الآن خاب فألهم وخاب ظنهم في تدمير الوطن ..

00:15 AM June, 03 2025

سودانيز اون لاين
السر عبدالله-
مكتبتى
رابط مختصر

الآن يعترفون بالهزيمة وبفشل مخططهم للسيطرة على السودان ..
شرح الخبير العسكري الإسرائيلي كوهين في مقال له بعنوان : " لماذا فشل مخطط الحرب في السودان رغم انه
تم بواسطة أفضل ما في العالم من خبراء العسكرية والسياسية والاقتصادية ..؟
حيث تم حشد لتنفيذ المخطط موارد ضخمة من ميزانية تفوق ٢٠٠ مليار دولار وقوة بشرية ما يقارب المليون شخص
من السودان وافريقيا وبعض دول العالم الأخرى من عسكر و جواسيس وكوادر متخصصة في الطب والهندسة والسياسة
والاقتصاد....الخ...
فقد تم توفير أسلحة متطورة تكفي لاحتلال قارة وتم توفير أجهزة تشويش وشبكات إتصال وسيارات بكل انواعها ...الخ..
وتم تجنيد دول الجوار وبعض المنظمات الإقليمية والدولية الدعم والتدخل لصالح تنفيذ المخطط .
وتم احتلال كل المواقع الاستراتيجية والحساسة ومحاصرة كل المواقع العسكرية والقيادات وتم نشر القناصة في كل الشوارع
والمباني العالية في العاصمة ..وتم وضع كل شئ حتى بيان الاستيلاء على السلطة كان جاهزا لاذاعته من التلفزيون والإذاعة ..كما
تم شراء السياسيين الفاسدين والإعلام الفاسد ..وتبقى فقط التنفيذ وتم التأكد من كل الأمور في الوضع الصحيح وأن نسبة النجاح
٩٩٪ وبارك الجميع لدقلو ( حميدتي ) السلطة وكتب السياسيين الفاسدين بيانات التأييد وتوزيع أنفسهم للخروج للشوارع لدعم
الانقلاب ...
ولكن المفاجأة التي لم تكن في الحسبان وسقطت من حسابات الخبراء أنه لا يمكن أن تثق في سياسي فاسد باع وطنه من أجل المال
والسلطة ..ولقد أثبتت التجارب ان السياسيين الذين تم شراءهم لا وجود لهم في الأرض ومنبوذين من الشعب السوداني ويعتبرهم أعداء
للوطن وخونة ولذا انقلب الأمر وبدلا من تأييد المخطط انحاز الشعب للقوات المسلحة ورفضوا إتمام فكرة الانقلاب والكثيرين حملوا السلاح
دعما للقوات المسلحة ..
ان معظم مكونات الجنجويد أصحاب خلفيات إجرامية ولصوص ودافعهم الأول النهب والفساد في الأرض فكانت كارثة حقيقية وانتشر القتل
والاختطاف والنهب والاغتصاب والتخريب والدمار والفوضى مما اكد نظرية شعب السودان في تقييم الجنجويد فحين يدخل الجنجويد منطقة
من الشباك يخرج الشعب من الباب وأصبحت أماكن تواجد القوات المسلحة الملاذ الآمن لهم .

أثبتت القوات المسلحة مهنية عالية وجدارة نادرة في التعامل مع المخطط رغم محاصرة القيادات واحتلال كل المواقع الهامة محاصرة واحتلال
المطارات ووضع مقر قيادة الجيش والقائد تحت رحمة نيران الجنجويد ..
وقد تصدى الجنود وصغار الضباط بفطرتهم العسكرية ومهنيتهم العالية وشجاعتهم وقدموا التضحيات الكبيرة لإفشال المخطط وقدموا أرواحهم
فداء للوطن وبقاء السودان ، حيث تم تأمين قائد الجيش وتحريره من من حصار الجنجويد وبدأت المكنة تدور حتى وصلت الآن للانهيار الكامل للجنجويد
وسقوط مخطط تدمير الوطن وانتصار القوات المسلحة وشعب السودان ....
لقد خاب فألهم وخاب ظنهم ...
(منقول)

منقول صفحة القوات المسلحة، طبعاً لا يفوت علينا هذا من كلاسكيات فبركات الدب الداشر عمر التاج ..

