السودان " آولا "

06:57 AM May, 07 2025

سودانيز اون لاين
Hasheem Karouri-امدرمان
مكتبتى
رابط مختصر

#السودان_آولا



تحت هذا الهاتشاق ، حملة شعبيه سودانية " اصيلة " . تنطلق .

احتجاج سلمي يكتسب زخمًا خارج الحدود

في تحرك شعبي غير مسبوق، أطلق سودانيون مقيمون في دولة الإمارات حملة تحت شعار “السودان أولاً”، قرروا خلالها تعليق أعمالهم التجارية والأكاديمية مؤقتًا، احتجاجًا على ما وصفوه بـ”الدعم المباشر” الذي تقدمه أبوظبي لقوات الدعم السريع المتهمة بارتكاب انتهاكات واسعة في السودان.




موقف وطني مشرف ، يعكس الوعي السياسي للجالية السودانية هناك .

العزة والكرامة للسودان ، وطن الشموخ ،،،،،،،

تقول لِى شنو ! - سيد أحمد الحردلو
الرئيسية
سيد أحمد الحردلو
تقول لِى شنو !

-1-
تقول لِى شنو
وتقولى لِى منو ،
-2-
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
-3-
تقول لِى شنو
وتقول لِى منو ،
-4-
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
-5-
تقول لِى شنو
وتقول لِى منو ،
-6-
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
-8-
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
-9-
تقول لِى شنو
وتقول لِى منو ،
-10-
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،
-11-
تقولى لِى شنو
وتقولى لِى منو ،
-12-
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
تقولى لِى شنو
وتقولى لِى منو ،
-13-
ونحن الحَجه والتوبه ،
ونحن الهِجره .. والأوبه ،
ونحن كُتَارْ
ونحن كُبَارْ ،
ونحن – يمين – جُمَال الشيلْ
ونحن – يمين –نَضِمنا قليلْ ،
-14-
تقول لِى شنو
وتقول لِى منو ،
-15-
ونحن مِحايه
نحن طِرايه
نحن فِدايه
نحن سِمايه
نحن حجاب
ونحن اللوحْ
ونحن شَرَافه فى الدنيا
ونحن كِتاب عِلمْ مفتوحْ
على كل البُلودات ..نُورْ ،
ونحن – يمين – مَداين نورْ ،
ووشنا نورْ ،
-16-
تقول لِى شنو
وتقول لِى منو ،
-17-
ونحن الحِنه والجرتقْ
ونحن الزفه والسيره ،
ونحن ..أبشرى والشبال ،
ونحن السَىْ
ونحن الوَىْ
ونحن الرقبه .. والتُمْ تُمْ
ونحن اللَمْ ..
يكون فى الدنيا ..متلنا ..لمْ
-18-
تقولى لِى شنو
وتقول لِى منو ،
-19-
ونحن العَاجْ
ونحن الصَاجْ
ونحن البوشْ
ونحن الحوشْ
ونحن الناسْ
وكتين الديارا ..يباس
وإن درت العديل والزين
تعال يا زول ،
وإن كست الكعب والشين
أرح .. يا زول
-20-
تقولى لى شنو
وتقول لى منو ،
-21-
ونحن السورْ
ونحن الحُورْ ،
ونحن بناتنا محروساتْ
ونحن وِلادنا ضُلالاتْ
ونحن أُماتنا ياهِنْ ..ديلْ ،
وجِيب ورينى زيىِّ منو ،
وتقول لِى شنو
وتقول لِى منو ،
-22-
ونحن فَزَعْ
ونحن وجَعْ
ونحن اليُمه ..واليَابَا
ونحن أريتو بالتَابَه ،
ونحن – يمين – إذا حَرّتْ ،
نخلى الواطه ..رُقَابه ،
-23-
تقولى لِى شنو
وتقولى لِى منو ،
-24-
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،
-25-
تقولى لِى شنو
وتقول لِى منو ،
-26-
ونحن الدوكه
والضُلاله ، والدونكه ،
ونحن الدانقه ،
والراكوبه ، والواطه ،
ونحن الفَكَه
والشِبكَه
ونحن الحجزه .. والعكَه ،
ونحن الجُودْ ،
ونحن أسودْ ،
ونحن النَانْ ،
حديثنا إذا أرِدتو رُطَانْ
وحين دايرين ..نسوى بَيَانْ ،
-27-
تقول لِى شنو
وتقول لِى منو ،
-28-
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
-29-
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل .. يا زولْ
وتسعلنى .. وتقول لِى منو
وتقولِى شنو ،
-30-
أقيف لسعْ
وأقيف .. وأسمعْ
ونحن التَايَهْ
والاندايَهْ
والزِريعهْ
والعيزومهْ
واتفضلْ ،
ونحن الرايَه مرفُوعه
ونحن الكُلفَه مرفُوعه
ونحن حلفتَ ... مدفوعه
-31-
تقول لِى شنو
وتقول لِى منو ،
-32-
وأما عجيبْ
وأما غريبْ ،
وأقيف لسعْ
وأقيف .. وأسمعْ ،
-33-
أنا الكَعَب البسوى الويلْ
وأنا الزول السَمِحْ ..بلحيل ،
وداير ..منَِّهُمْ .. يَاتُو ..،
تقولى لِى شنو
وتقول لِى منو ،

