الهالك الكذاب

غايتو الزول الركب فيديو الغباء الاصطناعي "الممنتج" للهالك حميدتي
ماخاف الدعم السريع ابدا في شغله المرة دي ..
أولا استخدم صور مشوهة وأكثر من تقنيات التمويه دون ازالة ضوضاء الصور
فخرج الفيديو باهتا بتقنية اقل من اتش وما ظهر ولا مشهد واحد منسق فنيا
ثانيا حركات الجسم خاصة الايادي والشفاة مختلفة مع الصورة في أكثر من لقطة
ثم ان اهتزازات الصوت وصعوده وهبوطه اشتغله هاوي لا يعرف شيئا عن تحليل المشاعر في علم البيانات
وواضح ان البيانات التي تدرب عليها الروبوت مجرد خطابات آلات أخرى لذا جاء الخطاب غبيا ومتفلتا ...
غايتو لو في زول عاقل في الدعم السريع - وما اظن فيهم عاقل- يفترض ينصح دويلة الشر
انها ماتنتج أي خطاب جديد للهالك حميدتي مستقبلا
لأن ضرر هذا الفيديو عليهم أكثر من نفعه .
نجي لموضوع الكضب

الحاجة الوحيدة الصدق فيها روبوت الهالك حميدتي انه قال وبصريح العبارة :
" لما بدينا الحرب دي "..
قالها ول ما قالها؟
آي والله قالها بكل ثقة وبدون اي تشويش ..
يعني تعترف صريح بانه بدأ الحرب غلط ..
وفي تسجيله السابق برضه قال :" نحن غلطنا لما بدأنا الحرب في الخرطوم ، كان يفترض نبدأها في الشمالية"
شفتوا زي التسجيلات الغبية دي بتعمل في الاشاوذ شنو؟
والمشكلة انها تسجيلات ممنتجة بوضوح ..
يعني يا حميدتي يا هالك وقت ماقادر تظهر للاشاوذ في الميدان
ما بتقدر حتى تطلع لهم لايف؟
لازم روبوت يسجل وواحد يصور وثالث يمنتج ويحذف الخرمجة الظاهرة والاخطاء الفنية؟
بالله ده "غايد" حي ونصيح؟
نجي للكضب الجد جد..

قال لناس الشمالية نحن جاينكم ..
وهو طلع "ساكنه" من سنجة لحدي ماوصلوه غرب كردفان
وفي تسجيله الأخير قال الخرطوم ما حانطلع منها
والقصر الجمهوري ما راجعين منه عشرة مرات
يومين بس وكلابه جروا دنقاس مرقوها في الضعين هههه
واسه قال لناس الشمالية ماتخافوا، نحن ما قاصدنكم
وفي تسجيل سابق ذكر الشوايقة والدناقلة بالاسم وقال ديل اعداءنا
واليوم قال لا نحن ما بنضركم
حصل شفتونا ضرينا زول احتلينا بلده ؟ هههه
يعني ناس الخرطوم السرقتوا حتى ملاعق سكرهم ديل كانوا غنم؟
البنوك والمصانع الدمرتوها والعربات النهبتوها والبيوت الاحتليتوها وقلعتم ابوابها وسراميكها
وال١٥ مليون الشردتوهم من الخرطوم والجزيرة ديل ما كانوا بشر؟
قال ليكم يا ناس الشمالية اقفلوا بيوتكم عليكم ما بتجيكم عوجة .. هههه
وفي بحري والخرطوم كانوا بجلدوا النساء ويغتصبوهن إذا ما طلعن من بيوتهن
وكانوا بمروا على الحلة بيت بيت ويعطوهم انذار ٢٤ ساعة، إذا حينا بكرة ولقيناك هنا بنديك طلقة وبس ..
وأهم حاجة لما تطلع من بيتك ماتشيل معاك أي حاجة ..
ملعقة لو أخذتها معاك معاه أنت ماعايز ديمغراطية وانت فلولي تستحق القتل او الرمي في أحد معتقلاتهم حتى تموت وتعفن

