ابرز ما جاء في خطاب فريق اول محمد حمدان حميتي اليوم..02/06/2025

11:14 PM June, 02 2025

سودانيز اون لاين
محمود الدقم-
مكتبتى
رابط مختصر

نشرت وسائط اعلامية تابعة للدعم السريع خطاب للجنرال محمد حمدان حميدتي وابرز ماجاء فيه:
📌انه اثني علي قواته وحثهم علي الجاهزية وكرر كلمة بل بس مما يعني انه ماضي في حربه

📌وصف قوات المشتركة بانهم مرتزقة ووصفهم بحركات الارتزاق وانه "حزين لهم لانهم يتجرعون الذلة" ووصفهم بالمرتزقة وقال " الناس اثنين بس يا معانا يا ضدنا-" وان هناك رسالة لناس المواتير ان كل الدواعش ما يخرجو من الابيض.

📌وارسل رسالة الي ناس الشمالية بان بالدعم جايكم و"ما تمرقو من بيوتكم وان والدعم السريع لديه "قوائم للدواعش كان في دنقلا كان في الدبة كان مروي" وقال "كلهم عندنا ليهم قوائم - كان في دنقلا عندنا ليهم قوائم كان في الدبة عندنا ليهم قوائم في كل مكان عندنا ليهم قوائم موجودة النشط منو والما نشط منو عارفينو البساعد منو والما بساعدو منو عارفينو الهرب منو والما هرب منو عارفينو" كما قال

و📌قال "اي زول مطيع لكرتي مطيع لاحمد هارون مطيع لاسامة عبدالله هو هدف مشروع لكن ما تخلو منازلكم ما تخلو مزراعكم "

📌وقال انه "عشرين سنة بكاتل ليكم وان في تلودي حفرة واحدة فيها 74 شهيد واربعمائة جريح وتفتوننا الان؟ " موجه كلامه للكيزان واقسم حميدتي ثلاث مرات بانه يتصل بعشرات الاسر يوميا وكلهم دايرين ليهو النصر
📌وقال حميدتي بانه سيصل البرهان كان في بورتسودان كان في امدرمان

📌وايضا تحدث حميدتي عن الاسلحة الكيمائية وانها موجودة في البراميل وحولت الموية الي فراولة

📌وتحدث عن الدعم المصري للبرهان وانهم اي الدعم السريع يعرفون المسيرات التي ضربت الكومة وانهم اي الدعم السريع يعرفون عن ال32 جرار التي دخلت بالامس
ايضا تحدث عن عبدالله جنا ووصفه بالمرتزق

📌وقال بانه عمل اربعة سنوات لوقف الحرب وانه جلس حتي مع علي كرتي وقال تاني مافي جدة جدة مافي ونحن عارفينكم .

محمود
تحياتي
انت كمراقب سياسي رايك شنو في الخطاب من ناحية سياسية انا ما فهمت غير انو تهديد وزيادة في الدم والتدمير
كدي فهمنا الحاصل شنو

الرسائل السياسة لحميتي يا ابوالزوز:
كشف ان إيران وراء تدريب عناصر اسلامية كيزانية-الرسالة موجهه للمحيط الإقليمي.
كشف عن استغفال الكيزان للمرتزقة الاوكرانين لجهة ان فاغنر في صفوف الدعامة
تحدث عن الدور المصري في الحرب' الرسالة السياسية موجهة للشعب السوداني.
ارسل رسائل لبورتسودان بأنه قادم اليهم عن طريق الشمالية
اطلق رصاصة الرحمة علي اتفاق جدة' واغلق جميع ابواب الحوار مع بورتسودان.
لم يتطرق لتنصيب كامل إدريس الرسالة السياسة استخفاف بكامل كاريزما ادريس.
وهكذا

لماذا لم يتطرق لتحالف تأسيس.

Quote: لماذا لم يتطرق لتحالف تأسيس.

