اين جمال المنصوري؟

01:17 PM March, 21 2025

سودانيز اون لاين
عمر التاج-khartoum
مكتبتى
رابط مختصر

المنبر يفتدك بشدة يازول
كنت ومازلت كية ومرواد للجنجا
عساك طيب يا حبيب.

الرجل رغم اختلافنا الفكري الا انه صوت حق في زمن الغفلة
وفارس ابن قبائل .. لا يخشى في الحق لومة لائم
ومن اقواله عند بدء الحرب ..
..
..

الحرب يا سيدي ليست رصاصة تطلق
لا يهم من اطلق الرصاصة المهم من اشعلها
الحرب اولها كلام، والسياسي الذي ترد على لسانه عبارة (يا كذا يا الحرب) ده سياسي فاشل لا يستحق ان يتقدم الصفوف او يدعي انه ديمقراطي
بعدين من هو المحجوب؟
وما هي انجازاته؟
المحجوب يا سيدي خطيب مفوه، والصادق المهدي فاه مفتوح، والترابي دمويئ، في ثوب واعظ والحرية والتغيير عبارة عن رواد اركان نقاش، والحركات الدينية ليست ديمقراطية، والخطاب العام السوداني من المستحيل ان يكون ديمقراطيا
والاقليم الذي ننتمي اليه يرفض تماما مجرد حرية التعبير، والقارة باكملها لايوجد فيها دولة ديمقراطية، حتى جنوب افريقيا ليس فيها ديمقراطية..
اول انجاز ينجزه الحاكم في هذه المنطقة من العالم والاقليم والقارة، هو بناء سجون ضيقة يتم فيها اذلال المعارضين وتنتهم ادميتهم..
يا حامد
الديمقراطية ثقافة يفتقدها البيت والشارع والمدرسة والجامعات السودانية، ح اديك نموذجين كافيين انهم يدوك فكرة انو حلم الديمقراطية لن يتحقق نهائيا:
المحجوب الانت اقتبست كلامه واوردته بي طريقة تشي بأنه من عتاة فلاسفة الحركة الديمقراطية، ساهم هو والازهري وجوغة الاحزاب الهسع منتظرها بممارسة الديمقراطية في اجهاض حق الحزب الشيوعي في ممارسة حقه الديمقراطي
بعدين في تشويش كبير للفكرة نفسها، البعض بيفتكر انو الديمقراطية بتديك الحق بمجرد فوزك باكمال الفترة المنصوص عليها في الدستور كاملة حتى ولو كانت ممارستك ضد مصالح الوطن والمواطنين.. هذا البعض لازم يعيد التفكير مرتين لأنو تفكيروا وغرس
الفكرة في التفكير الجمعي للشعب هو الخطر بعينه على الديمقراطية
الديمقراطية مدارس متعددة:
عندك المدرسة الامريكية عندها نص دستوري يتيح عزل الرئيس وفق اليه معينة، ويجوز عزل الرئيس قبل اكماله المدة لأسباب كثيرة منها سلوكه الشخصي (كلينتون - مونيكا نموذجا) ولسلوك احد اقربائيه اذا ثبت استغلال منصب الرئاسة (ترامب، وبايدن نموذجا)
النموذج البريطاني (سحب الثقة) بغير سبب محدد، وده ممارس بتفاوت عند بقية ديمقراطيات العالم.. الفهم ده ما موجود عندنا او في محيطنا..
بعدين في ظل تعدد الاسلحة هل تفتكر ممكن هذه الاسلحة تجيب لينا ديمقراطية؟.
بتصدق الكلام ده..؟
انا شخصيا من دعات رفع السلاح حاليا لحماية العرض والارض، واي دعوة حاليا لعدم حمل السلاح في وجه هؤلاء الاوباش هي دعوة لأستمرار هذه الانتهاكات.. بل ادعوا لأن تعاقب القبائل التي يشارك ابناؤهم في هذه الممارسات بنفس الطريقة
..
..
خليني اديك ضوء اخضر (اذا انت بتقدر توقف الحرب انا معاك، اما اذا كنت ما عاوز وما قادر توقفها وعاوزني استسلم للدعم السريع فقط) في الحالة دي خليك صريح وقولها لي..
مرات كتيرة بلقى نفسي حيرا و عاجز عن الاجابة والسبب غالبا ما يكون هو كيغية توصيل معلومة اصلا معلومة لكل القاصي والداني بس الا عند صاحب السؤال،
السبب الثاني: المقصود شنو من السؤال ده..
يا استاذ/ محمد الحسن قبل قيام الحرب دي كان في جزء كبير من السودانيين بحاجة لحماية انفسهم وارضهم وعرضهم
ما عارف اذا انت عندك فكرة ولا لا بصراحة كده..
نبدأ من جنوب السودان الكان جزء عزيز من السودان، كانوا محتاجين يدافعوا عن انفسهم من انتهاكات الجيش والقبايل المتحالفة معاه (على فكرة نفس القبائل المكونة للدعم السريع)
مواطنوا دارفور الغير عرب، كانوا على مر العصور في حاجة ماسة للتسلح للدفاع عن عرضهم وارضهم ضد نفس هذه القبائل
ضحايا قطار الضعين (رحمهم الله جميعا وتقبلهم شهداء) كانوا محتاجين وبقوة.
اذا توفر الوقت ان شاء الله اجيب ليك ارقام
..
..
الدعوة الحالية للانت شايفها ظاهريا دعوة للحرب ليست كذلك هي دعوة للدفاع عن العرض والمنزل ضد ناس لا تتمتع بابسط الاخلاق الانسانية
محاولة تصوير الامر بالصورة الانت عرضت بيها تطفيف خطير، الحرية والتغيير بعد ظهور اهداف الدعم السريع باذلال ااشعب بهذه الصورة يخلينا ننظر ليهم بان هدفهم الاساسي ان يظلوا في السلطة حنى لو كان التمن المدفوع
شرف المرأة السودانية.. لو انت نحلل ثحيح اشرح لينا التقطة دي وعلاقتها بالديمقراطية و الحرية والتغيير
..
..

