بيان من المكتب السياسي للحزب الشيوعي السوداني

04:24 PM March, 05 2025

سودانيز اون لاين
زهير ابو الزهراء-السودان
مكتبتى
رابط مختصر

لمكتب السياسي للحزب الشيوعي السوداني



#وحدة السودان وسلامة أراضيه واجب الساعة

#لا شرعية لحكومات نتجت عن الانقلاب وحرب ابريل 2023م



الحزب الشيوعي السوداني يكرر ويجدد موقفه الثابت والرافض لمحاولات حكومة الأمر الواقع في بورتسودان بقيادة عبدالفتاح البرهان لتكوين حكومة فترة انتقالية مع الموالين له من فلول نظام المؤتمر الوطني المحلول. كذلك يرفض الحزب محاولات مجموعة نيروبي بقيادة محمد حمدان دقلو التي تسعي لتشكيل حكومة موازية في المناطق التي تسيطر عليها قوات الدعم السريع.

يؤكد الحزب الشيوعي ان الجهتين المذكورتين تفتقران للتفويض الجماهيري المطلوب من قبل الشعب كضرورة اساسية للحصول علي الشرعية الدستورية.

يعتبر الحزب ان طرفي النزاع هما وجهان لعملة واحدة. وانهما مسؤولان بالتضامن والانفراد عن الانتهاكات الجسيمة لحقوق الإنسان والقانون الدولي الإنساني في دارفور وهما مسؤولان عن تفجر الكارثة الإنسانية هناك في العام 2003م التي نتجت عنها جرائم الابادة الجماعية والجرائم ضد الإنسانية وجرائم الحرب الي جانب ارتكاب الانتهاكات الواسعة والممنهجة في بقية أنحاء البلاد من بينها مجزرة القيادة العامة في الخرطوم.

طرفا الحرب أيضا شريكان في إجهاض وتقويض العدالة بتقاعسهما عن ملاحقة المتورطين في ارتكاب المجازر والانتهاكات واسعة النطاق ولجوئهما الي تكوين لجان تحقيق صورية عديمة الصلاحية والقدرة علي الوصول الي نتائج وتوصيات من شأنها تحقيق العدالة بهدف تضليل الرأي العام المحلي والاقليمي والدولي وتضليل الضحايا وذويهم وكذلك بهدف قطع الطريق أمام اللجان الدولية المحايدة.

يحذر الحزب ان محاولات الطرفين واعوانهما في الداخل والخارج في تشكيل الحكومتين ستقود الي تعقيدات لا حصر لها وستفاقم من خطورة الوضع الراهن من بينها زيادة الاستقطابات علي أسس قبلية وجهوية في بلد تعاني فيها المؤسسات الإدارية وهياكل الحكم من الهشاشة بسبب الفساد. كما تحمل الكثير من مجتمعاتها ارثا ثقيلا بسبب الصراعات القبلية والجهوية.

سكان المناطق التي تسيطر عليها قوات الدعم السريع مضطرون للتعايش مع سلطات الدعم السريع ولكنهم ليسوا خاضعين لها بكل تأكيد حيث لا يزال الملايين من ضحايا الجنجويد والدعم السريع يعانون من مهانة اللجوء والنزوح وهم ينتظرون تحقيق العدالة والانصاف.

من الجانب الاخر فإن حكومة البرهان المرتقبة والتي ستتشكل من خصوم واعداء الشعب؛ فلول نظام المؤتمر الوطني المحلول والموالين لهم الذين قطعوا الطريق أمام ثورة ديسمبر المجيدة وظلوا يخططون لتقسيم السودان تارة ب(مثلث حمدي) و(دولة البحر والنهر) وتارة بضم ولايات سودانية الى مصر ! هؤلاء لن تقبل بهم جماهير الشعب السوداني وقواه الحية خاصة في ظل استمرار جذوة الثورة التي لا تزال متقدة رغم العثرات.

اصرار طرفي الحرب علي رفض الجلوس حول طاولة المفاوضات للوصول الي اتفاق بوقف الحرب والسماح بدخول المساعدات الإنسانية عبر المعابر الحدودية والداخلية يعرض حياة اكثر من خمس وعشرين مليون شخص لخطر الموت جوعا بسبب حرمانهم من الحصول علي معينات الحياة الضرورية من الغذاء والدواء. كما يزيد من معاناة اكثر من عشرة مليون سوداني من العالقين في مخيمات النزوح واللجوء.

الحزب الشيوعي السوداني يحمل البرهان والمليشيات التي تحارب معه من انصار النظام المباد بمختلف مسمياتها .

كما يحمل الحزب مجموعة نيروبي الموالية للجنجويد المعروفة باسم مجموعة التاسيس مسؤولية الانتهاكات التي ستشهدها مناطق سيطرة الدعم السريع واي مناطق اخري في البلاد باعتبارهم شركاء لمليشيا الجنجويد.

