Post: #2
Title: Re: ثم ماذا بعد خروج الدعم السريع من الوسط
Author: صديق مهدى على
Date: 07-01-2025, 08:34 PM
Parent: #1
استغلوا حوجة الشعب والبتكلم معناه متعاون هو واهله يروح فيها والقوى السياسية بالخارج ليس باستطاعتها فعل شئ
|
Post: #3
Title: Re: ثم ماذا بعد خروج الدعم السريع من الوسط
Author: السر عبدالله
Date: 07-01-2025, 10:22 PM
Parent: #2
بعد خروج المغول والتتار من الوسط خروجه من دارفور وكردفان ...
مرتزقة دول غرب افريقيا يرجعوا إلى أوطانهم والسودانيين يضعوا السلاح
ويعودوا إلى قراهم ومدنهم ...اما القيادات مثل عبد الرحيم دقلوا ،الذي أمر
الجنجويد باستباحة العاصمة وارتكاب الجرائم ،والقادة الميدانيين يقدموا
إلى محاكمات عاجلة ومتلفزة ومحاسبتهم على الجرائم الفظيعة التي ارتكبوها
بحق شعب السودان ..
|
Post: #4
Title: Re: ثم ماذا بعد خروج الدعم السريع من الوسط
Author: الصديق الزبير
Date: 07-01-2025, 10:36 PM
Parent: #3
و زي ناس البشير وعلي عثمان والبرهان وعصابة بورتوكيزان - يعملوا ليهم شنو ي السر - في رايك ؟!
* ديل ما بتجيبوا سيرتهم مالكم ؟!
* فوق المُحاسبة ، وفوق القانون - مش كدا ؟!
|
Post: #5
Title: Re: ثم ماذا بعد خروج الدعم السريع من الوسط
Author: السر عبدالله
Date: 07-01-2025, 11:24 PM
Parent: #4
اول حاجة يا الصديق الزبير عمر البشير ده اذا حاكموهو بتهمة واحدة فقط يستحق الإعدام الف مرة
وهي تهمة تأسيس الجنجويد ....
واساسا المحاكمات كانت مستمرة وكانوا هم في سجن كوبر لكن طمع زعيم الجنجويد بأن يكون الرئيس
الأوحد للسودان هو الذي اوقف دولاب العمل في الوطن وأراد أن يقوم بانقلاب دموي للاستيلاء على السلطة
عن طريق مليشياته التي كانت تقدر ب ١٠٠ الف فرد ...ولكن خاب ظنه ...وفشلت مؤامرته ..ولكن للاسف
شرد شعب السودان ....
|
Post: #6
Title: Re: ثم ماذا بعد خروج الدعم السريع من الوسط
Author: الصديق الزبير
Date: 07-02-2025, 00:05 AM
Parent: #5
طيب ، في وضع جايط زي دا - من يحاكم من ؟!
" أعني الفاعلين في المشهد " - مدنيين وعساكر .
* من يحق له يكون حكَم ، والآخر يكون محكوم ؟!
|
Post: #7
Title: Re: ثم ماذا بعد خروج الدعم السريع من الوسط
Author: السر عبدالله
Date: 07-02-2025, 04:40 AM
Parent: #6
وهل يا صديق الزبير هناك مدنيين وعساكر ؟
الان الشعب السوداني كله عساكر ...ما في مدنيين في السودان ...
وكل شعب السودان الآن يفتش عن السلاح كي يحمى عرضه وماله وممتلكاته ...
....
|
Post: #8
Title: Re: ثم ماذا بعد خروج الدعم السريع من الوسط
Author: الصديق الزبير
Date: 07-02-2025, 03:16 PM
Parent: #7
لا ، الحكاية ما مغالطة ساكت
* الواقع الحاصل - يوجد مدنيين وعسكريين فاعلين في المشهد السياسي - مع وضد " الحرب " .
* أما قصة الشعب السوداني الآن كله عساكر دي مغالطة بس .
* الحقيقة الآن الشعب " المواطنين المغلوب على أمرهم " أكترهم مشردين - في الداخل وفي الخارج ، وأكتر المواطنين - رافضين للحرب ، دي الحقيقة الحاصلة ، ما تخموا الناس بالكضب ساي ، كفاية كذب وأبلسة .
|
Post: #9
Title: Re: ثم ماذا بعد خروج الدعم السريع من الوسط
Author: منتصر عبد الباسط
Date: 07-02-2025, 08:50 PM
Parent: #8
من هم الفلول؟!
