اسماء وزراء حكومة الدعم السريع الجديدة وحلفائها .

07:55 PM February, 11 2025

سودانيز اون لاين
محمود الدقم-
مكتبتى
رابط مختصر

Quote: #عاجل محمد حسن التعايشي رئيسا لمجلس السيادة، نصرالدين عبدالباري رئيسا لمجلس الوزراء، الفريق سليمان صندل وزيرا للداخلية، عبدالواحد محمد نور الخارجية، أسامة سعيد حاكما لاقليم الشرق، وعبدالعزيز الحلو إقليم كردفان

الخبر اعلاه منتشر بكثافة في قروبات الدعم السريع
في منصات السوشيال ميديا

هل الخبر صحيح ام لا ننتظر للصبح ان شاءالله

يا محمود اخي يا صديق الجنجا يا جني
تحياتي
داشنو يا زول شايفك مرقت من التشكيل الوزاري كنت متخيل انت جاي وزير حكومات محلية

ود الدقم يعني ما متداول
😂😂

Quote: ود الدقم يعني ما متداول 😂😂

اقوي من متداول الظاهر عليو
لانو في سباق شديد بين بورتسودان والخرطوم في من سيكون حكومتو اول؟
بورتسودان عايزين حمدوك لكن خايفين من المشتركة ومن الملايش الاسلامية

يا ابو الزوز عيييييينك في بريمة تجيء انا؟
بعدين شخصي احيمق ما بنفع في الامور دي 😊
اقل شيء طوالي بخرب ليهم الرصة وببقي مارق لذلك احسن لي شغلة عتالة السوق دي

محمود جغمة انا عارف بالاكيدة انك معتوه
لكن كونو جاك زهان دي جدييييدة🤣🤣
اسمعني يا صحفي الغفلة
مافي زول بخمش ليهو خبر ذي دا و بجي بسال
هل الخبر دا صحيييح
هو الدعم السريع بتاعك دا متسارع في السقوط
وانت اسرع منو في السقوط
انتو بكري دا بجيبكم من وين ؟
تبا لكم خونة جبناء

Quote: يا ابو الزوز عيييييينك في بريمة تجيء انا؟

ول أبا، أنا زول لا أنفع لأي شيئ إلا سودانيز أونلاين ..
الشباب في نواحي الأمريكتين سوونى شيخ عرب .. ظهرت ليهم بالكابوي، قالوا دا شيخ عرب ولا شيخ كابويات؟

نبارك بشدة للدعم السريع لتأسيس دولته .. أقصد حكومته.

بريمة

هلا بيما -وحقوق الطبع محفوظة لابو الزوز-
الامور حتما ماشا في اتجاه الانفصال للاسف الشديد
البرهان عايز مصر تساعدوا في كيفية يقضي علي الاخونج والدواحش
عشان يكون السيسي نمبر تو
واهو زي ما شايف الناجي مصطفي وجماعة اسطنبول الطاهر التوم مدورينها في البرهان
الفلم بقي سمح خلاص مشاهدة ممتعة للجميع الا العنبلوك معلوف تبن معلوف
ما معروف شايط وين؟

Quote: محمد حسن التعايشي رئيسا لمجلس السيادة

مبروك عليهم المتفلهم الاممي رئيسا لمجلس السيادة ، خليهم يستعدوا
لي انقلاب عسكري ضد حكومتهم المدنية قبل مباشرة عملهم ، خخخخخخخخخخخ

السنياريو اليمني اولا ثم الليبي ثانيا والان السيناريو السوداني
حكومتين في بلد واحد

ود الدقم خلاص انتهت نغمة دولة ٥٦ الضرستونا بيها

انتهت وما انتهت يا عارف😊



منقول+ متداول

اقترح يدّوك وزارة الزراعة للاهتمام بزراعة العلف و البرسيم
عشان ما يجيك سوء تغذية و ما تنسى التصدير لى امريكا عشان خاطر برّة
... وش مكرضم و مادّي بوزو ...

