Post: #2 Title: Re: خطاب القائد محمد حمدان دقلو: البندقية مرف� Author: عمر التاج Date: 03-30-2025, 11:35 AM Parent: #1
هههههاي هاكم البل ده و التموضع واعادة التموضع ده بعد ما كنتم اشاوس بقيتوا "حتة متموضعين" ههههه قال صحيح نحن طلعنا من الخرطوم وفي خطابه السابق قال ما حا نطلع من الخرطوم بكسر كلامه بنفسه وبجهه باكات اشاوذه بلسانه اسه نصدق التسجيل ده ولا الاول ؟ على الأقل الاول كان فيه صورة "ارجوازية متحركة" وده انيميشن اسمايل ساكت مافيه هههههه قال ماحصل أي تفاوض او اتفاق، طيب يالكلس ماعصرت على اشاوذك القالوا نحن ما خسرنا .. ناس صديق مهدي والدقم وعبد الرازق وود زينب هنا قادننا مرقنا بي "جدة" وطلعنا بي خوجلي تقصد كبري الجبل بل زي البل وتاني راحت عليهم، وحايصدقونا لمن نقول ليهم لا جدة ولا جدادة، متك بس، تتك وأبنص قال حا نستعيد الخرطوم، وبحري، وجبل موية ، ومدني و ١٨ ولاية ... هههههههههههاي يا عملات ميسرة بوب أنت خلاص انتهيت يا مان، نفس الكلام ده قلته في خطابين هالكين اقصد سابقين.. ونفس الدواء بتاعك ده من نفس الشركة صرفته للاشاوذ في الخطاب السابق، فما زادهم الا مرضا وجربا، فعردوا .. وجروا دنقاس .. هههههههاي أنت يا مان تاني ما حا تستعيد أي منطقة .. بس استعيد نفسك وروحك واظهر لينا فيديو واحد حي مع الاشاوذ اظهر زي مابظهر البرهان والعطا مع الجيش والمستنفرين والمواطن ما شايف البرهان امس اتشرشح لفرسانه في الكعبة والمطار والقصر كيف؟ ههههههههاي أنت انتهيت يا روبوت يا هالك ..
لا وفي البداية قال بسم الله، وعبد الفطر هههه ماقلتوا علمانية، وفصل دين عن دولة اسه حايكون موقفك مع الحلو وابن زايد كيف؟ هههه وكمان قال نهنئ الشعب ، ياتو شعب ده؟ وانت مالك ومال الشعب؟ مش قصورك في العمارات وجبرة والزرق اصلا عملتها من مال الشعب ده قبل ما تتمرد عليه وتهلك تخليه؟ طيب عايز من الشعب شنو تاني؟ مش كان افضل على الأقل تهنيهم بعودتهم الظافرة لبيوتهم في الخرطوم ومدني، بعد ان هرب منها كلابك الاحتلوها ونهبوها وشردوا مواطنيها لمدة سنتين.. هههههههاي ده أنت بقيت مسخرة يا "قدع".. وتاني خطابات زي دي أي شافع روضة من رياض الخرطوم او مدني ممكن يعلمها .. بلا خطاب بلا اشاوس بلا بطيخ معاك.
.. طبعا هنا ما نسيت أمارس حقي في الديمقراطية وانزل الفيديو التاني من ضمن ١٦٠٠ فيديو تشغيل تلقائي.. ولكن قلنا ما نشوش على الخطاب المتهالك ده، هو براه مشوش ونديك فرصة أخيرة تمشي تعدل الفيديو النزلته في بوستي السابق قبل ما نعمل جولة تانية في ارشيفك المتهالك الكاذب.
Post: #3 Title: Re: خطاب القائد محمد حمدان دقلو: البندقية مرف� Author: Biraima M Adam Date: 03-30-2025, 11:41 AM Parent: #2
شعب القائد حميدتى، أكثر من شعب البرهان .. بالتعداد سكانى !!
أصحي يا بريش.
بريمة
Post: #4 Title: Re: خطاب القائد محمد حمدان دقلو: البندقية مرف� Author: muntasir Date: 03-30-2025, 12:48 PM Parent: #3
لقد شاهد العالم الأسرى المدنيين عندكم وهم هياكل عظمية تشبه صور الأسرى في معسكرات الإعتقال النازية جاييكم الحساب وإن طال السفر ، وبذكرك أيها الجنجاكوزي
Post: #5 Title: Re: خطاب القائد محمد حمدان دقلو: البندقية مرف� Author: Biraima M Adam Date: 03-30-2025, 01:05 PM Parent: #4
Quote: لقد شاهد العالم الأسرى المدنيين عندكم وهم هياكل عظمية تشبه صور الأسرى في معسكرات الإعتقال النازية جاييكم الحساب وإن طال السفر ، وبذكرك أيها الجنجاكوزي
أين أسراكم أنتم؟
أمام مسجد، رأيناه كلنا، يقول "أنا كتال كتلة للاسري وأني أدعو الله يدخلنى بقتلهم الجنة"
نفس الشيئ حصل في الجنوب، الحركة الشعبية سلمت أسراها، الجيش لا أسير (كلهم قتلي)!
هى أخلاقكم.
بريمة
Post: #6 Title: Re: خطاب القائد محمد حمدان دقلو: البندقية مرف� Author: Yasir Elsharif Date: 03-30-2025, 01:26 PM Parent: #4
Quote: Military Science Arabia [قبل ساعتين] #عاجل | #رويترز : قائد ميليشيا الدعم السريع "محمد حمدان دقلو" #حميدتي، يقر بأن قواته غادرت #الخرطوم، ويقول إن الحرب لم تنته بل إنها في بدايتها فقط! 🤡
Post: #7 Title: Re: خطاب القائد محمد حمدان دقلو: البندقية مرف� Author: tasneem Date: 03-30-2025, 01:36 PM Parent: #3
الاخ بريمة من هو شعب حميدتي؟!!!! الشعب السوداني ليس ملك للبرهان أو حميدتي أو البشير. كلهم من نفس الطينة من الذي صنع الدعم السريع وسن له قانون في البرلمان من الذي اعطي حميدتي الرتبة العسكرية الكبيرة وهو شبه امي ولم يرى الكلية الحربية في حياته!!! من الذي منح حميدتي جبال دهب السودان!!! من الذي كان يطلق على حميدتي حمايتي!!!
قال الحركة قال!!! وعيد مبارك وسودان خالي من هذا الثلاثي المؤذي
Post: #8 Title: Re: خطاب القائد محمد حمدان دقلو: البندقية مرف� Author: Biraima M Adam Date: 03-30-2025, 02:08 PM Parent: #7
تسنيم كل عام وأنتم بألف خير
كلامك كله صحيح قبل 15 أبريل 2023م ..
كردفان، دارفور، جنوب كردفان، النيل الأزرق .. وكثير من سكان الوسط والكنابي وجزء مقدر من سكان الخرطوم .. شعب للقائد حميدتي. شرق السودان ونهر النيل والشمالية .. وجزء من سكان الخرطوم والجزيرة والنيل الأبيض .. شعب البرهان. والشرق متنازع عليه.