Post: #1
Title: كامل ادريس أستقال يا ناس
Author: زهير ابو الزهراء
Date: 07-02-2025, 01:41 PM
01:41 PM July, 02 2025 سودانيز اون لاين
زهير ابو الزهراء-السودان
مكتبتى
رابط مختصر
قدم اليوم رئيس الوزراء المعين كامل ادريس أستقالته وسوف يغادر بورتسودان الي القاهرة خلال الساعات القادمة
|
Post: #2
Title: Re: كامل ادريس أستقال يا ناس
Author: Biraima M Adam
Date: 07-02-2025, 02:00 PM
Parent: #1
هو خايف علي رويحته .. من يوم كشف الصحفى عبد الماجد عبد الحميد مقر أقامته ومناصرى الأشاوس رفعوا الأحداثيات ل "سارص"، لولا الخبر وصل القائد الهمام كان درشوه.
منذ ذلك اليوم، هو في هلاً هلاً.
بلى وأنجلي ...
بريمة
|
Post: #4
Title: Re: كامل ادريس أستقال يا ناس
Author: Bashasha
Date: 07-02-2025, 02:25 PM
Parent: #3
هذا يثبت زي ماقنا، كيف السودان تحول الي مملكة مليشيات جريمة منظمة، "وفغن" للكتاب والسنة!
تخيلو هكذا جنون!
المتاسلمين تحديدا هم المسؤولين من كل هذا!!
اليس هذا جنون؟
نعم الكل الان كايس يعمل مليشيا، للحصول علي وزارة، من اجل الفكة!
ولهذا "الجاغومي" مرقا لي ارتريا عشان يجي داخل بي مليشيا يخمش بيها كراسي السلطة، الفكة، كما غيرو!!
هذا يمثل ذبدة وعصارة، عقلية امثال مناوي او جبريل!
الشغلة كلها بالنسبة ليهم، سلطة او فكة، بدا بالاسرة، ثم القبيلة!!
البرخان في ورطة!!
لانو مليشيا مايسمي ديش، واقفين لر من مليشيا المشتركة، الاضحت منافس كبير ليهم في ميدان نهب الفكة!!
عشنا، او شفنا!!
|
Post: #5
Title: Re: كامل ادريس أستقال يا ناس
Author: Biraima M Adam
Date: 07-02-2025, 02:58 PM
Parent: #4
بشاشا
شوف السيدة وزيرة الأستثمار والتعاون الدولي، من جانب الحركة ... د. كامل إدريس عايز يخرب الرصة ..
السيدة الوزيرة مالية مكانتها ...
----------------
الجلابة ما ياكلونا حنك .. عندنا الكوادر المؤهلة من أبناء الغرب ..
بريمة
|
Post: #6
Title: Re: كامل ادريس أستقال يا ناس
Author: السر عبدالله
Date: 07-02-2025, 03:08 PM
Parent: #5
يا ول أبا بريمة.
ما تقلب الحكاية عنصرية بحتة ..دعوها فإنها منتنة ...
وما فرق بين أولاد الغرب وباقى ولايات السودان ..وكلنا سودانيين ..
..اما بالنسبة لاستقالة كامل ادريس ،فاذا هو فعلا استقال فهذا يعني
أنه وطنى جد جد ..وما كان جارى وراء المناصب لأهداف شخصية
زي القحاطة الذين لا زالوا يلهثون وراء المناصب العامة حتى ولو على
جماجم شعب السودان ...
وكنا نود من كامل ادريس ان يعلن للشعب السوداني سبب استقالته ..
ونحن نحييه من هنا لانه من النادر تجد واحد سوداني يستقبل من منصب
وزاري ...وبالظبط زى مقولة مستحيل تجد رئيس عربي سابق على قيد الحياة
وعايش معزز مكرم في وطنه ..فأما هو مقتول أو منفي أو مسجون ...
|
Post: #7
Title: Re: كامل ادريس أستقال يا ناس
Author: Biraima M Adam
Date: 07-02-2025, 03:09 PM
Parent: #5
معالي وزيرة الأستثمار والتعاون الدولي عن الحركات المسلحة
علم راقد، كارزما حبطرش وعضلات تبش برضو في
الما في شنو؟
-------------------
الجلابة من حقارتهم بالحركات .. واحد علق قال، عليكم الله الغرب ما فيه وجه صبوح .. الناس تستشبر به خير!
أنا رديت عليه: قلت له عندنا وش زي دا بس، والله زينة وعاجبانى!
بريمة
|
Post: #8
Title: Re: كامل ادريس أستقال يا ناس
Author: حيدر حسن ميرغني
Date: 07-02-2025, 03:59 PM
Parent: #7
ابو الزهراء الخبر الخطير ده لقيتو وين ؟
|
Post: #9
Title: Re: كامل ادريس أستقال يا ناس
Author: Mohamed Adam
Date: 07-02-2025, 05:45 PM
Parent: #8
| Quote: كامل ادريس أستقال ياناس |
ذا صدق هذا الخبر: يكون، أذكى فاراات بورتكيزان البيتصارعو على السلطة والمال،يعنى أخذ الـ photo op بتاعتو، فى زمن وجيز، ليضيفها لل C.V بتاعو، وعلى كده يشتت لجنييف..!
شيطااااان ياكيمو!!
|
Post: #10
Title: Re: كامل ادريس أستقال يا ناس
Author: منتصر عبد الباسط
Date: 07-03-2025, 00:37 AM
Parent: #9
| Quote: أذكى فاراات بورتكيزان البيتصارعو على السلطة والمال |
قبل سقوط نظام الكيزان كان الجيش
لا يعتبر كيزان كان يعتبر مؤسسة قومية
لجأ الثوار لتنحياز للثورة وقد كان.