اووووووووووووه جلجل وينك يا طيب
تصدق عايز اعمل بوست اسال عنك قلت ما يكون بتتعايش مع الدمنيشا
المهم يا زول شخصي مازول مناصب ولا ببحث عنها .

https://www.0zz0.com

Quote: بورتسودان عايزين حمدوك لكن خايفين من المشتركة ومن الملايش الاسلامية

حمدوك تاني إلا يبقى رئيس سجناء السودان

حمدوك تاني إلا يبقى رئيس سجناء السودان
والبرهان كيف !!!!

إذا تأكد الخبر، فإن " الجلابي " أسامة سعيد، بيكون تعرض للتهميش
و الاستغفال. شنو يعني يعينو حاكم لشرق السودان الذي توجد في
ولايته الكبري: البحر الأحمر، حكومة الأمر الواقع برئاسة الفريق اليرهان؟

مكرر

استاذ محمود، سلاما،

والله يا ياود أبا، القصة دي ما دايرة ليها لف ودوران، نحن في لحظة تأريخية مفصلية، ولازم الحكومة دي تتشكل عشان يتوقف قتل المواطنين العزل في مناطق الإنتاج، وعشان الناس تلقى العلاج والغذاء والتعليم. لكن، وعلى حسب فهمي لعقلية دولة 56 المكنكشة في السلطة والثروة، مستحيل يخلوا إنسان الهامش يعيش في أمان وسلام، ويستغل موارده لتنمية مناطقه. لازم يعملو ليهو عراقيل، ودي حقيقة ما دايرة نقاش، وعليه، كفترة تأسيسية لدولة الغالبية المنتجة، بقولها بالفم المليان: الزول البينفع يرأس الدولة في الزمن الصعب دا ما في غير القائد محمد حمدان دقلو.
محمد حمدان دقلو هو الزول الواجه الدولة العميقة المتمثلة في الإخوان المسلمين، وقبض رؤوسهم ووضعهم فى السجون، حتى كسر شوكتهم، وفضح عمالتهم للدولة المصرية، وما خلاهم يرجعوا تاني للسلطة. ودي ما حاجة هينة، عشان كده هو الأصدق والأجدر بقيادة المرحلة الجاية. الثورة دي لو ما في ناس وقفو بصدق ما كان نجحت، ودقلو واحد من الناس الجابهو النظام القديم وما خذلوا الشارع، ودي شهادة التأريخ بيحفظها ليهو.
كذلك ولأول مرة في تأريخ السودان، الحكومة الجاية دي ح تكون تأسست بإرادة السودانين الحقيقيين، ناس الوجعة، ناس الأغلبية، السكانية والأغلبية المساهمة فى الدخل القومى، هذة الحكومة برضو لأول مره فى تاريخ السودان ستتأسس بدون اى إملاءات من نخب المركز ومن دون اى تدخلات مصرية مباشرة او غير مباشرة.
الحكومة دي طلعت من رحم معاناة الناس، وحقو زول من الناس ما يكون على رأسها غير المؤسس، محمد حمدان دقلو، لأنو طالع من الهامش، وعارف وجع أهلو، وعاش نفس الظروف. الزول البتعب عشان الناس تعيش لازم هو البيكون المؤسس، عشان اسمو يتخلد في التأريخ بحق وحقيقة.

نحنا شفنا حكومات كتيرة جات ومشت، لكن منو الزول الكلمتو واحدة؟ منو الزول البوفي بوعودو وما بتلولو وبعمل للدرب كليوات..!
محمد حمدان دقلو أثبت إنو زول واضح، ما مراوغ، وما بلعب بالكلام. وود “المقنعة” الوحيد بهذا السودان القال لمصر أعلى ما في خيلك اركبيهو، يأفطم حنانك من موارد بلدنا، وما قالها ساي، بل فطمها عملياً، وخلا السودان حر بقرارو. من استقلال السودان لحدي هسي، ما شفنا زول عسكري أو سياسي عندو صدق ووضوح زيو.

