عايز لي زول قاريها صاح وبروف سياسة يشرح لي عدم إعلان موت حميدتي حتى الآن ؟؟؟؟؟

11:38 PM April, 11 2025

سودانيز اون لاين
توفيق عيسى مكي-
مكتبتى
رابط مختصر

؟
!!!
؟

مات دي بالرجالة ؟ البينة على المدعي

ايوه مات 99% من سكان الكرة الأرضية عارفنه مات
وبيتابعوا في المسلسل الكوميدي بتاع اقناع الهبل بتاعنه انه حي

دايرين يقرضو أتباعه عشان ما يطالبوا بحقوقهم من مشغلهم.
مجاهيل مواهيم طاشمين وطاشين ومجهولين، ولا لهم وجيعين.
____

ما أعلنوا عن موته في البداية لانه كان الراس المنفذ للمشروع بتاع احتلال السودان
واذا قالوا راس الشيطان قتل من الايام الاولى فده يعني انه المشروع كله مات
وطبعا لان كلابه كلهم بهائم ومشعوذين فالامارات استغلت حميتهم الغبية لقبيلة حميدتي وخلوهم يصدقوا ان هو البدير المعارك معهم
زي التعايشي زمان لمن قال لجماعته نموت هنا .. وبعد ما شافهم ماتوا بالجملة قالهم نبي الله الخضر غير مكان المعركة وانا ماشي في دربه
نفس فكرة اعادة التموضع بتاعة الكلاب الحالية

ماقلنا البينة على من ادعى، ولا الشغلة بالمزاج زي الغزالة القالت للمجاهدين اضبحوني ؟

ما قلنا ليك دي ما محتاجة بينة
طب في صحراء الربع الخالي اطرش واعمى عارف انه مع نكير

دي أمنيات الكيزان

Quote: دي أمنيات الكيزان

اشمعنا يعني يا الصديق الزبير الكيزان من دون الناس بيتمنوا موت حميدتي؟
يعني لو في واحد من الملايين العذبوهم وشردوهم وانتهكوا حقوقهم اتمنى الموت لحميدتي طوالي يبقى كوز؟

وإنت ليه ما بتتمنى موت حميدتي؟ موش موت حميدتي ممكن يقصر زمن الحرب؟
ولّ إنت شايفو حميدتي الضكران الخوف الكيزان؟

يا توفيق حميدتي حي ولا حتقدروا تعملوا ليهو حاجة وكفيلو الإماراتي جابها ليكم من فوق مع ترامب وخلينا من علف القطيع ده، نركز في المفيد الدول صاحبة الكلمة في الملف السوداني رتبت خروج الدعامة في أمن وامان بكامل أسلحتهم ومعداتهم من الخرطوم عن طريق جبل اولياء والجيش يعاين ليهم بس لحفظ ماء وجه البرهان قبل تنفيذ الاستحقاقات المطلوبة منه. الاسئلة الحقيقية المحتاجه اجابة بدل حميدتي حي ولا مات هي:
- الفاشر على وشك السقوط وواضح أن الجيش ترك المشتركة تواجه مصيرها لوحدها، فهل يعني هذا ضمنا قبوله بانفصال دارفور عمليا؟
- ترتيب المجتمع الدولي مع البرهان يقضي انهاء ارتباطه مع الكيزان، فهل هو مستعد لتحمل عواقب هذه الخطوة؟ خاصة وان لواء البراء استبق الخطوة برفع تعداده الى فيلق غير إطلاق سراح بكري حسن صالح ويوسف عبدالفتاح وظهور الكيزان العلني لقطع الطريق على البرهان
- مليشيات كيكل والتقراي ومسيرات تركيا وايران وطيران السيسي ديل كلهم ساعدوا البرهان وطبعا بمقابل، السؤال هل لدى البرهان القدرة على الرفض؟ وطبعا حله الوحيد هو بيع ماتبقى من اراضي وموانئ السودان وأصوله الاستراتيجية
- ماهي خطة البرهان لإعادة إعمار مادمرته الحرب؟
- كفاءات البرهان المدنية خبرها شنو؟

هههههههههه
يا طارق عبد الله ياخي الامباز الرسيته فوق دا منتهي الصلاحية وتم استبعادو من السوق.
انصحك بعدم تناوله لأنو نسبة السموم فيهو عالية جداً وقد يسبب اضرار كبيرة للمخ.

