Post: #1
Title: القصة شنو: إحتفاء عارم للنهر والبحر بأستوزار .. بروف أحمد مضوي وزيراً للتعليم العالي!
Author: Biraima M Adam
Date: 07-04-2025, 08:42 AM
08:42 AM July, 04 2025 سودانيز اون لاين
Biraima M Adam-أمريكا الشمالية
مكتبتى
رابط مختصر
هل من يعرف لماذا النهر والبحر يحتفون ببروف أحمد مضوي موسي محمد وزيرا للتعليم العالي والبحث العلمي؟
بريمة
|
Post: #2
Title: Re: القصة شنو: إحتفاء عارم للنهر والبحر بأستو�
Author: حيدر حسن ميرغني
Date: 07-04-2025, 09:49 AM
Parent: #1
حسب المعلومات المتوفرة عنه
بروف احمد مضوي زول علم في عِلم المناعة وإستشاري الطب الباطن
مكتشف علاج مرض الليشمانية و نائب مدير جامعة الخرطوم
|
Post: #3
Title: Re: القصة شنو: إحتفاء عارم للنهر والبحر بأستو�
Author: Zein Abdalla
Date: 07-04-2025, 09:54 AM
Parent: #1
من هو (مضوي) وما هي مؤهلاته وتخصصه لكي يصبح وزير. هل هو المحاضر في جامعة الخرطوم وكان معتقل زمن حكومة عمر بشير وكانت في حملة نشطة تطالب باطلاق سراحه.
اظن ان المزوراتي كميل ادريس بيفتكر اي زول عنده لقب بروفسر هو عبقري زمانه ويصلح لوزارة الورد والامل.
كميل نفسه عنده لقب بروفسر وهو مزوراتي وبليد حتى في طريقة تزويره ولكن العوقة البرهان اختاره عشان يكون رئيس حكومة لا هدف لها من تكوينها.
|
Post: #4
Title: Re: القصة شنو: إحتفاء عارم للنهر والبحر بأستو�
Author: Biraima M Adam
Date: 07-04-2025, 10:36 AM
Parent: #3
ناس النهر والبحر يبدو موضوعهم في العرق والمنشأ الجغرفى! .. يعنى أنت عرقياً تنتمى للبحر والنهر فأنت مكسب لهم ومحل إحتفاء.
الناس ديل ما فاهمين أن الحروب المدورة ليس لأبعاد أحد أو حرمانه من حقه الطبيعى، فقط المسألة هى من أجل عدالة توزيع الفرص ..
لكن من يقول أم المك عزبة .. تقع رقبة! .. وهى فعلاً قالوا عزبة لكن حكم أب تكو من المك، لا تقدر تقول عزبة وإلا قتلك!
بريمة
|
Post: #5
Title: Re: القصة شنو: إحتفاء عارم للنهر والبحر بأستو�
Author: Zein Abdalla
Date: 07-04-2025, 10:50 AM
Parent: #1
| Quote: حسب المعلومات المتوفرة عنهبروف احمد مضوي زول علم في عِلم المناعة وإستشاري الطب الباطنمكتشف علاج مرض الليشمانية و نائب مدير جامعة الخرطوم |
سلام حيدربالله طلع طبيب.بس يا حيدر قصة اته اكتشف علاج الليشمانيا فدا كلام جرايد او واتساب ساكت. الزمن دا تاني ما في زول بيكتشف اي حاجة براهو. التصنيع الدوائي يكلف مصانع وشركات وبلايين الدولارات. يمكن ان يجري مثلا دراسة في اثر العقار على وظائف الكلى وينشره في مجلة علمية ليضاف لعشرات الدراسات عن نفس الموضوع.المرحوم بروفسر احمد محمد الحسن كان عميد كلية الطب بجامعة الخرطوم وتقلد منصب وزير التعليم العالي زمن نميري. احمد محمد الحسن من اوائل السودانيين المتخصصين في مرض اللشمانيا. يبدو ان كميل ادريس يعتقد ان اللشمانيا شيء له علاقة بالتعليم العالي وعين مضوي وزير.اللشمانيا مرض معروف بالسودان وهي انواع عديدة مثل التي تصيب الجلد ويطلق عليها ويطلق عليها بعض الناس في السودان اسم (الجمرة الخبيثة) ونوع آخر ينفخ البطن ويعرف باسم (الكلازار).اسم لشمانيا يعود للطبيب الانجليزي الذي اكتشفها في اوائل القرن الماضي وليام لشمان
