ناشطة تقول: أقسم بالله .. الذبح والقتل للغرابة .. في الحاج يوسف أشد من الكنابي!

01:33 PM March, 30 2025

سودانيز اون لاين
Biraima M Adam-أمريكا الشمالية
مكتبتى
رابط مختصر

حسبي الله ونعم الوكيل.




بريمة

كذابة دي واحدة .....
الحاج يوسف آمنة لا يوجد بها أي انتهاكات كما تدعي.

ول أبا عارف

Quote: كذابة دي واحدة .....

ما حسبتك تتنمر علي إمرأة سودانية .. فقط بسبب شهادتها ..

ممكن تمشي وتتواصل معها .. لو أردت الحقيقة .. أو أمشي لبوست ول أبا الدقم "بدأ قطع الرؤوس" شوف التوثيق.

----------------------------
تصفيات عرقية الأن تجري رحاها في الخرطوم .. وأنا أدين القتل علي الهوية .. الأشاوس قاعدين في الميدان.

بريمة

ول أبا بريمة
دي واحدة تدعوا للفتنة بتلفيقها للاكاذيب
يوميا علي اتصال بالحاج يوسف الناس في أمن وأمان.
البتتكلم دي من سكان الحاج يوسف؟.
قرفنا من الكذب.

الداير يشوف فيديوهات الضبح يمشي حساب Bushra Ali علي منصة اكس
لدرجة انو بعض القراء بطلبوا من بشري ان يمسح الفيديوهات وكل الضحايا مدنيين

دي مجرد دعامية كذابة لاسكنت و لا شافت الحاج يوسف
كل فيديوهاتها تاييد وتشجع في الدعم السريع
وتطلب منهم يدخلوا شندي وبورتسودان عشان يرضوا نفسها المريضة

كذابة دي واحدة .....
الحاج يوسف آمنة لا يوجد بها أي انتهاكات كما تدعي.

اتقى الله يا عارف
تم ذبح ابن خالى ابن 19 ربيعا كما تذبح الخراف وهو من ساكن الحاج يوسف منذ سنوات
لسحنته التى تطابق عرب الشتات فى مخيله العنصريون الجدد

Quote: اتقى اللّٰه يا عارف تم ذبح ابن خالى ابن 19 ربيعا كما تذبح الخراف وهو من ساكن الحاج يوسف منذ سنوات لسحنته التى تطابق عرب الشتات فى مخيله العنصريون الجدد

دي بالغت فيها!

كيف يعني "سحنته"؟

هو كلام وأكلشيهات والسلام؟

هسي الفرق في السحنة بين المسيرية والرزيقات والبني هلبة وغيرهم من حواضن الجنجويد وسحنة أي قبيلة شمالية شنو؟

هسي حميدتي ده ذاته فرقه من أي شمالي شنو؟

محمد صديق هل توافق علي ذبح وبقر بطون المواطنين بالشبهات كما يؤيد الداعشي عمر التاج؟

ول محمد صديق

قبل فترة عرضنا فيديو أبن رجل دنقلاوي، مناصر للجيش يشبه الغرابة، أقسم بالله فتحوا له رأسه بساطور، ثم ذبحوه ثم ولعوا فيه نار في الشارع العام.

وبعد 24 ساعة والده وصله الخبر، قال لم يفرش إذا لم يعرف الجناة.

الشاب كان لابس ملابس رياضية .. لبنية ..

بريمة

يا الدقم، أنا لا أؤمن ولا أدعو إلى قتل النفس التي حرّم الله إلا بالحق، لكن تضخيم حوادث بقر البطون -إن صحّت - وتصويرها وكأنها ثقافة أو نهج أو أوامر من قيادة الجيش لا يستقيم مع واقع الحال.

الصورة المرفقة أنزلها ول أبا محمود .. أقسم بالله الشاب تم ذبحه حتى فصل رأسه من جسده وشايلنه يهللوا به.
والفيديو قاعد وموجود ..

وما يجئ زول لون القاتل يشبه أهل الغرب .. يليس جيش وشايل سلاح الجيش



السودان يشهد تصفيات عرقية فظيعة .. وأي إنسان يقتل برئ يواجه ربه يوم القيامة .. إستعمال سلاح الدولة وقتل الناس علي أساس الهوية لا يخيف أحد من القوات المحاربة ..

بريمة

برضو، يا بريمة، ده ما دليل على استهداف حواضن الجنجويد الموجودين حاليًا في شمال ووسط وشرق السودان.

مثالك ده لو عايز تثبت به حجة الاستهداف للفئة دي معناها الآن ما في ولا فرد واحد منها غير اللي في صورتك دي في المناطق المذكورة وإلا كان حا تكون في مجزرة لن تفوت على العالم الذي يراقب والدعامة اللي عايزين يكبّروا كومهم

هل ما زال في ناس من حواضن الجنجويد في "شمال السودان" ولا كلهم نزحوا؟.