قال علف قال.

قلت لي ده كلو امباز منتهي الصلاحية بلد على حافة التقسيم ومليشيات ماعندها اول ولا اخر تتربص ببعضها واقتصاد مدمر والمهم حميدتي حي ولا ميت :) طيب ياحبوب مات وشبع موت عشان ماتزعل (حتى لو بدون دليل)، لكن الواقع الدعم السريع كسب الحرب التي دخلها مجرد مليشيا وطلع منها حاكم إقليم يمثل شبه دولة كاملة وممكن يتطور الامر لدولة فعليا اذا انفصلت دارفور والطرف الثاني البرهان وزمرته ذهبت السكرة وجاء وقت دفع الفواتير ومواجهة استحقاقات الحرب العبثية التي اشعلوها على اساس أسبوع أسبوعين. المهم اسئلتي دي شئت ام ابيت لابد من التعامل معها ولا يجدي معها شغل دفن الرؤوس في الرمال وتشتيت الكورة الشغالين بيهو انت وصاحب البوست

Quote: طيب ياحبوب مات وشبع موت

طيب السؤال قايم
زول يشرح لينا عدم إعلان موته للآن

جواب السؤال هو عنزة ولو طارت :)

إنت يا طارق عبد الله بتبلع الامباز وتطرشو وما عارف محتواه؟
امبازك الأنا علقت عليهو اصلاً ما فيهو حاجة عن حميدتي وموتو او حياتو.

المهم يا زول: قحت/تقدم فكت ليها برسيم جديد.
حصل السوق واضرب البرسيم الجديد وخليك من امبازك القديم دا.
واعمل حسابك، برسيم قحت/تقدم الجديد ما بتهضم مع امبازك القديم.

يا حافظ علف قحت علف السرور، البقولوه بحصل حذروا من انقلاب البرهان قبل موعد رئاسة المدنيين للسيادي وحصل، حذروا من الحرب بين أطراف المكون العسكري وحصل، قالوا الحرب مافي حسم عسكري ليها والمتضرر هم المواطنين وحاصل، قالوا لو طولت حتتقسم البلد وحاصل ولعلك تذكر كتابتي لبوست عن الموضوع ده قبل شهور وهاجمني ناس ضمنهم انت على اساس بل وبس وهسي شايفين الحاصل بعيوننا، لكن علفكم بتاع أسبوع اسبوعين ومشتركة فوق ومعركة الكرامة ده كلو طلع مضروب ومخمر لمن عفن زاتو… تاريخ السودان مابدا مع الحرب دي وأسلوب الردح في الجنجويد وقحت وستوب على كده وتصوير المسؤول الاساسي عن هذه المأساة وهم قيادة الجيش و سادتهم الكيزان انهم أبطال ومحررين ده كلام فاضي، متفهم انك ككوز او متعاطف معاهم على الاقل حسب ما يفهم من كتاباتك مشكلتك مع الجنجويد بس انو طلع من الخط المرسوم ككلب حراسة وان مواضيع القتل والنهب والاغتصاب وغيرها دي ما مشكلة بل انها سبب تكوينه أصلا، لكن بتكره قحت لانها قادت الحراك الخلاكم تدخلوا الجحور بدل فرعنة ما بنسلمها إلا لعيسى وزلتكم لدرجة أنكم بقيتوا مضطرين تتعاملوا مع صعاليك مثل البرهان والعطا وال دقلو (قبل الانفصال) من وراء الكواليس بعد أن كانوا مجرد موظفين عندكم ياخدو تعليمات، ولو الجنجويد رجع بترجعوا حبايب على قول سناء حمد البتعمل محاسبة لقيادة جيش الكرتون نقعد مع حميدتي ولا نقعد مع تقدم. نرجع لموضوعنا الدعم السريع ابتلع دارفور خلاص انتهينا، وما اظن دي بتهم الكيزان كتير. السؤال هو انت ككوز تصورك شنو؟ ترجع تحكم بوجه مكشوف مستحيل والكل لفظكم داخلياً وخارجياً، وعلف الانتصارات وتحرير الخرطوم شغل المواطنين إلى حين لكن بعدها حيرجع لاسئلتي الفوق العملت رايح منها دي، والمجتمع الدولي الرتب مسرحية الخرطوم دي وقبلها خروج البرهان من القيادة عندو مطالب منتظر تحقيقها وما حيصبر كتير، الإمارات والسعودية مادفعوا التريليونات لترامب ساي وموضوع السودان داخل في الديل. قروش وكملت والبلد اتدمرت يعني تحكم خرابة؟ حتى مابقى فيها شي يتلهف، والخائب التاني برهان ملاوز منكم وعايز يتخلص منكم عشان حلم أبوه والميليشيات دايره البلف يفضل مفتوح ومافارق معاها شي، نحلها كيف؟