إذا كانوا هم الكيزان فالدعم السريع حارب وقاتل وقتل
ونهب وشرد الشعب السوداني
فلماذا الإصرار على تجميل صورة الكيزان
وجعلهم ضد الدعم السريع والدعم السريع ضدهم؟!
|
Post: #10
Title: Re: ثم ماذا بعد خروج الدعم السريع من الوسط
Author: الصديق الزبير
Date: 07-02-2025, 09:29 PM
Parent: #9
كيف من هم الفلول ؟!
* الفلول هم المستفيدين من استمرار الحرب الآن ، وهم من أشعلها ويرفض وقفها ، وهم من حكموا البلاد أكتر من 3 عقود .
* ديل الفلول .
* الدعم السريع - بقيادة حميدتي وشقيقه ، صاح صناعتهم ، صناعة البشير ورهطه ، لكن راجعوا نفسهم ، واعترفوا بأخطاؤهم ، وفي أكتر من مرَّة قالوا نحن مستعدين للمحاسبة ، والآن لا يرفضون وقف الحرب ، بل مُجبَرين عليها إجبار ، وقد شهد العالم أجمع - كل نداء قُدِم لوقف الحرب الحالية هم استجابوا له ، ولا يغالط في ذلك إلا من في نفسه غرض ومرَض .
* القضية واضحة وضوح الشمس ، ما بتحتاج أي لف ودوران .
* من يقف الآن في طريق حياة الشعب السوداني هم عناصر النظام السابق وأعوانهم - مدنيين وعساكر .
|
Post: #11
Title: Re: ثم ماذا بعد خروج الدعم السريع من الوسط
Author: السر عبدالله
Date: 07-02-2025, 09:43 PM
Parent: #10
مافي كضب وابلسة يا الصديق .
.يعنى انت عاوز تقول ان أحد طرفي الحرب وهو الجيش السوداني هم العسكر والطرف الثاني وهو جنجويد حميدتي هو المدنيين !!!؟؟
يعني بأى طريقة عاوز تخلي المغول والتتار الذين ارتكبوا افظع الجرائم بحق الشعب السوداني يحكموا السودان باعتبار أنهم مدنيين ..
.وهل يعقل ان نعتبر مليشيات مجرمة ومسلحة باحدث الأسلحة من دويلة الشر أنهم مدنيين وان لهم الحق في حكم السودان ...!!
والله ما قادرين نفهمك يا الصديق الزبير !!..
!ان شاء الله ما تكون أحد مستشاري زعيم الجنجويد ...
|
Post: #12
Title: Re: ثم ماذا بعد خروج الدعم السريع من الوسط
Author: الصديق الزبير
Date: 07-02-2025, 10:02 PM
Parent: #11
إنتوا بتغالطوا في شنو ؟!
* ياخي ناس حكموا أكتر من 30 سنة - حرقوا الأخضر واليابس في البلد ، والآن حرقوا البلد نفسها ، وبعد دا كلو تغالطوا فيهم ، شابكننا الجيش السوداني ، وما الجيش السوداني ؟!
* الجيش السوداني بتاع الساعة كم ياخي ؟!
* إنت لو صحيح عندك جيش - الحصل في بلدك دا ، كان حصل ؟!
* بتغالطوا في شنو إنتوا ؟!
* شلة بورتوكيزان دي عصابة مجرمة - غايتها مصالحها فقط لا أكتر ولا أقل ، ولو بأي تمن .
|
Post: #13
Title: Re: ثم ماذا بعد خروج الدعم السريع من الوسط
Author: منتصر عبد الباسط
Date: 07-03-2025, 03:37 AM
Parent: #12
Quote: الدعم السريع - بقيادة حميدتي وشقيقه ،
صاح صناعتهم ، صناعة البشير ورهطه ، لكن راجعوا نفسهم ،
واعترفوا بأخطاؤهم ، وفي أكتر من مرَّة قالوا نحن
مستعدين للمحاسبة |
راجعوا نفسهم أيوااا🤔
وقالوا🤔
ونحن مطالبين نصدق كلامهم ونكذب
الملايين الذين قتلوهم
ونهبوهم وشردوهم❗❗❗
قتلت لي قالوا مستعدين للمحاسبة
🤨
هو حميدتي وين ذاتو⁉️
وهل قاعد بتكلم مع المواطنين
عشان يسألوهو بتعمل فينا كدا ليه يا حميدتي⁉️
مجرد سؤال سيبك من المحاسبة
|
|