انبارك للحبيب ود الأمير زواج ابنته مهاد، بكل الفرح وخالص الدعاء بأن يكون دربها مغمورًا بالمودة ومكللًا بالرضا
صديقي العزيز بدر الدين الأمير،
تلقيتُ دعوتك الكريمة لزفاف ابنتك الغالية، ورغم بعد المسافات التي أبحث فيها عن مأوى لحياتي الباقية، إلا أن قلبي يطير فرحًا وسرورًا بهذه المناسبة السعيدة في دوحة الخير. ألف مبروك لابنتك العروس وللعريس، وأسأل الله أن يبارك لهما وعليهما ويجمع بينهما في خير. أتمنى لهما حياة زوجية ملؤها السعادة، المودة، الرحمة، والتفاهم، وأن تكون خطواتهما الأولى نحو بناء أسرة كريمة أساسها الحب والاحترام. أبعث بأحر التهاني لك ولزوجتك الكريمة، ولعائلة العريس الكرام. فلتكن هذه الليلة المباركة بداية لأفراح لا تنتهي، ولتزداد الروابط بين العائلتين قوة ومتانة. مباركٌ عليكما هذا الزواج، ودمتما في سعادة وهناء.
التهاني الشديدة للأمير بدر الدين الرجل الراقي بزواج إبنته الأميرة مهاد. أنا أسميت أبنتي مهاد و كنا نبحث لها عن إسم قبل 17 سنة و كانتت سودانيز في قمتها و بدر الدين الأمير كان أفرس فرسانها. وكنا نعرفه ابو لبيد و أبو مهاد فأعجبني الأسم و أسميت أبنتي التي ولدت في 11 سبتمبر في 2007 يا سلام عليها أيام و يا سلام علكيك يا زهير الرجل المجامل المواصل.
Post: #7 Title: Re: نبارك للحبيب ود الأمير زواج ابنته مهاد، ب� Author: ترهاقا Date: 07-29-2025, 03:52 AM Parent: #6
الفين مبروك لابن آر بي جي البار ود الامير وإن شاء الله زيجة مباركة
Post: #8 Title: Re: نبارك للحبيب ود الأمير زواج ابنته مهاد، ب� Author: Ali Alkanzi Date: 07-29-2025, 06:51 AM Parent: #7
بالله يا ابو الزهراء ود الامير كبير كدا نسأل الله ان يحفظ الجميع وزواج الذرية من اعظم الافراح وزواج البنت اكثر فرحا نسال الله لهما السعادة وبناء اسرة متماسكة تنجب نساء ورجال صالحين للانسانية اجمع الف الف مبروك للاسرة الصغيرة والممتدة ولاصدقاء الاسرة ا
والتهانى و التبريكات للعروسين .. زواجا مباركا ان شاء الله.
Post: #11 Title: Re: نبارك للحبيب ود الأمير زواج ابنته مهاد، ب� Author: دفع الله ود الأصيل Date: 07-29-2025, 06:29 PM Parent: #10
سالام ربع زيزو يا فردة طبعن قالو أبو العروس حزامتو ناصلة ما عراف شرح المثل علا شكلو أنو بتكو غالباه القعدة في واطات الله. عمومن لو ا ود اللمير نبهني لخيت تهنيك دي ماني جيب خبر موهو رفع قزاز ولا حت مشغولية ، بس نظم بيات صيفي. مع حالة توهان و فقدان لرمانة الاتزان. نديك منها جانب: وبالمرة خليني نضحكك فيننا و أزعلك كمان : شان تعرفو الحالة اللي نحنو فيها الدوخة دي ضييقة كُس/تُبانة لكن غويطة لتحت: يوم الأربعاء الفات، كنتا ظابط عفلي اللا- واعي على أنو كان خميس ، تمام ، و من دغش الرحمن قمت عملتا كوول طقوس الخميس: أولن و أنا مارق لبست كاشوال يعني أي جاجة لقيتا قدامي خشيت فيهاو شلت قزازة الموية ختيتا جنب الباب لبتاع الدليفري، و على أن يوم توسعة و صحبان جمعو و اللمة مجتمععة ما رجعت قيلتا و الغدا كان مع الشباب في كافتيريا عز أبوك ، حاجة كدا فتة بوش بي موية فول تشيل العافية وتقعد في محلها , و ترواحتا بدري بعد صلاة العشاء مباشرتن، و ظبطتا المنبه على أ نو باكر جمعة ،اللي هو مفروض خميس،. أها، جينا للخميس سيد اللسم حبيبي وكتين يبتسم الدنيا يا ناااس تتنقسم : المنبه صحاني 07ص للشغل سديت ليو خشمو و ركبتو في شاحن أبعد حيطة، و جريتا نومة على اساس ما يصحيني علا أذان الجمعة ، لولا أخونا زول فقُر اسمو عباس من أهل العوض (و بصراحة الواحد فعلن لازمو صديق مزعج برضو ليو حوبة، ينفع سواق خاس ، بعرف الدروب الجديدة ) . الشاهد ضرب لي 08 شوكة وشنكار لفطور (شكشوكة بي بي لاليط)، ي زول صحي النوم أ نتا وين يا...... ، سبيت ليو لآخر جد ، و انت مال أهلك ياخي وجع وش حت يوم راحتنا الوحيد، قاللي جمعة ف عينك ي مدهوِل ، قوم على حيلك قمقم عصبك. حتين انفكيت من سيطرة العقل الباطن ، كانت أقرب لنوع من النوم المغناطيسي!! ف شنو ليك بلاي، مش الواحد أحسن يفارق العالم المعفن دا طوعي كدا و يعيش باقي أيامو كضبة كبيرة مع العقل الباطن!!؟ سلامي موصول لك من يسال ولا يسال عننا في البورد هنا وعائدون بعون الله بس نفضى و ينضف من(***) ود الحيشان التلاتة
