Post: #1
Title: جابوه أمل .. لقوه حمل
Author: عمر التاج
Date: 07-16-2025, 04:02 PM
04:02 PM July, 16 2025 سودانيز اون لاين
عمر التاج-khartoum
مكتبتى
رابط مختصر
اي حاجة ولا زيادة المعاناة أكثر مما هي على الشعب يا كامل ..
ما منتظرين منك أي انجاز او تحسين، بس حافظ لنا على الاسعار زي مالقيتها
ماتبقى لينا وجع زي حمدوك غير زيادة الاسعار ورفع الدعم ما شفنا منه حاجة ...
وزير ماليتك ده من اسه لو ماقادر عليه امش على وزارة الخارجية وريح نفسك.
..
..
الدولار الجمركي زيادة إلى 2,400 جنيه
بورتسودان – 16 يوليو 2025
أعلنت الجهات المختصة في السودان اليوم عن تعديل جديد في سعر الدولار الجمركي، حيث ارتفع من 2,092.6 جنيه إلى 2,400 جنيه سوداني، في خطوة تعكس استمرار سياسة تحرير سعر الصرف الجمركي المطبقة منذ عدة سنوات.
ويأتي هذا التحرك في ظل تصاعد التحديات الاقتصادية التي تواجهها البلاد، لا سيما مع اتساع فجوة الأسعار بين السوق الرسمية والموازية، وتزايد الضغوط على الإيرادات الحكومية.
ويُعد الدولار الجمركي أحد الآليات الأساسية لتقييم الرسوم على السلع المستوردة، مما يجعل أي تغيير في سعره ذا تأثير مباشر على أسعار السلع والخدمات في السوق المحلي.
وكانت الحكومة السودانية قد قررت في وقت سابق تحرير سعر الدولار الجمركي بالكامل، ضمن سلسلة من الإصلاحات الهيكلية الهادفة إلى ترشيد الدعم وتوسيع القاعدة الضريبية، تماشياً مع التوصيات الدولية.
ومن المتوقع أن يثير هذا التعديل الجديد ردود فعل واسعة في أوساط المستوردين والمواطنين، خاصة في ظل تزايد معدلات التضخم وتراجع القدرة الشرائية.
|
Post: #2
Title: Re: جابوه أمل .. لقوه حمل
Author: حيدر حسن ميرغني
Date: 07-16-2025, 06:45 PM
Parent: #1
خلاس بدينا ؟ 
|
Post: #3
Title: Re: جابوه أمل .. لقوه حمل
Author: نصر الدين عشر
Date: 07-16-2025, 08:27 PM
Parent: #2
هاك البل دا يا بلبوسي ...
لا للحرب
لازم تقيف
حرب عبثية
|
Post: #4
Title: Re: جابوه أمل .. لقوه حمل
Author: منتصر عبد الباسط
Date: 07-16-2025, 09:04 PM
Parent: #3
الكيزان سيحاولون بشتى السبل محاربة حكومة كامل إدريس
الراجل لسع ما بدأ قول بسم الله
|
Post: #5
Title: Re: جابوه أمل .. لقوه حمل
Author: عمر التاج
Date: 07-17-2025, 05:48 PM
Parent: #3
الشغلانة من تبدأ بجيب المواطن
أضمن يا حيدر انها حا تنتهي في جيب المواطن
قبل ما ترى النور الذي في أول النفق .. أنسى الفي الآخر داك
الأمل ده لو كان تبع المواطن .. فهو ما عايز من الحكومة غير (الوفرة واستقرار الاسعار)
..
..
Quote:
هاك البل دا يا بلبوسي ...
لا للحرب
لازم تقيف
حرب عبثية |
نفس البل ده كان موجود قبل الحرب يا عشر
نفس الفشل وزيادة الاسعار اليومية وسياسات الحكومة الغبية البتستهدف جيب ومعيشة المواطن
واذا نحن وقفنا ضد الأولى بسبب فشل السياسات والضرر الواقع على المواطن بسبب السياسات الفاشلة
فلنفس الأسباب حا أقيف اكتر ضد الجديدة حتى ولو كنت أنا رئيسها
بعدين لزم تقيف دي ما في زول قال لا تقيف
لكن لازم تقيف لمصلحة المواطن
وما في مواطن حايقبل بمليشيا تاني في أرض السودان ده مهما كانت ... مهما كانت
مافي ضمان لاستقرار أو أمن الا بزوال كل المليشيا المسلحة التي تعمل خارج اطار القوات المسلجة .
|
|