12.05.2025 في القلب حيطة، مكتوب فوقها: كان يا مكان، في بلد اسمه السودان ناس بتتولد عشان تنقـ. تل! قالها الشاعر أزهري محمد علي من قصيدة "أحزان القلب المفتوح" من 10 سنوات. ولكن هل تغير شيء؟ لا زال من يُولد في السودان يولد للرصـ. اص… والسؤال: من يحدد المصير؟
"القصة " الرابعة تكشف لك إسرائـ. يل تُتهم بقـ.صف بورتسودان، والبرهـ ان يتحايل على عزل الإسلامـ يين، ويتلاعب بـ قرارات القاهرة والملف في لاهاي يُسرب … اكتب “القصة” في التعليق لتكشف الأسرار ولمشاركة كافة الروابط على منصاتنا لمشاهدة الحلقة الكاملة
Post: #2 Title: Re: القصة من هشام عباس لقصف بورتسودان Author: هدى ميرغنى Date: 05-14-2025, 01:48 AM Parent: #1
سلام واحترام ، دكتور ياسر~
هشام عباس هذا للأسف ملوكيا اكثر من الملك، وكمان يحاول إنه يكون مخبر لو قاصد او ما قاصد …من وين يجيب معلومات الاجتماعات دى وخاصة الكانت مع السيسى😀 …يتحدث وكأن معلوماته وكلامه منزل وكانّه العالم وله من الجواسيس فى السودان وفى كل مكان يأتونه بالخبر اليقين …معناها عادى السودان كله ممكن يتعرض للدمار طالما معلوماته قاعدة فى السهلة كدا لأى شخص …الزول أ حتى آخر لحظة كان جارى عايز الاتفاق مع العسكر ولما الأمور جاطت كان من أوائل المارقين منه …المهم الحرب اللعينة دى نفعت معاه ، قالوا عايش فى بلاد الامريكان …أيام الثورة وإعتصام القيادة وباقى مدن السودان ، هو كان يطلع لايفات ينادى للإتفاق وحتى بعد المذبحة كان من آشد المنادين للتوقيع مع العسكر وياهو كان شغال معاهم لما العسكر زاتهم انقلبوا على الشعب السودانى بعد كل التنازلات القدموها ناس هشام وغيره …الآن أراه مجرد عدو للناس المساكين المتعرضين للحريق والقتل فى السودان …ليته صمت