Post: #1
Title: يا برهان أتدخل لمصلحة السودان وخليهم يصدقوا لقناة الإقتصادية مافي غيرك ممكن يهرشهم ويخوفهم
Author: توفيق عيسى مكي
Date: 02-22-2025, 07:43 PM
06:43 PM February, 22 2025 سودانيز اون لاين
توفيق عيسى مكي-
مكتبتى
رابط مختصر
بتذكر مرة ايام شغلنا في السيارات من كوريا
تم حجز باخرة سيارات تخصنا بحجة في إشكال في النولون
مشكلة مفتعلة بين الشركة الناقلة والمواني السودانية
طبعا ده في الظاهر
والخفي كان التصعيد ربما مصادرة سياراتنا
لصالح أصحاب نفوذ لديهم سيارات وصلت في نفس الوقت
يتم تخليصها وتأخذ سبق السوق
في نفس الوقت تخويف الناس يشتغلوا معانا
عشان بسببوبه الناس ديل شغلهم ما مظبوط والدليل
سياراتهم امكن تتصادر
سبحان الله واحد ابن اخت البشير كان شاحن معانا سيارات
وبالصدفة البشير جا فطر معاهم وهو كان مدبرس فسأله فحكى
ليه القصة عشان السوق كله كان عارفها
البشير وقتيا أمر بحل الموضوع وبطائرة خاصة سافر وزير النقل
كان الجاز واجتمعوا صباحا وتم إفراج سياراتنا
وتم معاقبة من تسبب في تأخيرنا بالنقل والرفد
كان في رتبة رفيعة بالجمارك وادارة المينا
قال سياراتنا دي لو اتفرجت حا يحلق شنو
قال الكلام ده لتاجر والتاجر كان معاه ضيوف تجار حاضرين وشاهدين
السودان ده كله فساد في فساد
ما يحلك الا ربنا يسخر ليك زول يحلك
|
Post: #2
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 07:45 PM
Parent: #1
ما عايز اقول تفاصيل عشان ورقنا مصدق جاهز
لكن في طرف الجهاز
وحاصلة لولوة
اللولوة دي بطنا طامة منها عشان كده تركنا البلد
|
Post: #3
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 07:51 PM
Parent: #2
هو التصديق ما بيمنع وعدمه ما بيمنع شغلنا
ولا القمر بيطلب تصديق في شروطه
لكن هو اشارة برضا الدولة لعمل القناة
ليه رضا الدولة
لانه بتكون موافقه على البرامج الاقتصادية الطارحاها القناة
معناها الدولة منسقة معانا نعمل طفرة اقتصادية
معناها الدولة بتساعد الناس الوقفت معاها من اول يوم في الحرب
معناها الدولة جادة في اعمار السودان وانشاء سودان مارد جديد
معناه مشت معانا في سكة انتهى وقت الكلام وبدأ وقت الاجتهاد والعمل
معناها إنتهى الفساد في السودان
وده حا نشرحهه
|
Post: #4
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 07:53 PM
Parent: #3
السؤال هل تم التصديق لقنوات غيرنا قدموا بعدنا
سيادة البرهان الموضوع بطرفك
احسمه وابطل الفارغة
الطلعت ايمان صليب السودان
|
Post: #5
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 07:56 PM
Parent: #4
مهما اخرونا ان شاء الله خمسة سنة
ما بيحصلونا
ولا بلقوا سوق فاضي يبرتعوا فيه
عشان بضاعتهم فاسدة وبايظة
الأصلي مهما طال الزمن هو الحا يسود
فمافي داعي للعطلة والفساد
|
Post: #6
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 08:02 PM
Parent: #5
يا برهان .......
ديل ما بيشبهونا ولا بقربوا يكونوا زينا
نحن في سنتين بس انتجنا 500 برنامج مفيد للسودان
والاعلام السوداني كل البيقدمه
يا اغنيات فارغة
وحوارات لا تغني من حرب
ومسلسلات بتهدم القيم السودانية
واستضافات لحثالة المجتمع السوداني
وأخبار من طريقة عرضها زيرو مشاهدين
|
Post: #7
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 08:07 PM
Parent: #6
يا برهان إحذر
انا وراي ربنا فقط
وربنا عارف الشئ البنقدمه تجاه المستضعفين في بلدنا
عشان نحن صوت الملايين البتفاعلوا معانا
إحذر من زول سانده الله
|
Post: #8
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 08:12 PM
Parent: #7
لك أن تعلم
مالك الاقتصادية ده
من غير ولا جنيه بيمتلكه
قدر صنع أهم صرح إعلامي عالمي في السودان
لكن ....
لما نحس في فساد في خطوة مشيناها
بتدينا احساس
انه بلدنا دي لسه محتاجة كتير
|
Post: #9
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 08:16 PM
Parent: #8
دايما لما كنا في السودان
بيكون في زول عبيط فاسد الصدفة جعلت في يده القلم ليعطلنا
ودايما ما بنقول صدفة هي البتنصرنا
لكن تدخل رب العالمين لنصرتنا
فالكلام قلناه ومتأكدين بصلك الليلة دي
ولو ما وصلك الليلة برضو بصلك
ونشوفك حا تعمل شنو
|
Post: #10
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 08:20 PM
Parent: #9
انا ما فارقة معاي
قادر اخدم الملايين البتثق فيني من اي مجال او موقع او بلد ما يكون
فيها ايدي الفاسدين قادرة يعطلوني
|
Post: #11
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 08:22 PM
Parent: #10
ما يغرك عدم تداخل اعضاء هذا المنبر مع القضية دي
لان اغلبهم يا قحاحيت او جنجويد
بس في آلاف غيرهم بيدخلوا ويقروا ويفهموا موقفنا
|
Post: #12
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-22-2025, 08:25 PM
Parent: #11
وانا على حق
ما خايف من زول
|
Post: #13
Title: Re: يا برهان أتدخل لمصلحة السودان وخليهم يصدق
Author: Arif Nashed
Date: 02-23-2025, 03:46 PM
Parent: #12
امشي ليهو بورتسودان وقابله شخصانيا وما تضيع زمنك
زول دمر البلد وأهلك العباد عايزو يهتم بتصديق قناة توفيق!
|
Post: #14
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-24-2025, 00:54 AM
Parent: #13
ياعارف يا حبيب انت سيد العارفين وأكيد
بتكون تابعت بوستاتي القديمة
بتاعت
سيدي الرئيس ...