المهم ماتزعلوا انت وصاحب البوست حميدتي مات والدنيا ثبات ونبات، وغلطانين ما اعلنوها امسحوها في وجه الجيش!!

Quote: السؤال هو انت ككوز تصورك شنو؟ ترجع تحكم بوجه مكشوف مستحيل والكل لفظكم داخلياً وخارجياً

هههههههههه
يعني هو إنت اتنازلت عن الجيش كلو للكيزان، بقت علي أنا؟

يا طارق ياخي أنا زول مشهور بوقوفي ضد نظام الانقاذ، بكلامك دا بتفضح جهلك بتاريخ الثورة وتاريخ النضال ضد الكيزان.

Quote: متفهم انك ككوز او متعاطف معاهم على الاقل حسب ما يفهم من كتاباتك

الفهم قسم، وإنت فسمتك ياها الامباز الكعب القاعد تضرب فيهو دا.

زول كتاباتك كلها رامي الشغلة في قحت الماعندها بندقية ولا طلقة ومن يومها موقفها واضح من الحرب ولاقلت بغم في الجيش البفرخ ملايش زي الارانب وفاتح المجال لصعاليك الكيزان الدجالين الواحد يجيك ممسح وناير التقول عريس ما محارب يعملوا لايفات فيسبوك من مواقعه العسكرية!! حتى الجنجويد ما بتجيب ليهم سيرة ومشكلتك كلها قحت، عايزني افهم شنو؟ بالمناسبة عندي خلافات مع تقديرات قحت السياسية في مواقف كتيرة لكن ما بشكك في وطنيتها ولو كانوا طلاب سلطة كان وضعوا يدهم في يد البرهان وفوروكم يالكيزان وهو بالمناسبة ده منى عينو وكلامي معلومة وليس تحليل لانه لايزال على تواصل معهم بالسر عن طريق كباشي لانو عارف ان قحت هي الطرف المعترف به دوليا كممثل للثورة ولو اتفق معاها حتفتح ليهو أبواب العالم النضيف بدل الكيزان المنبوذين المطاردين باتهامات جرائم الحرب ولا ناس اعتصام الموز المابفكو الخط وياهو اخرو زي المخلوع حدو يزور مصر وجيبوتي والصومال ودول الخليج حدو فيها يقابل ناس السكرتارية! لكن قحت رفضت وكانت مصممة على استكمال لبنات بناء المؤسسات من مجلس تشريعي ومحكمة دستورية والتي كان يعطلها البرهان تحت ضغوط الكيزان وده سبب الانقلاب عليها لانها بدت تهبش اللحم الحي. المهم ما حنرجع للتاريخ، ورونا شطارتكم مع برهان ومبروك عليكم الخرابة الوصلتو الناس ليها وبعد ده كلو ما حتعمروا فيها

الزول البنتقد قحت ويرمي الشغلة كلها في قحت ببقى كوز؟
ول رمي الناس بإنهم كيزان دي ياها الدفاع عن قحت؟

اللهم إني اعوذ بك من علف القطيع.