ثم قام جهاز مخابرات الكيزان بالتغرير
بالقحاطة ومغازلتهم وإغرائهم بسلطة
دائمة بلا انتخابات!
عبر اختراقهم وتحشيد كيزان لدعم استمرار
اعتصام القيادة جنبا لجنب مع القحاطة!
وتحويل العراك من عراك ضد الكيزان المدنيين لعراك
ضد القوات المسلحة التي سجنت كل الضباط الكيزان
والمظاهرات والتصعيدات كانت دائما تتسبب في تخفيف
ضغط الجيش ضد الكيزان
فلما وجد الكيزان الجيش مصر على دعم ثورة الشعب
ضد الكيزان حرك كلاب أمنه ((الدعم السريع))
https://youtube.com/shorts/qhgQfvWH2Mc؟si=7CJCAuqB4mkXNvUC
لمحاربة الجيش
القحاطة باعوا الثورة بالملاحسة ودناوة النفس وعقم الفهم
وقصر النظر وطلب السلطة بأي ثمن ولو بتنفيذ مخطط جهاز
امن الكيزان الذي يتبع له الدعم السريع
|
Post: #11
Title: Re: كامل ادريس أستقال يا ناس
Author: عمر التاج
Date: 07-03-2025, 08:16 AM
Parent: #10
| Quote: قدم اليوم رئيس الوزراء المعين كامل ادريس أستقالته وسوف يغادر بورتسودان الي القاهرة خلال الساعات القادمة |
يعني رئيس وزراء السودان قدم استقالته منذ يوم كامل وقرر مغادرة بورتسودان
ومافي زول او وكالة اعلام او منصة جايبة خبره غير "اعلام تأسيس"؟
وهل هذا نوع جديد من الغباء ام صنف جديد؟
|
Post: #12
Title: Re: كامل ادريس أستقال يا ناس
Author: mohmmed said ahmed
Date: 07-03-2025, 08:47 AM
Parent: #11
كامل ادريس
لن يقدم على هذه الخطوة
كامل سعى سنوات طوال للوصول للمنصب
|
Post: #13
Title: Re: كامل ادريس أستقال يا ناس
Author: Biraima M Adam
Date: 07-03-2025, 11:39 AM
Parent: #12
ما دام ما عايز يمشى، الأشاوس يشوفوا شغلهم.
أحسن بكرامته يمشى! .. هووى كميل، الدواعش ما يغشوك.
بريمة
|
Post: #14
Title: Re: كامل ادريس أستقال يا ناس
Author: Hasheem Karouri
Date: 07-04-2025, 04:58 AM
Parent: #13
حكومة " الامل " تتوسع . تعيين وزراء جدد :
* وزير الزراعة
* وزير الصحة
* وزير التعليم العالي .
وهم :
* بروف . عصمت قرشي عبد الله محمد . وزيرا للزراعة والري .
* بروف . معز عمر بخيت العوض . وزيرا للصحه .
* بروف . احمد مضوي موسي محمد . وزيرا للتعليم العالي والبحث العلمي .
حواء السودانية والدة ، ولا نامت اعين الجبناء والمرجفيين .
وماشين في السكه نمد ،،،،
#ابدا ماهنت ياسوداننا يوما علينا .
|
Post: #15
Title: Re: كامل ادريس أستقال يا ناس
Author: حيدر حسن ميرغني
Date: 07-04-2025, 06:16 AM
Parent: #14
مبروك لعضو المنبر البروف معز عمر بخيت لتوليه منصب وزير الصحة
|
Post: #16
Title: Re: كامل ادريس أستقال يا ناس
Author: Hafiz Bashir
Date: 07-04-2025, 08:13 AM
Parent: #15
استفالته وعدمها كلهن واحد.
حكومة كامل أدريس محكوم عليها بالفشل،
هذا الفشل ليس بالضرورة نتاجاً لأداء رئيسها أو وزرائها،
بل هم محصلة حتمية لواقعٍ مُعقَّد تتفشى فيه الكراهية بين مكونات الشعب، ويغيب فيه أدنى قدر من النزاهة في العمل السياسي.
العجز عن إدارة الاختلافات والتنوع بشكل بناء - يجعل أي حكومة عاجزة عن تحقيق النجاح.
حتى حكومة قوى الحرية والتغيير، التي عملت في ظروف أقل صعوبة وحظيت بدعم شعبي لا مثيل له، لم تستطع تجنب مصير الفشل في النهاية.
|
Post: #17
Title: Re: كامل ادريس أستقال يا ناس
Author: Hassan Farah
Date: 07-04-2025, 08:39 AM
Parent: #16
اقتباس
استفالته وعدمها كلهن واحدز
حكومة كامل أدريس محكوم عليها بالفشل،
هذا الفشل ليس بالضرورة نتاجاً لأداء رئيسها أو وزرائها،
بل هم محصلة حتمية لواقعٍ مُعقَّد تتفشى فيه الكراهية بين مكونات الشعب، ويغيب فيه أدنى قدر من النزاهة في العمل السياسيز
العجز عن إدارة الاختلافات والتنوع بشكل بناء ظ يجعل أي حكومة عاجزة عن تحقيق النجاحز
حتى حكومة قوى الحرية والتغيير، التي عملت في ظروف أقل صعوبة وحظيت بدعم شعبي لا مثيل له، لم تستطع تجنب مصير الفشل في النهاية
ددددددد+++++++++++++++++
مولانا حافظ سلام
اتفق معاك تماما تحليلك صحيح
شكرا لك
|
|