ناس البيدروم طالعين متين؟

06:07 PM March, 20 2025

سودانيز اون لاين
عمر التاج-khartoum
مكتبتى
رابط مختصر

بعد ماتم ابطال عملية الهروب من القصر صباح اليوم وابادة كل الفارين
وقبلها بيوم تم جغم الفزع الكان جاي ينقذهم من ناحية الازهري
قال ليك ماتبقى من اشاوذ الماهربة كلهم دخلوا البيدروم
وطبعا نهار اليوم ناس العمل الخاص ما قصروا معاهم
كل خمسة دقائق بفكوا ليهم دانة اربجي تدخل بالشباك وتنفجر في غرفة
الجماعة ديل اتوقع حايفطسوا بالخوف ساكت
وبعد العصر تمت الناقصة ..
العمارة الكويتية المقابلة للبوابة اياها خشت الضل
وقناصي العمل الخاص من فزقها بقوا يتاوقوا جوة البيدروم
وشارع النيل بهناك اتملأ جيش ، ودبابات
وفي الجو المسيرات مطر ، وعمل خاص في السطوح
السودان كله بقى منتظر ناس البيدروم متين يطلعوا زي ماكان يقول الهارب عمر جبرين
قائد من الكتيبة اياها قال ليهم وننتظرهم ليه؟
قالوا ليه خلاص بكرة تمشي ليهم
قال فيهم ، اوكي جهزوا حالكم
لكن قبل ما تدخلوا ليهم أنا في باقي الليل ده
بدخل لديهم البخليهم يطلعوا ويجاروا زي فيران الحر
ياترى ماهو الشئ الذي حايخليهم يطلعوا زي الفيران من جحورهم
وهل ينجح هذا القائد فيما خطط له
ذلك ما سنعرفه في سهرة اليوم من فيلم
الماهرية في البدروم ..
والله يالجنجا دي ما كانت "المهرية" فيكم

هل ده نفس البيدروم الكان غاطس فيه البرهان وطلع منه بالغوص في النيل ؟
أهمدوا شوية .. الكاسوري ح يكون مدور لحدي نهاية الشهر المقبل بحسب كلام الزول ده

هههههههه

نفس البيدروم يا حيدر
الا البرهان ورفاقه طلعوا
البطلع الاشاوذ شنو؟

شكرا يا بطل
وعدت فاوفيت
وجنجا القصر راحو في البلاك
والإعلان صدر