يا أمير المؤمنين ...
وفهمت القصد
|
Post: #15
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-27-2025, 10:22 AM
Parent: #14
ما ياكلو راسك يا برهان
اقيف مع الحق
ومصلحة الشعب
|
Post: #16
Title: Re: يا برهان أتدخل لمصلحة السودان وخليهم يصدق
Author: Biraima M Adam
Date: 02-27-2025, 11:36 AM
Parent: #15
ول أبا توفيق الحكيم
أنت ضللت الطريق؛ قلنا ليك أنت من أبناء الهامش ومهما وقفت معهم هم لا ينظرون إلي ريادتك الظاهرة في الأفكار التى تطرحها
ولا أستبعد يشيلوا أفكارك ب "ضبانتها" ويمشوا يأخذوا بها تصديق وتمويل ..
أقطع مثل هذه الدائرة الشريرة وأحفظ حقوقك الأدبية في أي منتج حتى أفكارك (متى فكيت الفكرة لا حصانة عليها أي زول ممن ينتحلها)
إذهب إلي الدعم السريع، هو الوحيد مهما رفضت سوف يستمع لأرائك وأراء أبناء الهامش .. وح يكون سند لك.
بريمة
|
Post: #17
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-27-2025, 08:25 PM
Parent: #16
أقسم ليك بالله يا بريمة يا اخوي الظلم الاتظلمته من الوهم ديل
ما اتظلمه واحد
لكن
حبي للسودان ككيان موحد بخليني اعمل ليه ليل ونهار
انا معلن من سنين طلاقي السياسة
ولهذا اتخصصت فيما يفيد الناس فقط
وما بقدروا يسرقوا حاجة
عشان عطائي الحقيقي مخفيه
دي المناظر بس
|
Post: #18
Title: Re: يا برهان أتدخل لمصلحة السودان وخليهم يصدق
Author: زهير ابو الزهراء
Date: 02-28-2025, 00:14 AM
Parent: #17
الاخ توفيق
تحياتي
تعرف الكيزان خلاص عملوا قناة فضائية للجميلة نسرين نمر تاني ما أظن يمسحوا ليك بقناتك الاقتصادية خليك في اليتويبو أكرم ليك من البكاء علي ابواب السلاطين وما باقي في العمر كتير
|
Post: #19
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 02-28-2025, 11:35 PM
Parent: #18
Quote: تعرف الكيزان خلاص عملوا قناة فضائية للجميلة نسرين نمر تاني ما أظن يمسحوا ليك بقناتك الاقتصادية خليك في اليتويبو أكرم ليك من البكاء علي ابواب السلاطين وما باقي في العمر كتير
|
هو ما بكاء لكن بس الناس تعرف
بالمناسبة انا بره السودان وأسهل حاجة الواحد يطلع فضائي ما محتاجة لتصديق ولا دولة والتجارب كثيرة
بتبقى الاشكالية حسب ظنهم في الاعلانات والرعايات لكن ده برضو اسهل حاجة
كان عندنا فاتورة مبدئية لاعلانات لفودافون بي 500 الف دي براها بتشغل غير الشركات العربية والخليجية
والأهم من الكلام ده كله الكيزان فهمهم الإعلامي زيرو بيعتبروا قناة يعني
حوارات ومسلسلات وحبة أخبار هنا وهناك والأهم أخبار ناسهم الاعلام اليوم أتصور جدا
وزول ما عنده مكتبة محترمة ومحتوى مقنع قروش الدنيا دي كلها ما بتخلق ليه مشاهد صاح
في الاول الناس بتكون دايرة تشوف بس لكن عدن المحتوى حا تنفر الناس
انا الاعلام ده دخلته اول امبارح لكن تتلمذت على شركات مصرية عريقة ضخمة في الاعلام وبقيت مواكب
ولسه بتعلم منهم غير في لفي الكتير في دول العالم خلاني ملم بمدارس مختلفة عالمية
والحاجة الأهم السودان ده تاني ما بيحكموه كيزان ولا قحاته بمختلف احزابهم ولا جيش ربنا ما نزع ملك من
زول وتاني جا رجعه ليه كان في الأساس من البداية ما ينزعه
انا قاريها صاح يا زهير بدليل طلعت من السودان قبل سنتين من الحرب واي زول سألني
ليه طلعت كنت بقول ليه السودان قيم اوفر كله حا يتدمر الاسلم اتخارج وأأمن نفسي بره وده الحصل
فعشان كده الفقاعات دي بنخليها تعملي لامن تفرقع
وببقى انا بس مطمئن للحاجة دي
ويوم حا اذكرك
|
Post: #20
Title: Re: يا برهان أتدخل لمصلحة السودان وخليهم يصدق
Author: توفيق عيسى مكي
Date: 03-05-2025, 07:45 PM
Parent: #19
يا حليل زمن كنا بنكتب ونناشد
ونجد من يسمع مناشدتنا
غايتو ...
لينا الله ...
وعيشتة السوق ...
|
|