Post: #1
Title: يا برهان الحرب أهي أنتهت حا تبني السودان وتعمره بمنو بطل ركوب راس
Author: توفيق عيسى مكي
Date: 03-20-2025, 01:53 PM
01:53 PM March, 20 2025 سودانيز اون لاين
توفيق عيسى مكي-
مكتبتى
رابط مختصر
الاقتصاد والادارة وعلوم التجارة والبزنس ديل كلهم
علوم بتدرس بتخرج لينا ناس مؤهلين
ومع مرور الايام فيهم ناس عملوا خبرات ضخمة
أغلبهم خارج السودان زيي
نجاحاتهم ما بنكرها إلا حاسد وجاهل وحاقد وعدو
|
Post: #2
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 01:56 PM
Parent: #1
الحرب خلصت وجا وقت البناء والتعمير
ما تركب راس عشرة مرات
تقوم تعين في تخصصاتنا الاطباء والمهندسين والزراعيين وناس الآداب والفلسفة
هم قروا طب ولا هندسه ليه
ما كان يدرسوا اقتصاد وعلوم سياسية وتجارة وبنوك
|
Post: #3
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 01:58 PM
Parent: #2
بيغشوك...
والله العظيم بيغشوك
السياسة دي حتة فريع في شجرة الاقتصاد
عايزين يمسكوك ضنب الككو والله
|
Post: #4
Title: Re: يا برهان الحرب أهي أنتهت حا تبني السودان و
Author: HAIDER ALZAIN
Date: 03-20-2025, 02:02 PM
Parent: #3
وما ظنيتو السودان يتعمر يا تــوفيق وانت بتنده البرهان وتديهو حق التعيين والإختيـار..
هو هسه البيغشكم وانتو تتغشوا ليهو بإرادتكم..
بالله في زول عاقل كدة ومن صحه بينادي البرهان تاني او يثق فيهو لعمران السودان؟
|
Post: #5
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 02:04 PM
Parent: #3
لعلمك ...
خلال مية سنة في تاريخ السودان
فقط مرتين الرئيس يتصرف صاح
لكن لزمن قصير جدا
ويلموا فيه ناس الفريع المايل يميلوه معاهم
الفترة الاولى بتاعت نميري والخطة الخمسية والعشرية
والفترة التانية بتاعت البشير المن خلالها تم رفع الناتج القومي
الاجمالي من اتناشر مليار لقريب تسعين مليار
والسودان فيها بقى غني وعنده بترول كمان
عبر مؤتمر اقتصادي افرز خطة اسعافية ثم خطة لسنتين ثم خمسية وعشرية
الخمسية بس بدت اصحابك نفسوها
|
Post: #6
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 02:07 PM
Parent: #5
يا حيدر يا اخوي البرهان رمزية نظام
انت عايزني اخاطب منو
الناس المدسيين في عبايته مثلا
اخاطب شئ ما ظاهر لي وما عارفه منو
انا بخاطب الرمز القدامي
|
Post: #7
Title: Re: يا برهان الحرب أهي أنتهت حا تبني السودان و
Author: HAIDER ALZAIN
Date: 03-20-2025, 02:07 PM
Parent: #5
هاكـ القصة دي منقولة من صفحة صاحبتك دينا خالد:
العمدة غلاب عندو ديابه مسعورة (ذئاب) قافلها فى قفص كبير
فى مكان مداري فى الحديقة الخلفية لقصر العمودية بتاعو .. العمدة انسان جشع وجبان ومجرم ظالم وبحب نفسو اى شخص يقيف فى وشو او في وش رغباته ونزواته او هو يخاف منو لى اى سبب بجوع الديابه بتاعته وبخلى شيخ غفرو يدخل الضحية المسكين فى قفص الديابة .. والديابه تاكلو ويخلص منو ..
اها جا وكت اهالي القرية او الكفر اتذمروا من الظلم ونقص
الخدمات وتوقف الزراعة وسوء الادارة ..
طلعوا فى الشوارع وهاجموا قصر العمدة ..
ثاروا ثورة عارمة على العمدة ..
فبهت الذى كفر .. واحتار ولم يجد مخرج من الشارع
الثائر .. شغل عقله الخبييث لم بجد حلول يفلت بيها
من الثوار ..
فأمر العمدة الغفر باطلاق الذئب الشرس المسعور
فى الشوارع ثم قال لاهل القرية كل زول يدخل ويقفل عليهو
بيتو حفاظا على اولادهم ونسوانهم وعمالهم ..