خبر جميل و مفرح حبيبنا زهير و ربنا يجعل كل ايامكم افراح و اعياد و ( تلقى مأوى تفرحك و تريحك ههههه) و الف مليون مبروك للغالى الامير ود الامير و ربنا يتمم على خير و يسعدهم و يوفقهم و اللهم اجعل ايامنا جميعا افراح
Post: #15 Title: Re: نبارك للحبيب ود الأمير زواج ابنته مهاد، ب� Author: اسماعيل عبد الله محمد Date: 07-30-2025, 04:13 PM Parent: #14
Post: #22 Title: Re: نبارك للحبيب ود الأمير زواج ابنته مهاد، ب� Author: بدر الدين الأمير Date: 08-07-2025, 04:33 AM Parent: #21
شكرا للاصفياء جميعا ونجيكم في المسرات طبعا قصى حايقراها نجيكم بالمسيرات ههه ويا ابو الزهور صحبك ود الاصيل السواها رقت حضر ولم يجدنا لقى اهلو عرب الجزيرة وعيييك على قول الرطانى بشاشة
Post: #23 Title: Re: نبارك للحبيب ود الأمير زواج ابنته مهاد، ب� Author: ترهاقا Date: 08-07-2025, 08:30 AM Parent: #22
إنت يا ود الامير بتعرف محمد العطا ؟ على ما أعتقد هو من عندياتكم من آر بي جي، ، بتذكر حفل زواجه ، بعد ما خلصنا حفلة في شندي مع وردي جينا لي حفلته في امدرمان وعلى ما اعتقد زوجته كانت من ناس سوار الدهب دييل، المشكلة لمن جينا امدرمان المسؤول عن الساون سيستم ما كان وصل لحد بداية ا ونهاية الحفل وآلاتنا كلها مشحونة في حافلته ، بتذكر كان في بادي محمد الطيب قام وردي طلع عنا معاهو ، وبدون مصاحبتنا له بالالات الموسيقية،
Post: #24 Title: Re: نبارك للحبيب ود الأمير زواج ابنته مهاد، ب� Author: دفع الله ود الأصيل Date: 08-07-2025, 09:16 AM Parent: #23
Quote: ويا ابو الزهور صحبك ود الاصيل السواها رقت حضر ولم يجدنا لقى اهلو عرب الجزيرة وعيييك على قول الرطانى بشاشة
فعلن يابو الزوز صاحبك سواها ولايخافوعقباها جينا وراهو نعوس و لقينا البيت محروس وستو تكوس. قال إيه مشى لمحل الهجيج والجكس ويات بغادي ، وخلونا مع جلاكين العقد،حكينا زكريات ضربنا بركاوي و حلينا لالوب. + ولا لقينا حت ود السُّني و أب جقادو اللصن جايين نعدي معاهُن جلسة أنس م منظور مسيلا . + و لمعلوميتك بوالزوز ي فردة ناسي أهل العوض الجو معاي هُن زاتثن الفلنقايات الكان في رمضان اقتحمنابم بيت جيران عمك عباس واللزيزة كمان المرة معانا عباس ظاطو. + عمومن نبارك للأمورة بت اللمير و العقبال للما معرسين و الورطانين يدبلو تاني.
Post: #25 Title: Re: نبارك للحبيب ود الأمير زواج ابنته مهاد، ب� Author: بدر الدين الأمير Date: 08-07-2025, 12:06 PM Parent: #24
يا تهارقا يافنان دا كان زوج ابن عمنا دكتور محمد عبدالعاطى صديق وردى ورفيق دربه الوقت داك نحن شفع صغار بنلعب خلف الصيوان من عرفنا انو الحفل بوردى لبسنا هدوم العيد وكان عشمنا نسكسك قامو قعدنا في الوطة وممنوع شافع يتحرك محروسين بالسوط ههه
Post: #26 Title: Re: نبارك للحبيب ود الأمير زواج ابنته مهاد، ب� Author: ترهاقا Date: 08-08-2025, 07:26 AM Parent: #25
تعرف يا ود الامير أنا ما عارف أنا جبت اسم العطا ده من وين، يعني الكيزان ورانا ورانا ما عارف كيف نسيت عبد العاطي بالرغم من تواجدنا اللصيق في عدة أماكن في الرياض، وحتى في زيارته لامريكا جانا في لوس انجلوس وقضينا وقت ممتع ، في الحورات اللي كانت بتدور اينما نجلس كانت تعجبني ردوده المباشرة وبدون لف ودوران ، رجل اصيل، بلغه تحياتي اينما كان،