لحدت ما يتم ايقاف الحرب، وجهة نظرك كيف نعالج الانتهاكات البي تتم ضد المواطن البسيط ده؟
كان ممكن موقفك وموقف كتير من المثقفين يكون مفهوما ومقدرا لو طالبوا بتدخل الامم المتحدة للتدخل بموجب الفصل السابع،
لكن الوقوف ضد تسليح المواطن للدفاع عن نفسه في ظل عدم وجود بديل يكفل حق المواطن امنه وسلامة عرضه وامواله
هنا الدعوة دي بتكون ملغومة ده اذا طففنا من وقعها الاليم، خيانة عظمى اذا اخذت الى اقصى ما يسعه المعنى
..
..
قول الكلام ده لنفسك يا محمد ادمانت الغرابة القاصدهم ديل منو؟
اوع يكون عرب دارفور؟
عشان نحن عارفين انو اهلك عرب دارفور من عاندهم قيمة لأي غرابي من اصول افريقية، بل ما عندهم قيمة لأي افريقي، فما تدلس على الناس خليك صريح
دار مساليت شهدت ابشع جرائم الانسامية
اغتيال الوالي خميس بم يتم بيد ابناء الشمال
اغتيال الفور يوميا لم يتم بيد اهل الشمال
احراق قطار الضعين لم يتم بيد الشمال
انت قايل ذاكرتنا ضعيفة للدرجة دي
..
..
قجة شنو يا بريمة
ده طاقي رقبتو حجبات من الخوف
ده مرة قعد يضرب في اشاوس العدو (يعدو) السريع الا جماعتو قالو ليه ديل جماعتنا
ده كلو بسبب انو خواف
..
..
قلنا ليك كذا مرة شندي دي ما عندكم ليها قدرة
لومك بي ام قرون ح تثكلب كتير ان بقى كلامك صاح وناسك ديل متجهين شندي
..
..
حاضرين يا عادل
بس بعد تسليح المواطنين زي ما عملت امريكا الفيدرالية
اصلوا نحن نموت في قدوتنا امريكا
عشان المغتربين في الدول الغربية يلقوها جاهزة عشان يحكمونا بدل ما نتعبهم ساكت زي ما اتعبنا قحط الكلهم اجانب
بس في شوية تعديل على العنوان
العنوان مفروض: (اقرار النظام الفيدرالي في السودان)
اما رجع الحكم الاقليمي دي فيها انة
متين كان في حكم اقليمي حقيقي عشان نرجعه؟
ما هي اس المشاكل انو برلملن 53 - 56 رفض الفيدرالية
..
..
وبما ان ادوات الاستاذ هي الفكر والسلمية فقد وظفهما توظيفا مثاليا لتغيير الواقع
اما من وجهة نظري ان الله سبخانه وتعالى لم يأذن للفكرة بان تسود على الارض فذلك يعني بان حكم الوقت لا زال في طور الخروج من منطقة الشريعة الى السنة بمعنى الاذن لا زال للشريعة والشريعة تقول (السن بالسن) و توقل (فأن عاقبتم فعاقبوا بمثل ما عوقبتم به)
لذلك ادوات الشريعة لا زالت باستخدام اليد لأماطة الاذى واليد لها توابع من ضمنها السلاح لذلك تجدني ادعوا لتسليح المواطن بالقدر الذي يحفظ روحه وهرضه وماله، ثم بعد ذلك ننظر في الحلول