واعلن حالة الطواري ومن اعلى المبانى ظل الغفر بالمايكرفونات
يثيرون الرعب والقلق وسط الاهالي ويكبروا فى المصيبة
ويطلبوا من الجميع عدم الخروج من بيوتهم فالذئب
مسعور وشرس وجائع .. سيلتهم كل من يلاقيه ..
عاشت القرية ليال من الرعب والخوف وبلغت القلوب الحناجر
واتبل الكفر 😉 .. وانجغم الاهالي 😔
وبعد فترة من فرد العضلات واستعراض القوة من العمدة
وغفرو .. اطلق رجال العمدة النار على الديب ..
طاخ طاخ ..
فضجت القرية بالفرح ..
وخرج الناس لبيت العمدة يشكروا فيهو ويمجدوا
فى قوته وبسالة رجاله ..
نسي الجميع مطالبهم وشارعهم وثورتهم
ألد أعداء العمدة بقوا يهللوا ويكبروا للعمدة فرحين بانقاذهم ..
العمدة كان حزين وهو بشوف فى جثة الديب بعد قتله
كان قلبوا مفطور وهو بشوف حاميهو وحارسو جثة هامدة قدامه .. كان حاسي انو اصبح بلا حماية امينة واياد بتنفذ
دون ان تسال او يطرف لها جفن ..
العمدة لما كان عايز يطلق الديب المسعور من القفص برضو
كان حزين عليه وهو بيودعو قال ليهو ما تزعلش مني يا فلان بى اسمو انا مجبور على اطلاقك وقتلك ..
ماعندي حل غير كدا عشان اظل فى الكرسي والعمودية
مافيش حل تاني يا رجلي الجسور المطيع ..
ولن انسى لك ما فعلته معي من قبل من خدمات جليلة
اجلستني على كرسي الظلم لسنوات طويلة ...
لكن ما ظايما الديب بيموت حسب قصة غلاب الفطيرة
فى الغالب يا غلاب بتفقد السيطرة على اياديك الكنت
بتبطش بيها .. وتضطر اثناء المقاومة للاستعانة بالشيطان
اذا فى الحرب او السلم ..
وممكن فى عز هزيمتك وخوارك عشان ترجع كرسيك
يظهرليك ترامب ويطلب منك توطين ناس بلد تانية فى بلدك
فما العمل ؟
|
Post: #8
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 02:19 PM
Parent: #7
كلام سليم وخلاص حصل يا حيدر مشكلتنا عايزين نصلح ونبني ونعمر
من جديد فهل منطقنا برضو يكون منطق العمده ولا كيف
|
Post: #9
Title: Re: يا برهان الحرب أهي أنتهت حا تبني السودان و
Author: Ali Alkanzi
Date: 03-20-2025, 02:20 PM
Parent: #7
يا توفيق
رمضان كريم
كيف تقول الحرب انتهت
قطعتو من دارفور ولا شنو؟
|
Post: #10
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 02:32 PM
Parent: #9
دار فور دي الحرب فيها ليها تلاتين سنة
ولمعلوميتك بعد العيد الجيش كله متوجه لدار فور
عايزين يسكتوا الحرب فيها للأبد
كان مشكلتنا في غفلة من الزمن
حصل لينا غزو خارجي لبلدنا
واتحررنا خلاص
|
Post: #11
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 02:38 PM
Parent: #10
ايام معدودة وتعلن ولاية الخرطوم إنها خالية من التمرد
زي الجزيرة
وزي ولاية سنار
وقريبا النيل الابيض
وزي ولاية المصفى هههه
وشهر شهرين نعلن دارفور زاتها خالية من التمرد
ونطلق يد قوات العمل الخاص في القحاحيت
بدل يقعدوا عطالة من غير شغل
وينضفوا السودان من الوسخ
|
Post: #12
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 02:47 PM
Parent: #11
بالمناسبة الكلام البنقوله ده ما جديد
بدليل من سنتين قلناه بنفس الفهم
https://youtu.be/JT-GASBibT4؟si=f6G7WQLOjSNaoubOhttps://youtu.be/JT-GASBibT4؟si=f6G7WQLOjSNaoubO
وحا نفضل نقوله
حتى ترجع لينا حقوقنا العلمية والعملية
|
Post: #13
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-20-2025, 02:50 PM
Parent: #12
واطمن كلامي ده ما بصل البرهان
الناس المعنيين بدسوه منو
وانا في الأصل
رسالتي ليهم وقاعد تصل
وما بتصل الإ بالطريقة دي
|
Post: #14
Title: Re: يا برهان الحرب أهي أنتهت حا تبني السودان و
Author: توفيق عيسى مكي
Date: 03-21-2025, 01:09 AM
Parent: #13
يا برهان ....... !!!
كلامي ده وصلك
ولا دسوه منك زي كل مرة
|
|