🇸🇩💚 🇸🇩شركات، ورجال أعمال سودانيين يغادرون الإمارات

أعلنت عدد من الشركات، ورجال أعمال إيقاف أعمالهم في الإمارات؛ استجابة لقرار السودان، من ضمنها مجموعة LQ التي أعلنت في بيان رسمي إغلاق فرعها الإقليمي في دولة الإمارات العربية المتحدة بشكل نهائي، والتوقف عن تنفيذ أي أعمال حالية أو مستقبلية هناك.

وقالت إن هذا القرار يأتي كرد مباشر؛ على الهجمات الشرسة والممنهجة التي تتعرض لها السودان، والتي تتنافى تماماً مع قيم الوحدة والاحترام والسيادة التي نؤمن بها ونعمل على تجسيدها.

وقالت إن التزامها الأول والأخير هو تجاه شعب السودان، وشركائه الذين يشاركون رؤيتها للنمو والكرامة والحفاظ على الهوية.

وأعلنت شركة رحلة – Rihla عن تعليق كافة أعمالها وأنشطتها في دولة الإمارات العربية المتحدة، وذلك تماشياً مع الموقف الرسمي للدولة السودانية، وامتثالاً لقرار مجلس السيادة السوداني القاضي بقطع العلاقات مع دولة الإمارات.

وقالت في بيان إنها تؤمن بأهمية الإلتزام بالسيادة الوطنية واحترام قرارات القيادة السودانية، وانطلاقاً من مسؤوليتها الوطنية والأخلاقية في الوقوف مع توجهات الدولة.

وأعلن الشاعر السوداني مصطفى يونس، تخليه عن الإقامة الذهبية التي منحت له في الإمارات، وقال في منشور: كل الناس القريبين لي عارفين أني قبل كم شهر كان قدرت اتحصل على منحة للإقامة الذهبية في الإمارات و حرفياً انا طول الفترة الفاتت دي كنت شغال وقدامي هدف واحد أني أسافر وآخد الإقامة وأشوف حياتي هناك، الليلة و بعد الحاجة الحاصلة من الامارات أنا قررت أتخلى عن المنحة دي والرزق بيد الله أهم لي وطني من أي حاجة تانية، عمري ما حكون في دولة بتسفك دم أهلي”...










قناةكرري
https://t.me/kraray224466https://t.me/kraray224466

إلي مزبلة التأريخ، كلهم كيزان ملعونين خربوا دول الخليج كما يفعلون في السودان.

بريمة

الاخ هاشم
ارسلت لك رسالة في الخاص ..الماسينجر ..

Quote: ارسلت لك رسالة في الخاص ..الماسينجر .

ابو السارة . تم الرد .






نصر من الله وفتح قريب

Quote: كلهم كيزان ملعونين خربوا دول الخليج كما يفعلون في السودان

Look, who's talking
يا لك من حرباء