الحزب الشيوعي يتابع مبادرات المؤسسات الإقليمية والدولية من بينها مجلس الأمن والاتحاد الافريقي والاتحاد الأوروبي ومجلس حقوق الإنسان التي صدرت مع بداية هذا العام بخصوص الوضع في السودان خاصة فيما يتعلق بعدم الاعتراف بحكومة بورتسودان ورفض قيام اي حكومة في الأراضي التي تسيطر عليها الدعم السريع. ومع ذلك فالحزب يطالب بعدم الاكتفاء بإصدار البيانات وتكرار التصريحات المصحوبة بالقلق. بدلا عن ادانة والزام القوى الدولية والاقليمية الكف عن مد طرفي الحرب بالسلاح والعتاد والمعلومات اللوجستية. والمطلوب هو المضي قدما في تطبيق وتنفيذ القرارات التي صدرت من المؤسسات المذكورة بشأن الوضع الكارثي في السودان خاصة حول وقف الحرب واتخاذ تدابير ملموسة بشأن حماية المدنيين ومعالجة الوضع الإنساني المتدهور وتطبيق العدالة.

يتحمل مكتب مدعي المحكمة الجنائية الدولية مسؤوليته في الشروع في اتخاذ الإجراءات القانونية اللازمة في مواجهة عناصر حكومة الأمر الواقع في بورتسودان كذلك في مواجهة عناصر الدعم السريع وحلفائهم الجدد في مجموعة التاسيس التي انضمت لمليشيا الجنجويد في نيروبي.

يدعو الحزب الشيوعي السوداني جماهير الشعب السوداني وقواه الحية للتصدي لمحاولات طرفي الحرب وحلفائهم في الداخل والخارج والتي تسعي لقطع الطريق أمام ثورة ديسمبر المجيدة وتفتيت وحدة البلاد.



عاش نضال الشعب السوداني من أجل الحرية والعدالة والاستقلال ومن اجل وحدة البلاد.

مالو ما جاب دخل
البورد ده كان مليان شيوعيين 24 سنة
حصل ليهم شنو
اظنهم مصفدين في، رمضان
🤣🤣🤣🤣🤣
نومة وسهرة وقهوة وسكرة

سبحان من يحي العظام و هى رميم

بالله حزب البعاعيت ده لسه فيه احياء

حزب عدد اعضاءه 12 ما املوا حافه هايس جايين اتكلموا عن التفويض

الجيش عنده تفويض دستوري حمايه البلد في حاله تعرضها لغزو خارجي بهدد وجودها

اضانكم ده مالها صماء ما بتسمع جيش واحد شعب واحد

في تفويض اكثر من كده يا معكننين السودان و يا مغطسين حجره من ظهرتوا في السودان

الله لا جاب طاريكم يا مقاطيع

الزبير الختمي

الزبير "الختمى" انت لخبطت يبدو انه كلامك دا موجه لإبراهيم الميرغني-أحد نجوم نيروبى وما سبقها من سفريات وإجتماعات وما أعقبها من لقاءات فضائية

*ما تجئ تكتب ساكت -مع العلم إن إبراهيم الميرغني حتى خروجه من السودان ، للفسحة وصيام رمضان قبل الحرب هو من يمثلكم وما زال عادى هو وأبناء عمومته متقسمين
ما بين الجيش والجنجويد

الختمية اتعملو الحلل الكثيرة من الانصار يا هدى
وكويس عشان يفشلو اجندة فرتقة السودان
مع سفهاء الامارات وعلمانيووو
https://dcars.net

انا ختمي، جناح علي، محمود حسنين
تعالي ناقشيني في، بوست علي، محمود حسنين
وجيبي، معاك الشيوعيين كلهم
عشان نعرف المهبب، منو في، البورد، والسودان
نحن نبحث عن رؤية مش، فلان وعلان، المدورة بالسودان 5 سنة و1850 يوم
ونحن مع نفس، الناس،
المواسير،.... والقووونات
ورمضان كريم
ايوه ادي الزبير ده بالحتة الفيها، الحديدة. اصلو مركب، مكنة كوز

عادل يا عادل~
الشيوعيون يلحقكوك وينجدوك ويعدلوا خطوتك ويسهلوا أمرك 😀 ، قول آمين
*محمود حسنين لو كان "الجارين وراء السلطة" يومها عملوا بمشروعه ، كان البلد مرق لبر السلام…
*من أهم ما كتبه -انه السودان لا يتحمل أخطاء وذنوب حكومة الكيزان التى أسقطها، وعليه ليس ملزما بدفع
أى أموال لأى بلد أو شخص…
*جاء حمدوك ودكتورة هبة ومن شايعهم ،جمعوا الدولارات الفى السودان وقلعوا قريشات المواطنين دفعوها للأمريكان!

Quote: *جاء حمدوك ودكتورة هبة ومن شايعهم ،جمعوا الدولارات الفى السودان وقلعوا قريشات المواطنين دفعوها للأمريكان!

