جيتي تاني

06:53 AM March, 20 2025

سودانيز اون لاين
د عبد الرحيم عبد الحليم-Usa
مكتبتى
رابط مختصر

يا اخي كان اليوم ربيع
جيتي ما بين الجموع
زى نضارتك في
زمانن كان بديع
نحن اتقالدنا في
لحظة خشوع
وبين مشاعر حية بين
دفقة دموع
من زمن انا كت بفتش فيكي
بى لهفة رضيع
رغم انو الدهر شال
ضو الشموع
وانتظرنا على الشواطي
بدون رجوع
لا شراع يفرحنا
لا نسمات تضوع
2
شفتا في عينيكي امالن قدام
وانت شاقي عليا من بين الزحام
ولابسي توبك زى تلون ورد قام
وفرحة في عينيكي دالة على هيام
جيتي أنهار ذكريات وطيوف غرام
من زمانن ليتو كان استدام
كنا ..لكن افترقنا على شواطي الكون
و غبنا بود وداعات أوسلام
وانتي جيتا الليلة تحييها وتعيدي الانسجام
الا كان خط الزمن محتوم وممنوع الكلام
يا هو عاد حكم الزمن والعمرماشي
على انصرام

تسلم يادكتور