# دَعُوها فَإنَّها مُنْتِنَةٌ #

07:58 AM May, 04 2025

سودانيز اون لاين
دفع الله ود الأصيل-
مكتبتى
رابط مختصر

عُنصريةٌ مُقنَّعةُ £
{1}
(من القِناع و ليست من القَناعة التي هي كنزٌ لا يَفنَى).
▪ خَيْتُ وجب افتراعُه مِنْذُ زمان في ظرفنا الراهن المحيط.
حيث لا تزال تُثار نعرات كهذه منذ قديمٍ على منصاتٍ شتى لىفة
( التناصل اللا-اجتماعي) عبر أثير الأصافير و قبل سنين عدداً من
انفصال جنوبنا الحبيب ولا يزال يترنح كطفل رضيع تم نزعُه عدوانان
و ظُلمن من ثديأمه . و كم خشينا و لا نزال نخشى من تبعات و تداعيات
ما آل إليه حالنا اليوم من تمايُزٍ بغيضٍ و (تمركٌزٍ و تهميشٍ) بين أبناء
جٍلدةٍ واحدةٍ و ترابٍواحدٍ ، تاسيساً على صفاتٍ و مزايا واهيةٍ تُطلَقُ
جُزافاً هنا و هناكبحكم عرقٍ أو دينٍ او سحنةٍ أو خلفيةٍ
ثقافيةٍ أو جهويةٍ و حيثُ:( كلُّ زول عاجبو الصَّارُّو ،
و كلُّ حزبٍ بما لديهم فرحونَ).

♧ اللون الخمري ليلة .. و الخد الزهري ليلة£
♤ كدي خلينا بعد البسملة نخش بكراعنا اللِّمين من بوابة
تناولنا المِشاتر لألوان بشرتنا بتصنيفاتٍ ما أنزل الله بها من سُلطان
♤ و لنا في الألوان طشاشٌ أيها الأحباب ألوانَّا جايطة شديد يا شيخ،
تلقى زولنا أخدر ليموني و كمان بغنوا ليه:"زولي هوي .. زولي اللخدر
كان شفتو بخَدَر .. الشوق فوقي زاد قليبي أصلن راد..و إن فات بلا
ميعاد بتوشح السواد..أسامر النجوم..همي البِقا لي زاد ..
يا زولي هوي منايَ ترجع ليَّا يا مشنق الطاقية "

♧ اللون الخمري ليلة .. و الخد الزهري ليلة£
▪ حدثنا الوريف المُتجهجه الاُممي / هتركة عن أبيه عن جده
كابرن عن كابرٍ نقول: في التوصيف زول أخدراني طويل كده .
و دا زول أخدراني خدرة زرعية نااااعمة كده. كان ذلك بمثابة دلالة
وسامة في عصور ما قبل الفسخ و الجلخ والقلع الطالع لينا في اليومين
دول . لاكين برضو كان عندنا زول أصفر و زول أحمر نوع الحمرة
ديك (الأباها المهدي) و بصراحة مانا عارفنو ظاطو أباها ليه، كونو
مسلن لو قالو اللباها ود تور/ شين خليفة المهدي بتكون يعني
منطقية ومبلوعة شوية .. سوداني أسمراني أزرقاني(جملكَّة)
و زول تاني لحم أبيض متوسط!

♧ اللون الخمري ليلة .. و الخد الزهري ليلة£
مواصفاتنا في جوازات سفرنا الظهري القديم مسلن:
الطول 5 قدم و 6 بوصة ، و لون الشعر أسود قرقدياً كان
أم فلفلياً أو سبيبياً. و لون العيون عسلية مع إنو كل غنانا في
العيون السودا هوى العيون السودا .. و أحب السمار في خدودا
● و اللون الأسمر قالوا خمري .. اللون الخمري ده هومفروض
واحد و لا بختلف حسب ماركة الخمرة هسه الويسكيل مسلن لونو كستنائي
زي الشفق عند المغ ارب (طبعن لا نفتي و معانا كرستلاوةي) و الجن
(قام زُت) لونو بياض الثلج ، هل لونو زي مريسة دُخن و لا مالكم كيفَ
تحكمون يياخي؟؟ الزول السمح و اللون القمح و بالجد دي ماركة
مسجلة أصلية و تايواني (موش صيني)