وصلتي ملاحلة خطيرة في تدوير الكذب و التضليل
عيب والله عيب

طيب، ناس الجذري ليه ما ردو اعتبارو
طيلة السنوات الخمسة العجاف
لحدي هسة يخترعو في، العجلة
وندين ونشجب
حسنين كان بحمل، مشروع ثورة تغيير كامل الدسم
وكل، القحاتة فشلو في، ازاحة الانقاذ، بطريقة. نظيفة وراهنو عليً العنف، وليس، المؤسسات
ولازالو في، توهانهم.
حسنين قال، الكلام البعمل، فيه هنا بالبور بوينت
الناس تمش تسمعو تاني، في، يوتيوب
ويسمعو كمان باقر عفيف، وجون قرنق، والاستاذ، محمود
يشوفو الفاتهم شنو
الصمم الايدولجي، مشكلة الكيزان والقحاتة معا

Quote: طيب، ناس الجذري ليه ما ردو اعتبارو طيلة السنوات الخمسة العجاف لحدي هسة يخترعو في، العجلة وندين ونشجب حسنين كان بحمل، مشروع ثورة تغيير كامل الدسم وكل، القحاتة فشلو في، ازاحة الانقاذ، بطريقة. نظيفة وراهنو عليً العنف، وليس، المؤسسات ولازالو في، توهانهم. حسنين قال، الكلام البعمل، فيه هنا بالبور بوينت الناس تمش تسمعو تاني، في، يوتيوب ويسمعو كمان باقر عفيف، وجون قرنق، والاستاذ، محمود يشوفو الفاتهم شنو الصمم الايدولجي، مشكلة الكيزان والقحاتة معا

عادل يا عادل دا رأيى أنا ولا أتحدث ولا أنتمى لاى جهة
*أمشى ليهم فى محلهم ، أسألهم…

تانى لما تجئ يا جلادونا تعلق على كلامى، رجاء تحافظ على الاحترام ،إذا انت نطيت من السرير تحصل السحور بالجانب الخطأ
ولقيت زمنه فات - ما فى داعى تفرغ حراق روحك فى مخاطبتي
- طلب أخير لا تكتب نوعية هذه العبارات فى مخاطبتى…
من بوست قديم ، لما كنت جديدة وشديدة
وتانى أكلمك "بطل البراءة السياسية" حيث "طوب" (نشرح موضوع الطوبة ونكرره يوم من الأيام) النيوليبرالية المتوحشة تكسر فى العالم جميعه وتفقر شعوبه من غير رحمة
أخ جلال كتبت~

Quote: "رفع اسم السودان من قائمة الارهاب كلام فارغ تسديد الديون السودانية عبر كبري امريكي كمان فيه باقي يفوق ما دفعه السودان فى التعوياضات و غير مسترد برضو كلام فارغ اعفاء جزء كبير من ديون نادي باريس برضو كلام فارغ العودة للمجتمع الدولي و تحديث النظام المصرفي كرم فارغ ثم انو و رغم انو ده كلام فارغ و تحصيل الحاصل ده ما عندو علاقة بي رئيس الوزراء"

- إسم السودان رفعوه (أعنى اتعرف عالميا) الشهداء ورفعوا الشعب السودانى بثورة سلمية صورها أنارت صحف وأخبار العالم ، فى حين حمدوك وغيره خارج السودان.
-الديون وتسديدها المريب ، هل استدانها الشعب السودانى؟ إستدانتها حكومة حرامية ولصوص. الشعب قام بثورة ضدها يمشوا يطلعوا قروشهم من كروش الكيزان وغيرهم .
** أما التعويضات دى لو فى محلك ما بجيب سيرتها إطلاقا ، المفروض الشعب السودانى هو اليطالب بتعويضات على كل العذاب والعزلة بسبب عمايل سدنة الإرهاب،
دا كلام ما بيدخل العقل زاته، إنه ثورة قامت ضد نظام ، تدفع غرامات نيابة عنه!
ثم إنه الإبتزاز بتاع ما نرفع إسم السودان إلا بدفع التعويضات دا كان دون أدنى كرامة أى بلد !
يا ريت لو كان طلبهم ودا الطلب المعقول إنه السودان ما يكون دولة راعية للإرهاب
أها الإرهاب قاعد.
أما العودة للمجتمع الدولى عملها الشعب بنضاله الحااار حتى إزالة نظام الجبروت وسيواصل لإزالة ما تبقى.

Quote: عادل يا عادل دا رأيى أنا ولا أتحدث ولا أنتمى لاى جهة *أمشى ليهم فى محلهم ، أسألهم…

سلام هدى.... كويس،
البورد ده كان غرزة. شيوعيين زمان
ودارت فيه معارك طاحنة وانقرضو كلهم مع الكيزان وانصار السنة
كويس بقيتي، مستقلة وعندك. رايك الخاص
دي مرحلة كويسة
جلالدونا.... ده ما لاقي لي، زول يودي، الضل زي، بريمة
شيوعي متحووول
زي ناس كتار هنا
خليك
مع حسنين
بس
نحتفل بيه سوا
في ابريل القادم ان شاء الله
تجديد الثورة مهم
الحلل المشدودة دي، كلها بتنكشح قريب