تضخيم ايه يا دكتور صديق؟ شايفك بتحاول تبرر جرائم الجيش عن طريق التقليل من هذه الجرائم، يعني محمد دودي تعزية ساكت ما عزتو وقمت بتسفيه مقتل قربيه من قبل مليشيات تعمل تحت امرة الجيش ضبحت مواطني شرق الكنابي ونشرت فيديوهات بذلك نهارا جهارا ليه جيشك دا ما اتحرك وقام باصدار تعليمات لهذه المليشيات ان تكف عن هذا الضبح وفتح تحقيقات؟ امبارح في بري علي ذمة منصة الراكوبة البراء ضبح مواطنين بالشبهة والفيديو موجود، انت ليه ما عندك الشجاعة الكافية لتدين هذا الجرم؟ في العذبة ببحري تم شحن اكثر من 300 اغلبهم من قبيلة النوبة الي مكان مجهول وجيشك بتفرج، جيشك اساسا ليه يوافق ان يعمل تحت مظلة مليشيات البراء التي طورها واطّر لها اسامة الجعلي احد ابرز قادة تنظيم داعش بسوريا وقتل الرجل في سوريا عام 2017؟ والفديو موجود؟؟ في امبدات تم ضبح المواطنيين من طرف، حتي بعض النساء بس مزاج كدا بقولوه دا دعامي وداك دعامي، ليه جيشك دا ما بسط سيطرته وقام بايقاف هذه الكربلائيات؟ بالرغم من انو نفس النساء كان بشاهدو النازحيين المتهمين معاهم في صف البليلة يتضورن من الجوع، ومن قام بالذبح والسلخ والبقر هم ناس المشتركة الذين يعملون مع الجيش ومع البراء علي ذمة شاهد عيان ارسل افادته للناشط بشري علي المحامي؟؟ يا صديق محمد اما تكون مثل الداعشي عمر التاج الذي اكد علي ضرورة اعدام المشتبه بهم وفي الميدان وفورا ، يا تدين هذه الفظائع بشكل واضح وصريح، مسك العصي من النص ما ظريف، خليو عندكم وضوح ومصداقية شوية!!!!

📌تعازينا للاخ محمد دودي في وفاة قريبه

ياالدقم أنا في نقاشي معاك في المنبر ذكرت "مرتين" أنه الجنجويد قتلوا 11 من أهلي، هل إنتي عزّيتني ولا واصلت في دعم قتلة أهلي.

بعدين إنت، يا الدقم، زول مركّز على القانون شديد، ليه ما تجمعوا الأدلة بالأسماء وشهادات الميلاد والصور والفيديوهات وتنشروها في الإعلام وترفعوها للمنظمات والمحاكم الدولية؟

محمد صديق ما عندي اي فكرة انك فقدت اعزاء من اهلك، واسال الله باسماءه الحسني ما علمنا منها وما لم نعلم ان يتقبلهم قبولا حسنا ويجعل مثواهم جنات العلي وتقبل تعازي الحارة الصادقة
انا من اول اسبوعين قبل سنتين من بدء الحرب دي وفي بوستات احد الاخوات توقفت عن الكتابة منذ اكثر من سنة قلت واقول واكرر وكتبت لا بد من الجنائية الدولية ان تاتي وتحقق مع كل اطراف القتال دعامة ملايش اسلامية جيش ملايش قبلية الخ، وفي ناس قالو لي طيب ما انت كدا قاعد تمهد للتدخل الدولي؟ والجواب التدخل الدولي اصلا حدث وانتهي ولايضير الشاة سلخها بعد ذبحها. ولو عندك بدائل وطنية تستطيع ادانة ومحاكمة كل من قتل، شفشف، سحل، اغتصاب، اي كان نوع الانتهاك ضد مواطن او مواطن سوداني او مقيم بالسودان فليتفضل يفصح لنا عن ذلك، دا كلامي واضح، الامور التي تتعلق بالانتهاكات ما بعرف دعم سريع ما بعرف جيش ما بعرف ملايش، شخص ارتكب انتهاك يتم توثيق جريمته، قاعد جوا السودان يحاكم ،قاعد برا السودان وبحرض ويشجع يطارد بوسائل قانونية انا اعرفها جيدا، نقطة علي السطر.

بعدين، يا الدقم، أنا مش أدين القتل غير القانوني "اللي حصل"، بل أحذّر من المقتلة اللي حا تحصل من ناس موتورين لا جيش ولا أمن ولا جِن ممكن يمنعهم من ارتكاب جرائم قتل غير قانوني في حواضن الجنجويد، عشان كده أنا لا أمّلّ من تكرار أنه "الصلح خير".