♧ اللون الخمري ليلة .. و الخد الزهري ليلة£
●بصراحة إلا بس السواد الكالح مظلوم معانا ،
قاعدين نتزاوغ منو ..ما عدا كجراي حين قال :
يا قطعة ليل في لوحة.. تتجسد أنثى زنجية
يا شهقة أعصابي الحيرى يا لذعة نار قدسية
الباذنجان الأسود ..في نهديك ثمار برية
حيثُ كان ذلك على سبيل الغزل المُستباح
● ثم الطيب محمد سعيد العباسي حين قال لفتاته الشقراء:
فلماذا أراكِ ثائرةً .. و علام السِبَابُ يضْطَرِدُ
والفراء الثمين منتفضٌ كفؤادٍ يشقى به الجسدُ
أَلأَن السّواد يغمرني .. ليس لي فيه يافتاة يدُ
و كان هذا على سبيل الاحتجاج و التذمُّر .
● لكن عمنا خليل فرح كتب و لحن و غنا :
صَبّـغْ الخـدين حُمرة .. بعد ساعة بتشوف صفرة
الاصفـرار ده كتيـر أخجلـوك يـا أميـر ولّا نُمّــت نهـار
فلو أرجعنا الاحمرار إلى الخجل فهل يكون الاصفرار
من نصيب تعسيلة القيلولة بالنهار و لا ما هل ؟!

♤ إذن الخد الزهري مرغوب.. لكن ما هو
اللون الظهري و الذي يطلقونه على اللون الأزرق إذا ما
كان غامقاً كحلياً، يمكن جاي من لون الظهرة حقت الغسيل.
ومفروض الظهرة زاتا كُحلي حسب تصنيفاتنا ا لحوصاء مع
إن الكُحل مفروض سواد الليل الهادي يذكرني حبيبي الجنناناااي
أما الازرق إذا كان فاتحاً أو باالأحرى فاقعاً بنقول عليهو (لبني) ؛
في حين و اللبني زاتو مرات بكون لبني فاتح.
▪ طيب، بما أنو قمحي منسوبة للقمح ، إذن اللبني مفروض تكون
من مستقات بياض اللبن ، حسب دايناميكامنطق الأشياء ؛ ولًّ مُوش
كدي يا حمودي خوي¿ الله يرحمك !!و كمان عندنا من المستورد
لون فوشي و لون بصلي و لون بتروليو أقصى درجات
السغافة لون (بيربل ( دا أظنو بنفسجي) .

▪ ود أخوياً لينا حنكوش مولود و متربي في بلادِي برة.
فمرة فطر معانا فطور رمضان في حلتنا أم صفقن عوراض و ليست
(حشرو عباس ) كما يحلو التندر بها على لسان عمنا جقود طافنشي .
▪ أها الجنا أكل معانا كسرة دبليبة لُقمة عيش ود عكر ، و كمان بي ملاح
لوبة عفن و كمان وكتين الملاح قصَّر و انكطع في يدينا ناولنا جدي الإبريق
تماها باركا لينا من موية الوضو. فالجنا قام بالله مطفر متل الملدوغ !! يا زول
مالك قول : بسم الله و كمل أكلك. قال: أكمل شنو ياخي و عمك دا غسل فيها
يدينو المشققات عديل كدا ؛ و ما فاضل إلا يكطع الجُمار!! أها لامن مشى
لناس أمو و أبوه بيحكيقال ليهم: المتخلفين ديل أكلونا ليك عصيدة
بس موش بيضا زي بتاعت (ماما)دي مختلفة لونا (بيربل)
و عاملين عليها (طوبنغ) بي صوص كدا لونو بيجي!!
▪ فبالله عليك ولدنا الطريفي ما ليه حق وكت العربي محمد
موسى في مسرحدبي قال ليه حيي الجماهير ديل؛ قعد
يتلفت جاي و جاي و قال: أحيييي أنا ☺