اطرف حاجة في تسجيل الهالك هي خطة "أولاد دقلو" الحربية القادمة ، على وزن أولاد ابراهيم للعمليات الحربية هههه
قال للاشاوذ : الموتر يركبوا فيه ثلاثة انفار ..
الراجل أتذكر ماضيه كحرامي حمير وعايز يرجع الناس لركوب الحمير و"الردف" عليها
والردف لغير الناطقين بلغة حميدتي هي ركوب شخص او شخصين وراء شخص في حمارة واحدة
طيب يا بتاع الدبلجة أنت ، الحكاية دي ما بتحبط الاشاوذ بتاعنكم الطمعانين يركبوا البوكس والتاشر لاجل ام قرون؟
طيب ووين ال٢٠٠٠ تاتشر الكنتم مالين بيها شوارع الخرطوم ومدني؟
ووين البكاسي السرقتوها من المواطنين؟
كملتوها جت وقبلتوا على المواتر؟
أها .. أبشروا يا ناس الشمالية
الاشاوذ جاينكم بالمواتر
أنتو لاقوهم "عيري" ساكت .

تحياتي وتقديري

Quote: الهالك الكذاب

واضح إنو ما جايب للدنيا خبر،
حتى وإن كان حيا جسديا،
المشكلة في البشر اللسه بيطوفوا حوله طلبا للمدد منه.
انت عارف البعاتي ده مأكلة كبيرة لناس كتيرين، غاشين بيه دول وأنه لا يزال حيا،
وفي ذات الوقت سبب لمحرقة كبيرة خصوصا من دعم حمالي الحطب ونافخي الكير لقواته.
الدول المخستكة نفسها ربما تدري أنه غادر للأبد بالفعل، ولكنها صامتة كي يستمر مشروع المؤامرة الكبرى ضد السودان
....
بحمد الله ولطفه نجونا من أن نغتال من تحتنا....

التقني الركب الديكور ده برضه ماخاف الدعم الصريع في شغله
عايز يعمل شوية فنيات قام عكس الخلفية جاب عاليها واطيها
علم السودان نزل الاحمر تحت والأسود فوق
علم الجاعزية جابه بالمقلوب
غايتو جنس بشتنتن

ظهور علم السودان بالمقلوب خلف قائد الجنجويد يوضح أمرين*
- *الأمر الأول* :- ان الفديو تم اعداده بواسطة أجانب لا يعلمون بأن الون الأحمر في علم السودان يكون في الأعلى والأسود في الأسفل

- *الأمر الثاني* :-تم إعداد الفديو بواسطة الجنجويد وهذا دليل قاطع بأن هولاء الاوباش لا يعرفون شي عن الوطن وكان هدفهم قلب السودان رأسآ على عقب كالعلم الذي تم قلبه تمامآ

#دوله 56 باقية 🇸🇩🔥✊
منقول

تحياتي شيخ قصي ..
في اعتقادي ان المؤيدين لحميدتي نوعان:
الاول ذو ميول سياسية شاذة يعتقد انه لن يأتي على رأس السلطة في السودان الا وهو مدمر محطم، ولن يجد فرصة لتحطيمه اكثر من أسلحة وغباء الجنجويد ..
النوع الآخر لديه اطماع شخصية في حميدتي، مادية وقبلية خاصة.

..
..
الرابط أدناه تجدون فيه الخطاب الأصل للهالك، وليس المفبرك الذي تم بثه في العصافير
https://www.facebook.com/share/v/16f9NU78AR/