بريمة

تدمير الوطن ؟؟؟
عن أي وطن تتكلم إنت ؟؟

Quote: تدمير الوطن ؟؟؟ عن أي وطن تتكلم إنت ؟؟

كيف الكلام دا يا أخ صديق 😳
#أغرب جملة أقراها ، انت فاكر الجنجويد المتوحشين ديل ومن يدعمهم، سيحتلوا الوطن - السودان العظيم الباقى أبدا ، وشعبه الكريم المتمسك بأرضه

#ومرحبتين بلدنا حبابها إلى أن يرث الله الأرض ومن عليها

سلام واحترام ، أخى السر~
#رغما انه المكتوب هذا فى وصف ما حدث للسودان العظيم وشعبه حقيقة وما زلنا نعايشها، لكن ذاك ال"كوهين" لم يكتب هذا المقال
#لك التقدير المعلوم ، أخى السر

الصديق
اتكلم عن الوطن السودان الذي يحاول المغول والتتار ان يدمروهو
اتكلم عن الوطن السودان الذي يحاول مرتزقة دول غرب افريقيا ان يشردوا
اهله وياتوا هم لاحتلال الوطن ...
اتكلم عن الوطن السودان الذي أراد السياسيون الفاسدون ان يبيعوهو رخيصا
لدول الشر ...
ولكن هيهات فقد خاب فألهم وخاب ظنهم....
و يا ليتك كنت صادقا يا صديق في تساؤلك ..
مع وافر التقدير

الحرب دي ورتنا إننا محاطين بأوسخ وأخبث جيران ، لكن شدة وتزول
وحيشوفوا الوش التاني من السودان اللي ما شافوهو،
يا شعبا لهبك ثوريتك تلقى مرادك والفي نيتك

من باع الوطن هم الذين قدموا حلفا قربانا رخيصا للخديوي في ستينيات القرن الماضي
من باع الوطن هم من جلطونا بحدوتة امريكا روسيا قد دنا عذابها قبل أن يتحول ذات الشخوص الي لاعقي احذية الروس والاميركان بشراهة ونهم عجيب.
الباع الوطن هم الذين فتحو موانيء السودان للروس والترك والخديوية والموساد ان يحميهم من حميتي
من باع الوطن هو من أمر بدك الجسور والطرق والمصفاة والمساجد والاسواق لان جده العباس او ابولهب
وقتل الحواضن وجعل الشيوعيين والدواعش يقولون هي لله في عبط عجيب
سيتم كنس هذا الوسخ للابد ومرة واحدة هم ومن شايعهم تلاحقهم لعنات اليتامي والارامل ليوم الدين..


....اللي بعدو...

الدعم السريع تحول من من مجرد مليشيات وعصابات نهب مسلح وتوابع كيزان وقحاتة
الى مخلب قط لدويلة الأمارات واسرائيل لتنفذ بها سياساتها القذرة في افريقيا ..
الأغبياء المغيبون فقط هم من يظنون انها قوة صنعها الكيزان او تحالف معها القحاتة
من اجل حكم وسياسة ..
والعملاء فقط من يعتبروا ان جرائمهم في حرق قرى دارفور و فض الاعتصام وحرب السودان الحالية
مجرد نزوات يستغلونها لابتزاز القوى القبلية لتدعمهم وتحرسهم
الدعم السريع ياسادة ومنذ العام ٢٠١٧ تحول الى قوة اقليمية تسيطر عليها الامارات وتخطط لامتلاكها بكامل سودانها
لاستغلالها في حرب افريقيا والعرب، الفرات والنيل كما تخطط اسرائيل
تقسيم كل الدول العربية والاسلامية كما تخطط امريكا
ولأجل ذلك اشترت الامارات قيادات من الدولة والكيزان والجيش سابقا ،
واشترت ال دقلو و قحت واغلب اعلامي المنابر الالكترونية والسوشال ميديا
ولهذا الهدف المرحلي اشترت ليبيا حفتر وتشاد واثيوبيا وكينيا واوغندا
واشترت المسيرات الاستراتيجية والصواريخ العابرة للقارات والمدافع الصينية والامريكية
الا ان الجنجويد الذين فشلوا من قبل في اختبار اسقاط قطر واليمن وليبيا لصالح الامارات
سقطوا بأمر الله في اختبار اسقاط السودان وشعبه وتهديد مصر وكل افريقيا لاحقا.
والتحية لك اخي السر ومن ضيوفك الكرام .

Quote: وجعل الشيوعيين والدواعش يقولون هي لله

ههههها
#انت زعلان شديد يا محمود
# لو سمحت ساعدنا بالمنطق والحق
مشيت بعيد جدا وفارقت كمان، دى ما سبقك عليها أعداء الشيوعى أجمعين وعلى رأسهم كيزان المؤتمر الشعبى 🤮
#ومعاها البعدو وكأنك خلاص أتيت بحقائق الأولين والآخرين …
#محن الزمان😀

بعد دا كلو والوطن ما اتدمر!!!!!!
زمان كان بقولوا
مرحلة الصوملة واللبننة
إشارة الي الصومال ولبنان.
اخشى اننا نكون مضرب مثل قريب.

