كامل إدريس يفشل في تشكيل حكومة بعد شهر من تعيينه

05:31 PM June, 22 2025

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

أخي حيدر تحياتي أخبارك
طبعا ناس مدي السودان شغالين فارغة ومقدودة من بداية الحرب معروفين برعاية منو , يعني يا جماعة، الزول دا (كامل إدريس) ليهو شهر قاعد في بورتسودان، لا شكل حكومة لا حاجة، وجا يتكلم لينا عن (الأغلبية الصامتة)
وكفاءات وما عارف شنو... طيب الوزراء ديل حيجيبهم من وين؟ من شجرة مانجو؟
البلد فيها حرب، نص الناس أو الزول البفكر يمسكوا وزارة ذاتو طالع بره، والناس في بورتسودان مشغولين كيف ينجوا من الحر والرطوبة والغلاء وغلاء ديزل المولد ناس بل بس ، وهو قاعد يحلم بـ"حكومة تكنوقراط مستقلة"
زي ما قاعد يكتبوا في تقارير الجهات الامنية العليا أو السفارات
وبرضو جاي يقول لينا ما حزبية! بالله؟ أها الحركات المسلحة عايزة وزاراتها بالقوة، وجبريل ومناوي قاعدين فوق التربيزة رافعين حاجات كدا ، وكل زول شايل السكين يقطع من الكيكة... وين المستقلين؟ إلا يكونوا الأشباح!
الحاصل دا ما بشكيل حكومة، دا زي سباق ناس الأمن والمصالح الأجنبية، بس عايزين حكومة شكلية تطمِّن العالم إنو في (دولة)، لكن نحنا عارفين اللعبة.
اتفاق جوبا؟ دا ذاتو الكارثة، بيهو البلد انقسمت، والمليشيات دخلت الحكومة، وقبائل ضربت قبائل، والناس ماتت… ولسه مصرين ينفذوه كأنو قرآن نازل.
في النهاية، واضح إنو الزول دا ما حيقدر يعمل أي حاجة، لا حكومة لا هم يحزنون… بس قاعدين نسمع خطابات كأنها من اجتماع مجلس الأمن
بينما الواقع بيقول لا في دولة لا في مؤسسات، بس في حرب وكلام كبار وكضاب شديد .

هو لسع قاعد في بورتسودان ما رجع سويسرا؟
الرجل لن يصمد طويلا ابدا

(فشل)!!!!
حتى لو تأخر شهر آخر او شهرين هذا لا يسمى
فشل يسمى تأخير
والتأخير لي خير بل التأخير لمنع الفشل
لأن الفشل ينتج عن الإستعجال فيما لا يحتمل الاستعجال
فالتأخير ناتج من المحاولة تلو المحاولة خلف الستار
لمنع حدوث الفشل الذي تتمنونه
ونسأل الله أن يوفق الرجل للنجاح ويمنع عنه أسباب الفشل كلها
ويوفقه لما فيه خير الشعب السوداني

كامل ادريس
في خطابه الاخير حول تشكيل الحكومة

ذاهل عن الواقع
يتحدث وكان البلد مستقرة ويمكن ان يحقق فيها الرفاهية
في اول اختبار وقف حمار الشيخ في العقبة
يريد تكوين حكومة ولا يعترف بالتوازنات التي اضافتها الحرب
حركات دار فور تريد نصيبها في السلطة مقابل مشاركتها في الحرب
كامل يسير بكل جهل وطماىنينية وسط حقول الغام وهو حالم

ليس بحالم بل عازم
عزم رجل عالم
بما فيه تخوضون
الرجل نحسبه حكيم ومرن
ويستطيع بحول الله أن يوفق بين تجنب مفخخات
تركة الكيزان التي أعاد انتاجها القحاطة
المسماة (قسمة سلطة وثورة) وليس قسمة
هم مشترك للنهضة بالسودان كما يجب
أن يكون!!!
فالتركة القحكوزية سيتجنب شرها الرجل بحول الله
ليحقق خططه وافكاره النهضوية بحول الله

مناوي وجبريل ملوك إفشال الحكومات المدنية ، سابوا الفاشر وانسحبوا من المثلث
جايين ساكين المحاصصة ، وقاعدين لادريس في حلقه، شايلين عصاية اتفاقية جوبا الخنجر
في خاصرة السودان ، لعنة الله على كل عمل على هذه الاتفاقية والذي كان عرابها المتفلهم الاممي التعايشي
لا أدري مع من اتفق هؤلاء الشرزمة ، هل استشاروا الشعب السوداني على بنود هذه الاتفاقية؟
أي حكومة مدنية سيحاربها هذان المجرمين، لابد من إزاحة هذا الجبريل ومناوي من الساحة السياسيى تماما
ويركبوا أعلى ما في خيلهم ، بلا حركات مسلحة بلا قرف، بالله مناوي ده مؤهلاته شنو عشان يدير محطة وقود؟