✍🏼 بقلم مجاهد بشرى/ فض اعتصام القيادة العامة

02:47 PM July, 10 2025

سودانيز اون لاين
عبدالرازق يوسف الحاج-المملكة العربية السعودية
مكتبتى
رابط مختصر

بعض البلابسة لما نقول ليهم كل الاجهزة الأمنية و العسكرية شاركت في فض الاعتصام، بقول ليك بخبث "الدعم السريع ما شارك في فض الاعتصام؟"..

طيب الدعم السريع نفسه معترف انه جزء من القوات الفضت الاعتصام، و كلمة "كل الاحهزة الأمنية و العسكرية بتشمل الجميع"..

لكن إيه رأيك لو قلت ليك إنه المجلس العسكري برئاسة البرهان كوّن لجنة تحقيق عسكرية (أيوة عسكرية) للتحقيق في فض اعتصام القيادة العامة، و بعد ١٢ يوم فقط خلصت اللجنة في تقريرها النهائي إلى ضلوع 17 ضابط
برتب عليا و ضباط برتب أخرى في ارتكاب مجزرة فض الاعتصام، كما اعلنه العميد حقوقي عبد الرحيم بدر الدين عبد الرحيم المتحدث بإسم اللجنة، وطبعا إلى اليوم لم يتم تقديمهم للمحاكمة ،ومتسترين عليهم ..

الكلام دا بعني إنه الجيش اثبت مسؤوليته عن فض الاعتصام بمشاركة الرتب العليا و القيادات فيهو ، و زي ما قال المجرم كباشي "وجهنا كل القيادات العسكرية بفض هذا الاعتصام"…

و بما إنك بلبوس بائس ، بتاخد معلوماتك من المنقبين، وبلهاء السوشيال ميديا ،وما عندك اخلاق او مبادئ و بتدعم الجيش المجرم دا، و بتصدق كل رواياته، إما تبلع تقرير اللجنة العسكرية البقول إنه الجيش هو من فض الاعتصام بأوامر قياداته العليا، وتسكت و ما اشوفك بتسأل تاني..

او تعتبر إنه الجيش كذاب و لجانه كذابة ، ودي حقيقة إنه جيش كاذب و مجرم ، و بغدر ويقتل مواطنيه بدم بارد، و بقطع الطريق امام اي تحول مدني او تداول سلمي للسلطة بعد ما اصبح مليشيا مؤدلجة تسرق قوت الشعب
و أرواح السودانيين، ولا يملك أي شرف او موقف وطني مشرف، وهو يقاد من ذات الحركة الارهابية اللي خرج عليها الشعب ولفظها ..

عاوز تدافع عن الجيش و تسانده، دي حاجة تخصك و ترجع ليك، وليك مطلق الحرية، واعتبر نفسك وطني ، و اشرب النيل كله كدليل على ذلك، بس نحن موقفنا واضح من المليشيا الكيزانية دي ، سواء داخلة في حرب
مع الدعم السريع او مع الجن الاحمر ، ح نكون ضدها لحدي ما يفتح الله على السودان بجيش مهني ومحترم ، و إنت صراخك لن يزيدنا إلا عزيمة وقوة في جلدك..