يا هدي انا ما عارف قصتك شنو مع مفردة انت زعلت و"انت زعلان" دي هههههههه
انا ما زعلان ولا شيء، بس دي الحقائق من وجهة نظري وما اراه حقائق غيري يراها مش حقائق وكذا
والشيوعي ليس بالضروري يكون مسجل في عضوية الحزب الشيوعي السوداني الله يرحمه 😊 ممكن يكون شيوعي بالفكر والديالكتيل وهكذا

Quote: والشيوعي ليس بالضروري يكون مسجل في عضوية الحزب الشيوعي السوداني الله يرحمه 😊 ممكن يكون شيوعي بالفكر والديالكتيل وهكذ

طيب يا محمود وقت هو الله يرحمه تعبان معاه ليه، دا من جانب
ومن الجانب التانى قصة "هى لله" تبع الجنجاكيزان والكيزان وهم يرفعون سبابتهم ، يقتلون ويهتفون ما بين اللهو أكبر والله أكبر
أها شن جاب لجاب بعد وصفك للشيوعين بالماركسية والدياليكتيك ، كمان تبهتهم بمقولة "هى لله"
#ومن الجانب الثالث الحقيقة ما أنواع كله كله !
#لو سمحت يامحمود أدينا شوية منطق وحبة ديالكتيك هنا 😀

#اما سؤالك عن زعلت ، فهى من أغنية محمد الأمين والشاعرفضل الله محمد
عارفك انت بتنفعل وتقول كلام - كلام زعل ما بتقصدو
وانا عندى فيك دايما أمل
#بمعنى مرات كلامك لا علاقة له بالحق ، طوالى تجئ فى خاطرى دا كلام زعل ساكت

الأخت هدى ، والأخ السر
* مضمون الجملة واضح .
* مافي وطن ، ما عندنا وطن - عشان ما تصدعوا راسنا ساي .
* ما تبقَّى من الوطن انتهى نهاية مُرَّة - خلال ال 3 عقود الماضية من حكم الإخوان المجرمين .
* الآن - الحقيقة الفعلية على الأرض ، ما عندنا وطن زي الناس ، مجرد اسم افتراضي فقط " بلاد اسمها السودان " ، لكن على الأرض لا يوجد شيء .
* موتى ، مرضى ، جوعى ، نازحين ، مشردين - بالآلاف والملايين ، في الداخل والخارج ، دا الحاصل .
* والله ينتقم من ال كانوا السبب .

Quote: مافي وطن ، ما عندنا وطن - عشان ما تصدعوا راسنا ساي .

انت ما تصدع رأسنا لانك "انت وحدك" ما عندك إنتماء للوطن وشعبه، ويبدو انك ما عشت فى السودان ولو تانى جيت اتريست وحاولت تفتى فى أمر بلد انت شايفها ما عندك ، بجيب ليك كلامك دا
#لك ما تراه ولنا وطنا سنعمره وسيعود البلد العامرة بناسها كما كان …

يا هدى ، ما تقطعي جُملة وتخرجيها من سياق الكلام ، وتبني عليها .
* المعنى واضح ، والمقصود واضح ، ما بيحتاج تأويل .
**
* أما قصة ما عشت في السودان ، لحدي نهاية أكتوبر من العام الماضي كنت في الخرطوم - في نص الحرب .

الصديق الزبير
ونحن نردد معاك :
نعم الله ينتقم من ال كانو السبب ؛
ونزيد كمان: الله ينتقم منهم في الدنيا والآخرة ...

كتبت الرد التالي بعد مداخلة الاخ محمود الدقم مباشرة وحديثه عن الحزب الشيوعي ولكن للاسف لم أجد الرد ...
وها أنا اعيد كتابة تعليقي مرة أخرى :=

" انا ما شيوعي
ولكن اكاد ان اجزم بأن الحزب الشيوعي السوداني هو أفضل حزب سياسي منذ استقلال السودان لانه الحزب الوحيد الذي كان
يناضل ويكافح من أجل المصالح العليا للوطن وليس من أجل المصالح الشخصية لرؤساء تلك الأحزاب السياسية لأن الأحزاب
السياسية الأخرى كانت فقط تلهث وراء مصالح شخصية بحتة لرؤسائها ،ولا حتى لأعضاء المكاتب السياسية لتلك الأحزاب ،ناهيك
عن اي مصلحة عليا للوطن ...( ونستثي فقط شخصية الزعيم اسماعيل الازهري)..ولا نستثنى حزبه بعد وفاته...
ان كافة الأحزاب السياسية ( ما عدا الحزب الشيوعي السوداني ) لم تكن تسعى لرفاهية شعب السودان ولم تكن تسعى إلى تحقيق
المصالح العليا للوطن ...بل لمصالح رؤساء تلك الأحزاب ...ونسبة لانعدام الوطنية لم تستمر الديمقراطية طويلا حيث تتوالى الانقلابات
العسكرية التي تحكم السودان بالحديد والنار ...