اقتباس حافظ "الزول البنتقد قحت ويرمي الشغلة كلها في قحت ببقى كوز؟"

كدي يا حافظ ماتتزاوغ لي سؤال محدد الحرب دي سبب اندلاعها منو؟ وهل انت شايف انو الكيزان بريئين منها وماعندهم دخل بيها؟ وكيف وصلت انو قحت مسؤوله عن قيامها وهي ليست طرفا فيها وليس لها قوات ووجود في الارض عكس الجيش والجنجويد وملايش الكيزان والفكة؟

Quote: كدي يا حافظ ماتتزاوغ لي سؤال محدد الحرب دي سبب اندلاعها منو؟ وهل انت شايف انو الكيزان بريئين منها وماعندهم دخل بيها؟ وكيف وصلت انو قحت مسؤوله عن قيامها

اتزاوغ؟!!! إنت ماك نصيح ول شنو؟
وين انت سألتني قبل كدا وأنا ما جاوبتك؟
وين أنا قلت الكيزان بريئين؟ وين قلت قحت مسؤولة عن قيام الحرب؟

انا كتبت في بوست مجاور

Quote: الفرضيات التي تفرضها قحت/تقدم هي اس البلاء واس الموقف الخاطئ لقوى الحرية والتغيير المؤتمر الوطني احد الفاعلين في هذه الحرب ولكنه ليس الفاعل الوحيد، وللحرب مسببات متعددة ومتداخلة ومتشابكة وتحتاج لبحث ومعالجات.

ومن المقتبس دا بتلقى إجابة لكل اسئلتك.

أما وقد جاوبتك رغم أن اسئلتك ما عندها علاقة بالبوست ولا عتدها علاقة بمداخلاتي هتا،
عندي ليك سؤال متعلق بالبوست وبمداخلاتك فيهو:
بغض النظر عن الحقيقة في كون حميدتي حي او ميت، كل الافتراضات عنه مشروعة وينتج عنها تساؤلات مشروعة
ليه إنت والقحاطة بتحاولوا تقمعوا أي سؤال عن حميدتي وأي فرضية متعلقة يحياته ونشاطه؟
ليه بتقابلوا الأسئلة المشروعة دي بتعالي وبردود استفزازية وبمحاولة الايحاء للسائل بأنه غبي ومغشوش و ... الخ؟

لو حميدتي حي يصبح حميدتي زول لا يملك ذرة رجولة
يترك جنوده في ساحة المعركة بدون قيادة
ويلبد في مكان مجهول خارج السودان!!!!
الذين يفترضون موت حميدتي
يبحثون العذر لغياب حميدتي ليجنبونه عار
عظيم وإن لم يقصدوا ذلك
الموت براهو ما عار
العار يكون ركب حميدتي لو كان عايش
طول السنتين الفاتو

اقتباس "ومن المقتبس دا بتلقى إجابة لكل اسئلتك.أما وقد جاوبتك رغم أن اسئلتك ما عندها علاقة بالبوست ولا عتدها علاقة بمداخلاتي هتا،عندي ليك سؤال متعلق بالبوست وبمداخلاتك فيهو:بغض النظر عن الحقيقة في كون حميدتي حي او ميت، كل الافتراضات عنه مشروعة وينتج عنها تساؤلات مشروعةليه إنت والقحاطة بتحاولوا تقمعوا أي سؤال عن حميدتي وأي فرضية متعلقة يحياته ونشاطه؟ليه بتقابلوا الأسئلة المشروعة دي بتعالي وبردود استفزازية وبمحاولة الايحاء للسائل بأنه غبي ومغشوش و ... الخ؟"