⛔️اضحك مع خطاب حميدتي
.....
بصورة سينمائية مبتذلة وعمل درامي مهزوز ظهر خيال قائد قوات الدعم السريع الهالك محمد حمدان دقلو (حميدتي) في خطاب متلفز مساء أمس حدد فيه بان الحرب ستنتهي قريبا بعد القضاء على الاسلاميين بحسب مزاعمه المبثوثة على الفضاء المكشوف...
ويبدو أن الرجل ما زال في ضلاله القديم متوهما بأنه يحارب الاسلاميين من أجل ديمقراطيته المتمثلة في السلب والنهبة والقتل والاغتصاب والشفشفة متناسيا أن الشعب السوداني هو من دفع فاتورة بربرية الجنجويد وفوضتهم...
وان سلمنا أن الذي يخاطبنا هو حميدتي الميت من شهور الحرب الاولى لماذا هذا الهبل والغباء في خطاب كان من الممكن أن يحمل رسالات جديدة تعيد لجنوده الأمل بدلا من يطبطب عليهم قائلا (اصبروا) وتحملوا الجراح حتى ننتهي من الكيزان ونقيم لكم المستشفيات الحديثة بأموال محمد بن زايد لنعالجكم فيها.... هذا طبعا أمر مضحك وسذاجة ما بعدها سذاجة.... متى تنتهي الحرب يا السيد الخايد... انت قلت بعظمة لسانك في خطاب الأمس انك لن تجنح للسلم وإن جنحوا لها؟ على ماذا تراهن وقواتك خسرت كل شي وبدأت تتقاتل فيما بينها؟ هل ستحارب معك الشياطين وتأتيك من مثلث برمودا بأحدث ابتكاراتها في التكنلوجيا العسكرية....
الجيش لا يريد تفاوضا يحمي جنودك من الموت...أما أنت نحن نعرف انك مقبور ونتمنى أن تكون حيا ليضعك بواسل الصياد في تابوت الموت ... نريدك حيا لتكون صيدا ثمينا لشجعان المشتركة.... نريدك حيا لتتزوق مرارة لطام الكيزان وصدرك يستقبل رصاص البراءون... نريدك حيا لتشفي غليل كيكل قائد الدراعة كتائب الادب والطاعة...
حميدتي قال لمواطني الولاية الشمالية نوموا قفا وأني سأتيكم بقوات لا قبل لكم بها لكنها قوات مسالمة لا تسرق ولا تنهب ولا تششف فقط تأتيكم وتحمل في توابيت الموت الديمقراطية والدولة الجنجويدية الحديثة...خطاب حميدتي مدعاة للضحك والسخرية.... من گتبوه لم يفهموا نفسية الشعب السوداني بعد.... لو القى الفاتح قرشي خطاب الدعم السريع بصورة بعيدة عن النسق القديم لكان مقبولا....
الامارات تحاول ان تداري على نفسها من جريمة دعم الجنجويد وتورد اسم مصر بصورة علنية كمتورط رئيسي في حرب السودان بدعم الجيش ... هذا مكشوف وواضح والامارات هي صاحبة الخطاب ظانة أن الشعب السوداني بعقلية ذبابة وينسى كل شيء...
لا نريد (جنجويدكم) ولا نريد ملكهم...بخيتين عليكم بالمرة ادوهم امارة من اماراتكم المصنوعة ليحكموها وينفذوا طلباتكم يا أولاد ماما....
الدعم السريع يتهاوى وعلى خطى الهلاك...الايام القادمات سيتلقى ضربات موجعات اشد وطأة على الجنجويد من الصالحة والمصفاة والجزيرة ... الجيش يتقدم من رهيد النوبة ناحية جبرة ومنها الى بارا وسيكون العيد عيدين باذن الله....
غرب كردفان في القزاز ... (الموت) في النهود والدفن في الضعين والعزاء في ابو ظبي .. لا نريد جنجويديا حيا...قائدهم الاصطناعي قال لا يرغبون في التفاوض مفضلا خيار (الفتك) والمتك على السلام والاستسلام....اها (خم) وصر يا ميت.....
على الوساطة ومنبر جدة أن يعلما بأن الجنجويد لا يريدون سلاما ولن ينحاروا للسلام وان تحقق...هم لا يعيشون إلا في مناخ الفوضى لأنهم ضباع جبلت على الغدر والخيانة وافتراس العزل والمدنيين....
اتهام حميدتي لمصر بأنها متورطة في حرب السودان محاولة يائسة لتجميل وجه الامارات وجعله ملائكيا امام مرآة الحقيقة .... كل العالم يدر بأن الامارات هي من تتحكم في حرب الجنجويد وانها الناهية والامرة والتي تتحكم في مصير قوات حميدتي....
الخطاب لا يحمل جديدا وزاد من حالة الاحباط لدى مناصرى المليشيا المتمردة واعطى الجيش روشتة التعاطي مع متطلبات المرحلة المقبلة...حميدتي كشف اوراقه وقال انه سيهاجم الولاية الشمالية والابيض وانه سيأتيها بجنود مسالمين يحملون وردا وبندقية....وردا للمواطن وبندقية لقتل الفلول......
منقول