عشان كده ما تحاول تظهر أنك ضاغطتني عشان أدين عمر التاج أو غيره.الأخ عمر التاج شخص مستقل بآرائه، وأنا لي آرائي. ممكن يكون في تقاطع في آرائنا زي ما ممكن يكون في تقاطع في آرائي معك أو مع بريمة أو غيركم.

وأفتكر أنا قلت رأيئ بوضوح في مسألة القتل خارج نطاق القانون من أيّ طرف.

وبمناسبة السحنة وكده، غايتو أنا مقتنع تمامًا أنه معظم القبائل التي تشكّل حاضنة للجنجويد ديل أهلنا عديل نحن ناس رفاعة بفروعها المختلفة،. يعني حكاية عرب شتات دي ما شغَّالة معاي. لكن هذا لا يمنع أنه في عربان شتات مشاركين في الحرب دي.

والماهرية ديل تحديدًا وغيرهم من البقارة والحمر والكبابيش ديل أولاد عم رفاعة بالدرب العديل، لكن الظاهر الجغرافيا كان ليها أثر في تكوين الشخصية عندهم واختلاف الثقافة.

كم مرة نزَّلت الكتاب القديم أدناه، الصادر عام 1922. وبرضو سمعت من الأضان للأضان من ناس كبار عندنا لا من الليلة ولا أمس التفصيل الموجود في الكتاب ده بالضيط. ولذلك، الأخ دودي ممكن يقول لكنة، لكن سحنة دي ما أقنعتني.

دي بالغت فيها!

كيف يعني "سحنته"؟

هو كلام وأكلشيهات والسلام؟

هسي الفرق في السحنة بين المسيرية والرزيقات والبني هلبة وغيرهم من حواضن الجنجويد وسحنة أي قبيلة شمالية شنو؟

هسي حميدتي ده ذاته فرقه من أي شمالي شنو؟

يا محمد صديق
ايوه نحن كسودانين نتشابه لكن بنقدر نفرز اقاليم ومناطق بعض يعنى ناس الشرق يستطيعون التفريق بين الهدندوى من ال بنى عامرى ناهيك عن بعض الفروقات بين البقاره والمحس مثلا ...طبعا فى اناس لا تستطيع ان تحدد اقليمهم لانهم يشبهون سكان اكثر من اقليم
لكن ناسك الذين تدافع عنهم لم يقتلوا ابن خالى بل ذبحوه كما تذبح الشاه فقط

Quote: محمد صديق ما عندي اي فكرة انك فقدت اعزاء من اهلك، واسال الله باسماءه الحسني ما علمنا منها وما لم نعلم ان يتقبلهم قبولا حسنا ويجعل مثواهم جنات العلي وتقبل تعازي الحارة الصادقة

الله يبارك فيك.

ذكرتُ هذا في منشور لك قبل أيام. ربما لم تركّز في تعليقي الطويل.

Re: اين الجثث يا مستهبليييين؟؟😊😊😊Re: اين الجثث يا مستهبليييين؟؟😊😊😊

بتهمة متعاون مع الدعم السريع كتائب البراء بن مالك تنفذ اعدامات ميدانية على عشرات الشباب وتمنع أفرادها من التصوير.

الاعدامات الميدانبة نفذتها الكتيبة داخل مناطق جنوب الحزام والعزبة ومناطق واسع من شرق النيل

‎#الراكوبة
‎#الراكوبة_اخبار_السودان

ول أبا دكتور محمد صديق

نسأل الله أن يتقبل من فقدتم فيي هذه الحرب اللعينة التى أفقدت شعبنا خيرة أبناءه. الجرح عميق والأسي كبير، هذه الحرب إمتحان وبلاء من الله سبحانه تعالي، من صبر وأحتسب أجره علي الله وذلك من عزم الأمور.
كلمتي عزم الأمور، وردت في القرآن ثلاثة مرات:
الآية الأولى، قوله سبحانه: {لتبلون في أموالكم وأنفسكم ولتسمعن من الذين أوتوا الكتاب من قبلكم ومن الذين أشركوا أذى كثيرا وإن تصبروا وتتقوا فإن ذلك من عزم الأمور} (آل عمران:186).
الآية الثانية، قوله تعالى: {يا بني أقم الصلاة وأمر بالمعروف وانه عن المنكر واصبر على ما أصابك إن ذلك من عزم الأمور} (لقمان:17).
الآية الثالثة، قوله عز وجل: {ولمن صبر وغفر إن ذلك لمن عزم الأمور} (الشورى:43).

هذه الثلاثة آيات فيها سلوي وتثيب لكل من أصابه مكروه، أنظر خصلة العفو والصفح قال عنها الله من عزم الأمور، فهى خصلة شاهدة علي تمام أيمان من أتصف بها.

بريمة

****

بريمة

تسلم، يا بريمة، وربنا يحفظ البلاد والعباد!

ما زالت قوات كيكل تمارس التطهير العرقى ضد مواطنى الغرب في الجزيرة وشرق النيل.

بريمة