هاشم كرور .. وين الحي بيك؟ .. ككيف من الجري 🥵!

10:08 AM February, 08 2025

سودانيز اون لاين
Biraima M Adam-أمريكا الشمالية
مكتبتى
رابط مختصر

رواية غير مؤكدة تقول أن هاشم كرور .. كان معه شخص وكانوا ذاهبين إلي الموردة لتفقد منازل أسرهم .. وصلوا الموردة بعربة كرعوبة .. وفجأة بدأ الضرب في أتجاه مستشفي النو والحارة 20 ومنطقة رأس الشيطان،
قيل عادوا أدراجهم ليذهبوا إلي كرري ولكن هناك ضرب بالمسيرات لكل عربية ذاهبة تجاه كرري .. ركنوا العربة بالجنبة وقالوا يواصلوا سيراً علي الأقدام. هل تعلمون لقد باتوا في الطريق وتانى يوم وصلوا صلاة الظهر.

ويا للهول حينما رجعوا المنزل، وجدوا المستنفرين الذين كانوا معهم غادروا المنزل وأخذوا كل المهمات التى كانوا يستعملونها. هاشم كرور الأن لا عندهم كهرباء ولا مأوي ولا حتى عدة أكل أو شرب .. المنزل خالي تماماً.
الأن هاشم كرور محتاج مساج لبطن الكرعين والضهر وزيت ساحن ما بين الفشقين (أتسلخ من المشي) ..

أنا كلمتك هذا العمر الذي نحن فيه، أفضل شيئ تكون بعيد من مواقع الأكشن .. وتضرب بالمسيرات كما يحدث في الدبة بالولاية الشمالية، الأن هناك إتجاه قوي يقول بأن الدعم السريع أمتلك طائرات حربية وأخرون قالوا هى مسيرة لكنها ضخمة وتحمل أكثر من قذيفة موجهة .. يعنى بعد ما تطلقها المسيرة يمكن التحكم في خط سيرها.

الله هونيني!

-----------------------
هاشم كرور .. تعال كذب كن تقدر لكي أجيب ليك تفصايل تذهلك .. جيرانكم في المنطقة زعلانيين من عمايلكم وهم من تواصوا معى .. وخبر اليوم بلفوس بكرة ببلاش.

بريمة

🤣🤣🤣🤣

انت يازول جنيت ولا شنو ؟؟؟



من وين بتجيب الكلام الفارغ ده 😃


يازول انا قاعد في محليه كرري ، وحائم في اي حته حتي الفتيحاب الشقلة ، وحتي امبدة الحارة الرابعة ، وسوق كرور وغيره . والمواصلات شغالة ، والدنيا حلوة ، والامور كلها ماشة ،والناس بتفكر في رمضان ، ويوميا افواج من العايدين ، والامور كلها طيبة . والاشتباكات بيقينا نسمع بيها سمع ، والدانات الطاشة ، او المتعمده ، بقت شئ عادي بالنسبه لنا . " المكتوب ليه يموت بموت " . " بالمناسبه ده شعور وقناعة اي زول قاعد بالداخل " . فقصة موت دي تجاوزنها .
هسي ياود الضيفان نحن بنفكر في المرحلة الجاية " خلاص قصه دعامه ، وما دعامة دي انتهينا منها " عاوزين نشوف التالي .
كيف نبني الهدمتوا وخربتوا . ونصلح عاصمتنا بقلب ويد رجل واحد .

حتي انتا لو تبتا ، وغيرت مفاهيمك " مع انو انا مقتنع ان ده صعب جدا " . يمكن ان تؤدي دور فاعل وتبني وتعمر ، علي الاقل منطقتك .

......

بالله افيدني باخبار هاشم المزعوم داك 😃

هاشم كرور

هذه الرواية غير قابلة للنفي، دا كلام المعتوه عمر التاج. أنا لم أتصل ولا أعرف أين تسكن لكن جيرانكم الغاضبين من عمايل المستنفرين عرفوا أنت في مناكفات دائمة معى وقرروا يفضحوا سلوككم.

قالوا المحلة الساكنين فيها جماعتكم يشفشفوا كل أشياء المواطنين .. قاعدين تمشوا تعملوبها بها "بازار" في سوق صابرين. الموضوع طويل وما بقدر أفته كله ..

----------------------
منذ أن ولدت لم أخذ فلساً من خزينة الدولة السودانية .. ولن أفعل حتى يأخذ الله أمانته .. وأنا عليكم حجر صاقعة .. لما يضرب تسمع يووب كرو.

بريمة

Quote: قالوا المحلة الساكنين فيها جماعتكم يشفشفوا كل أشياء المواطنين .. قاعدين تمشوا تعملوبها بها "بازار" في سوق صابرين. الموضوع طويل وما بقدر أفته كله ..

ابدا والله ماقاعدين نشفشف . نحنا مادعامة . نحن اولاد بلد ....

ولعلمك مافي تاني حاجه اسمها اسواق دقلو . كل الخرابيط دي انتهت مع نهاية قوتكم العسكرية . " هي كانت مظاهر من سلبيات الحرب " وخلصنا ،،





عاوزين نشوف التالي . مرحلة مابعد كنس المجرمين الحراميه المرتزقة ،،،،،




فهمتا ياود الضيفان . ولا اجيب ليك فهامة ؟؟؟