طبعاً ترهاقا ... عتالى بلا منازع في المنبر. لكن، اليوم أعترف أنا مساعد ياى!
الما فى شنو؟
بريمة
Post: #2 Title: Re: ترهاقا .. اليوم لقيت ليك .. مساعد عتالى .. ال� Author: Biraima M Adam Date: 06-26-2025, 10:24 AM Parent: #1
دكتور صلاح البشير .. في أخر الفيديو .. قال من يعطيك الحق أن تقصينى وتفرض علي ما أعمل!
بريمة
Post: #3 Title: Re: ترهاقا .. اليوم لقيت ليك .. مساعد عتالى .. ال� Author: ترهاقا Date: 06-26-2025, 10:41 AM Parent: #2
فرصة ، على الاقل تتعلم من رأي الغلابة عدم العنصرية ، بس ياريت تعتل كل حاجة مش اللي في مزاجك بس
Post: #4 Title: Re: ترهاقا .. اليوم لقيت ليك .. مساعد عتالى .. ال� Author: Biraima M Adam Date: 06-26-2025, 11:05 AM Parent: #3
ترهاقا
أولاً أنا لست عنصرياً إلا في خيالك، أنا عايش وسط النوبيين سنين وأعرفهم ويعرفوننى وأجد طيب العيش وسطهم.
دكتور صلاح لا أعرفه ولم ألتقيه ومعرفتى به من خلال ما كتب سابقاً كأحد مثقفى أبناء السودان الذين يحاولون جهدهم في التنوير، إنسان هادئ ورزين في محياه، لكن أشتد في رسالته ضد ابناء الغرب حينما نشبت الحرب وكانت في عنفوانها، مثل بوست "أم قرون ملست لباسها" ومن شاكلته، كان علي أن أقف ضد رسالته التى تحاول النيل من معنويات أبناءنا ..
أما أنت، واحد يقول الحمد الله في أحد أبناء شعبنا .. لا ترى غربنا الحبيب إلا بعين كليلة وساخرة لدرجة التهكم فيما يسوى أو لا يسوى، وكما ترى شايلها معاك صدارى، لكن بنفس القدر أسرتك وأهلك وعشيرتك لا يجدون من جانبى إلا كل خير وستر والدعاء لهم بالسلامة.
أنا أعرف حدود الخصومة ولا أفجر .. لكن بملأ ضهرك "تراش" لو حاولت اللقلقة معى كتير.
بريمة
Post: #5 Title: Re: ترهاقا .. اليوم لقيت ليك .. مساعد عتالى .. ال� Author: على ابراهيم رفاى حمد Date: 06-26-2025, 11:21 AM Parent: #4
دا مؤخرته سخنت في شنو؟ خخخخخاخ! .. حسى بقطع ليك في مؤخرتك حاجة.
يقال أن أهلنا البقارة سابقاً (الجنجويد حاليا .. أسم الدلع عند الجلابة) كانوا في أحتفال .. وكان عندهم كفتيرة الشاى مدوره ..
كل زول يجئ محل الشاى يسألوه، أها، داير ليك كباية شاى تقطعها في قنيطك (مؤخرتك)؟ بكل أريحية يقول نعم، يكبوه له كباية شاى يشربها ويروح لسبيل حاله. جاء واحد جلابى مثل صاحبكم دا، سألوه: تريد كباية شاى تقطعها في قنيطك؟ أجاب: لا شاييكم التقطعوه في القنانيط دا ما دايره. طبعاً بنفس حامى. مجموعة الشاى سكتوا ولم يعطوه الشاى. طبعاً هو أعتبر الكلام مسبه له أو تريقة وأستهزاء به. الجلابى قعد وكل زول جاء سألوه نفس السؤال ويجيب بنعم، يشرب شاى ويمش. الرجل الجلابى، تيقن، يا أخ الناس ديل كلهم يشربوا شاى وأنا حماقة ساكت أفوت فرصتى. تحمحم الجلابى، وقال يا أخوانا ما دام حقتكم "كلمة"، أها داير كباية شاى نقطعها في حقتى!!! واحد من الجماعة قال: يوبببببر، الجلابى قرى (أقر) أقطعوا ليه كباية شاى في قنيطته ... الجلابى شرب الشاى ومشى .. يبدو عليه كييف شاى .. لف وتانى جاء راجع .. يا أخوانا أقطعوا لى كباية شاى في قنيطى .. قالوا له .. لا هو القنانيط كملت إلا فيك أنت .. في قنيطة تانية عايزه يقطعوا فيها كباية شاى! أبي يمشى .. ومصر يشرب شاى .. واحد من الجماعة .. قاليهم (محاول يشفع له) الزول دا قنيطة سخنت .. بردوها ليه بكباية شاى .. قال قنيطى ما سخنت ولا حاجة .. بطل سفالة .. تانى خلوه. أتارى كلمة قنيطتى سخنت .. هى كلمة السر في طلب تدبيل الشاى .. أي زول عايز يدبل يجئ والله أخوانا قنيطى سخت .. بردوها لي .. يعطوه شاى الجلابى قال ليهم عذبتونى عذاب بلغة القنانيط .. أها بردوا لى قنيطى .. البقارة ضحكوا وسقوه شاى.
لولا تعرف راندوق البقارة .. تتعب تعب لكي تعيش وسطهم .. ومجرد تفهم لغتهم تكون واحد من عشيرة البقارة.
برمة
Post: #7 Title: Re: ترهاقا .. اليوم لقيت ليك .. مساعد عتالى .. ال� Author: محمد بدرالدين Date: 06-26-2025, 12:22 PM Parent: #6
انا عارف ما فى حاجة شخصية بيناتكم و لكنه اختلاف الرؤى و الافكار و المحن و البلاوى و المآسى التى حاقت بالجميع اسال الله ان يجمعكم بريمة و ترهاقا بكل حب و خير و تقدير كما تمنيت و اتمناه لجميع الفرقاء اللهم امين
... حلشية : البقارة اسم ارتبط بالجمال (اختصارا) قبائل لهم احترام و تقدير و عشرة الجنجويد اسم ارتبط بالقتل و الدمار و الخراب مودتى و تقديرى
Post: #8 Title: Re: ترهاقا .. اليوم لقيت ليك .. مساعد عتالى .. ال� Author: محمد بدرالدين Date: 06-26-2025, 12:33 PM Parent: #7
و بعدين يا بريمة يا حبيب من زمن (ألست) ههههههههه انا و استاذى على عبدالوهاب قلنا ليك ترجم كتبك او توثيقك عن اهلنا البقارة الى العربية لتكون الاستفادة اعم و اشمل ( و نشر ثقافة و عادات و تقاليد الاثنية او المجتمع او المجموعة التى تنتمى لها برضو ( نضال) لا يقل ان لم يتفوق على المجادلات السياسية و حمل السلاح) دة كلام عام مش مخصص ليك يا حبيب و ما انا البوصى .. انتم جميعا ادرى منى و اكرر ف انتظار الترجمة و النشر و حابلغ شيخى على عبدالوهاب اليوم بما قلته لك ههههههههه كل الود و التقدير
Post: #9 Title: Re: ترهاقا .. اليوم لقيت ليك .. مساعد عتالى .. ال� Author: ترهاقا Date: 06-27-2025, 07:40 AM Parent: #8