● ذكرنا أنو اللون الأسود الأبنوسي الفاحم هو الوحيد
المظلوم في عرفثقافتنا و أدبياتنا كظلم الحسن و الحسين من بين
بانوراما الألوانو التي يلاحظ سعيُنا اللاهث للتفنن في اختراعاتها ، ليس
إلا دليلً دامغُ لا، بل إنه عرض نفساني لرهابنا من وصمة عارالسحنة السمراء.
وهو ما يفسر لنا ظاهرةً لافتةً هي أننا مصنفون بأننا الشعب الأكثر انفاقاً
من قوت يومه على كريمات طلاء لتفتيح البشرة وآخرى لتشتيح الأفخاذ.
لدرحة الواحدة من دول تكاد تغير ملامح خلقتا لامن تبقى متل عربية
مشفشفة بعد أن يفلح أوباش ال 9 طويلة في تمويها بي بوهية جملكة.
و ذلك لشعورنا بأننا مشيقحين (خاتفين لونين) ، لانا راضيانين
ب(رأس) زنجية جيراننا الأفارقة ،ولانا لامين في التشبث
ب(ذيول) خيبات الأمل العروبية بامتياز.

♤ هذا يقودنا مباشرتن إلى النبش مراراً و تكراراً في
قضيةٍ سبق لنا و طرحناها هنا تحت عنوان " عنصرية
مقنعة"من القِناع و ليست من القَناعة التي هي كنزٌ لا يَفنَى).
▪ موضوع وجب طرحه مِنْذُ زمان في ظرفنا الراهن المحيط.
حيث لا تزال تُثار نعراتٌ (منتنةٌ) كهذه منذ قديمٍ على منصاتٍ شتى
(للتناصل اللا-اجتماعي) عبر أثير صرير الأصافير و قبل سنين عدداً
من انفصال جنوبنا الحبيب. و كم كنا نخشى مما آل إليه حالنا اليوم من
تمايُزٍ بغيضٍ و (تمركٌزٍ و تهميشٍ) بين أبناء جٍلدةٍ واحدةٍ و ترابٍ واحدٍ ،
تاسيساً على صفاتٍ و مزايا واهيةٍ تُطلَقُ جُزافاً هنا و هناك بحكم
عرقٍ أو دينٍ أو سحنةٍ أو خلفيةٍ ثقافيةٍ أو جهويةٍ و حيثُ: ( كلُّ
زول عاجبو الصَّارُّو، و كلُّ حزبٍ بما لديهم فرحونَ).
و كمان. حلاة يقولو ليك نحنا و نحنا و ع لى قولت
الكوز داك المعفن قاال إيه قا تعالى في مُحم تنزيله
" العارف عزو مستريح، قال!!

تحياتي وتقديري،

Quote: تمايُزٍ بغيضٍ و (تمركٌزٍ و تهميشٍ) بين أبناء جٍلدةٍ واحدةٍ و ترابٍ واحدٍ

وقد صدق رسولنا الكريم سيدنا محمد صلى الله عليه وآله وسلم حينما قال:

{إنَّ اللَّهَ زَوَى لي الأرْضَ، فَرَأَيْتُ مَشارِقَها ومَغارِبَها، وإنَّ أُمَّتي سَيَبْلُغُ مُلْكُها ما زُوِيَ لي مِنْها، وأُعْطِيتُ الكَنْزَيْنِ الأحْمَرَ والأبْيَضَ، وإنِّي سَأَلْتُ رَبِّي لِأُمَّتي أنْ لا يُهْلِكَها بسَنَةٍ عامَّةٍ، وأَنْ لا يُسَلِّطَ عليهم عَدُوًّا مِن سِوَى أنْفُسِهِمْ، فَيَسْتَبِيحَ بَيْضَتَهُمْ، وإنَّ رَبِّي قالَ: يا مُحَمَّدُ، إنِّي إذا قَضَيْتُ قَضاءً فإنَّه لا يُرَدُّ، وإنِّي أعْطَيْتُكَ لِأُمَّتِكَ أنْ لا أُهْلِكَهُمْ بسَنَةٍ عامَّةٍ، وأَنْ لا أُسَلِّطَ عليهم عَدُوًّا مِن سِوَى أنْفُسِهِمْ، يَسْتَبِيحُ بَيْضَتَهُمْ، ولَوِ اجْتَمَع عليهم مَن بأَقْطارِها -أوْ قالَ: مَن بيْنَ أقْطارِها- حتَّى يَكونَ بَعْضُهُمْ يُهْلِكُ بَعْضًا، ويَسْبِي بَعْضُهُمْ بَعْضًا.}

والمَعنى: فَلا يَستبيحُ عدوٌّ منَ الكُفَّار بَيْضتَهم، ولوِ اجتمعَ على مُحاربتِهم أعداءُ المسْلِمين جميعًا، حتَّى يَكونَ بعضُ المسْلِمين يُهلِكُ بعضًا آخَرَ منهم، ويَسبِي ويَأسِرُ بَعضُهم بَعضًا، فإذا كان مِن المسْلِمين ذلكَ تَفرَّقَت جَماعتُهم واشتَغَلَ بعضُهم ببَعضٍ عن جِهادِ العَدوِّ، فتَقْوى شَوكةُ العدوِّ ويَسْتولى عليهم.

فنحن عدونا الاول داخلي، وليس خارجي.

نسأل الله أن يكشف كل الغمة وأن يولي من يصلح ويعدل ويطور ويحرص وينمي ويحمي ويحرس.

♧ لست مجنونًا، و لكن جئتُ رغم أنفي £ (: دفع الله ود الأصيل)
♧ حجوة عصمان ود الكويس£
----------------------------
●حدثنا أخوا هتركة عن أبيه عن جده كابرن عن كابرن. قال و الذمة
على الرواة عندنا جارن لينا اسمو/ عصمان ود كويس.. و الله سحي ، أنا
غايتو كويس دي لا عرفناها كُنية و لا لقب و لا ولا هو فعلن كويس !!
المهم ود كويس ده زول ما شاء الله عليه كفاءة جد و مكمل التعليم ، علا باقى
مشكلتو متردد في اتخاز غراراتو المصيرية الحاسمة ؛ فلو عايز يشتري مسلن
قزازة بستي كوليا الواحدي دي ساي من بغالة ساي لازم يعمل دراسات جدوى
ولا - جدوى و تحليل أفقي و رأسي للناتج الغومي المحلي و. فعادي جدن ممكنتلقاه
شايل قلم ورقة و آلة حاسبة و علبة هندسة و يقعد يحسب و يجازف لإبجاد المركبات
البايو لوجية و لا كمانبتروكيميكال للأحماض الأمينية الداخلة في تصينع وإنتناج
المشروب السحري نفسوو كذلك الأثرالعضوي اللون البني المايل للغمَقان
على الخلايا الجذعية لدماغ المستهلك الآدمي.ولاي جد!!
●ود كويس لما مات خالن ليو اسمو عِبدله خلى ليو قريشات ورثة يعني نصيبو منها
طلع زي خمسين ألف بالجديد و ده طبعاً في زمنا دا كان مبلغ محترم تمامن،أفتكر لو شغل
مخو كويس في وكتو كان يعمل بيو مشروع استثمارييطمن باقي حياته. تلاته شهور كاملات
قضاهن ود كويس بسأل كل زول يلاقيه الغاشي و الماشي (السلع و الأصناف القالبة في السوق
الأيام دي شنو).. و طبعن مع كل إجابة لازم يرجع للورقة القلم و علبة الهندسة و الآلة
الحاسبة يوثق كويس..ما طبعن زول علمي و منضبط خالس.
● المِهم بعد مرور 03 شهور على التلاته الأولنيات و حوالي تلاتة و تلاتين
دراسة جدوى كدي، ود الكويس قرر يشتري أمجاد ماركة داماس لونها ( كحلي)
لعدة أسباب من ضمنها البعد النفسي زاتو للون الليلى و هادي . وكمان ستة شهور
تاني و ود الكويس يدرس في عروض العربات المقدمة ليه و علبة الهندسة و القلم
و الورقة و الآلة الحاسبة زادن أدوات وتقنيات زكاء استناعي تانية زي نظارة
مسحان ضوئي و غوغل ماب (GPS) و عوعل إيرث. زول علم يا جماعة
ود كويس ماتنسو الحكاية دي مهمة جدن.