والحقيقة برضو، إنو البلد دي ما زالت في وضع هش، والنظام القديم لسع بحاول يعرقل أي خطوة جديدة. وعشان نحمي التغيير، لازم يكون في زول عينو حمراء، عندو القوة والشوكة، زول قادر يقيف قدام أي محاولة ارتداد. محمد حمدان دقلو هو الزول الوحيد البيملك الصفات دي، وعارف كيف يحمي المشروع دا من أي تخريب وقادر يسلمه للسودان بكل عز وفخر ، مازى لعبة سوار الدهب السلمها للمصرين والكيزان..!

ولو مسك الحكومة، معناتو دخلنا مرحلة جديدة، مرحلة يكون فيها القرار بيد الناس الحقيقيين، ويكون الحكم لأول مرة ما حكر على نخب المركز، بل يعبر عن السودان كله: عن ناس الهامش، عن ناس المركز، عن المزارع، عن الراعي، عن التاجر، عن المعلم، عن الناس البسطاء والأغنياء، آن الأوان لهذا التنوع ان يحكم ويشارك في الثروة والسلطة زيو وزي غيره.

فيا جماعة، دا تأريخ، والتأريخ لازم يتكتب بالعدل، ولازم يتكتب بأسماء الناس الصادقين العملوا الفرق الحقيقي.
القائد المؤسس، محمد حمدان دقلو هو الزول البيستحق شرف التأسيس، وهو الضامن الوحيد لإنجاح الفترة الجاية، تسليم وتسلم.
الحكومة لازم تتشكل، لكن ما بي أي زول، إلا بإشراف القائد محمد حمدان دقلو .
لو عايزين هذة الحكومة تكون ناجحة وفعلا تعمل نقلة نوعيه لهذة الدولة لازم يقوم على رأسها القائد، حميدتى.

تحياتى.
.

غايتو البلد دي عجيبة جدا
الواحد خايف يقوم من النوووم يلقى نفسه بقدرة قادر بقى وزير
زمان جماعة (هي لله ) لمن واحد منهم يزعل
وما يلقى وظيفة دستورية
وعشان الولاء في السودان يغلب الكفاءة ٨ صفر
لهذا تكون انت ومرتك نايمين في امان الله في سرير واحد
تصحى من النوم تلقى مرتك في محافظة
وانت في محافظة
الجماعة من أجل الترضية يقوموا يقسموا محافظتكم ÷ ٢
واحدة يسموها ام جعاعير
والثانية يسموها ام سكاليب
عليكم الله لايهم من يحكم السودان
لكن لو أتت اي حكومة نتمنى أن تكون حكومة كفاءات
وان لايكون هناك وزراء ولايات
غير ممكن يكون في كل ولاية ١٠ وزراء
اكثر من ١٨٠ وزير بالولايات
لاحاجة بتاتا لهذا الترهل الإداري
ومن السهولة ان يكون هناك مكتب يمثل الوزارة في كل ولاية
حتى لو أدى ذلك لتغيير نظام الحكم المحلي كله في السودان

هلا ود ادم، بعد ما اندلعت الحرب انا كتبت هنا الشغلة حتمشي بعيد والحرب حتستمر لسنوات طويلة مؤشرات الحروب الأهلية حولنا تؤكد ذلك، الحرب الاهلية لبنانية قرابة العشرين سنة، الصومال، ليييا، اليمن، رواندا..الخ.
عدم الاعتراف بالاختلاف بيولد هذه النتيجة.
انقسامات وانشطارات...
المهم ننتظر الاسابيع القادمة ان شاءالله ونشوف، بورتسودان متوترة شديد من موضوع حكومة الدعم السريع، اقرب الحلول المنطقية لها هو الاستعانة بدكتور حمدوك، لكن كيف البرهان يقنع الملايش الإسلامية؟ الدعم السريع محتاج ٤ دول تعترف بيه ويؤسس المطار،،وزي ما قال الانحرافي قيام دولة وحكومة بدرافور يعني طيران عسكري جنجاوي يعني مضادات طيران، يعني غارات في قدس اقداس الجلابة..