🖌️💻كيف نقراء خطاب الهالك الحرامي :

💊 اولاً
لو لم تكن الهزيمة قوية ومدوية لايتعب الكفيل في اخراج هذا النتن راقب كل خطاباته بعد الهزائم الكبري

💊 نحن لمابدينا الحرب دي بديناها(وهنا يتدخل القحاطة لالا مابديتا انت بدوها الكيزان )

💊اثبات جدارة الأجهزة الأمنية في هذه البلد انو ٣٠ سنة محظورين وشغالين وعارف انو في بيرقدار ومسيرات بتجي لكن ماعارف المحل

💊استجداء للحركات المسلحة للانضمام له والانسلاخ

💊نداء للجرحي مايطلعوا يسجلوا ويفضحوا

💊إثبات ان المتحركات الوصلت عندهم دي الصياد كلها 😂 والغريبه هو لحدي هسي ماقادر يفهم انو الصياد بدايته في كردفان ونهايته في بورسودان

💊كل المحاور تتحرك مع بعض 😂

💊تهديد لمواطن الشمالية كالعادة

💊لغة انهزامية ولعلة يكون الخطاب قبل الأخير لأنه يكذب كعادته انو لو ما الكيزان الجواهم ماحصل الحصل انت ياود زهره الكيزان بتحارب فيهم ولا يحاربوا معاك جننوك جن

💊رد ايضاً علي رؤية احد الناس قال انه رأي رؤية طيبة تحثة علي السلام بيننا وبين الجنجويد حميدتي قال نحنا
خفنا دايرين سلام 😂

💊اغلب الخطاب موجة للقتلي الذين سماهم الشهداء والجرحى لأنه في الفترة الأخيرة كثر الموت ورفض الكثيرون القتال

💊خوفة من محاولة اقتيالة هو وإخوة لأنه كان هناك استهداف واضح لعبدرحيم

💊ذكر بعض القادة الذين تسببوا له في الألم وقتلوا أهله عبدالله جنا
جودات
درموت وغيرهم

💊محاولة التنصل من التنكيل بالأسري وكذبه المستمر

💊رسالة للإعلامين بالثبات والدخول للميدان بعد هروبهم المستمر وقد ذكرنا ذلك قبل الآن

💊تحدث ايضاً عن دهس احد أفرادنا بالعربة لأنه قوبل باللوم هو كفيلة الإمارات ولكن الفاعل معروف وهو بن عمته مباشرة محمد كزمة

💊بديت اشك انو الكفيل الإماراتي قد تخلي عنه لانه اهمل ذكر الحكومه وتأسيس والحلو وغيره وملحوظة اخيرة

😂الزول العمل الفيديو ده الزول في يد قاعدة في كرسي والتانية مافي 😂الفيديو الكباية بتاعة الموية غيرها من مكانه او حركوها ممكن عادي(🤣علم السودان مقلوب يقلب شنو اقوليكم )شعار التمرد زاتو مقلوب زيكم يامقاليب🤣
منقول

Quote: غايتو الزول الركب فيديو الغباء الاصطناعي "الممنتج" للهالك حميدتي

من اشتغل بتكذيب الحق، ضاع عليه وقت الإصلاح..!!

ومن اهتم بترويج الأكاذيب فات عليه أوان التوبة

Quote: ومن اهتم بترويج الأكاذيب فات عليه أوان التوبة

ومن لبس الأكاذيب ثوب النصح، فضحته الأيام وإن طال الجدال.!