● بعد مرور سته شهور تانيات على الستة شهور العولانيات و زي خرتمية
عرض و دراسة جدوى وجد رسيود كويس على العرض المناسب؛ و النصيحة
العربية كانت مووووبالغة..و بمعاونة علبة الهندسة و الورقة و القلم و باقي
الأدوات و اللزي منو ، بدأ ود كويس مفاصلات صفقة القرنالبيع و الشراء
بي يفتح الله و يستر الله و( البيعان على الخَيار ما لم يفترقا؛ و كدي).
~ أها ، عايز كم في الأمجاد دي يا مولانا؟ يا زول الجنا
بسميهو أبوه قول كلامك.
~ أسمع أنا كلام السماسرة ده ما بنفع معاي إطلاقن أنا أول
ما بديت أفكر في مشروعى ده كانت زي عربيتك دي ما بتساوي
أكتر 30 ألف لاكين أنا عشان تضريبالحسابات ضيعمني زمن و هي
الحديدة بصرامة نضيفة؛ أها بنديك ال40، كيف معاك؟
: 40 شنو آ زول هه
~ 40 مليون
: يااعمك عليك الطلاق الكلام ده كان زمان والله حسة قروشك
دي ما تركبكعجلة رالي.. و لا أقول ليك حاجة و الاه ظنيت دحش
مكادي بهنق وعندو دبرة في نص ضهرو ما برضى بيهن.
● الشاهد : الآن بال50 مليون ود كويس بقن ورق نافع نوهاي
و مو قادر يشتريبن غير آله حاسبةجديدة ساينتفيك جديدة
لنج صيانتففيك خالس ولاي سحي!!!
☆ ملحوظة بعد دلقة لون و تكية خت:-
------------
القصة خيالية كطع أخدر، و إن تشابهت أحداثها مع الواقع.
☆تخريمة بالدرب التحت: ثمح كويس جدن و ما بطال خالس يا هتركة،
عمنا ود الكويس دا( بالمواصبة منتشرعندنا الاسم لدرجة لو ناديت يا ود كِويس
يجيوك 20 مُتلاب يتقامزو متل لو قلت يا كيس في الملجة) ثمع أها عمنا ود الكويس
دا لو أها كونو مسلن يعني لو يوم بطنو كركربت و ماصتو ساي و نزل من مواثاات
(عفينة) الشيخ عوض الجيد، و فللي على حمامات السوق السغير ديل البشمولن
لي(مقضات الغرد) فيهن بقت بالتسعيرة منيو عديل كالعاتي :
20ألف/ خفيف موية عادي
30/ كَبابات إسهال بحتروب؛
40~50/ متقلات هيفي ديوتي حسب درجة الكثافة،
مع مفرقعات ثانيأوكسيد اللعوتيك ؛ تتفجر في مواقعها
الطبيعيةو (ساحات فداها).المعني في الحالة دي عمنا ود
كويس آلتو الحاصبة الصيانتيفيك دي بنتفعو لي تحليل
بكتريا «عفن الخبز و الخاببز» و لا ينقعا و يشرب
مويتا و يشمر يهُبر برة قل دراسة جدوى قال.