦ ﻣﺠﺎﻟﺴﺔ ﺍﻟﻮﺭﻭﺩ
ﻭﺃﺧﻔﻴﻜﻲ ﻋﻦ ﻣﺮﺳﻮﻡ ﺇﺣﺎﻟﺘﻚ
ﺁﻫﻪ ﻓﻲ ﺻﺪﺭ ﺍﻟﻮﺟﻮﺩ
ﻭﺃﺧﻔﻴﻜﻲ ﻋﻦ ﻋﻴﻦ ﺍﻟﺤﺴﻮﺩ
ﻭﺇﻧﺘﻲ ﺍﻟﺒﻨﻴﻪ ﺍﻟﻮﺍﻗﻔﻪ
ﻓﻲ ﻃﺎﺑﻮﺭ ﺷﺮﻑ
ﻣﻌﺮﻭﺿﻪ ﻓﻲ ﺳﻮﻕ ﺍﻟﺼﺒﺎﺣﺎﺕ
ﺍﻟﺒﻌﻴﻴﻴﺪ ﻟﻮﻟﻲ ﻭﻧﺠﻒ
ﻭﺇﻧﺘﻲ ﺍﻟﻨﻘﻴﻪ ﺍﻟﺠﺎﻳﻪ ﻣﻦ ﺗﺮﻑ ﺍﻟﻤﻮﺍﻟﺪ
ﻣﺪﺣﻪ ﺗﺘﻘﻄﺮ ﺧﺸﻮﻉ
ﻭﺇﻧﺘﻲ ﺍﻟﺘﻘﻴﻪ ﺍﻟﺠﺎﻳﻪ ﻣﻦ ﻛﻞ ﺍﻟﻔﺮﺍﺋﺾ
ﻣﻦ ﻣﺤﻤﺪ ﻭﻣﻦ ﻳﺴﻮﻉ
‏(ﻃﻠﻊ ﺍﻟﺒﺪﺭ ﻋﻠﻴﻨﺎ
ﻭﻋﻠﻰ ﺍﻷﺭﺽ ﺍﻟﺴﻼﻡ‏)
ﺳﻤﺮﻩ ﻳﺎﻓﺠﺮ ﺍﻟﻜﻼﻡ ﺍﻟﻨﺎﺭ
ﻭﻳﺎﻟﻬﺐ ﺍﻟﺼﺪﺍﻡ
ﺩﺳﻴﻨﻲ ﻣﻨﻚ ﻓﻴﻚ ﻏﺮﺍﻡ
ﻭﺃﺩﻳﻨﻲ ﻣﻨﻚ ﻟﻴﻚ ﺳﺒﻴﻞ
ﻣﺪﻳﻨﻲ ﻧﻴﻞ
ﻋﻜﺲ ﺇﻧﺤﺪﺍﺭ ﺫﻭﻕ ﺍﻟﺴﺤﺎﺑﻪ
ﺍﻟﻤﺎﺭﺿﺖ ﺗﺪﻱ ﺍﻟﺴﺆﺍﻝ
ﻣﻄﺮ ﺍﻹﺟﺎﺑﻪ
ﻣﺪﻳﻨﻲ ﻛﻒ
ﺩﻋﻮﺍﺗﻮ ﻛﻠﻬﺎ ﻣﺴﺘﺠﺎﺑﻪ
ﻣﺪﻳﻨﻲ ﻏﺎﺑﻪ
ﺗﻠﻢ ﻋﺼﺎﻓﻴﺮﻧﺎ ﺍﻟﺸﻘﻴﻪ
ﻏﻨﻴﻨﻲ ﻟﻤﺎ ﺍﻟﺤﺐ
ﻳﻐﺎﺯﻝ ﻓﻴﻜﻲ ﺯﻫﺮﺍﺗﻮ ﺍﻟﻨﺪﻳﻪ
ﻭﺃﻧﺴﻔﻴﻨﻲ ﺇﺫﺍ ﺑﺪﻳﺖ
ﻣﻦ ﻏﻴﺮ ﻫﻮﻳﻪ
ﻭﻛﻮﻧﻴﻨﻲ ﻣﻦ ﺍﻟﻤﺸﺎﻋﻞ
ﻓﻲ ﺩﺭﻭﺏ ﻋﺸﻘﻚ ﻗﻀﻴﺔ

تعجبني القصائد التي تحمل بريقاً من ذهب تستخدم عبارات و معاني بسيطة
ومن الجميل أن تُقدم القصيدة نفسها على أنها مُستساقة وسهلة الفهم لكل قارئ ومتذوق للقصائد
هذه ترنيمة عاشق عن عاطفة عميقة ، إتسمت بالعشق ولعاطفة الجياشة
أخذت أشكالًًا متنوعة، من الإحتفاء بجمال المحبوبة ، إلى إستكشاف قوة الحب وتأثيرها على روح العاشق


:

حقيقة قصيدة جميلة جدا ومعبرة
ومتنقلة نقلات حلوة فاجاتني وادهشتني والانا كنت قايل نفسي كبرت على الدهشة..




لكن بس عنوانها - او عنوان البوست - ما لذيذ

لانه الزول من يقراه بيجي في باله خاطر بي رد واحد :)

]ود الزين ما تقتل المتعة يا مسلم 😅 سلام يا معمدان ياخ ٥٦ وتعميدك في مياه نيلنا رققت إحساسك وخلتك فنان هسه يوم واحد شفت الجنجاكوزي ولا سمعة أبولمعة ولا حتى ود خالتك الدقم جاب ليه قصيدة ما جغم وفتك ومراهيض 🌹

بالله لسع عندكم احساس شي جميل
تحياتي
الحيدرين