تاسيس بالنسبة لآل دقلو استهلاك محلي ده غير انعدام الثقة فيما بينهم ،
حميدتي ده بالذات ما بيعترف إلا بحميدتي

Up

Quote: كشف عن استغفال الكيزان للمرتزقة الاوكرانين لجهة ان فاغنر في صفوف الدعامة

محمود سلام والتحية للجميع
#لا لا يا محمود كلامك دا ما صاح كله كله - الكيزان والجنجاكيزان ، يحاولوا استغفال الشعب السودانى ودا زاته ما قادرين عليه
#أما يغشوا إوكرانيا بروكسى الامريكان وقتها طبعا ما صاح ، ديل عارفين الذى يحدث فى كل الخفايا
#عارفين قصة فاغنر وشغلها مع الدعم السريع وكيف أربعة من الدعم السريع مشوا قابلوا زعيمها قبل مقتله ، وأدوه عطايا الذهب وكمان قال ليهم لنواصل دعمكم جيبوا زيادة🤑
#حأجيب ليك المعلومات دى كلها وياما إتكتب عنها هنا…
#حميدتى قبل الحرب وبقوة عين أثناء تدريبات فاغنر ليهم فى نص العاصمة قال - فاغنر بتدريب فيهم للتصدى للمتظاهرين…!

بخصوص العلم المقلوب
مين سرق النظارة وقلب العلم ؟

Quote: بان بالدعم جايكم و"ما تمرقو من بيوتكم

الجيش لمن يدخل مكان ويطرد الحنحويد الرباطة
الناس بطلعوا من بيوتهم فرحين مهللين ومكبرين
الأباء للعمل والأسواق والأبناء والبنات للمدارس وتعود الحياة
ويعود الأمان
أما إذا دخل الجنجويد الرباطة لأي مكان حتى البيوت يتسورونها
وينتهكون أعراضها ويقتلون رجالها وينهبون مالها!
فلو حميدتي حي يرزق هذا يعني أنه راضي عنما يفعل جنده
من إجرام بل هو من هدد بهذا قبل أربعة أعوام
بعد المفاصلة بينه وبين القحاطة حين قال:
عماراتكم العاجباكم دي بتسكنها الكدايس!
فالرجل كان مبيت النية
وأصلا جيشه أعده الكيزان خصيصا
لهذه المهمة

سلام هدي
نعم اتفق معك قبل الحرب عندما كان الجيش هو الدعم السريع والدعم السريع هو الجيش😊 جري تدريب لفاغنر للجيش اللهو
يشمل الدعم السريع وطبعن كلنا نعرف ان الدعم السريع تم ادارجه داخل مؤسسة الجيش وبتفويض عريض ايضا من قبل البرلمان عندما كان الدعم بسحق في جماعة مناوي وجبريل وعقار
لكن بعد الحرب الجيش او الفلول قاموا باستجلاب التغراي والاوكران والروس والمصريين الخ وبعض المتطرفين السوريين لحرب الدعامة وهذا ما اقصده
تحياتي

مافي مناسبة يا عارف عشان يتطرق لتاسيس
وايضا لم يتطرق لكميل ادريس
دائما في حاجة اسمها الاولويات

محمود سلام~
تعليقى كان عن كتابتك دى

Quote: كشف عن استغفال الكيزان للمرتزقة الاوكرانين لجهة ان فاغنر في صفوف الدعامة

يا محمود فاغنر ايوة اشتغلت مع الجنجويد وكان اللقاء الشهير فى أفريقيا الوسطى حيث ذهب أربعة من الدعم السريع محملين بالذهب وقابلوا الرئيس نفسه ،
#ودا موضوع يختلف تماما عن تدريبهم مع الجيش مخابرات امن
#ومختلف عن تدريبهم الجنجويد لوحدهم بواسطة فاغنر فى قلب الخرطوم بعد انقلاب حميدتى+البرهان

انا ما شيوعي
لكن اكاد اجزم بأن الحزب الشيوعي السوداني هو أفضل حزب سياسي ومنذ استقلال السودان كان بيعمل بجد واجتهاد لصالح الوطن وليس لصالح مصالح شخصية بحتة عكس جميع الأحزاب السياسية الأخرى التي كانت تلهث فقط من أجل المصالح الشخصية البحتة لرؤسائها فقط وليس حتى لصالح بقية أعضاء المكاتب السياسية لتلك الأحزاب، ناهيك عن المصالح الوطنية للوطن ..
.وحتى بعد الثورة العظيمة للشعب السوداني في ديسمبر ٢٠١٩م تجد مواقف الحزب الشيوعي السوداني تصب دائما في المصالح العليا للوطن وليس لمصالح الأفراد ...