و ما معروف الحالة بتمشي كدة ؟ مع إنو البلد متروسة تِكْنوقراط* ؟
جهْلاً يُكال مرة بالكيلة و مرة بالملوة مع إنو العِلِم جُوّانا فات .. قَطَع أشواط و العزة نامت بس في عيون غِنوة و النخوة تاهت في هزة سيف و نقرة طبلة و عروق الإنْتِما زي نَتِف مُلْقاط مجاديف السياسة و دفة مراكب البلد متوهِّطة نص بحر الَّلوْلوة يا خوفنا من بحر الفوضى و الإفراط
*** متروسة القواسيب بالعزة و النخوة و خناجْر الضلام أنْماط : واحْداً بالجفير محفوظ .. و واحْدا باللسان ملفوظ... و زولاً بي واحْداً سنين مطبوظ... و الدنيا جنا الأعمال و ماها حظوظ راح زمان الدهشة و الحِجوة و جانا زمن نص النهار يطير وطواط *** ( بعد طلاق الغابة و الصحراء ) و ما بين بَيات الغفلة و الصحوة نتباكى من شان حليب مسكوب و نصقع جَرْة ال في الجبين مكتوب : ونكورك : ( متين يا علي تكبر تشيل حملي؟ ) حياتنا ديمة كدة : لا غالب ولا مغلوب مرة ال في يمين يبقى يسار ( و كلام الليل يمحوه النهار ) و ديمة ال قَلَب هُوبة ما بِكون مقلوب
و ما معروف الحالة لمتين بتمشي كدة ؟
( ربما حتى يلِج الجمل في سَم الخياط )
Post: #2 Title: Re: متل ال تكنو تكنوقراط Author: walid taha Date: 04-22-2025, 06:52 AM Parent: #1
تحياتي اخي العزيز وليد مشكور على المرور البهي هذا المنبر هو الرئة التي كنا وما زلنا نتنفس من خلالها عبق البلد رغم كل الاعاصير والزوابع حفظكم الله وحفظ السودان واهله
أخي العزيز طلحة تحياتي وتقديري مشكور على المرور الكريم فعلا العود أحمد حفظكم الله وحفظ السودان واهله هذا الحوش الماهل يشعرنا بان حبل الود موصول رغم التشتت الذي حدث للسودان واهله دمتم
Post: #6 Title: Re: متل ال تكنو تكنوقراط Author: walid taha Date: 04-24-2025, 11:32 AM Parent: #1