بالله ما بتخجل، من نفسك؟؟؟؟
السودان ده عايز، 1000 دستوريً،و11 مؤسسة معروفة عشان يرجع دولة وصولة
شنو حتعمل، حكومة كرزيات في، بوتسودان شغالين لمصر، ولي، كرزيات في، خرطوم الكدايس، تابعين للامارات، اشخاص، بس
والله عبدالواحدًنور يدخل، مع ديل،يضيع، طوالي،
للاسف لازلنا في، متاهة نجوم الغد،
في، البوردً والسودان
هذا يخدم مخطط، تفكيك، السودان كلو.
جيبو مشروع فدرالي، ديمقراطي، اشتراكي، بحجم سودان 1956
يا قروود، السيرك الاماراتي بنحترمكم
العاصمة كوستي، احسن
https://www.0zz0.com

عاجل ‼️

د. الهادي إدريس يقود مشاورات واسعة لاختيار قيادة وهياكل وأعضاء الحكومة المدنية المزمع إعلانها في السودان قريباً.
ويتوقع إعلان الحكومة المدنية ومزاولة عملها في كل الولايات السودانية خلال الأيام المقبلة.

‎#الراكوبة
‎#الراكوبة_اخبار_السودان

*المصدر: حساب الراكوبة بمنصة اكس.

في حال اعتراف دولا مثل الامارات،لثيوبيا، تشاد، والاتحاد الافيريقي والايغاد..
المعادلة حتكون "سعبة" شديد علي ما تبقي من اشلاء ٥٦..

الكرزيات اصنام السودان القديم في، متاهتهم
متسولين العرب، والامم المتحدة
الشعب، السوداني لا يعبد، الاصنام ولا الجنرلات الاغبياء المعتوهين. الرخيسين
الثورة حامل، فكري، ومسار، وعلم الاستقلال فقط، ومن الاقاليم الخمسة. في، السودان وليس، مركز، المعتوهين المزمنين
الأصنام لاتعبد نفسها ولا تنحت نفسها
بل ينحتها عشاق العبودية ؟!
أصنام العرب كانت بالأمس تصنع من التمور
او الاحجار فإن جاعوا أكلوها وإن غضبوا دمروها
أما أصنام اليوم فقد صاروا بشراً إن جاعوا
أكلوا حقك ومالك وإن غضبوا دمروا بيتك ووطنك

🐒🍌🐒🍌🐒🍌🐒🍌🐒🍌

* متداول *


قالوا حزب الامه . " اتملص "

😁

Quote: الزول البينفع يرأس الدولة في الزمن الصعب دا ما في غير القائد محمد حمدان دقلو.

هل مجلس السيادة المدني ستكون لديه سيادة فعلية على مناطق سيطرة الدعم السريع أم ان السيادة الفعلية هي سيادة القادة العسكرين؟

الحكومة المدنية في مناطق سيطرة الدعم السريع هي حكومة صورية لخدمة اغراض الدعم السريع كقوة عسكرية ولن تكون لها سيادة على قوات الدعم السريع كجيش وطني في مناطق سيطرته.

ا📌لناس تكون قريبة من البوست دا لانو بكرة يوم الاثنين 17 فبراير حيكون مهم جدا للسودان ان صح ما تتداوله منصات السوشيال ميديا

Quote: Ataf Mohamed عطاف محمد @atafmohamed3 · 1h الهادي إدريس من نيروبي: وجدنا ضمانات من العديد من الدول بالاعتراف بحكومتنا المقبلة. #السودان #sudan