لسه مواصل شغل الخم وطبعا صعب تنكر صلة الكيزان بالحرب فا التكتيك البديل انو المؤتمر الوطني جزء من لعبة الحرب وطبعا قحت معاهو يعني قحت زي المؤتمر الوطني!! ده الداير تصل ليهو في المرحلة الاولى وبعدين قحت كعبة والمؤتمر الوطني ديل فرسان رجعوا لينا بيوتنا من الجنجويد معناها ناس كويسين ومفروض يحكموا واحتمال ظلمناهم لما عملنا الثورة!! باختصار هل قحت لها يد في الحرب من وجهة نظرك ام لا؟ ولو اي يعني تقنعني قحت لعبت كورة بالجيش اللاغف ميزانية البلد من سنة حفروا البحر والجنجويد ناس جبل الدهب والكيزان النشفو البلد 30 سنة وكل الناس دي باسلحتها وتحالفاتها الخارجية كل ديل قحت خمتهم وخلتهم يتفتنوا في بعض ويتحاربوا؟ إلا كن معاهم سوبر مان ولا تنانين مسلسل قيم اوف ثرونز! قول حاجة تدخل المخ يا اخي!

بالنسبة الى حميدتي العملوه الكيزان ووهطه البرهان والجيش ارمي بلاك بعيد،قحت ماعندها دخل بموضوع حميدتي والجنجويد ولقتو واقع مفروض لابد من التعامل معه حتى لو ماعايزو ولا مقتنع بيهو، وجيب لي موقف واحد لقحت او لي شخصيا يدعم حميدتي او الجنجويد ومن يومها الكلام واضح مافي ميليشيا بتحكم دولة، موضوع حميدتي ده مسؤول عنه الجيش والكيزان بشكل كامل وماتنسى انهم لم يحاسبو على ذلك، وهسي شغالين يتملصوا من القصة ويلمعوا ناس كيكل وطنبور وغيرهم يعني باختصار مافي فايدة

نقطة اخيرة محاولة حصر المشكلة في حميدتي او الجنجويد فقط بدون النظر الى اصل المشكلة (الجيش والكيزان) ماحل

Quote: محاولة حصر المشكلة في حميدتي او الجنجويد فقط بدون النظر الى اصل المشكلة (الجيش والكيزان) ماحل

أنت ما مجرد قحاطي داعم للجنجويد
انت جنجويدي راسك عديل

الغريبة يا منتصر جنجويد المنبر ناس بريمة وغيرو مطلعيني فلولي :) حيرتونا معاكم أنا باختصار زول مع المدنية والثورة وضد الكيزان والميليشيات جنجويد وغيرهم وضد مبدأ الحرب نفسه ومع قومية مؤسسات الدولة، صعبة دي؟

Quote: صعب تنكر صلة الكيزان بالحرب فا التكتيك البديل انو المؤتمر الوطني جزء من لعبة الحرب وطبعا قحت معاهو يعني قحت زي المؤتمر الوطني!! ده الداير تصل ليهو في المرحلة الاولى

بقى حوار طرشان يا طارق عبدالله.
عموماً حكاية تكويم كل المختلفين معاك في كوم واحد دي سببها عدم القدرة على تصور إنو في زاوية شوف مختلفة وعدم القدرة على استيعاب طبيعة الإختلاف.
وعموما قصة القحاتة والناس المساندنها تبقى حجتهم في أي نقاش هي وصف المختلف بأنه كوز دي حجة عاجزة وفيها دلالة على الفشل في قبول تعددية الآراء.

Quote: ليه إنت والقحاطة بتحاولوا تقمعوا أي سؤال عن حميدتي وأي فرضية متعلقة يحياته ونشاطه؟

وين ومتين وكيف الكلام دا يا مولانا .. :)