|
Post: #6
Title: Re: القصة شنو: إحتفاء عارم للنهر والبحر بأستو�
Author: Zein Abdalla
Date: 07-04-2025, 10:57 AM
Parent: #1
| Quote: ناس النهر والبحر يبدو موضوعهم في العرق والمنشأ الجغرفى! .. يعنى أنت عرقياً تنتمى للبحر والنهر فأنت مكسب لهم ومحل إحتفاء. |
سلام بريمة
ما هي علاقة البحر والنهر بالوزير مضوي
|
Post: #7
Title: Re: القصة شنو: إحتفاء عارم للنهر والبحر بأستو�
Author: Biraima M Adam
Date: 07-04-2025, 11:44 AM
Parent: #6
Quote: سلام بريمة
ما هي علاقة البحر والنهر بالوزير مضوي |
والله لا علم لى. لكن بالصدفة وقفت علي بوست في فيسبوك، كان ناس البحر والنهر الأعمى شايل المكسر.
وما لقيت عمل ليهم شنو عشان يحتفوا به؟ .. الأطراء من عينة يداب البلد ح تتصلح؛ وكفاية ملاقبط حركات، ...
ودا سؤالي ذاته، ما هى علاقته بهم؟
بريمة
|
Post: #8
Title: Re: القصة شنو: إحتفاء عارم للنهر والبحر بأستو�
Author: Biraima M Adam
Date: 07-04-2025, 11:47 AM
Parent: #7
بعدين، ليس هناك ذكر لدكتور معز أو دكتور عصمت قرشى عند ناس البحر والنهر .. ممكن اليوم يتفاعلوا مع الخبر.
بريمة
|
Post: #9
Title: Re: القصة شنو: إحتفاء عارم للنهر والبحر بأستو�
Author: Zein Abdalla
Date: 07-04-2025, 12:09 PM
Parent: #1
| Quote: بعدين، ليس هناك ذكر لدكتور معز |
دكتور معز دا شنو الدخله في السياسة والوزارة. الزول دا ناشط اجتماعي بتاع شعر وتلفزيونات واذاعة وعروض ازياء. يعني كميل مفترض يعينه في وزارة الامل والشعر والشاطىء الرملي. فهو لا يشبه وزارة الصحة والكوليرا والاسهال والطراش
والبول
|
Post: #10
Title: Re: القصة شنو: إحتفاء عارم للنهر والبحر بأستو�
Author: Biraima M Adam
Date: 07-04-2025, 12:19 PM
Parent: #9
بروف معز، معروف في الطبقة الفنية ورجل شاعر ومرهف؛ مرات أظن الناس توقع نفسها أو تحاول تنط في قفزات غير مألوفه لجمهورهم.
بريمة
|
Post: #11
Title: Re: القصة شنو: إحتفاء عارم للنهر والبحر بأستو�
Author: Mahjob Abdalla
Date: 07-04-2025, 01:54 PM
Parent: #10
سلام بريمه و ضيوفك,
أفتكر هذا مضوى اخر.
الذى اعتقل فى زمن البشير كان فى مجال حقوق الانسان و اطنه قانونى و كذلك هو من غرب السودان (كردفان او دارفور)
دكتور معز عمر بخيت تم تداول اسمه فى ايام حكومة حمدوك او بعد اقالة دكتور اكرم و ظنى انه سوف يخدم السودان فى مهنته اكثر مما قد يقدمه فى حكومة حرب.
|
|